تيانشان تورابى   ›   جاڭالىقتار   ›   شينجياڭ حابارلارى

«ۇستالىق رۋحپەن» تاپسىرىستى ورىنداۋعا قۇلشىندى

  ءتىلشى شى شين

  كوكتەم مەرەكەسى جاقىنداپ، مەرەكەلىك لەپ قويۋلانا ءتۇستى. ەرەكشە ترانسفورماتور ەلەكتر جارنا شەكتى سەرىكتەستىگى شينجياڭ ترانسفورماتور زاۆودىندا قاربالاستىق تولاستاماي، ءوندىرىس جەلىسى تاپسىرىستى كۇش سالا ورىنداپ، قاۋىرت وندىرىسپەن شۇعىلدانۋدا.

  1 - ايدىڭ 26 - كۇنى ءتىلشى شينجياڭ ترانسفورماتور زاۆودىنا كەلىپ، تازا جۇمىس كيىمىن اۋىستىرىپ، اياق كيىمىنىڭ ۇستىنەن ەكى قابات قاپ كيىپ، تازارتۋ بولمەسىنەن ءوتىپ، ەرەكشە جوعارى كەرنەۋلىك جالپىلىق قۇراستىرۋ سەحىنا كىردى. سەحتىڭ ورىنباسار مەڭگەرۋشىسى سۋ ۋىنجۇننىڭ تانىستىرۋىنشا، ءونىم ءوندىرۋ جانە تەكسەرۋ قورشاعان ورتاعا ەرەكشە قاتاڭ تالاپ قوياتىندىقتان، وندا ەشقانداي شاڭ - توزاڭ بولماۋى كەرەك ەكەن، سوندىقتان زاۆود ءۇيىنىڭ بەرىك تۇيىقتالۋىنا جانە دالدالانۋىنا ەرەكشە جوبا قولدانىلىپ، ءتۇرلى رادياتسيالاردىڭ، بوگدە تولقىنداردىڭ كەدەرگى جاساۋىنىڭ الدى الىنىپ، ساقتانىلىپ، شەشۋشى تاجىريبەلىك مالىمەتتەردىڭ دالدىگىنە كەپىلدىك ەتىلگەن.

  سەحتىڭ ءوندىرىس جەلىسىندە، ماشينالار توقتاۋسىز اينالىپ، جۇمىسشىلار قاربالاس جۇمىس ىستەپ، سىم تارتىپ، قۇراستىرىپ، قوراپتى سىناپ كورۋدە... ءتۇرلى جۇمىس بارىستارى رەتتى ءجۇرىلىپ جاتىر.

  «بۇل مەملەكەتتىك ەلەكتر جەلىسى جياڭسۋ ولكەلىك ەلەكتر قۋاتى سەرىكتەستىگىنىڭ 500 كيلوۆولتتق ترانسفورماتور ءوندىرۋ نىسانى، جالپى ۇشەۋى بار، 2018 - جىلى 12 - ايدىڭ سوڭىندا باستاعانبىز، بيىل 2 - ايدىڭ سوڭىندا ءونىمدى تاپسىرۋىمىز كەرەك». سۋ ۋىنجۇن بىلاي دەدى: نىساندا يزالياتورلىق بولشەك، سىم ورامى، تيەجي، بەيگاڭ، كەسۋ - قيۋ جانە جالپىلاي قۇراستىرۋ سىندى ءبىر قاتار بارىستار ورىندالۋى قاجەت، ۋاقىت تىعىز، مىندەت اۋىر، سەرىكتەستىك وسى ءۇشىن 100دەن استام ادامنان قۇرالعان جۇمىس توبىن جۇمىلدىرىپ، بار كۇشپەن قامتاماسىز ەتىپ، جۇمىس مەرزىمىن كەرى شەگەرىپ ورنالاستىردى، نىساننىڭ اياق الىسى ءتىپتى ساعاتپەن ولشەنەتىن دەڭگەيگە دەيىن ناقتىلاندى. سونىمەن بىرگە، شاڭچيۋ - حىفەي - حاڭجوۋ تەمىر جولىنىڭ، مىڭحۋا تەمىر جولىنىڭ ءبىر قاتار تەمىر جول جەتەك كەرنەۋ وزگەرتكىش نىساندارى جەدەل جاسالۋ ۇستىندە.

