تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

رايونىمىزدىڭ ءارقايسى تاراۋلارىنداعى، ورىندارىنداعى جاۋاپتى جولداستار، جۇپ قۇراپ تۋىستاسقان كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگى كادرلار تيانشاننىڭ تۇستىگى مەن تەرىستىگىندەگى اۋىل - قىستاقتارعا، الەۋمەتتىك اۋماقتارعا بارىپ، بىرلەسكەن دوستىق قيمىل ورىستەتتى −

اۋىلداستارمەن بىرگە جاڭا جىل وتكىزدى

  2 - ايدىڭ 4 - كۇنى اۆتونوميالى رايوندىق قاتىناس - تاسىمال مەڭگەرمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا يوپۇرعا اۋدانى تەرىم قالاشىعى سايپىڭكورىك قىستاعىندا تۇراتىن قىزمەت اترەتىنىڭ مۇشەلەرى، جۇپ قۇراپ تۋىستاسقان كادرلار قىستاق تۇرعىندارىمەن بىرگە قوراپتى شام ءىلىپ، بوساعالىق جاپسىرىپ، قىستاقتا الۋان ءتۇرلى بىرلەسكەن دوستىق قيمىل ورىستەتىپ، بۇقارامەن بىرگە جاڭا جىلدى قارسى الدى. سۋرەتتى ءتىلشىمىز ازات ءيۇسۇپجان تۇسىرگەن

  قىپ - قىزىل قوراپتى شام ءىلىندى، كوكتەمدى قارسى الاتىن قوس بوساعالىق جاپسىرىلدى، شاتتىققا تولى ءان داۋىسى اۋەلەدى... بىرنەشە كۇننەن بەرى، رايونىمىزدىڭ ءارقايسى تاراۋلارىنداعى، ورىندارىنداعى جاۋاپتى جولداستار، جۇپ قۇراپ تۋىستاسقان كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگى كادرلار تيانشاننىڭ تۇستىگى مەن تەرىستىگىندەگى اۋىل - قىستاقتارعا، الەۋمەتتىك اۋماقتارعا بارىپ، ءار ۇلت بۇقاراسىمەن بىرلەسكەن دوستىق قيمىلدارىن وتكىزىپ، مەرەكەلىك سالەم جەتكىزىپ، باقىت تىلەپ، كوكتەم مەرەكەسىن بىرگە تويلادى.

  ءبىر ارادا باس قوسىپ، جاڭا جىلعا قاراعان ءتۇندى بىرگە قۇتتىقتادى

  2 - ايدىڭ 4 - كۇنى مارالباسى اۋدانى اناركول اۋىلى عول ءمالى قىستاعى قىستاق تۇرعىندار كوميتەتىنىڭ ۇگىت - لەكسيا زالىن ءتۇستى شارلار مەن قاتپار گۇلدەر مەرەكەلىك تۇسكە بولەدى. اۆتونوميالى رايوندىق دەنە تاربيە مەكەمەسىنىڭ قىستاقتا تۇراتىن قىزمەت اترەتىنىڭ بارلىق مۇشەسى، قىستاق كادرلارى جانە قىستاقتاعى ساقا پارتيا مۇشەلەرى، كەدەي وتباسىلارىنىڭ ۋاكىلدەرى، اۋىلىنا قايتقان ستۋدەنتتەر قاتارلى 100دەن ارتىق ادام ءبىر ارادا باس قوسىپ، كوكتەم مەرەكەسىن قۋانىشپەن قارسى الدى.

  اۋىلىنا قايتقان ستۋدەنتتەردىڭ ۇلتتىق جەكە ءبيى، كوشە ءبيى، جەكە ءان، ايەلدەر ورىنداعان توپتىق ءبي، شىمىر سىمبات گيمناستيكاسى... تاماشا كونسەرتتەر قىستاق تۇرعىندارىن شالقىتىپ تاستادى.

  «قىستاقتا تۇراتىن كادرلار كەلگەننەن كەيىن، ءبىزدىڭ بايۋ جولىمىز اناعۇرلىم كەڭەيدى، قىستاعىمىز ءتىپتى دە كوركەيدى. بۇگىن كوكتەم مەرەكەسىن قارسى الىپ، ءبارىمىز دىر - دۋمانعا بولەنىپ باس قوستىق، ءوزىمىز قۇراستىرعان كونسەرتتى كورىپ، ايرىقشا قۋاندىق»، - دەدى جانىنداعى دوسىمەن بىرگە قۋانىشقا بولەنگەن قىستاق تۇرعىنى وبۇلقاسىم راحمان شاپالاق سوعىپ.

  قىستاق تۇرعىنى ارزىگۇل يمىن تەبىرەنە بىلاي دەدى: «قازىر مادەنيەت، دەنە تاربيە قيمىلدارى مولايدى، مەن ءان ايتىپ، ءبي بيلەۋگە قۇشتارمىن، سونىمەن قاتار بەلسەندىمىن. كوپشىلىكتىڭ قۋانىشقا بولەنگەنىن كورىپ، مەن ءوزىمدى ايرىقشا باقىتتى سەزىندىم، الدا قىستاعىمىزدا وسىنداي قيمىلداردىڭ بارعان سايىن كوبەيىپ، ءوزىمدى ايگىلەيتىن ورايدىڭ مولايۋىن ءۇمىت ەتەمىن».

  تاڭ اتقاننان قاربالاستاعان اۆتونوميالى رايوندىق دەنە تاربيە مەكەمەسىنىڭ قىستاقتا تۇراتىن قىزمەت اترەتىنىڭ ورىنباسار باستىعى شياۋ يۋەگۇي قول تەلەفونىمەن قايتا - قايتا سۋرەت جانە كەسكىن ءتۇسىردى. شياۋ يۋەگۇي قۋانا بىلاي دەدى: «قىستاعىمىزداعى ايەلدەر شىنىمەن ەرەكشە سۇلۋ، مەن وسى كوركەم ءساتتى ەستەلىككە الامىن. كوكتەم مەرەكەسى جۇڭحۋا ۇلتىنىڭ ورتاق مەرەكەسى، باس قوساتىن، كوڭىلدى مەرەكە، ءبىز قىستاق تۇرعىندارىمەن جان اشىر جاقىندارداي بىرگە باس قوسامىز. جاڭا جىلدا ءبىز ءتىپتى دە قۇلشىنىپ، عول ءمالى قىستاعىن ءتىپتى دە كوركەيتەمىز».

  وزگەشە «قىستاق ساۋىق كەشىن» وتكىزىپ، جاڭا جىلدى قارسى الدى

  2 - ايدىڭ 3 - كۇنى ءتىلشى گۇما اۋدانى چودا اۋىلى باشلاقبينام قىستاعىندا قويۋ مەرەكەلىك ءتۇستى سەزىندى.

  قىستاق تۇرعىندار كوميتەتى اۋلاسىنا كىرگەندە، قىستاق تۇرعىندار مادەنيەت ساحناسىندا شاتتىققا شومعان جۇرت ءتىلشىنى باۋراپ الا جونەلدى. اۆتونوميالى رايوندىق پارتكوم ۇگىت ءبولىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەسى ءرايلا ازەز ءبىر توپ بالدىرعاندى وسى زامان بيىنە جاتتىقتىرىپ ءجۇر ەكەن.

  باشلاقبينام قىستاعىنىڭ كادرى اباس مامەت بىلاي دەدى: قازىر قىستاقتا اپتا سايىن قيمىل، مەرەكە سايىن قۇتتىقتاۋ جينالىسى وتەدى، قىزمەت اترەتى تاعى ءمورال ۇلگىلەرى، «وتباسىمدى سۇيەمىن» وتباسى تازالىعى سياقتى باعالاۋ قيمىلدارىن ۇيىمداستىردى، 150دەن استام قىستاق تۇرعىنىن سولتۇستىك شينجياڭعا بارىپ جۇمىس ىستەۋگە ءبىر تۇتاس ورنالاستىردى... قىستاق تۇرعىندارىنىڭ بارلىعى قىستاقتاعى وزگەرىستەردى ماقتانىش ەتۋدە.

  «ۇعىسۋ، تيىمدىلىك جاساۋ، توعىستىرۋ» بويىنشا باشلاقبينام قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي چىن چىڭ قىستاق تۇرعىنى بۇحالچەم ابدىكەرىمگە كومەكتەسىپ، قوراپتى شام ءىلىپ جاتىر ەكەن. ول تىلشىگە: قىستاق تۇرعىندارىنىڭ كوكتەم مەرەكەسىن شات - شادىمان، بەرەكەلى وتكىزۋى ءۇشىن، قىزمەت اترەتى كوكتەم مەرەكەسىنە ارناپ ساۋىق كەش دايىنداۋمەن بىرگە، تۇشپارا ءتۇيۋ جارىسىن وتكىزىپ، قىستاق دارەجەلى ءمورال ۇلگىلەرىن ماراپاتتاپ، كوپشىلىكتى وزگەرىس، ءۇمىت - تىلەك، دامۋ تۋرالى ءسوز سويلەۋگە ۇسىنىس ەتىپ، اناعۇرلىم جارقىن تۇرمىس قالىپتاستىرۋ ءۇشىن سەنىم جانە كۇش ۇيىستىردى، - دەدى.

  2 - ايدىڭ 4 - كۇنى تۇستەن كەيىن حوتان اۋدانى جاڭااۋات اۋىلى عىجاك قىستاعىنىڭ مادەنيەت الاڭىندا حوتان ايماقتىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى قىستاق تۇرعىندارىن بىرلەسكەن دوستىق قيمىلىن وتكىزۋگە ۇيىمداستىرىپ جاتىر ەكەن. باستاۋىش 5 - جىلدىق وقۋشىسى ايشامگۇل ابدۇسامي شىرقاعان يۇيجۇي «حۋا مۋلاننان» ۇزىندىگە كورەرمەندەر ءالسىن - ءالى القاۋ ءبىلدىرىپ جاتتى، اۋىلىنا قايتقان ستۋدەنتتەر ورىنداعان «اسەرىمىزبەن ءبولىسىپ، وزگەرىستەردى اۋىزعا الساق» اتتى پيەسادا پارتيانىڭ حالىققا ءتيىمدى ساياساتتارىنىڭ عىجاك قىستاعىنا سيلاعان تىڭ وزگەرىستەرى باياندالدى.

  وتباسىلاردى ارالاپ، حال سۇراپ، مەيىر جەتكىزدى

  بىرنەشە كۇننەن بەرى رايونىمىزدىڭ ءارقايسى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىن جىبەرگەن ورىندارىنان پارتكوم (پارتيا باسشىلىق گرۋپپاسى) شۋجيلەرى مەن قىستاقتا تۇراتىن كادرلار تۇرعان قىستاقتارىن ىشكەرىلەي ارالاپ، حال سۇراۋ، وتباسىلارىن ارالاۋ قيمىلىن ورىستەتىپ، نەگىزگى ساتى كادر - جۇرتشىلىعىنا كوكتەم مەرەكەسىندىك سالەم ايتىپ، قۇتتىقتاۋ ءبىلدىردى.

  2 - ايدىڭ 3 - كۇنى اۆتونوميالى رايوندىق كومىر الابى گەولوگيا مەكەمەسى پارتكومىنىڭ شۋجيى ۋاڭ رۇڭ جانە ونىڭ سەرىكتەرى قاعىلىق اۋدانى ءۇششارباس قالاشىعى قاقشال قىستاعىنا كەلىپ، وتباسىلارىن ارالاپ، ساقا پارتيا مۇشەلەرىنەن، ەڭ تومەنگى تۇرمىسى قامتاماسىز ەتىلەتىن وتباسىلاردان، كەدەي وتباسىلاردان حال سۇرادى. 70 نەشە جاستاعى ساقا پارتيا مۇشەسى مامۇت توحتى ۋاڭ رۇڭنىڭ جۇپ قۇراسقان تۋىسى، ۋاڭ رۇڭ قاريانىڭ ۇيىنە كىرە سالا ءوز ۇيىنە كەلگەندەي ءۇي جۇمىستارىن ىستەپ، وتىن جارىپ، ءتۇشپارا ءتۇيدى... سۇپىعا وتىرىپ، قاريانىڭ ۇيىندەگىلەرمەن اڭگىمە دۇكەن قۇردى. مامۇت وتباسىنىڭ كىرىسى ارتقانىن، تۇرمىسىنىڭ بارعان سايىن جاقسارىپ كەلە جاتقانىن ەستىگەن ۋاڭ رۇڭ كۇلىپ: بۇدان كەيىن دە ءسىز پارتيا مۇشەسى رولىڭىزدى ساۋلەلەندىرىپ، بۇكىل قىستاقتاعى كەدەي وتباسىلارىن بىرگە كەدەيلىكتەن ارىلۋعا باستاڭىز، - دەدى.

  2 - ايدىڭ 1 - كۇنى جۇڭگو پوچتا امانات بانكەسى شينجياڭ بولىمشە بانكەسى پارتكومىنىڭ شۋجيى، بانكە باستىعى چۋ جيانپيڭ اتۇش قالاسى اعۋ اۋىلى لانگار قىستاعىنا كەلىپ، وسى بانكەنىڭ اتالعان قىستاقتا تۇراتىن قىزمەت اترەتىنە امانداسىپ، ولاردان حال سۇرادى. چۋ جيانپيڭ بىلاي دەدى: «سىزدەر قىستاقتا تۇرىپ، ءبىرىنشى شەپتى باتىل ساقتاپ، مىندەتتى، جاۋاپكەرشىلىكتى ادا ەتىپ، حالىق ءۇشىن قىزمەت ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دايەكتىلەندىرىپ، تياناقتاندىرىپ جاتىرسىزدار. سىزدەر جاپادان، شارشاپ - شالدىعۋدان قورىقپايتىن، بوساڭسىمايتىن رۋحتى ۇزدىكسىز ساۋلەلەندىرىپ، قىستاقتا تۇرۋ قىزمەتىنىڭ ءتۇرلى مىندەتتەرىن تولىق تابىسپەن ورىنداۋلارىڭىز كەرەك».

  (تىلشىلەرىمىز ياڭ شانشۇن، لي داۋجۇڭ، ما ليڭيۇن، جاڭ رۇيلين، جاڭ يۇنمەي، ەرىكتى تىلشىلەر جياڭ شيڭمان، لي جيڭ، چين داپىڭ)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.