چىن چۋانگو باسقاردى، شوكىرات زاكىر ءسوز سويلەدى
شاۋكەت يمىن، نۇرلان ءابىلماجىن ۇلى، جۋ حايلۇن، لي پىڭشين قاتىناستى
2 - ايدىڭ 2 - كۇنى اۆتونوميالى رايوندىق پارتكوم مەن ۇكىمەت 2019 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلىلار ءار ۇلت، ءار سالا ۋاكىلدەرىمەن ءبىر اراعا شاتتىقپەن باس قوسىپ، كوكتەم مەرەكەسىن قارسى الدى. سۋرەتتى ءتىلشىمىز سۇي جىجيان تۇسىرگەن
ءتىلشى ياۋ تۇڭ 2 - ايدىڭ 3 - كۇنى ۇرىمجىدەن حابارلايدى. 2 - ايدىڭ 2 - كۇنى تۇستەن كەيىن، اۆتونوميالى رايوندىق پارتكوم مەن ۇكىمەت 2019 - جىلعى كوكتەم مەرەكەسىن توپتىق قۇتتىقتاۋ جينالىسىن وتكىزدى. اۆتونوميالى رايون باسشىلارىنان چىن چۋانگو، شوكىرات زاكىر، شاۋكەت يمىن، نۇرلان ءابىلماجىن ۇلى، جۋ حايلۇن، لي پىڭشين قاتارلىلار ءار ۇلت، ءار سالا ۋاكىلدەرىمەن ءبىر اراعا شاتتىقپەن باس قوسىپ، كوكتەم مەرەكەسىن قارسى الدى.
كوكتەم مەرەكەسىن توپتىق قۇتتىقتاۋ جينالىسى باستالاردىڭ الدىندا، چىن چۋانگو، شوكىرات زاكىر قاتارلىلار ءار ۇلت، ءار سالا ۋاكىلدەرىمەن ىقىلاسپەن قول الىسىپ، ءوزارا ىزگى تىلەك تىلەپ، كوكتەم مەرەكەسىن قۇتتىقتادى.
اۆتونوميالى رايوندىق پارتكومنىڭ شۋجيى چىن چۋانگو كوكتەم مەرەكەسىن توپتىق قۇتتىقتاۋ جينالىسىن باسقاردى، اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى اتىنان، تۇتاس رايونىمىزداعى ءار ۇلت كادر - جۇرتشىلىعىنا، شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە جانە قارۋلى ساقشى بولىمدەرىنىڭ وفيتسەر - جاۋىنگەرلەرىنە، قوعام حاۋىپسزدىگى كادر - ساقشىلارىنا، ءورت ءوشىرۋ، ورتتەن ساقتانۋ، قۇتقارۋ قوسىنىنداعى كوماندير - جاۋىنگەرلەرگە، بيڭتۋانداعى كادرلارعا، جۇمىسشى - قىزمەتشىلەرگە، ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيا دا، توپتا جوق قايراتكەرلەرگە، حالىقتىق ۇيىمدارعا، دەمالىسقا، زەينەتكە شىققان ساقا جولداستارعا، ورتالىقتىڭ شينجياڭدا تۇراتىن ورىندارى مەن شينجياڭعا باعىتتامالى كومەكتەسەتىن جولداستارعا، شينجياڭنىڭ ورنىقتىلىعىنا، دامۋىنا كوڭىل بولگەن جانە قولداۋ كورسەتكەن بارلىق دوستارعا كوكتەم مەرەكەسى بايلانىسىمەن سالەم جولداپ، ىزگى تىلەك تىلەدى.
چىن چۋانگو بىلاي دەدى: 2019 - جىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ، العاشقى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى.
ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردەگى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سۇبەلى ناتيجەلەرىمىزبەن قارسى الۋىمىز كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر كوكتەم مەرەكەسىن توپتىق قۇتتىقتاۋ جينالىسىندا ءسوز سويلەدى. ول بىلاي دەدى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، قوعامدىق جالپى جاعدايدىڭ ورنىقتىلىعىن ساقتادىق، ۇلتتار ىنتىماعى بەكەمدەلدى جانە دامىدى، ءدىن سالاسى بەرەكەلى، جاراسىمدى بولدى، ورنىقتىلىقتىڭ تابىسىن ۇزدىكسىز كوردىك، ەكونوميكا ورنىقتىلىق بارىسىندا ىلگەرىلەپ، ورنىقتىلىق بارىسىندا جاقسارىپ، قوعامدىق ءتۇرلى ىستەر جالپى بەتتىك العا ىلگەرىلەپ، تۇتاس رايونىمىزدا جوعارىدان تومەنگە دەيىن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تولىق سەنىم ارتتى. وسى ناتيجەلەرگە قول جەتكىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ جەمىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىنىڭ جەمىسى، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن عىلمي باسشىلىققا الۋىنىڭ جەمىسى، شينجياڭعا كومەكتەسەتىن ءارقايسى ولكە، قالالاردىڭ، مەملەكەتتىك مينيسترلىك - كوميتەتتەرىنىڭ قالتقىسىز كومەگىنىڭ جەمىسى، اۆتونوميالى رايوندىق پارتكومنىڭ تۇتاس رايونىمىزداعى ءار ۇلت كادر - جۇرتشىلىعىن باستاپ، ىنتىماقتاسا كۇرەس جاساۋىنىڭ جەمىسى.
شوكىرات زاكىر بىلاي دەدى: جاڭا ءبىر جىلدا ءبىز ساياسي دەڭگەيدى اناعۇرلىم جوعارىلاتىپ، «ءتورت تانىمدى» بەرىك ورناتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن اناعۇرلىم باتىل، بەرىك تۇردە دايەكتىلەندىرىپ، قوعامدىق جالپى جاعدايدىڭ ورنىقتىلىعىن قورعاپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، ءۇش ۇلكەن قامال الۋ شايقاسىن ۇزدىكسىز ويداعىداي جۇرگىزىپ، رەفورمانى اناعۇرلىم تەرەڭدەتىپ، ەسىك اشۋدى اناعۇرلىم كەڭەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ ءۇشىن قۇلشىنا كۇرەس جاساۋىمىز كەرەك.
ليۋ ۋانلۇڭ، شۇي حايرۇڭ، ەركىن تۇنياز، سارقىت اقان ۇلى، جاڭ چۇنلين، پىڭ جيارۇي قاتارلى اۆتونوميالى رايوندىق پارتكومنىڭ، حالىق قۇرىلتايىنىڭ، ۇكىمەتتىڭ، ساياسي كەڭەستىڭ، شينجياڭ اسكەري رايونىنىڭ، بيڭتۋان باسشىلىق القاسىنىڭ مۇشەلەرى جانە دەمالىسقا، زەينەتكە شىققان ءىشىنارا ساقا جولداستار، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، 63650 اسكەري بولىمىندەگى، اۋە ارمياسىنىڭ ءۇرىمجى بازاسىنداعى، قارۋلى ساقشى شينجياڭ باس اترەتىندەگى، قارۋلى ساقشى بيڭتۋان باس اترەتىندەگى اسكەري اكىمشىلىك نەگىزگى باسشىلار، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ءبىر ءبولىم پارتيا 19 - قۇرىلتايىنىڭ ۋاكىلى، مەملەكەتتىك حالىق قۇرىلتايىنىڭ ۋاكىلى، مەملەكەتتىك ساياسي كەڭەستىڭ مۇشەسى، ءارقايسى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، پارتيادا، توپتا جوق قايراتكەرلەردىڭ جانە وتانشىل ءدىني قايراتكەرلەردىڭ ۋاكىلى، سونداي - اق ءار سالا ۋاكىلدەرى جانە وزاتتار كوكتەم مەرەكەسىن توپتىق قۇتتىقتاۋ جينالىسىنا قاتىناستى.
كوكتەم مەرەكەسىن توپتىق قۇتتىقتاۋ جينالىسىندا ءار ۇلت ادەبيەت - كوركەمونەر قىزمەتكەرلەرى تارتىمدى ادەبيەت - كوركەمونەر ويىندارىن قويدى.
