اسەم ءان، شات كۇلكى كونە جىلدى ۇزاتتى، وركەنيەتتى جاڭا سالت بارلىق وتباسىنا جىلى شۋاق اكەلدى. وڭتۇستىك شينجياڭنىڭ قالا، اۋىلدارى مەرەكەلىك تۇسكە بولەنىپ، ءار ۇلت بۇقاراسى بازار ارالاپ، مەرەكەلىك زات ساتىپ الىپ، كوكتەم بوساعالىعىن جاپسىرىپ، قوراپتى شام ءىلىپ، تۋىستارىنا امانداسىپ، بىرلەسكەن دوستىق قيمىلىن وتكىزىپ، كىرىستى ارتتىرۋ جايىن اڭگىمەلەپ، جوبا - جوسپارلارىن ايتىستى... شينجياڭ گازەتى مەكەمەسىنىڭ (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) تىلشىلەرى ولاردىڭ بويىنان وڭتۇستىك شينجياڭنىڭ ۇلان - بايتاق دالاسىنداعى قۋانارلىق وزگەرىستەردى كورىپ، وركەنيەتتى جاڭا سالتتى سەزىندى.
جاڭا كيىم ساتىپ الامىن، شاشىمدى جاڭا ۇلگىدە جاساتامىن... 2 - ايدىڭ 3 - كۇنى اتۇش قالاسى اعۋ اۋىلىنداعى انچيلا كىلەم فابريكاسىندا ىستەيتىن ءماريام تۇرسىن دەمالىستىڭ ءبىرىنشى كۇنگى جوسپارىن وسىلاي باستادى.
ءماريامدى اتۇش قالاسى ازاق اۋىلى تەتىر قىستاعىنداعى اجارلاندىرۋ، شاش جاساۋ دۇكەنىندە شاش جاساتىپ وتىرعان جەرىندە كەزىكتىردىك. «ءتۇستىڭ الدىندا بازار ارالاپ، كيىم ساتىپ الدىم، تۇستە شاش جاساتۋعا كەلدىم، ادام كوپ ەكەن، 4 ساعات توسقاندا ماعان ارەڭ كەزەك كەلدى، ۇزاق كۇتىپ قالسام دا، كوكتەم مەرەكەسىن جاڭا بەينەمەن وتكىزەتىندىگىمدى ويلاپ، شەكسىز قۋانىشقا بولەندىم»، - دەدى ول.
ءماريامنىڭ ءۇيى ازاق اۋىلىنىڭ قۇلانچى قىستاعىندا، ول بىلاي دەدى: بۇرىن ءۇيىمىزدىڭ تۇرمىس جاعدايى تومەن بولاتىن، ساتراشحاناعا كەلىپ، اقشا جۇمساپ شاش جاساتۋعا شامام كەلمەيتىن. بىلتىر 3 - ايدا «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق «ەكى كوميتەتىنىڭ» كومەگىندە، اۆتونوميالى رايوننىڭ ارتىق ەڭبەككۇشتەردى باسقا كاسىپ سالالارىنا ويىستىرىپ جۇمىستاندىرۋ ابزال ساياساتىنىڭ ارقاسىندا، انچيلا كىلەم فابريكاسىندا جۇمىسقا تۇردىم، اي سايىن 3000 يۋان ەڭبەكاقى الامىن، بولاشاق تۇرمىسقا سەنىمىم بارعان سايىن ارتا ءتۇستى.
2 - ايدىڭ 4 - كۇنى اقسۋ قالا رايونىندا سەيىلدەپ جۇرگەنىمىزدە، ءار ءتۇرلى جەڭىل اۆتوكولىكتەردىڭ قايشالىسىپ جاتقانىن، اۆتوكولىك توقتاتۋ ورنىنىڭ كولىككە لىق تولعانىن كوردىك. زاماناۋي ۇلگىدەگى كيىمدەردى كيگەن ادامداردىڭ جۇزىنەن باقىت كۇلكىسى ەسەدى.
مەرەكەلىك زات ساتىپ الۋ ءۇشىن قالاعا كەلگەن اقسۋ قالاسى يگەرشى اۋىلى تومەنگى بالداڭ قىستاعىنىڭ تۇرعىنى يمىنجان توحتى اقسۋ قالاسىنىڭ ۋاڭسان كوشەسىندەگى ەلەكتر جابدىقتارىن ساتۋ دۇكەنىنە كەلدى. «قوجايىن، مىنا كىر جۋعىش اۆتوماتتى جۇمىس ىستەي مە؟ ۇيدەگى كونە كىر جۋعىشتى اۋىستىرىپ بىرەۋىن ساتىپ الايىن دەپ ەدىم، جۇبايىم، ءسوز جوق، قۋانادى». قوجايىن يمىنجانعا كىر جۋعىشتىڭ رولىن تاپتەشتەي ءتۇسىندىردى.
