تيانشان تورابى   ›   ۇيرەنۋ   ›   شولۋ

اقپارات قۇرالدارىن تەرەڭدەي توعىستىرۋدى ىلگەرىلەتىپ، نەگىزگى اعىمدىق قوعامدىق پىكىردى ۇلعايتايىق، كۇشەيتەيىك

حالىق گازەتىنىڭ شولۋشىسى

  جالپىلىق اقپارات قۇرالى ءداۋىرى ءىرى اۋقىم، اقپارات قۇرالدارىن توعىستىرا دامىتۋ ءىرى ءىس.

  1 - ايدىڭ 25 - كۇنى ورتالىق كوميتەت ساياسي بيۋروسى جالپىلىق اقپارات قۇرالى ءداۋىرى جانە اقپارات قۇرالدارىن توعىستىرا دامىتۋ جونىندە 12 - رەتكى توپتىق ۇيرەنۋ وتكىزدى. ورتالىق كوميتەت ساياسي بيۋروسىنىڭ وسى رەتكى توپتىق ۇيرەنۋى «ساباقحانانى» حالىق گازەتى مەكەمەسىنىڭ اقپارات قۇرالدارىن توعىستىرا دامىتۋ ءبىرىنشى شەبىندە اشىپ، تەكسەرۋ - زەرتتەۋ، ءتۇسىندىرۋ، تالقىلاۋ ۇشتاسقان فورمامەن جۇرگىزىلدى. باس شۋجي شي جينپيڭ ۇيرەنۋدى باسقارعان كەزدە ماڭىزدى ءسوز سويلەپ، پارتيا مەن مەملەكەت ىستەرىنىڭ ۇزاق ۋاقىتتىق دامۋىن كوزدە ۇستاپ، جالپىلىق اقپارات قۇرالى داۋىرىندەگى سىن - سايىستار مەن ورايلارعا تەرەڭ تالداۋ جاساپ، اقپارات قۇرالدارىن توعىستىرا دامىتۋدىڭ بەتالىسى مەن زاڭدىلىعىن عىلمي مەڭگەرىپ، اقپارات قۇرالدارىن توعىستىرا تەرەڭدەي دامىتۋ جونىندە كەلەلى تالاپتاردى ايقىن العا قويدى. باس شۋجي شي جينپيڭ جالپىلىق اقپارات قۇرالى داۋىرىنە تەرەڭ بارلاۋ جۇرگىزىپ، اقپارات قۇرالدارىن توعىستىرا دامىتۋدى عىلمي جوسپارلاپ، پارتيامىزدىڭ ينفورماتسيالانۋ اۋقىمى مەن دامۋ ورايىنا دەگەن سەزگىر مەڭگەرۋىن تولىق ايگىلەپ، اقپارات قوعامدىق پىكىر قىزمەتكەرلەرىنىڭ سەنىمى مەن جاۋىنگەرلىك رۋحىن بارىنشا جەلپىندىردى، بۇل ءبىزدىڭ اقپارات قۇرالدارىن توعىستىرا دامىتىپ، جاڭا جاعدايداعى پارتيانىڭ اقپارات قوعامدىق پىكىر قىزمەتىن ىشكەرىلەي جاقسى ىستەۋىمىز جونىنەن توتەنشە ماڭىزدى مانگە يە.

