تيانشان تورابى   ›   ۇيرەنۋ   ›   شولۋ

دۇرىس جولدان جازباي، جاڭالىق اشىپ، «توعىسقاندا» عانا كۇشەيۋگە بولادى

  − پارتيا 18 - قۇرىلتايىنان بەرگى اقپارات قۇرالدارىن توعىستىرا دامىتۋدىڭ جەتىستىكتەرىنە شولۋ

  شينحۋا اگەنتتىگىنىڭ تىلشىلەرى حۋاڭ شياۋشي، شى جيڭنان، ۋاڭ چي

  بۇل − تەحنيكالىق شارىقتاۋ الا كەلگەن تەرەڭ وزگەرىس، بۇل − پارتيا ورتالىق كوميتەتىنىڭ ستراتەگيالىق جوسپارلاۋىندا جۇزەگە اسقان جاڭالىق اشىپ دامۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارىن توعىستىرا دامىتۋ ستراتەگيالىق ورنالاستىرۋىن جاسادى. 2014 - جىلى ورتالىق رەفورمانى تەرەڭدەتۋ باسشىلىق گرۋپپاسىنىڭ ءماجىلىسى «ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارىن توعىستىرا دامىتۋدى ىلگەرىلەتۋ جونىندەگى جەتەكشى پىكىردى» قاراپ ماقۇلدادى. ءار رەتكى ماڭىزدى ماجىلىستەردە اقپارات ورىندارىندا قىزمەت تەكسەرگەن كەزدە، باس شۋجي شي جينپيڭ اقپارات قۇرالدارىن توعىستىرا دامىتۋدى ىلگەرىلەتۋ جونىندە قايتا − قايتا تەرەڭ تۇسىنىك جاساپ، ايقىن تالاپتاردى العا قويدى. بيىل 1 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 12 - رەتكى توپتىق ۇيرەنۋى «ساباقحانانى» اقپارات قۇرالدارىن توعىستىرا دامىتۋدىڭ ءبىرىنشى شەبىندە اشتى. باس شۋجي شي جينپيڭ ۇيرەنۋدى باسقارىپ اشقان كەزدە: اقپارات قۇرالدارىن توعىستىرا دامىتۋدى ىلگەرىلەتۋ، جالپىلىق اقپارات قۇرالىن قۇرۋ − ءبىز ءدوپ كەلگەن شۇعىل تاقىرىپقا اينالدى، - دەپ باسا دارىپتەدى.

  جاڭالىق اشۋشى عانا العا ىلگەرىلەيدى، جاڭالىق اشۋشى عانا كۇشەيەدى، جاڭالىق اشۋشى عانا جەڭىسكە جەتەدى.

  بۇكىل ەلدىڭ جەر - جەرىندەگى اقپارات ورىندارى، اسىرەسە، ورتالىقتاعى نەگىزگى اقپارات قۇرالدارى اقپارات قۇرالدارىن توعىستىرا دامىتۋعا بەلسەندىلىكپەن ات سالىستى، «جىلجىمالى تاراتۋدى الدىمەن دامىتۋ» ورتاق تانىمعا اينالىپ، «پايدالانۋشى تانىمى» كوڭىلگە ۇيالاپ، «قىزۋ قارسى الۋعا بولەنگەن ونىمدەر» ەكرانعا ۇزدىكسىز شىقتى... «ءوزارا قوسۋدان» «ءوزارا توعىستىرۋعا» دەيىن، «ءبىر تۇلعا بولىپ توعىسۋدى، بىرىگىپ بىرەۋ بولۋدى» بەتكە الىپ ارشىندى قادام تاستادى، تاراتۋ قۋاتى، جەتەكتەۋ قۋاتى، ىقپال قۋاتى، الەۋمەتتىك سەنىمدىلىك قۋاتى ۇزدىكسىز جوعارىلاعان جاڭاشا نەگىزگى اعىمدىق اقپارات قۇرالدارى شەبى جالپىلىق اقپارات قۇرالىنىڭ ءداۋىر تولقىنىندا ەسەيىپ، ۇلعايىپ، اقپارات قۇرالدارىن توعىستىرا دامىتۋدىڭ «جۇڭگو جاۋابىن» جازدى.

  ءوز - وزىنە توڭكەرىس جاساۋ بەينەسىمەن جاڭا ءداۋىردىڭ دامۋىنا ۇيلەستى

  تاراتۋ تاريحىنا قايىرىلا قاراساق، اقپارات تاراتۋ مەدياسى تەحنيكاسىنىڭ وزگەرىستەرى تۇگەلدەي اقپارات فورماتسياسىن قايتادان ىشكەرىلەي تۇلعالاۋمەن بولدى. جالپىلىق اقپارات قۇرالى داۋىرىندە اقپارات قۇرالدارىن توعىستىرا دامىتۋ جاعدايدىڭ بەتالىسى.

  يدەيالىق تانىمنىڭ بيىكتىگى توعىستىرا دامىتۋدىڭ تەرەڭدىگىن بەلگىلەيدى. قازىر ەلىمىزدىڭ اقپارات قۇرالدارىنىڭ توعىسۋى «ءوزارا قوسۋدان» «ءوزارا توعىستىرۋعا» قاراي شاپشاڭ قارقىنمەن بەتتەۋدىڭ شەشۋشى كەزەڭىندە تۇر، ورتالىقتاعى نەگىزگى اقپارات ورىندارى وزگەرىسكە ىرىقتىلىقپەن ۇيلەسىپ، وزگەرىستى زور كۇشپەن ىلگەرىلەتىپ، ءوز - وزىنە توڭكەرىس جاسايتىن قايسارلىقپەن، جاۋاپكەرشىلىكپەن اقپارات قۇرالدارىن توعىستىرا دامىتۋدى ىشكەرىلەي ىلگەرىلەتتى.

  اقپارات قۇرالدارىن تەرەڭدەي توعىستىرۋ، سايىپ كەلگەندە، ادامنىڭ توعىسۋى −

  حالىق گازەتى مەكەمەسىنىڭ باستىعى لي باۋشان مىنالاردى اتاپ كورسەتتى: اقپارات قۇرالدارىن توعىستىرۋ «ماعان ىستە» دەۋ ەمەس، قايتا «مەن ىستەيمىن» دەگەندىك. مەيلى مەملەكەتتىڭ تىنىش، ورنىقتى بولۋىنىڭ، نەگىزگى اۋەندى زورايتۋدىڭ بيىگىنەن بولسىن، الدە بىلىكتىلىكتى ارتتىرىپ، «مەملەكەتتىك قۇرامانى» ۇلعايتۋ، كۇشەيتۋ تۇرعىسىنان بولسىن، بارلىعى دا توعىسپالى دامۋداعى اقپارات قۇرالدارىنىڭ ءوز قاجەتى، دامۋدىڭ تابيعي قاجەتى.

  2016 - جىلى 10 - ايدا حالىق گازەتىنىڭ اقپارات قۇرالدارىن توعىستىرۋ كەڭسە مەحانيزمى رەسمي ىسكە قوسىلىپ، «يبىن جىڭجيڭ»، «مالا سايجيڭ»، «داجياڭدۇڭ» قاتارلى 45 ماماندانعان، تىك باعىتتى ايگىلى ماركا كەڭسەسىن قالىپتاستىردى. بۇل مەحانيزم رەداكتور - تىلشىلەردى «ءىس قاعازىنان» قولىن بوساتىپ، تاراۋ اتتاپ، اقپارات قۇرالىن اتتاپ، ءوڭىر اتتاپ، ءتۇزىلىس اتتاپ، اۋەسى بويىنشا ەركىن ۇيىمداسۋعا، ءوندىرىستى ءتۇر بويىنشا ۇيىمداستىرۋعا شابىتتاندىردى.

  «قاعاز اقپارات قۇرالى داۋىرىنەن» «ميكرو بلوگ، ءۇنحاتقا» دەيىن، ونان «كەسكىن، H5 ، VR تۇتاس كورىنىسكە» دەيىن... «قالامدى قولعا الىسىمەن جازا الاتىن، ميكروفون تيىسىمەن سويلەي الاتىن، اپپاراتتى الىپ كەسكىنگە تۇسىرە الاتىن» ءبىر توپ جالپىلىق اقپارات قۇرالى تىلشىلەرى جارىققا شىعىپ، اناعۇرلىم زور جاڭالىق اشۋ ىنتاسىمەن پايدالانۋشىلاردىڭ قاجەتىنە ۇيلەسەتىن اناعۇرلىم مول اقپارات ونىمدەرىن ءوندىردى، سونىمەن قوسا اقپارات قۇرالدارىن توعىستىرۋ سىناعىندا «ءجۇرۋ، كورۋ، ويلاۋ، جازۋ» قابىلەتىن شىنىقتىردى. ويداعى بۇرىلىس، مول اماليات بارىسىندا رەداكتورلار، تىلشىلەر «جالپىلىق اقپارات قۇرالىنىڭ دامۋ اۋقىمىن توسۋعا بولمايدى»، «توعىسپالى اقپارات قۇرالىنىڭ ءتىلشىسى نەنى ىستەسە سونى تىندىرۋى، نەنى ىستەسە سوعان جەتىك بولۋى كەرەك» دەستى.

  عىلىم - تەحنيكانىڭ دامۋ اياق الىسىنا تىعىز ىلەسۋدە وزگەرمەيتىن بىردەن - ءبىر كۇي − وزگەرىس −

  حالىقارادا ماڭداي الدى جاڭاشا دۇنيە جۇزىلىك حابار اگەنتتىگىن جەدەل قۇرۋ − جاڭا داۋىردەگى شينحۋا اگەنتتىگىنىڭ كۇرەس نىساناسى. «ءبىز اقپارات تاراتۋ وزگەرىسىنىڭ بەتالىسىن يگەرىپ، توعىستىرا دامىتۋعا ۇيلەسەتىن ءتۇزىلىس - مەحانيزم رەفورماسىنا ورنالاستىرۋ جاساپ، <جاڭاشالىقتى> بەتكە الىپ جەدەل العا تارتۋىمىز كەرەك»، - دەدى شينحۋا اگەنتتىگىنىڭ باستىعى ساي ميڭجاۋ.

  نازاردى نەگىزگى كاسىپكە شوعىرلاندىرعان شينحۋا اگەنتتىگى تۇرلىشە پايدالانۋشىلاردى، كوپ ءتۇرلى قاجەتتى قاناعاتتاندىرۋدى بەتكە العان جالپىلىق اقپارات قۇرالى حابار - ماقالامەن قامداۋ جۇيەسىن كۇش سالا ورناتىپ، دارالىققا يە ءوندىرۋدىڭ، بەينەلىك كورىنىستىڭ، زەردەلەنگەن جەتكىزۋدىڭ، ىقپالداستىقتى تاراتۋدىڭ دەڭگەيىن جوعارىلاتىپ، پايدالانۋشىلار مەن كورۋشىلەرگە ءتىپتى دە كوپ قىسقا كورىنىستى كەسكىن، ميكرو كارتون فيلم، قوزعالمالى حابار سياقتى ميكرولىق جولمەن تاراتىلاتىن، جەڭىل شامالى ونىمدەر ازىرلەدى.

  تور ينفورماتسياسىنداعى وزىق تەحنيكالاردى حابار تاراتۋ امالياتىندا قولدانۋ جاعىندا شينحۋا اگەنتتىگى الدىدا ءجۇردى. 2015 - جىلى شينحۋا اگەنتتىگى ءوزى زەرتتەپ جاساعان «كۋايبي شياۋشين» قۇلتەمىرمەن شىعارما جازۋ جۇيەسىن شىعارىپ، ەل ىشىندە شىعارما جازاتىن قۇلتەمىردى قولدانعان تۇڭعىش اقپارات قۇرالى قۇرىلىمىنا اينالدى. 2017 - جىلدىڭ اياعىندا شينحۋا اگەنتتىگى الەم اقپارات قۇرالدارى اراسىندا تۇڭعىش جاساندى زەردە تۇعىرى «اقپارات قۇرالى ميشىعىن» جاريالاپ، زەردەلەنگەن رەداكسيا قۇرۋدى العا قويدى. 2018 - جىلى 11 - ايدا الەمدەگى تۇڭعىش سينتەزدى حابار ديكتورى − «AI سينتەزدى ديكتور» 5 - كەزەكتى دۇنيە جۇزىلىك ينتەرنەت جينالىسىندا جۇرتپەن جۇزدەستى. شينحۋا اگەنتتىگىنىڭ بۇل «جاڭا قىزمەتكەرى» ەڭ جاڭا جاساندى زەردە تەحنيكاسىنان پايدالانىپ، شىن ادام ديكتورمەن بىردەي حابار وقۋ قابىلەتىنە يە «ەكىنشى ادامدى» «كلونداپ»، اقپارات سالاسىندا ۇستىنەن تاراتىلاتىن دىبىس - كەسكىن مەن AI شىن ادام وبرازىن بىرىكتىرۋدىڭ باستاماسىن اشتى. 2018 - جىلى 12 - ايدا وزىق تەحنيكاعا جانە جابدىققا يە اقپارات قۇرالى جاسامپازدىق جۇمىسحاناسى ىسكە قوسىلىپ، ساپالى ونىمدەردى وندىرۋگە قۋاتتى تەحنيكالىق تىرەك ازىرلەدى.

  سيفرلى تەحنيكانىڭ جەدەل تياناقتانۋىنا ىلەسە، اقپارات قۇرالدارىن تەرەڭدەي توعىستىرۋدا كوڭىلدە «سان» بولۋ كەرەك −

  ورتالىق كوميتەت ۇگىت ءبولىمىنىڭ ورىنباسار باستىعى، ورتالىق راديو - تەلەۆيزيا باس ستانسياسىنىڭ باستىعى شىن حايشيۇڭ بىلاي دەپ اتاپ كورسەتتى: جالپىلىق اقپارات قۇرالىن، سيفرلى دامۋ اۋقىمىن مىقتى ۇستاۋدا «پىلگە دە ءبي ۇيرەتۋدەي» قايراتپەن سيفرلانۋدى قارسى الۋ، سيفرلانۋعا قۇشاق اشۋ كەرەك؛ تاڭداۋلى ءداستۇردى جالعاستىرىپ، جاڭالىق اشۋ بارىسىندا جاڭا اقپارات قۇرالىن، جاڭا تۇعىر قۇرىلىسىن جاقسى جۇرگىزۋ، جاقسى پايدالانۋ كەرەك.

  ورتالىق راديو - تەلەۆيزيا باس ستانسياسى قۇرىلعاننان كەيىن، «ستانسيا مەن ينتەرنەتتى قاتار جۇرگىزۋ، الدىمەن ينتەرنەتتى دامىتۋ، سوڭىنان ستانسيانى دامىتۋ» سىندى دامۋ ستراتەگياسىن ايقىن العا قويىپ، ءتىپتى دە كوپ ادام كۇشىن، قازىنانى ينتەرنەتكە باعىتتاپ، پايدالانۋشىلاردىڭ سەزىنىسىن ونان ارى جاقسارتتى.