كىر جۋعىشتىڭ باعاسىنىڭ 2888 يۋان ەكەنىن كورىپ، يمىنجاننان بۇل باعانى قابىلداي الاتىن - المايتىنىن سۇرادىق. يمىنجان كۇلىپ بىلاي دەدى: «قابىلدايمىن، قازىر پارتيانىڭ ساياساتى بارعان سايىن جاقسارۋدا، وتباسىمىزدىڭ كىرىسى جىل سايىن ارتىپ كەلەدى. قىستاعىمىزداعى باسقا تۇرعىندار سياقتى، كەدەيلىكتەن ارىلىپ اۋقاتتانۋ، دوڭگەلەك داۋلەتكە ۇمتىلۋ سەنىمىمىز كامىل. سەنبەسەڭىز، قىستاعىمىزعا بارىپ قىستاق تۇرعىندارىنىڭ قونىس ورتاسى مەن مادەنيەت قيمىلىن كورىڭىز، مەرەكەنى قالاي وتكىزەتىندىگىمىزدى كورىڭىز».
2 - ايدىڭ 4 - كۇنى گۇما اۋدانى مۇجى قالاشىعى باشتەرەك قىستاعىنداعى كەدەي وتباسى سىمايىل توحتىنىڭ ۇيىنە باردىق، جاڭادان سالىنعان بەيقۇت ءۇيىنىڭ ەسىگىنە بوساعالىق جانە «باقىت» ءارىبى جاپسىرىلىپتى، تۇرمىستىق اۋماق، ەگىمشىلىك اۋماق، باعىمشىلىق اۋماق اعاش قاشامەن ءبولىنىپ، تازا رەتتەلىپتى. سىمايىل جاڭا كيىم كيىپ، شاشىن جاساتىپ، مەرەكەلىك تاعامعا دايىندالىپ جاتىپتى.
جاسى 60 قا تاياعان سىمايىلدىڭ ايتۋىنشا، بۇرىن تۇرمىستارى تاپشىلىقتا ءوتىپتى، بايبىشەسى ەكەۋىنىڭ دەنساۋلىعى شىركىن - اي ەمەس، كۇنى بويى رۋحسىز جۇرەدى ەكەن. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاقتىڭ «ەكى كوميتەتى» تالاي رەت ونىڭ ۇيىنە كەلىپ جاعداي ۇعىسىپ، ونى بويرا توقۋعا شابىتتاندىرىپتى، ءبىر ۇلىنىڭ الەۋمەتتىك يگىلىك سيپاتتى جۇمىس ورنىنا جۇمىسقا ورنالاسۋىنا كومەكتەسىپتى، بەيقۇت ءۇي سالىپ بەرۋ جونىندە ءوتىنىش بەرىپتى... ءسويتىپ، ونىڭ ويىندا كەدەيلىكتەن ارىلۋ جونىندە بىرتىندەپ سەنىم پايدا بولىپتى. «قازىر قىستاق تۇرعىندارى مەنى جاسارىپ كەتىپسىڭ دەيدى، پارتيا بىزگە كوپتەگەن ابزال ساياساتتار بەرىپ، تۇرمىسىمىز بارعان سايىن جاقسارىپ كەلە جاتسا، ارينە، بارعان سايىن جاسارامىز عوي»! - دەدى سىمايىل كۇلىپ.
يوپۇرعا اۋدانىنىڭ تەرىم قالاشىعىنداعى اسىمگۇل يمىن قالاشىقتىڭ «جۇلدىزى». 2 - ايدىڭ 1 - كۇنى قالاشىقتا وتكىزىلگەن كوكتەم مەرەكەسىن قارسى الۋ ساۋىق كەشىندە اپەكە - سىڭلىلەرىمەن بىرگە قويعان چيپاۋ ءسانى كورەرمەندەردى قاتتى تامساندىردى. «قازىر قىستاعىمىزدا ادەبيەت - كوركەمونەر كونسەرتى وتە كوپ، كوكتەم مەرەكەسى كەزىندە قىستاق تۇرعىندارى كونسەرتتى كوبىرەك كورگىسى كەلەدى»، - دەدى اسىمگۇل.
تەرىم قالاشىعىندا سوڭعى جىلدارى تۋىلعان وزگەرىستەردى اسىمگۇل مەن اپەكە - سىڭلىلەر القاستى. ول قازىر قالاشىقتىڭ بارلىق جەرىندە ايشىقتى وزگەشەلىك، وركەنيەتتى سالت جارىققا شىققانىن ايتتى. «شەبەرلىككە باۋلۋ مەن ونى جالپىلاستىرۋدىڭ جانە تەز ءونىم بەرەتىن نىسانداردىڭ تياناقتانۋىنا وراي، قالاشىعىمىزدا جۇمىسشىعا اينالعان ايەلدەر بارعان سايىن كوبەيدى. جاڭا جىلدا مەن دە سىرتقا شىعىپ جۇمىس ىستەۋىم كەرەك»، - دەدى ول.
(تىلشىلەرىمىز جاڭ جىلي، حى ليڭ، ما ليڭيۇن، ميھىرگۇل عوپۇر، ميھىرگۇل ناسىر)
