شەريا اۋداندىق پارتكومنىڭ تۇراقتى مۇشەسى
ارزىگۇل ءابدۇۋالي
جاقىنعى 2 جىلدان بەرى لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ ىشكەرىلەي ورىستەتىلۋىمەن «ءۇش ءتۇرلى كۇشتىڭ» ايقۇلاقتانعان اپتىعى باسىلىپ، «ەكىبەتكەيلەر» زاڭ قۇرىعىنا ءتۇسىپ، قوعامدىق سالت بارىنشا جاقساردى. كوپتەگەن ايەلدەردىڭ وتباسىنداعى ورنى كورنەكتى جوعارىلاپ، بىرىنەن سوڭ ءبىرى ۇيلەرىنەن ۇزاپ شىعىپ، زاۆودتارعا بارىپ، قوعامدىق ەڭبەككە ات سالىسىپ، ەكونوميكالىق كىرىس كىرگىزىپ، دەربەس ەكونوميكالىق قابىلەتكە يە بولىپ، وتباسىلارىنىڭ كەدەيلىكتەن ارىلۋىنداعى ماڭىزدى كۇشكە اينالدى؛ يدەيالىق تانىمدارىندا كورنەكتى وزگەرىستەر تۋىلىپ، قۇلاڭ شاشتارى جەلبىرەپ، اجارلارى ايداي جارقىراپ، جۇزدەرىنەن كۇلكى ەسىپ، جاراستىرىپ كيىم كيىپ، ءتۇرلى قيمىلداردا كەلبەتتەرىن بارىنشا ايگىلەدى.
«ءۇش ءتۇرلى كۇش» شينجياڭنىڭ «ءتورت تاريحىن» قالاعانىنشا بۇرمالاپ، ءدىني ۇشقارى يدەيانى بۇقاراعا جۇقتىردى، وسى ارقىلى بۇقارانى الجاستىردى، ونىڭ زيانىنا ايەل باۋىرلاستار كوبىرەك ۇشىرادى، ءتىپتى، كەيبىر ايەلدەر ءدىني ۇشقارى يدەيانىڭ قۇرباندىعىنا اينالدى. ءدىني ۇشقارى يدەيانىڭ شىرماۋى نەمەسە وتباسى كەدەيلىگىنىڭ تۇساۋ بولۋى سالدارىنان كەيبىر ايەلدەردە وسى زامانعى وركەنيەت يدەياسى كەمشىل، مادەنيەت ورەسى تومەن، وسى زامانعى وركەنيەتتى جانە جاڭا ىستەردى قابىلداۋ قابىلەتى ءالسىز بولدى؛ دەربەس قابىلەتى كەمشىل بولىپ، تەحنيكانىڭ تەتىگىن يگەرمەگەندىكتەن، ەكونوميكادا دەربەس بولا الماي، تۇرمىستا ەرلەرگە يەك سۇيەپ، تەك ۇيدەن شىقپاي كىر جۋىپ، تاماق ىستەۋمەن، قارتتاردى كۇتىمدەپ، بالا باعۋمەن عانا اينالىستى؛ زاڭ بىلىمدەرىنەن حابارسىز بولعاندىقتان، وزدەرىنىڭ زاڭدى ۇقىق - مۇددەسى سۇعاناقتىققا ۇشىراعاندا زاڭ ارقىلى قالاي قورعانۋدى بىلمەدى، وسى جايتتەر ايەل باۋىرلاستاردىڭ ار - نامىسىن ساقتاۋىنا، وزىنە - ءوزى سەنىم ارتۋىنا، دەربەس بولۋىنا، ءوزىن قۇدىرەتتەندىرۋىنە اۋىر ىقپال جاسادى.
ايەلدەر قىزمەتىنە جاۋاپتى پارتيالى كادر رەتىندە، مەن «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن. قازىرگى كەزدەگى ايەلدەر قىزمەتىندەگى ولقىلىقتارعا مەڭزەس، مەن ايەلدەر قاۋىمىنا سۇيىسپەنشىلىككە تولى سەزىم ارقىلى ولاردىڭ ءۇنىن شىن پەيىلمەن تىڭداپ، ولاردىڭ ارمان - تىلەكتەرىن شىنايى اڭىس ەتىپ، ادال نيەت، شىن پەيىلمەن قالىڭ ايەلدەر ءۇشىن قىزمەت ىستەيمىن. ايەلدەر قاۋىمىنا يدەيالىق جاقتان جەتەكشىلىك ەتۋ قىزمەتىن ويداعىداي ىستەپ، پارتيانىڭ ءۇنى مەن قامقورلىعىن ءار ۇلت ايەلدەرىنە شىنايى جەتكىزىپ، باقىتتى تۇرمىستىڭ پارتيانىڭ باسشىلىعىنان كەلگەنىن ولارعا شىنايى سەزىندىرىپ، پارتيانىڭ توڭىرەگىنە تىعىز ىنتىماقتاستىرىپ، جەلەكتىلەردىڭ جىگەرىن تاسقىنداتىپ، جەلەكتىلەردىڭ كۇشىن قوسىپ، وتان تۇتاستىعىن، ۇلتتار ىنتىماعىن، قوعام ورنىقتىلىعىن بۇلدىرەتىن ءسوز - ارەكەت اتاۋلىمەن سوڭىنا دەيىن باتىل كۇرەس جاساپ، باس نىسانانى جۇزەگە اسىرۋعا قۇدىرەتتى كۇش ۇيىستىرامىن. سونىمەن قاتار، جاڭا سالتتى بەلسەنە دارىپتەپ، ايەلدەر قاۋىمىنىڭ وسى زامانعى، وركەنيەتتى، عىلمي، اقاۋسىز تۇرمىس كەشىرۋىنە كومەكتەسىپ، ولاردى وتباسىنداعى ايرىقشا رولدارىن ويداعىداي ساۋلەلەندىرىپ، وتباسىنداعىلاردى ءدىني ۇشقارى يدەيادان اۋلاق ۇستاپ، شاعىن وتباسىنىڭ جاراسىمدىلىعى ارقىلى قوعامنىڭ تىنىشتىعىن جەبەپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سوعۋعا باستايمىن.