  پارتيانىڭ اقپارات قوعامدىق پىكىر قىزمەتى ەل باسقارۋداعى، مەملەكەتتىڭ تىنىش، ورنىقتى بولۋىنداعى ءىرى ءىس. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اقپارات قوعامدىق پىكىر قىزمەتىن ماڭىزدى ورىنعا قويىپ، ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارىن توعستىرا دامىتۋدى جەدەلدەتۋ جونىندە ستراتەگيالىق ورنالاستىرۋ جاسادى. باس شۋجي شي جينپيڭ تالاي رەت ىشكەرىلەي قىزمەت تەكسەرىپ، تەكسەرۋ - زەرتتەۋ جۇرگىزىپ، تالاي رەتكى ماڭىزدى ماجىلىستەردى باسقارىپ اشىپ، اقپارات قۇرالدارىن توعىستىرا دامىتۋدى ءوزى جوسپارلاپ، ءوزى ورنالاستىرۋ جاساپ، ءوزى ىلگەرىلەتتى. بىرنەشە جىلدىق قۇلشىنىس ارقىلى ءبىز ءتۇزىلىس - مەحانيزم، ساياساتتىق شارا، ءتارتىپ، باسقارۋ، دارىندى، تەحنيكا سياقتى جاقتاردا توعىسۋ قادامىن جەدەلدەتىپ، توعىسپالى تاراتۋ شەبىن قالىپتاستىرىپ، «قىزۋ قارسى الۋعا بولەنگەن» توعىسپالى ءونىم تۇلعالاپ، توعىسىپ دامۋ جاعدايىن بارىنشا اشىپ، قوعامدىق پىكىر ەكولوگياسىن شىت جاڭا بەينەگە ەنگىزدىك. اماليات پارتيا ورتالىق كوميتەتىنىڭ اقپارات قۇرالدارىن توعىستىرا دامىتۋ ستراتەگيالىق ورنالاستىرۋى بۇكىلدەي دۇرىس ەكەندىگىن دالەلدەدى. تەك جاڭا كەزەك عىلىم - تەحنيكا توڭكەرىسى مەن كاسىپ وزگەرىسى الا كەلگەن ورايدى مىقتاپ يگەرىپ، ينفورماتسيا توڭكەرىسىنىڭ جەتىسىكتەرىنەن پايدالانىپ، اقپارات قۇرالدارىن توعىستىرا تەرەڭدەي دامىتۋدى ىلگەرىلەتىپ، نەگىزگى اعىمدىق قوعامدىق پىكىردى ۇلعايتىپ، كۇشەيتىپ، وڭ ەنەرگياعا سەرپىن بەرىپ، نەگىزگى اۋەندى اناعۇرلىم اسقاقتاتقاندا عانا، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاساۋىنىڭ ورتاق يدەيالىق نەگىزىن بەكەمدەۋگە بولادى.

  «اۋقىمدى يگەرىپ، ورايدى قولدان جىبەرمەۋ كەرەك». قازىرگى ينفورماتسيا توڭكەرىسىندە، ءبىز وسى تاريحي ورايدى يگەرىپ، عىلىم - تەحنيكادا جاڭالىق اشۋ سىندى شەشۋشى ءتۇيىندى مىقتاپ ۇستاپ، جالپى تۇلعالىق جاقتان ءداۋىردى قۋىپ جەتتىك. وسى تاريحي ۇردىستە، ينتەرنەت −ءداۋىر بولگىش قۇرال رەتىندە، ادامزاتتىڭ جاڭا تاراتۋ توڭكەرىسىن جاساۋىن ىلگەرىلەتتى، ءبىزدىڭ جالپىلىق اقپارات قۇرالى داۋىرىنە كىرۋىمىزدى ىلگەرىلەتتى، ينفورماتسيانىڭ ءومىر سۇرمەيتىن جەرى، جەتپەيتىن ورنى جوق، ونى پايدالانبايتىن ادام جوق، ول قوعامدىق پىكىر ەكولوگياسىندا، اقپارات قۇرالىنىڭ جاعدايىندا جانە تاراتۋ تاسىلىندە تەرەڭ وزگەرىستەر تۋدىردى، اقپارات قوعامدىق پىكىر قىزمەتى جاڭا سىن - سايىستار مەن ورايلارعا ءدوپ كەلدى. بىلتىر 6 - ايعا دەيىن، ەلىمىزدەگى ينتەرنەت قولدانۋشىلاردىڭ سانى 800 ميلليوننان استى، مۇنىڭ ىشىندە قول تەلەفوندا ينتەرنەت قولدانۋشىلار%98.3تى ۇستايدى. ءبىرشاما زور ماعىنادان ايتقاندا، كىم ينتەرنەتتى يگەرسە، سول ءداۋىردىڭ ىرىقتىلىق ۇقىعىن مەڭگەرەدى. ينفورماتسيالانىپ دامۋدىڭ تاريحي ورايى الدىندا، ءبىز جاعدايعا قاراي جوسپار جاساپ، جاعدايعا سايكەس قيمىلداپ، جاعدايعا ساي ىستەپ، اقپارات قۇرالدارىن توعىستىرا دامىتۋدى جەدەل ىلگەرىلەتىپ، نەگىزگى اقپارات قۇرالدارىن قۇدىرەتتى تاراتۋ قۋاتىنا، جەتەكتەۋ قۋاتىنا، ىقپال قۋاتىنا، الەۋمەتتىك سەنىمدىلىك قۋاتىنا يە ەتىپ، جەلى مەن جەلى سىرتىنىڭ سەنترلەس شەڭبەرىن قالىپتاستىرىپ، جالپى حالىقتى مۇرات - سەنىم، قۇن ۇستانىمى، ءمورالدىق كوزقاراس جاعىندا تىعىز ىنتىماقتاستىرۋىمىز كەرەك.

