ءتىلشى رىن جياڭ 1 - ايدىڭ 29 - كۇنى ۇرىمجىدەن حابارلايدى. شاڭعى زالىندا ادام ءيىن تىرەسىپ، شاڭعى اۋەسكەرلەرى شاڭعى الۋ ءۇشىن ۇزىننان - ۇزاق كەزەككە تۇرۋدا؛ شاڭعى الاڭىنا كۇن شۇلەن شۇعىلاسىن توگىپ، ءاربىر سىرعاناۋ جولىنىڭ بارىنەن شاڭعىشىلار قۇيعىتا سىرعاناپ ءتۇسىپ جاتىر. «جاڭا جىل كۇنىنەن بەرى ءبىز ساياحاتشىلاردى مولىنان قارسى الىپ، بيىلعى جىلدى جاقسى باستامامەن باستادىق»، - دەدى 1 - ايدىڭ 29 - كۇنى شينجياڭ جىبەك جولى حالىقارالىق دەمالىس ورنىنىڭ ورىنباسار باس ديرەكتورى حۋاڭ حى.
2019 - جىلى شينجياڭ ساياحاتىنىڭ دۋماندى باستاماسى 2018 - جىلعى جوعارى جىلدامدىقپەن دامىعان بەتالىستى جالعاستىردى. 2018 - جىلى 11 - ايدان 2019 - جىلى 1 - ايعا دەيىن شينجياڭ ەل ءىشى - سىرتىنان 11 ميلليوننان استام ساياحاتشى (رەت) قابىلدادى، بۇل سايكەس مەزگىلدەگىدەن %50 تىڭ ۇستىندە ارتتى.
حۋاڭ حىنىڭ تانىستىرۋىنشا، 1 - ايدىڭ 1 - كۇنىنەن بەرى ءۇرىمجى اۋدانىنا ورنالاسقان شينجياڭ جىبەك جولى حالىقارالىق دەمالىس ورنى شاڭعى الاڭى ءار كۇنى 2000دا 3000 مىڭ ادامنان (رەت) ارتىق ساياحاتشى قابىلداسا، اپتا سوڭىندا ءار كۇنى قابىلداعان ساياحاتشى 5000 دا 6000 ادام - رەتكە جەتىپ، سايكەس مەزگىلدەگىدەن %30 مولشەرىندە ارتقان، سىرت جەرلەردەن كەلگەن شاڭعىشىلار سايكەس مەزگىلدەگىدەن ءبىر ەسە كولەمىندە كوبەيگەن.
«ادامزاتتىڭ شاڭعى تەبۋى باستالعان جەر»، «جۇڭگونىڭ قار قالاسى» ماركاسىن قالىپتاستىرعان التاي ايماعىندا قار - مۇز ساياحاتى قارقىندى دامۋدا. 2018 - جىلى 11 - ايدا جانە 12 - ايدا جيىنى ءبىر ميلليون 257 مىڭ 900 ساياحاتشى (رەت) قابىلداپ، ساياحات جالپى تۇتىنۋى ءبىر ميلليارد 392 ميلليون يۋانعا جەتىپ، سايكەس مەزگىلدەگىدەن جەكە - جەكە %76.76 جانە %125.06 ارتتى. بيىل 1 - ايدىڭ 1 - كۇنىنەن 25 - كۇنىنە دەيىن التاي ايماعى 563 مىڭ ساياحاتشى (رەت) قابىلداپ، ساياحات جالپى تۇتىنۋى 524 ميلليون يۋانعا جەتىپ، سايكەس مەزگىلدەگىدەن جەكە - جەكە %43.9 جانە %35.4ارتتى. التاي ايماعىنىڭ 2018 − 2019 - جىلعى قىسقى ساياحاتىنىڭ نىساناسى: 3 ميلليون ساياحاتشى (رەت) قابىلداپ، ساياحات جالپى تۇتىنۋىن 2 ميلليارد 850 ميلليون يۋانعا جەتكىزۋ. قازىر بۇل نىسانا ورىندالۋعا تاياپ تۇر.
تارباعاتاي ايماقتىق ساياحات مەكەمەسىنىڭ باستىعى شاي حۇڭحۋانىڭ تانىستىرۋىنشا، اتالعان ايماق بيىل 1 - ايدان بەرى 352 مىڭ ساياحاتشى (رەت) قابىلداپ، سايكەس مەزگىلدەگىدەن %52.6ارتقان؛ ساياحات كىرىسى 337 ميلليون يۋانعا جەتىپ، سايكەس مەزگىلدەگىدەن %51.7ارتىپ، تاماشا باستاما كورسەتكەن.
2018 - جىلى 11 - ايدان 2019 - جىلعى 1 - ايعا دەيىن، بايىنعولين موڭعۇل اۆتونوميالى وبلىسى جيىنى ءبىر ميلليون 710 مىڭنان استام ساياحاتشى (رەت) قابىلداپ، ساياحات جالپى كىرىسى 944 ميلليون يۋانعا جەتىپ، سايكەس مەزگىلدەگىدەن جەكە - جەكە %38.6جانە %45.6ارتتى. «ءبىز كوپ ءتۇرلى ساياحات قيمىلدارىن ۇيىمداستىرىپ، مەرەكە ارقىلى اۋقىم قالىپتاستىردىق، بۇنىڭ ساياحاتشىلاردى باۋراۋ ونىمدىلىگى توتەنشە جاقسى بولدى»، - دەدى بايىنعولين وبلىستىق ساياحات مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى دۋان شۋەپيڭ. بايىنعولين وبلىسىنىڭ قىسقى ساياحاتى اۋىل - قىستاقتى گۇلدەندىرۋ، اۋىل - قىستاق ساياحاتى سياقتىلارمەن تىعىز بىرلەستىرىلىپ، قىسقى ساياحات جەلىلەرى ارنايى جوبالانىپ، «ساياحات+» زور كۇشپەن دامىتىلىپ، ساياحاتتىڭ مادەنيەتپەن، سپورتپەن، ءدامدى تاعامدارمەن توعىسۋى ىلگەرىلەتىلدى. بيىل الدىڭعى 5 ايدا، بايىنعولين وبلىسى 360 رەتتەن استام ءتۇرلى مادەنيەت، ساياحات، سپورت قيمىلدارىن ۇيىمداستىرماق.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى گۇلي ءابىلىم مىنالاردى ءبىلدىردى: كوكتەم مەرەكەسىنىڭ الدى - ارتىنداعى 20 نەشە كۇندە، 300 گە جۋىق مادەنيەت، ساياحات قيمىلىن ىركەس - تىركەس وتكىزىپ، اناعۇرلىم كوپ ساياحاتشىلاردى كورىنىس وڭىرلەرىنە بارىپ، جۇڭحۋا مادەنيەتىنىڭ ءنارىن قابىلداۋمەن بىرگە، كۇن شۋاعىنان، قار - مۇزدان ءلاززاتتانۋعا باستاپ، شينجياڭنىڭ قىسقى ساياحاتىن ونان ارى دۋمانداتا تۇسەمىز.