اپەكە - سىڭلىلەر، ءبىز وركەنيەتتى قاستەرلەپ، وسى زامانعى مادەنيەتتى تۇرمىسقا تالپىنايىق. ءار ۇلت ايەلدەرى مەشەۋ يدەيالىق تانىم مەن ەسكىشىل، توماعا - تۇيىق تۇرمىس تاسىلىنەن ارىلىپ، ءسوز - ارەكەتىمىزگە ءمان بەرىپ، كەسكىن - كەلبەتىمىزگە نازار اۋدارىپ، ءىشى - سىرتىمىزبەن بىردەي «سۇلۋلانىپ»، «سۇلۋلىق ينجەنەرياسىنىڭ» ۇلگىسى بولىپ، ءوزىمىزدىڭ ءىس - ارەكەتىمىز جانە بوي تۇزەۋىمىز ارقىلى قوعامعا وركەنيەتتىڭ، العا ىلگەرىلەۋدىڭ، وسى زاماننىڭ لەبىن جەتكىزىپ، ايەلدەردىڭ ويى مەن بويىن بىردەي تۇزەگەن ايرىقشا قۇدىرەتىن ايگىلەيىك!
اپەكە - سىڭلىلەر، ءبىز ءوزارا كومەكتەسىپ، ۇلتتار ىنتىماعىنىڭ قورعاۋشىسى بولايىق. ءار ۇلت ايەلدەرى وي - سانانى سەرگەك ۇستاپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، ۇلتتار ىنتىماعىن كۇشەيتۋدىڭ ماڭىزدىلىعىن تەرەڭ تانىپ جەتەيىك. «ءۇش ءتۇرلى كۇش» ۇلتتار ىنتىماعىن بۇلدىرۋگە ۇرىنعان سايىن، شينجياڭداعى ءار ۇلت حالقى ۇلتتار ىنتىماعىن ونان ارى قورعاۋ كەرەك؛ «ءۇش ءتۇرلى كۇش» ايلا - شارعىلارمەن ۇلتتار ارا قايشىلىق تۋدىرۋعا ۇرىنعان سايىن، ءبىز ۇلتتار ىنتىماعىن كوز قاراشىعىمىزدى قورعاعانداي قورعاپ، ءومىرىمىزدى قاستەرلەگەندەي قاستەرلەپ، ۇلتتار ىنتىماعى ءۇشىن ۇلەس قوسايىق!
اپەكە - سىڭلىلەر، ءبىز ۇرپاقتارىمىزدى عىلمي تاربيەلەپ، وتباسى تاربيەسىنىڭ ىلگەرىلەتۋشىسى بولايىق. قوعام ورنىقتىلىعىن قورعاۋ ءبارىمىزدىڭ باس تارتۋعا بولمايتىن جاۋاپكەرشىلىگىمىز، بالالاردى ويداعىداي باۋلۋ، ويداعىداي تاربيەلەۋ، وتباسىنداعىلارعا ويداعىداي جەتەكشىلىك ەتۋ ءبىزدىڭ مىندەتىمىز. ءبىز قىراعىلىقتى ارتتىرىپ، «ءۇش ءتۇرلى كۇشتىڭ» قىلمىستىق ءمانى مەن سۇرقيا كەيىپ - كەسپىرىن ايقىن تانىپ جەتىپ، ولارعا قارسى جۇرەكتىلىكپەن كۇرەس جاساپ، ولاردىڭ ءبىزدىڭ باقىتتى تۇرمىسىمىزدى ويرانداۋىنا، بالالارىمىز بەن جۇبايىمىزدىڭ تۇبىنە جەتۋىنە استە جول بەرمەيىك. ءبىز وتباسىمىزداعى ايرىقشا رولىمىزدى تولىق ساۋلەلەندىرىپ، وتباسى مۇشەلەرىنىڭ زاڭ ۇيرەنۋىنە، زاڭدى تۇسىنۋىنە، زاڭدى بىلۋىنە، زاڭعا بويسۇنۋىنا بەلسەنە جەتەكشىلىك ەتىپ، ولاردى ءدىني ۇشقارى يدەيانىڭ شىرىتۋىنەن الىس ۇستاۋىمىز كەرەك.