  اقپارات قۇرالدارىن توعىستىرا دامىتۋدى ىلگەرىلەتۋ، جالپىلىق اقپارات قۇرالىن قۇرۋ − ءبىز ءدوپ كەلگەن شۇعىل تاقىرىپ. باس شۋجي شي جينپيڭ العا قويعان ايقىن تالاپتار بويىنشا، ءبىر تۇلعالاندىرىپ دامىتۋ باعىتىنا تاباندى بولىپ، قۇدىرەتتى ىقپال كۇشىنە، باسەكەلىك قۋاتقا يە ءبىر توپ جاڭاشا نەگىزگى اقپارات قۇرالىن تۇلعالاۋىمىز كەرەك؛ جىلجىمالى تاراتۋدى الدىمەن دامىتۋ تاكتيكاسىنا تاباندى بولىپ، نەگىزگى اقپارات قۇرالدارىن جىلجىمالى تاراتۋدان پايدالانىپ تاراتۋدىڭ بيىك تۇرعىسىن بەرىك يەلەيتىن ەتۋىمىز كەرەك؛ جاساندى زەردەنى قولدانۋعا ىزدەنىس جاساپ، قوعامدىق پىكىرگە جەتەكشىلىك ەتۋ قابىلەتىن جان - جاقتى جوعارىلاتۋىمىز كەرەك؛ ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارى قاتارلىلاردىڭ بايلانىسىن ءبىر تۇتاس جوسپارلاپ، ويداعىداي ءبىر جاقتى ەتىپ، جالپىلىق اقپارات قۇرالى تاراتۋ جۇيەسىن قالىپتاستىرۋىمىز كەرەك؛ جاڭادان گۇلدەنگەن اقپارات قۇرالدارىن باسقارۋدى زاڭ بويىنشا كۇشەيتىپ، ينتەرنەت كەڭىستىگىمىزدى اناعۇرلىم تازارتا ءتۇسۋىمىز كەرەك. اماليات بىزگە اقپارات قۇرالدارىن توعىستىرا دامىتۋدى بەلسەندىلىكپەن ىلگەرىلەتىپ، نەگىزگى اعىمدىق قۇننىڭ ىقپال كۇش اۋماعىن ۇزدىكسىز كەڭەيتىپ، ۇنامدى ۇگىتتىڭ ساپاسى مەن دەڭگەيىن ۇزدىكسىز جوعارلاتساق، قوعامدىق پىكىر ءورىسىنىڭ ىرىقتىلىق ۇقىعى مەن جەتەكشىلىك ۇقىعىن مىقتاپ يگەرىپ، پارتيانىڭ ءۇنىن اناعۇرلىم اشىق، اناعۇرلىم كەڭ، اناعۇرلىم ىشكەرىلەي تاراتا الاتىندىعىمىزدى ءبىلدىردى.

  اقپارات قۇرالدارىن توعىستىرۋ − ءداۋىردىڭ بەتالىسى، اۋقىمنىڭ بەتالىسى. كىم اۋقىمعا ۇيلەسىپ، جالپىلىق اقپارات قۇرالى داۋىرىنە جەتەكشىلىك ەتسە، سول ستراتەگيالىق ىرىقتىلىقتى يگەرەدى. تولقىندا جۇرەكتىلىكپەن تولقىن باستاۋعا شەبەر بولىپ، وزگەرىس بارىسىندا جاڭالىق اشىپ دامۋعا باتىل بولىپ، رەفورمانى تەرەڭدەتۋ ارقىلى تەرەڭدەي توعىستىرۋدى ىلگەرىلەتىپ، توعىستىرۋ كۇشى ارقىلى نەگىزگى اعىمدىق شەپتىڭ ىقپال كۇشىن ۇلعايتساق، ءسوز جوق، اقپارات قوعامدىق پىكىردىڭ جاڭا بەينەسىن ايگىلەپ، نەگىزگى اقپارات قۇرالىنىڭ جاڭا كەلەشەگىنە قول جەتكىزىپ، «قوس 100 جىلدىق» كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى رۋحاني كۇش جانە قوعامدىق پىكىر تىرەگىن ازىرلەي الاتىن بولامىز.

  (شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى