تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايوننىڭ راديو - تەلەۆيزيا قىزمەتى ءماجىلىسى اشىلدى

  نەگىزگى اعىمدىق قوعامدىق پىكىر شەبىن زورايتايىق، كۇشەيتەيىك

  ءتىلشى شيە حۇيبيان 2 - ايدىڭ 1 - كۇنى ۇرىمجىدەن حابارلايدى. 2 - ايدىڭ 1 - كۇنى اۆتونوميالى رايوننىڭ راديو - تەلەۆيزيا قىزمەتى ءماجىلىسى ۇرىمجىدە اشىلدى، ءماجىلىس جاڭا جاعداي، جاڭا مىندەتتى ارقاۋ ەتە وتىرىپ 2019 - جىلعى قىزمەتتەرگە ورنالاستىرۋ جاسادى.

       ءماجىلىس مىنالاردى باسا دارىپتەدى: تۇتاس رايونىمىزداعى راديو - تەلەۆيزيا جۇيەسى نازاردى پارتيا ورتالىق كوميتەتىنىڭ راديو - تەلەۆيزيا قىزمەتى جونىندەگى ورنالاستىرۋلارى مەن تالاپتارىنا شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەي وتىرىپ، ورنىقتىلىق بارىسىندا ىلگەرىلەۋگە، دۇرىس جولدان جازباي، جاڭالىق جاراتۋعا، باتىلدىقپەن جاۋاپكەرشىلىك ارقالاۋعا، ىرىقتىلىقپەن ءىس تىندىرۋعا تاباندى بولىپ، تۇتاس رايونىمىزدىڭ راديو - تەلەۆيزيا قىزمەتىنىڭ جاڭا جاعدايىن جاراتۋعا قۇلشىنۋ كەرەك. بىرىنشىدەن، باس شۋجي شي جينپيڭنىڭ ۇگىت - يدەيا قىزمەتى جونىندەگى ماڭىزدى ءسوزىن جەتەكشى ەتىپ، جاڭا داۋىردەگى راديو - تەلەۆيزيا قىزمەتىنىڭ جاۋاپكەرشىلىگى مەن بورىشىن ىشكەرىلەي يگەرىپ، راديو - تەلەۆيزيانىڭ باسىمدىعىن تولىق ساۋلەلەندىرىپ، نەگىزگى اعىمدىق قوعامدىق پىكىر شەبىن زورايتۋ، كۇشەيتۋ كەرەك. ءداستۇرلى اقپارات قۇرالدارى مەن جاڭا اقپارات قۇرالدارىن توعىستىرا دامىتۋدى بار كۇشپەن ىلگەرىلەتىپ، ىقپال كۇشكە، باسەكەلىك قۋاتقا يە جاڭاشا نەگىزگى اعىمدىق زەردەلى اقپارات قۇرالدارىن جاراتۋ كەرەك. ەكىنشىدەن، تومەنگى شەكتە ويلاۋعا تاباندى بولىپ، راديو - تەلەۆيزيا سالاسىنداعى ەلەۋلى حاۋىپ - قاتەردەن ساقتانۋعا جانە ونى جويۋعا كۇش سالۋ كەرەك. ءوز جاۋاپكەرشىلىگىن بىلۋگە، ءوز جاۋاپكەرشىلىگىن ادا ەتۋگە تاباندى بولىپ، ەلەۋلى حاۋىپ - قاتەردەن ساقتانۋ جانە ونى جويۋ قىزمەتىن ناقتى ىستەۋ، جىڭىشكەلەپ ىستەۋ، ويداعىداي ىستەۋ كەرەك. ۇشىنشىدەن، باس نىسانانى تىعىز ارقاۋ ەتىپ، قۇلشىنا ءىس تىندىرۋ رۋحىمەن راديو - تەلەۆيزيا قىزمەتىنىڭ جاڭا جاعدايىن اشۋ كەرەك. شينجياڭداعى ءار ۇلت حالقىنىڭ بىرگە ىنتىماقتاسا كۇرەس جاساعان اڭگىمەلەردى بار كۇشپەن ۇگىتتەپ، شينجياڭنىڭ تاماشا وبرازىن ايگىلەۋ كەرەك. تورتىنشىدەن، پارتيانىڭ باسشىلىعىن جاپپاي كۇشەيتىپ، پارتيا تۋىن راديو - تەلەۆيزيا جۇيەسىندە بيىك جەلبىرەتۋ كەرەك. يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، ۇگىتتى پارتيا باسقارۋعا، يدەولوگيانى پارتيا باسقارۋعا، اقپارات قۇرالدارىن پارتيا باسقارۋعا تاباندى بولىپ، باستان - اياق ساياسي جانە جالپى جاعداي بيىگىندە تۇرىپ باعىتتى مىقتاپ يگەرۋ، بەتالىستى ويداعىداي باسقارۋ كەرەك.
 ءماجىلىس بەينە ەكران فورماسىندا اشىلدى. اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.