ءتىلشى چىن چياڭۋي 2 - ايدىڭ 4 - كۇنى ۇرىمجىدەن حابارلايدى. 2 - ايدىڭ 3 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوننىڭ كاسىپورىن ولشەم «باستاماشىسى» ءتۇزىمى، قالاداعى لاس، ساسىق سۋلاردى تەكسەرۋدەن، جونگە سالۋدان قامال الۋ سياقتىلاردى اقىلداستى.
ءماجىلىس مىنالاردى باسا دارىپتەدى: ولشەمدەندىرۋ ستراتەگياسىن اتقارۋ − ەكونوميكانىڭ باياندى اقاۋسىز دامۋىن جانە قوعامنىڭ جاپپاي العا باسۋىن جۇزەگە اسىرۋداعى ستراتەگيالىق تىرەك. كاسىپورىن ولشەم «باستاماشىسى» ونىمدەردىڭ نەمەسە قىزمەت وتەۋ ولشەمىنىڭ وزەكتى كورسەتكىشى وزىق دەڭگەيدە تۇراتىن كاسىپورىنداردى مەڭزەيدى. كاسىپورىن ولشەم «باستاماشىسى» ءتۇزىمىن اتقارۋدى بەلسەنە ىلگەرىلەتۋدە كاسىپورىننىڭ ءونىمى مەن قىزمەت وتەۋ ولشەمىن ءوزى مالىمدەپ جاريالاۋىن نەگىز ەتىپ، سۇرانىستى باعدار ەتۋ، جاريا - ءادىل بولۋ، جاڭالىق اشۋ ارقىلى دەمەۋ، كاسىپورىن تۇلعاسى، ارناعا ءتۇسىرىپ جەتەكشىلىك ەتۋ سياقتى 5 پرينسيپكە تاباندى بولۋ كەرەك. 2020 - جىلعا جەتكەندە، كاسىپورىن ولشەمىندە تۇگەلدەي ءوزىن مالىمدەپ، جاريالاۋىن جۇزەگە اسىرۋ، كاسىپورىندار جاريا ەتكەن ولشەم مەملەكەتتىڭ ولشەمىنەن، كاسىپ سالاسىنىڭ ولشەمىنەن قاتاڭ بولۋ سالىستىرماسىن كورنەكتى دارەجەدە جوعارىلاتۋدى تۇگەلدەي ىسكە اسىرۋ، اۆتونوميالى رايونىمىزداعى ەرەكشە باسىمدىققا يە كاسىپ سالالارىندا، وڭىرلىك ەرەكشە تۇتىنۋ بۇيىمدارى، جابدىق جاساۋ، جاڭادان گۇلدەنگەن كاسىپ سالاسى جانە قىزمەت وتەۋ سياقتى سالالاردى ارقاۋ ەتىپ، اۆتونوميالى رايونىمىزدا جەتەكشىلىك رول اتقاراتىن ءبىر توپ كاسىپورىن ولشەمىن قالىپتاستىرۋ، حالىقارالىق وزىق دەڭگەيگە جانە باسەكەلىك قۋاتقا يە ءبىرقانشا «باستاماشىلار» ولشەمىن جەتىلدىرۋ كەرەك.
ءماجىلىس مىنالاردى اتاپ كورسەتتى: رايونىمىزدىڭ قالالارىنداعى لاس، ساسىق سۋلاردى جاپپاي تەكسەرىپ، ءبىر جايلى ەتۋ − جاڭا دامۋ ۇستانىمىن دايەكتىلەندىرىپ، اۆتونوميالى رايوندىق پارتكومنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىن تياناقتاندىرىپ، ەكولوگيانى الدىمەن ويلاستىرىپ، جاسىل دامۋعا تاباندى بولىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي ورىستەتۋدەگى ناقتى قىزمەت. قالا ورتاسىنىڭ نەگىزدىك قۇرىلعىلار قۇرىلىسىن، لاستانۋ قاينارىن باسقارۋ، مەڭگەرۋ جانە ءتۇزىلىس - مەحانيزم قۇرىلىسىن ءتۇيىندى تۇردە مىقتاپ يگەرىپ، وزەن باستىعى ءتۇزىمىن، كول باستىعى ءتۇزىمىن جاپپاي اتقارۋدى تۇتقا ەتىپ، قالا ورتاسىنىڭ نەگىزدىك قۇرىلعىلار قۇرىلىسىنداعى ولقىلىقتاردى جەدەل تولىقتاپ، ساقتانۋدىڭ باياندى مەحانيزمىن ورناتىپ، اقاۋسىزداندىرىپ، «سۋى تازا، جاعاسى جاسىل، كورىنىسى كوركەم» قالا دامۋ نىساناسىن جۇزەگە اسىرىپ، حالىق جۇرتشىلىعىن اناعۇرلىم كوپ تابىس سەزىمى مەن باقىت سەزىمىنە بولەۋ كەرەك. ءماجىلىس مىنالاردى تالاپ ەتتى: لاس، ساسىق سۋلاردى تەكسەرۋ، رەتتەۋ، جونگە سالۋ جەتىستىكتەرىن اناعۇرلىم بەكەمدەپ، لاستانۋدان ساقتانۋدان جانە ونى جونگە سالۋدان قامال الۋ ارقىلى ايماق دارەجەلى، سونداي - اق ودان تومەن دارەجەلى قالالاردىڭ لاس، ساسىق سۋلاردى رەتتەۋ، جونگە سالۋ قىزمەتىن كەزەڭگە، توپقا ءبولىپ ىلگەرىلەتۋ كەرەك.
ءماجىلىس باسقا ىستەردى دە اقىلداستى.