  «ينتەرنەت + باس ستانسيا» ستراتەگيالىق اياسىندا، ورتالىق تەلەۆيزيا سايتى «ءبىر سايت + ءبىر كليەنت جاڭا اقپارات قۇرالدارىنىڭ شوعىرلى الىستان مەڭگەرىلەتىن تۇعىرى + بازار اۋزىن ۇلاستىراتىن» جالپىلىق اقپارات قۇرالى تاراتۋ جاعدايىنىڭ دارەجەسىن جوعارىلاتىپ قۇرۋدا ءارى ءبىر قۋاتتى اقپارات قۇرالى «ورتالىق تۇعىرىن» قۇرىپ، ءبىر تۇتاس ساندى مالىمەت جيناۋ قابىلەتى، ەسەپتەۋ قابىلەتى، ەكشەپ الۋ قابىلەتى، اۋىستىرۋ قابىلەتى سياقتىلاردى شوعىرلاندىرىپ، مازمۇندى، تۇعىردى، پايدالانۋشىنى ءدال ۇلاستىرىپ، مازمۇندى دالمە - ءدال تاراتۋدى جانە قىزمەت كورسەتۋدى دالمە - ءدال جەتكىزۋدى ىلگەرىلەتۋگە كۇش سالۋدا. قازىر ورتالىق تەلەۆيزيا سايتىنىڭ «ساندى مالىمەت ورتالىق تۇعىرى» «كوپ تەرمينالدى ۇلاستىرعان، ءبىر تۇتاس باسقارىلاتىن» ساندى مالىمەت جيناۋ، تالداۋ جاساۋ جۇيەسىن قالىپتاستىرىپ، ورتالىق تەلەۆيزيا سايتىنىڭ كوپ تەرمينالدى قامتۋ جاعدايىن جانە تاراتۋ ونىمدىلىگىن تۇتاس اعىن بويىنشا باقىلاۋ - تەكسەرۋدى، باعالاۋدى، تالداۋ جاساۋدى جۇزەگە اسىردى، ءار كۇنگى پايدالانۋشىلاردىڭ كورۋ ەستەلىگى 10 ميللياردتان استى. وسى نەگىزدە، ورتالىق تەلەۆيزيا سايتى سەلبەستىك جاساسۋ ارقىلى 3 - جاق سەرىكتەستىكتىڭ سىرتقى ساندى مالىمەتىن كىرگىزىپ، اناعۇرلىم باي، كوپ نەگىزدى تۇتاس الاپتىق اقپارات قۇرالى ساندى مالىمەت قامباسىن قالىپتاستىرىپ، وسى ارقىلى سيفرلانىپ تيپ وزگەرتۋدى جەبەدى.

  ءبىر توراپكەر باعاسىندا: «نەگىزگى اقپارات قۇرالى وتە <جاڭاشىل> ەكەن. ول ويلاۋ شەڭبەرىن بۇزىپ، توعىستىرۋ ارقىلى ساپا وزگەرىسىن تۋدىرىپ، اقپارات قۇرالدارىن توعىستىرۋ سىندى ۇزاق ۋاقىت تيىمدىلىككە كەنەلتەتىن جاڭا ساپاردا جاڭا داۋىردەگى پارتيانىڭ اقپارات ىستەرىنىڭ شىت جاڭا جاعدايىن اشتى»، - دەدى.

توعىستىرۋ ءتاسىلى ارقىلى نەگىزگى شەپتى ۇلعايتتى

  وقىرمان قايدا بولسا، كورەرمەن قايدا بولسا، ۇگىت - حاباردىڭ تياناعى سولاي سوزىلۋ كەرەك، ۇگىت - يدەيا قىزمەتىنىڭ كۇش سالۋ ءتۇيىنى مەن تياناعىن سول جەرگە قويۋ كەرەك.

  ساناقتا كورسەتىلۋىنشە، 2018 - جىلى 6 - ايعا دەيىن ەلىمىزدەگى ينتەرنەت پايدالانۋشىلاردىڭ سانى 802 ميلليونعا، قول تەلەفون پايدالانۋشىلاردىڭ سانى 788 ميلليونعا جەتىپ، پايدالانۋشىلاردىڭ اراسىندا قول تەلەفون ارقىلى ينتەرنەتكە شىعاتىنداردىڭ ارا سالماعى %98.3كە جەتكەن. جىلجىمالى ينتەرنەت داۋىرىندە «تەرمينال اداممەن بىرگە ءجۇرۋ، ينفورماتسيا ادامدى اينالۋ» − تاراتۋدىڭ ايقىن ەرەكشەلىگىنە اينالدى.

  باس شۋجي شي جينپيڭ: جىلجىمالى تاراتۋدى الدىمەن دامىتۋ تاكتيكاسىنا تاباندى بولىپ، نەگىزگى اقپارات قۇرالدارىنىڭ جىلجىمالى تاراتۋدان پايدالانىپ، قوعامدىق پىكىرگە جەتەكشىلىك ەتۋ، يدەياعا جەتەكشىلىك ەتۋ، مادەنيەتكە مۇراگەرلىك ەتۋ، حالىققا قىزمەت وتەۋ سىندى تاراتۋ بيىگىن مىقتاپ يەلەۋ كەرەك، - دەپ ايقىن اتاپ كورسەتتى.

  جىلجىمالى اقپارات قۇرالى قۇرىلىسىن ىلگەرىلەتىپ، «گازەت، سايت، كليەنت، ءۇنحات، ەكران» ۇلاسۋدا −

  ارنانى كەڭەيتۋدى جەتەكشى ەتۋگە تاباندى بولعان جۇڭگو گازەتى مەكەمەسى «تەرەڭدەي توعىستىرۋ، جىلجىمالى تاراتۋدى الدىعا قويۋ» ۇستانىمىن اتقارىپ، تارالىمى 700 مىڭدىق اعىلشىنشا گازەتتىڭ تيبىن وزگەرتىپ، دارەجەسىن جوعارىلاتىپ، ەل ءىشى - سىرتىنداعى 200 ميلليوننان استام پايدالانۋشىنى قامتىعان جالپىلىق اقپارات قۇرالى تاراتۋ تۇعىرىن قالىپتاستىردى. 2018 - جىلى 12 - ايدىڭ اياعىنا دەيىن دۇنيە جۇزىندەگى جۇڭگو گازەتىنىڭ كليەنتىن جۇكتەگەن پايدالانۋشىلار 18 ميلليوننان اسىپ، پايدالانۋشىلارى 140تان استام مەملەكەت مەن رايوندى قامتىدى.

  ەكونوميكا گازەتى مەكەمەسى جىلجىمالى تاراتۋ جاڭا تۇعىرى، جاڭا شەپ قۇرىلىسىن كۇشەيتىپ، ەكونوميكا گازەتى حابار كليەنتىن نەگىزگى تۇلعا، قوعامدىق بايلانىس اقپارات قۇرالىن قوس قانات، 3 - جاق تۇعىرىن تولىقتاما ەتكەن جىلجىمالى تاراتۋدىڭ جاڭا اقپارات قۇرالى جاعدايىن بىرتىندەپ تۇلعالادى. قىسقا مەتراجدى كەسكىن سىندى «جەل وتىنە» باعىتتاپ، ەكونوميكا گازەتى مەكەمەسى «قىسقا بەينە جازبا كەڭسەسىن» قۇرىپ، دوۋيىن، كۋايشوۋ سياقتى تۇعىرلاردا «شياۋلين ساناعى» سياقتى ايگىلى باعدارلامالاردى شىعارىپ، بۇقارامەن تىعىز جاناستى.

  جاڭاشا نەگىزگى اقپارات قۇرالدارىن قۇرىپ، «جوبالاۋ، حابار جازۋ، رەداكسيالاۋ، تاراتۋدى» قايتا سومدادى −

  اقپارات ينفورماتسيا مازمۇنىندا «ءبىر جولدا جيناۋدى، كوپ اقپارات قۇرالدارىندا ايگىلەۋدى، كوپ ارنادا تاراتۋدى» جۇزەگە اسىرۋ ورتاق تانىمعا جانە بەتالىسقا اينالدى. ورتالىقتان تارتىپ جەرگىلىكتى ورىندارعا دەيىن اقپارات ورىندارى ىشكى ۇيىمدىق جۇلگەسىن ىركەس - تىركەس بىرىكتىرىپ، جالپىلىق اقپارات قۇرالدارى نەمەسە توعىسپالى اقپارات قۇرالدارى قۇرىلىمىن ورناتىپ، ءتىلشى - رەداكتورلار بايلىعىن ءبىر تۇتاس جوسپارلاپ، وندىرىستىك ورنالاسۋدىڭ ۇيلەسىمدى بولۋى مەن تاراتۋ ارناسىن امبەباپتاندىرۋدىڭ «قاتار قانات قاعۋىن» جۇزەگە اسىردى.

  ساۋلە گازەتى مەكەمەسى 2015 - جىلى 4 - ايدا توعىسپالى اقپارات ورتالىعىنىڭ ماڭدايشالىعىن استى ءارى وسى نەگىزدە ساۋلە گازەتى جالپىلىق اقپارات قۇرالىنىڭ باس رەداكسيا كەڭسەسىن قۇرىپ، جالپىلىق اقپارات قۇرالىنىڭ قولباسشىلىق تۇعىرىن ىسكە قوسىپ، «الاقانداعى زيالىلار رۋحاني مەكەنىن» كۇش سالا سومدادى.

  اۋدان دارەجەلى اقپارات قۇرالدارىنىڭ تيبىن وزگەرتىپ، دارەجەسىن كوتەرۋدى ىلگەرىلەتەتىن ستراتەگيالىق ينجەنەريا رەتىندە، 2018 - جىلى اۋدان دارەجەلى توعىسپالى اقپارات قۇرالدارى ورتالىعى قۇرىلىسى جالپى بەتتىك باستالىپ، نەگىزگى ساتى نەگىزگى اعىمدىق قوعامدىق پىكىر بازاسىن، جالپىلىق قىزمەت وتەۋ تۇعىرىن، الەۋمەتتىك اۋماق ينفورماتسيا سايتىن كۇش سالا سومدادى. اۋدان دارەجەلى توعىسپالى اقپارات قۇرالدارى ورتالىقتارى ماڭدايشالىق اسىپ قۇرىلىپ، تاراتۋ اياسىن سان مىڭداعان وتباسىلارىنا تۇتاستىرىپ، توعىسپالى دامۋدىڭ اناعۇرلىم كەڭ جۇلگەسى قالىپتاسۋدا.

  وسى زامانعى تاراتۋ جۇيەسى تۇلعالانىپ، تۇعىر قۇرىلىسى ورنىقتى قاداممەن جىلدام ىلگەرىلەدى −

  ءبىر گازەتتەن «تۇعىر + مازمۇن جاساۋشىعا» دەيىن حالىق گازەتى مەكەمەسى جاڭا ۇلگىدەن پايدالانىپ، اناعۇرلىم كوپ پايدالانۋشىلارمەن بايلانىستىرۋدى سىناق ەتىپ، نەگىزگى قۇندى ايگىلەيتىن مازمۇن ەكولوگياسىن سومدادى. ىسكە قوسىلعانىنا كوپ بولماعان مەملەكەت بويىنشا جىلجىمالى جاڭا اقپارات قۇرالدارى شوعىرلانعان تۇعىر «حالىق ءنومىرى» 7000نان استام اقپارات قۇرىلىمىن كىرۋگە باۋرادى، ءىشىنارا ساپالى ۇزدىك اقپارات قۇرالدارى دا ىركەس - تىركەس قوسىلىپ، تۇعىر تەكسەرىپ، ۇسىنعان ءتول جاسامپازدىق كەڭەسى كۇنىنە ورتا ەسەپپەن 3500دەن استى.