  «شينجياڭ ترانسفورماتور زاۆودى تەمىر جول جەتەك كەرنەۋ وزگەرتكىش جوبالاۋ - جاساۋ سالاسىندا ەل ىشىندە جەتەكشى ورىندا». سۋ ۋىنجۇن ماقتانىشپەن بىلاي دەدى: تەمىر جول جەتەك ترانسفورماتوردىڭ ەڭ ۇلكەن تەحنيكالىق قيىندىعى تىزبەكتىڭ شۇعىل تۇيىقتالۋىنا توتەپ بەرۋ قابىلەتىندە جاتىر، ول ترانسفورماتوردىڭ ىشىندەگى سىم ورامىنىڭ ءوندىرىلۋى جانە ورالۋىنىڭ تىعىزدىعى، دوڭگەلەكتىگى، تەمىر وزەكتىڭ قاباتتالۋى سياقتىلارعا اسا جوعارى تالاپ قويادى، قاتەلىك 0.5 ميلليمەتردەن اسپاۋى كەرەك، ايتپەگەندە ترانسفورماتوردا تىزبەك شۇعىل تۇيىقتالعاندا، سىم ورامىنىڭ ءپىشىنى وزگەرىپ، كىنارات تۋىلادى، مۇنىڭ زيانىن شامالاۋ مۇمكىن ەمەس.

  «ترانسفورماتوردىڭ كوپتەگەن ءتارتىبى <تۇگەلدەي قولمەن جاسالادى>، يزالياتورلار اراسىنداعى قاشىقتىقتى مەڭگەرۋدى الىپ ايتساق، ونى جاي كوزبەن بايقاۋ مۇمكىن ەمەس، ءسوز جوق، جوبا، تەحنولوگيا تالابى بويىنشا وراي وتىرىپ، ميلليمەترلىك سىزعىشپەن يزالياتوردىڭ قالىڭدىعىن ولشەۋ كەرەك، جوعارى ياكي تومەن بولسا دا بولمايدى، بۇل بارىس بەينە <قىزدىڭ كەستە تىككەنىنە> ۇقسايدى»، - دەيدى ەرەكشە جوعارى كەرنەۋلىك جالپىلاي قۇراستىرۋ سەحى سىم تارتۋ ءبانىنىڭ باستىعى جىڭ يۇنفەي.

  جىڭ يۇنفەيدىڭ ەرەكشە ترانسفورماتور سەرىكتەستىگىندە قىزمەت ىستەگەنىنە 15 جىل بولىپتى، ول تۇڭعىش 330 كيلوۆولتتىق كەرنەۋ وزگەرتكىشتى سىناق رەتىندە جاساعاننان 1100 كيلوۆولتتىق ەرەكشە جوعارى كەرنەۋلى ترانسفورماتوردى وندىرۋگە دەيىن بىرتىندەپ جەتىلىپ، كاسىپورىننىڭ تەحنيكالىق تىرەكتىسىنە اينالعان. بۇنىڭ سىرىن سۇراعانىمىزدا، ول: توقتاۋسىز جەتىلە ءتۇسۋ، ەرەكشە ىجداعاتتى بولۋ، تاباندىلىقپەن دەن قويۋ، - دەپ جاۋاپ بەردى.

  ەندى عانا وتكەن 2018 - جىلى ەرەكشە ترانسفورماتور سەرىكتەستىگىنىڭ كەرنەۋ وزگەرتكىش جىلدىق ءونىم مولشەرى 260 ميلليون كيلوۆولت - امپەرگە جەتىپ، دۇنيە ءجۇزى بويىنشا 1 - ورىندى يەلەدى.

   «ءار جىلى وسى كەزدە ءوندىرىستىڭ ءبىرىنشى شەبىندە بولامىز، دەسەدە، كاسىپورىننىڭ دامۋى ءۇشىن كۇش قوسىپ، مەملەكەت ەنەرگيا قۇرىلىسىنىڭ ءتۇيىندى نىساندارى ءۇشىن كەپىلدىك ازىرلەي العانىمىز ءۇشىن، ءبارىمىزدىڭ جۇمىسقا كۇش - قايراتىمىز تاسىپ تۇرادى»، - دەيدى جىڭ يۇنفەي.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى