بايىنعولين موڭعۇل اۆتونوميالى وبلىستىق پارتكوم ۇگىت ءبولىمىنىڭ ورىنباسار باستىعى
ابىليميت يۇسان
پارتيا تالاي جىل تاربيەلەگەن، باۋلىعان پارتيالى كادر رەتىندە، مەنىڭ وتاننىڭ تۇتاستىعىن، ۇلتتار ىنتىماعىن، قوعام ورنىقتىلىعىن باتىل قورعاپ، «ءۇش ءتۇرلى كۇشكە»، «ەكىبەتكەيلەرگە» قارسى سوڭىنا دەيىن كۇرەس جۇرگىزەتىن جاۋاپكەرشىلىگىم جانە بورىشىم بار. مەن باتىل ءۇن قاتىپ، ايقىن پوزيتسيا ءبىلدىرۋدى «ءۇش ءتۇرلى كۇشكە»، «ەكىبەتكەيلەرگە» سوققى بەرۋدەگى ماڭىزدى قارۋ ەتىپ، «ءۇش ءتۇرلى كۇشتىڭ» ءۇنى وشپەيىنشە توقتامايمىن، «ەكىبەتكەيلەر» الاستالمايىنشا تىنبايمىن.
شينجياڭ − جۇڭگو تەرريتورياسىنىڭ ايرىلماس ءبىر بولىگى. شينجياڭداعى ءار ۇلتتىڭ مادەنيەتى باستان - اياق جۇڭحۋا وركەنيەتىنىڭ قۇنارلى توپىراعىنا تەرەڭ تامىر تارتقان، جۇڭحۋا مادەنيەتىنىڭ ايرىلماس ءبىر بولىگى. شينجياڭ ەجەلدەن كوپ ۇلت شوعىرلى قونىستانعان جانە كوپ ءتۇرلى ءدىني سەنىم قاتار ءومىر سۇرگەن ءوڭىر، ءىسلام ءدىنى ۇيعۇر ۇلتى ەجەلدەن سەنگەن ءدىن ەمەس ءارى بىردەن - ءبىر سەنگەن ءدىنى دە ەمەس. شينجياڭ تاريحىن دۇرىس تانۋ ەرەكشە ماڭىزدى ءمان الادى. جاڭا جۇڭگو قۇرىلعاننان بەرى، پارتيا مەن مەملەكەت شينجياڭ قىزمەتىنە وسكەلەڭ ءمان بەرىپ، ۇلتتىق وڭىرلىك اۆتونوميا ءتۇزىمىن اتقارىپ، از ۇلت كادرلارىن باۋلۋعا كوڭىل ءبولدى، ءار ۇلت كادرلارى مەن بۇقاراسى بىتە قايناسىپ، بەينەت پەن زەينەتتى بىرگە وتكەردى. پارتيالى كادر رەتىندە، مەن تاريحقا دۇرىس قاراپ، تۇرعىمدا بەرىك تۇرىپ، نەگىزدى قورعاپ، بۇقارانى جۇڭحۋا ۇلتى ورتاق تۇلعا تانىمىن بەرىك ورناتۋعا تاربيەلەيمىن، باستايمىن.
مەن كىشكەنتايىمنان كوپ ۇلت قونىستانعان ۇلكەن اۋلادا ەرجەتتىم. ءبىز ءار ۇلت بالاقايلار ءار كۇنى مەكتەپتەن قايتىپ كەلگەننەن كەيىن بىرگە تاپسىرما ورىنداپ، شاباۋ سياقتى ويىنداردى بىرگە وينايتىنبىز، ءبىز پۋتۇڭحۋامەن سويلەپ، ءبىر وتباسىنىڭ ادامدارىنداي، بىرگە تۋىسقان اعا - ىنىلەردەي بولىپ كەتتىك. ءار جىلعى مەرەكە - مەيرامداردا كورشى - قولاڭدار مەرەكەنى بىرگە تويلايتىنبىز. مەن كىشكەنتايىمنان مىنە وسىنداي ىنتىماقتى دا تاتۋ - ءتاتتى، ءبىر - بىرىمەن بىتە قايناسقان، ەشكىم ەشكىمنەن ايرىلا المايتىن ۇلتتار ىنتىماعىنىڭ قويۋ اۋانى ىشىندە ەسەيىپ - ەرجەتتىم. داشۋە وقىعان كەزىمدە جانە قىزمەتكە قاتىناسقاننان كەيىن، ءار ۇلت ساباقتاستارىمنىڭ، وقىتۋشىلارىمنىڭ، قىزمەتتەستەرىمنىڭ كوڭىل بولۋىندە، كومەكتەسۋىندە، مەن ۇيرەنۋدە جانە قىزمەتتە ۇزدىكسىز العا باستىم. پارتيانىڭ قامقورلىعىندا جانە ۇيىمنىڭ باۋلۋىندا، مەن بىرتىندەپ تولىسىپ، قازىرگى قىزمەت ورنىما كوتەرىلدىم، وسى بارىستا پارتيانىڭ سۇيىسپەنشىلىگى مەن ۇيىمنىڭ مەيىرىن بويىما ءسىڭىردىم. مەن جۇڭگو كوممۋنيستىك پارتياسى بولماسا شينجياڭدا وراسان زور وزگەرىس بولمايتىندىعىن، ءبىز ءار ۇلت حالقىنىڭ باقىتتى تۇرمىسى بولمايتىندىعىن تەرەڭ تانىپ جەتتىم. پارتيالى باسشى كادر رەتىندە، مەن ءوز باسىمنان باستاپ، ۇلتتىق بولشەكتەۋشىلىككە قارسى تۇرۋدىڭ، وتاننىڭ تۇتاستىعىن قورعاۋدىڭ، قوعام ورنىقتىلىعىن قورعاۋدىڭ ءبىرىنشى شەبىندە سانالىلىقپەن تۇرىپ، اينالامداعى تۋىس - تۋعاندارىمدى جانە دوس - جاراندارىمدى تۋى ايقىن تۇردە بولشەكتەۋشى ءسوز - ارەكەت اتاۋلىمەن كۇرەس جۇرگىزىپ، ىنتىماقتى، جاراسىمدى، وركەنيەتتى، العا باسقان، شات - شادىمان ءومىر كەشكەن تاماشا اۋان قالىپتاستىرۋعا قۇلشىنۋعا تاربيەلەيمىن، باستايمىن.
«ءۇش ءتۇرلى كۇش» − شينجياڭداعى ءار ۇلت حالقىنىڭ ورتاق جاۋى، بۇل اپات الاستالمايىنشا شينجياڭدا تىنىشتىق ورناۋى قيىنعا سوعادى. ءبىزدىڭ «ءۇش ءتۇرلى كۇشكە» قارسى كۇرەسىمىز ۇزاققا سوزىلادى، كۇردەلى دە قيان - كەسكى بولادى. «ءۇش ءتۇرلى كۇش» ۇلت، ءدىن تونىن جامىلىپ، تالاي رەت جانتۇرشىگەرلىك ۋاقيعا تۋدىرىپ، ءار ۇلت حالقىنىڭ ءومىرى مەن مال - مۇلكىنە وراسان زور زيان جەتكىزىپ، شينجياڭنىڭ قوعام ورنىقتىلىعىن اۋىر دارەجەدە ءبۇلدىردى. بولشەكتەۋشىلىككە قارسى تۇرۋ كۇرەسىنىڭ قاتاڭ دا كۇردەلى جاعدايى الدىندا، پارتيالى كادر رەتىندە، مەن «ىرىقتىلىق شايقاسىن، قامال الۋ شايقاسىن، ۇزاققا سوزىلاتىن شايقاستى» ويداعىداي جۇرگىزەتىن جاۋىنگەرلىك تانىمدى بەرىك ورناتىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە ساياسي تۇراقتىلىقتى باستان - اياق ساقتاپ، تۋىم ايقىن تۇردە ۇلتتىق بولشەكتەۋشىلىككە قارسى تۇرىپ، ءدىني ۇشقارى يدەيانىڭ سىنالاپ كىرۋىن باتىل تەجەپ، «ءۇش ءتۇرلى كۇشكە»، «ەكىبەتكەيلەرگە» قارسى جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، ولاردىڭ وسەك - اياڭدارى مەن ساندىراقتارىن ىشكەرىلەي اشكەرەلەپ جانە سىن تەزىنە الىپ، بۇقاراعا «ءۇش ءتۇرلى كۇشكە»، «ەكىبەتكەيلەرگە» قارسى ىرىقتىلىقپەن كۇرەس جۇرگىزۋ جونىندە ۇگىت، تاربيە جۇرگىزىپ، ولارعا بارار جەر، باسار تاۋ قالدىرماي سوققىنىڭ استىنان الامىن.
كەزەكتە، شينجياڭداعى ءار ۇلت حالقى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جولىندا قاجىماي - تالماي كۇرەس جۇرگىزۋدە. الايدا، ءبىزدىڭ كادرلار قوسىنىمىز اراسىندا كورنەۋدە ءبىر ءتۇرلى، كومەسكىدە ءبىر ءتۇرلى بولاتىن، كوممۋنيستىك پارتيانىڭ اسىن ءىشىپ، كوممۋنيستىك پارتيانىڭ قازانىن شاعاتىن ءىشىنارا «ەكىبەتكەيلەر» ءالى دە جاسىرىنىپ ءجۇر. وسى «ەكىبەتكەيلەر» «ءۇش ءتۇرلى كۇشپەن» بىرىگىپ بۇزاقىلىق ىستەپ، ولارمەن ءتىل بىرىكتىردى، ولار «ءۇش ءتۇرلى كۇشتىڭ» سويىلسوعارلارى جانە پەردە ارتىنداعى قاراقولدار، ولاردىڭ زيانى ءتىپتى دە اۋىر. مەن اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ جونىندەگى ورنالاستىرۋلارىن مۇقيات تياناقتاندىرىپ، تانىمدا كۇڭگىرتتىككە سالىنباي، پوزيتسيادا ءدۇدامال بولماي، ارەكەتتە سولقىلداقتىق ىستەمەي، «ەكىبەتكەيلەرگە» ەش راقىم ەتپەي سىلەيتە سوققى بەرىپ، قوعام ورنىقتىلىعىنا ىقپال جاسايتىن پەردە ارتىنداعى قاراقولداردى باتىلدىقپەن تىپ - تيپىل قۇرتامىن، الاستايمىن.