  شينحۋا اگەنتتىگىنىڭ بۇكىل ەلدىڭ اقپارات قۇرالدارىنا قىزمەت وتەيتىن «شيانچاڭيۇن» اقپارات جەلىسىنىڭ ءوندىرىس جۇيەسى قوسىلعان اقپارات قۇرالدارىن جىلجىمالى تەرمينالدى نەگىز ەتكەن جالپىلىق اقپارات قۇرالدارىنىڭ حابار جازۋ، رەداكسيالاۋ، تاراتۋ يقۋاتىمەن تەگىن قامدادى، ءتىلشى - رەداكتورلار ۇستىنەن جازدى، ۇستىنەن ءتۇسىردى، ۇستىنەن جولدادى، دەرەۋ قابىلداپ، دەرەۋ قاراپ، دەرەۋ تاراتتى. كەزەكتە «شيانچاڭيۇن» 3000نان استام اقپارات قۇرالىن جانە پارتيا، ۇكىمەت قۇرىلىمدارىن كىرۋگە باۋرادى، ورتاشا ەسەپپەن كۇنىنە 379 حاباردى تىكە تاراتىپ، مەملەكەت بويىنشا ەڭ ۇلكەن جىلجىمالى تاراتۋدى نەگىز ەتكەن قىسقا كەسكىندى جەلىدە وڭدەۋ تۇعىرىنا اينالىپ، جەرگىلىكتى اقپارات قۇرالدارىنىڭ توعىسا دامۋىنا ءونىمدى قىزمەت وتەدى.

  ورتالىق راديو - تەلەۆيزيا باس ستانسياسى دەربەس، مەڭگەرىلمەلى تۇعىر قۇرىلىسىنا وسكەلەڭ ءمان بەردى، جىلجىمالى تىكە تاراتۋدى جانە اقپارات كەسكىنىن ءبولىپ تاراتۋدى نەگىز ەتكەن ورتالىق تەلەۆيزياسىنىڭ جىلجىمالى تورى «مەملەكەت بويىنشا اۋدان دارەجەلى توعىسپالى اقپارات قۇرالدارى زەردەلى تۇعىرىن» تاياۋدا ىسكە قوسىپ، اۋدان دارەجەلى توعىسپالى اقپارات قۇرالدارى شەبىنىڭ تاراتۋ تۇعىرىن تۇلعالايدى، سونىمەن بىرگە 4K ەرەكشە جوعارى تۇنىق ارناسىن ىسكە قوسادى، 5G جاسامپازدىق تۇعىرىن سومدايدى ءارى سىناق رەتىندە ىسكە قوسادى.

  ونىمدەردىڭ توعىسۋىن، ارنانىڭ توعىسۋىن ىلگەرىلەتۋدەن تۇعىردىڭ توعىسۋىن، ەكولوگيانىڭ توعىسۋىن ىلگەرىلەتۋگە دەيىن ءداستۇرلى اقپارات قۇرالدارى مەن جاڭادان گۇلدەنگەن اقپارات قۇرالدارى ابزالدىقتارى ارقىلى ءبىرىن - ءبىرى تولىقتاپ، ءبىر تۇلعالانا دامىپ، نەگىزگى اعىمدىق قوعامدىق پىكىر شەبىن ۇزدىكسىز بەكەمدەدى، زورايتتى.

مازمۇندا جاڭالىق اشۋ ارقىلى ءداۋىردىڭ كۇشتى ءۇنىن اسقاقتاتتى

  نەگىزگى كۇش نەگىزگى شايقاس الاڭىنا قوسىلدى.

  تاياۋ جىلداردان بەرى، نەگىزگى اقپارات قۇرالدارى تاراتۋ ءتاسىلى مەن سويلەۋ تاسىلىندە جاڭالىق اشۋدى كۇشەيتۋ ارقىلى توعىسپالى اقپارات قۇرالدارىنىڭ ويى تەرەڭ، باۋرامدىلىعى كۇشتى، ساپالى ءتىپتى دە كوپ سارا تۋىندىلارىن شىعارىپ، اناعۇرلىم كۇشتى تاراتۋ قۋاتى، جەتەكتەۋ قۋاتى، ىقپال قۋاتى، الەۋمەتتىك سەنىمدىلىك قۋاتى ارقىلى ينتەرنەتتە ۇنامدى ۇگىتتى زورايتىپ، كۇشەيتىپ، پارتيانىڭ جاڭالىق اشۋ نازارياسىنىڭ «قاراپايىم بۇقارا وتباسىنا جەتۋىنە»، تور كەڭىستىگىندەگى نەگىزگى اۋەنىنىڭ اناعۇرلىم اسقاق بولۋىنا، وڭ ەنەرگيانىڭ اناعۇرلىم قۋاتتى بولۋىنا مۇمكىندىك جاسادى.

  اقپارات شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ويداعىداي ۇگىتتەۋدى ماڭداي الدى ساياسي مىندەت ەتىپ، جالپىلىق اقپارات قۇرالدارى داۋىرىندە ادامداردىڭ شاتتانا تىڭداپ، قۋانا كورەتىن ءتاسىل ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جاندى بايىمدالۋىن، كەڭ كولەمدە تارالۋىن ىلگەرىلەتۋ كەرەك.

  حالىق گازەتى مەكەمەسى «باس شۋجيدىڭ حالىققا سۇيىسپەنشىلىگى» اتتى 5 جەلىلەس حاباردى جانە «جاڭا يدەيا اماليات بارىسىندا تۋىندايدى» اتتى 14 جەلىلەس حاباردى جوبالاپ، جاريالادى، مۇنىڭ ىشىندەگى ءبىر حاباردىڭ حالىق گازەتى كليەنتىندەگى وقىلۋ مولشەرى 45 ميلليوننان استى.

  شينحۋا اگەنتتىگى توعىسپالى اقپارات قۇرالىنىڭ وقىلۋ مولشەرى 100 ميلليوننان اسقان «كوڭىلدە ءتۇيۋ»، «جاۋاپ»، «سەرت»، «سول جىلدارى ءبىز 21 جاستامىز» سياقتى 50 نەشە قۇندى ءونىم شىعاردى، «سول جىلدارى ءبىز 21 جاستامىز»دىڭ جالپى تارالۋ مولشەرى 570 ميلليون رەتكە جەتتى، «سەرت» مەملەكەتتىك مۇراجايدىڭ «گۇلدەنۋ جولى» كورمەسىنە قويىلدى.

  ورتالىق راديو - تەلەۆيزيا باس ستانسياسى اعىم جاڭالىقتارى − «كەشەندى شارانى» جاساپ، اعىمدىق جاعدايⅴ نازارى ميكرو كەسكىنى، اعىمدىق اقپارات كوزى سياقتى تاسىلدەر ارقىلى العاشقى ۋاقىتتا دالمە - ءدال حابارلاپ، سايكەستى حابارلاۋدى ەكىنشى تياناقتانۋ تۇيىنىنە جالعاستىرۋعا، تۇتاستىرۋعا ءمان بەرىپ، باس شۋجي شي جينپيڭنىڭ ماڭىزدى ءسوزىنىڭ رۋحىن جانە باس شۋجيدىڭ تەكسەرۋ - زەرتتەۋ، قىزمەت تەكسەرۋ كەزىندەگى اسەرلى ساتتەردى بايىمداپ، باس شۋجي شي جينپيڭنىڭ وسكەلەڭ قاسيەتىن ايگىلەدى.

  جاڭا داۋىردە ەكپىندەي ىلگەرىلەۋدىڭ اسقاق سۇيىسپەنشىلىگى توردا كەڭ تارالدى.

  2018 - جىلى 12 - ايدىڭ 31 - كۇنى ءجۇز ميلليونداعان حالىق ءتوراعا شي جينپيڭنىڭ جاريالاعان 2019 - جىلعى جاڭا جىلدى قۇتتىقتاۋ سوزىنەن ءومىر جولىنداعى تولىسۋ مەن بەكىمىنە قايىرىلا قاراپ، ارمانعا ۇزدىكسىز قانات قاعۋداي تەبىنى مەن سەنىمىن نىعايتتى. ورتالىق تەلەۆيزياسىنىڭ حابار جاڭا اقپارات قۇرالدارى «زەردەلى ۇلكەن + ەكران جىلجىمالى كىشى ەكران»، «ۇزىن كەسكىن + قىسقا كەسكىن» سياقتى تاسىلدەر ارقىلى قاتىستى حابارلاردىڭ جالپى كورىلىم مولشەرىنىڭ ءبىر ساعاتتا 160 ميلليون رەتتەن اسىپ، جاڭا جىلدى قۇتتىقتاۋ سوزىندەگى «التىن سويلەمدەردىڭ» توردا تەز ارادا كەڭىنەن تارالۋىنا مۇمكىندىك جاسادى.

  وسى جىلدارى نەگىزگى اقپارات قۇرالدارىنىڭ الۋان ءتۇرلى تاراتۋى ارقىلى «جەڭدى ءتۇرىپ، قايراتتانا ىستەۋ»، «قۇلشىنا كۇرەس جاساعاندا ارمان رەالدىققا اينالادى»، «باقىت كۇرەسپەن كەلەدى» سياقتى قاراپايىم، تەبىندى سوزدەر جۇرەكتەرگە تىكە جەتىپ، ءداۋىردىڭ كۇشتى ءۇنى ءجۇز ميلليونداعان بۇقارانىڭ ورتاق رۋحاني مەكەنىنىڭ وڭ ەنەرگياعا تولۋىنا مۇمكىندىك جاسادى.

  جاڭا جۇڭگونى القاعان شىنايى سۇيىسپەنشىلىك توردا تارالدى.

  حالىق گازەتى مەكەمەسى توعىستىرا تاراتۋدىڭ جىلجىمالى، كەسكىندەنۋ، جاستانۋ بەتالىسىنا سايكەسىپ، «ۋاقىت مۇراجايى» تاقىرىپتىق قيمىلى، H5 «تەز كورىڭىز! بۇل مەنىڭ اسكەري فورما كيگەن سۋرەتىم»، «جۇڭگوعا ماداق» ساۋساق ءبيى ۇتىلامالى سايىسى سياقتىلاردى ورتاعا قويىپ، ادامداردىڭ ات سالىسۋ ىنتاسىن قوزعادى.

  شينحۋا اگەنتتىگى «مەملەكەتتىك سۋرەت مۇراعاتتاماسى، تاريحقا قۇرمەت − شينحۋا اگەنتتىگى جۇڭگو سۋرەتتەر ارحيۆى مۇراجايىندا ساقتالعان بۇيىمدار كورمەسىن» جوبالاپ، جاريالاپ، «ءتورتتى جاپپاي ورىنداۋ»، «قىزىل ءتۇستى قاسيەت»، «پارتيا 19 - قۇرىلتايىنا ماداق، جۇڭگو قۇدىرەتتەندى»، «40 جىلعى ءۇن: سەنى مەن مەنى وزگەرتكەن حيكايا» سياقتى ءبىر توپ جاسامپازدىق پەن تەحنيكا توعىسقان، جەلىدە جانە جەلى سىرتىندا تۇتاسقان ونىمدەردى جاساپ، توردا وتاندى سۇيەتىن نەگىزگى قوعامدىق پىكىر قۋاتتى كۇشىن قالىپتاستىردى.

  جاڭا داۋىردەگى جۇڭگو حيكاياسى «ساۋساقپەن» تارادى.

  جۇڭگو گازەتى مەكەمەسى شەتەلدىك ءتىلشى، رەداكتورلار قوسىنىنىڭ باسىمدىعىن تولىق ساۋلەلەندىرىپ، «اق جول تىلەيمىن جۇڭگو»، «جۇڭگونى ۇعىنۋ» سياقتى قىسقا كەسكىندى ايدارلاردى سۇيەنىش ەتىپ، «ۇلى بريتانيالىق اعاي» فاڭدان، «ا ق ش - تىق اعاي» ايرۇيكى، «ۇلى بريتانيالىق قارىنداس» شيالوتى سياقتى «توردا تانىمالى» تىلشىلەردى تۇلعالاپ، «شەتەلدىكتەردىڭ كوزى» ارقىلى جۇڭگوعا نازار سالىپ، «شەتەلدىكتەردىڭ ءۇنى» ارقىلى جۇڭگونى اڭگىمەلەپ، نەگىزگى تاقىرىپتىق حابارلاردىڭ حالىقارالىق ىقپالىن كەڭەيتتى.

  شينحۋا اگەنتتىگىنىڭ « New China » ءنومىرى فەيسبۋك، تۋيتتەر، يۋتۇپ، ينستاگرام، ليانۋو، VK سياقتى 6 ۇلكەن تۇعىردا 19 تىلدە حابار - ماقالا جاريالاپ، جالپى جان كۇيەرلەر سانى 100 ميلليوننان استى، نەگىزگى نومىردە حابار تاراتۋ مولشەرى، كورىلىم مولشەرى، ىقپالداسۋ مولشەرى سياقتى وزەكتى كورسەتكىش دۇنيە جۇزىندەگى نەگىزگى اقپارات قۇرالدارى ءنومىرى ءبىرىنشى شەبىنىڭ الدىڭعى قاتارىنا ءوتىپ، «جۇڭگو ءۇنىنىڭ» اناعۇرلىم ايقىن، اسقاق بولۋىنا مۇمكىندىك جاسادى.

  اماليات: اقپارات قۇرالدارىنىڭ تەرەڭدەي توعىسۋىندا، ءسوز جوق، مازمۇندا جاڭالىق اشۋ سىندى وسى ءتۇبىردى مىقتاپ يگەرىپ، ۋاقىتتى، دارەجەنى، ونىمدىلىكتى ويداعىداي يگەرىپ، مولشەردەن ساپاعا قاراي بۇرىلىس جاساۋعا كۇش سالىپ، نازاردى كورىلىم مولشەرىنەن جۇرت تىلەگىن توعىستىرۋعا قاراي ويىستىرۋعا شوعىرلاندىرىپ، مازمۇن باسىمدىعى ارقىلى دامۋ باسىمدىعىنا قول جەتكىزۋ كەرەكتىگىن دالەلدەدى.

  اقپارات قۇرالدارىنىڭ توعىسا دامۋى باسقالار باسىپ كورمەگەن جول، ءسوز جوق، قيىنشىلىق ءارى جاڭا سىن - سايىس بولارى حاق. الايدا، رەفورما ماڭگى جالعاسادى، جاڭالىق اشۋ ماڭگى توقتامايدى. باسىپ وتۋگە ءتيىستى جولدى ويداعىداي باسىپ، بورىشتى، مىندەتتى ەستە بەرىك ساقتاپ، دۇرىس جولدان جازباي، جاڭالىق اشۋعا تاباندى بولاتىن بولساق، جاڭا داۋىردەگى پارتيانىڭ اقپاراتتىق قوعامدىق پىكىر قىزمەتى ءوز رولىن ساۋلەلەندىرىپ، تىڭ بەينەنى ايگىلەيتىن بولادى.

  (شينحۋا اگەنتتىگىنىڭ 1 - ايدىڭ 26 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى