تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

جۇرەككە جەتكەن شۋاقتار

  كوكتەم مەرەكەسىنىڭ مەرەيلى ساتىندە، كۇن ساۋلەسى شينجياڭنىڭ بايتاق دالاسىنا مەيىرلەنە شۋاعىن شاشىپ تۇر، اۆتونوميالى رايونىمىزدىڭ جەر - جەرى، تاراۋلارى ءار ۇلت بۇقاراسىنا مادەنيەت، عىلىم - تەحنيكا، حالىق تۇرمىسى سياقتى جاقتاردان «قوماقتى سي» ۇسىنىپ، پارتيا مەن ۇكىمەتتىڭ قامقورلىعى مەن مەيىرىن جەتكىزدى. گازەتىمىزدىڭ جالپى مەديا تىلشىلەرى تۇگەلدەي تيانشاننىڭ تۇستىگى مەن تەرىستىگىن ىشكەرىلەي ارالاپ، جان تەبىرەنتەرلىك تالاي - تالاي كورىنىستەردى حابارلاپ، ادامدارعا كوكتەمنىڭ سامالىنداي جىلى لەپ جەتكىزدى.

  قۋانىشتى ياڭگى ءبيى، اسقاق بارابان ءۇنى، ايبىندى ارىستان ءبيى، ورگە ۇمتىلعان ايداعار ءبيى... 2 - ايدىڭ 5 - كۇنى ەسكىشە كالەندار بويىنشا جاڭا جىلدىڭ ءبىرىنشى كۇنى، مەرەكە ساۋىعىنا ارنالعان ياڭگى ءبيى ويىنى ماناس اۋدانىنىڭ فىڭميڭحۋ الاڭىن شاتتىققا بولەدى.

  وسى كۇنى ماناس قالاشىعى ۋاكىلدەر اترەتىنىڭ، لياڭجوۋحۋ قالاشىعى ۋاكىلدەر اترەتىنىڭ 400دەن استام مۇشەسى فىڭميڭحۋ الاڭىندا ايداعار ءبيىن بيلەپ، ارىستان ويناتىپ، ياڭگى بيىنە باسىپ، قايىقشا ءۇيدى قالقىتتى. اسقاق بارابان ءۇنى جاڭا داۋىرگە ماداق جىرىن ارنادى، قۋانىشتى ياڭگى ءبيى ءار ۇلت بۇقاراسىنىڭ باقىتتى تۇرمىسىن بەينەلەدى.

  «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىز ديقانداردىڭ تۇرمىسى بارعان سايىن شالقىپ، كۇننەن - كۇنگە جاقساردى، كوپشىلىك بۇعان ايرىقشا قۋانۋدا»، - دەدى ماناس اۋدانى لياڭجوۋحۋ قالاشىعى تايياڭمياۋ قىستاعىنىڭ تۇرعىنى لي حايفىن قۋانىشپەن.

  2 - ايدىڭ 5 - كۇنى تۇستەن بۇرىن، قۇلجا قالاسى جينليڭ مادەنيەت قيمىلدارى ورتالىعىندا وتكىزىلگەن «اسەم ىلە» اتتى فوتوسۋرەت كورمەسى قالىڭ قاۋىمدى ايرىقشا باۋرادى. قىستىڭ، كوكتەمنىڭ، وزەن اڭعارلارىنىڭ، اسقار تاۋلاردىڭ، تۇلپارلاردىڭ، قىران قۇستاردىڭ بەينەلەرى كوركەم ىلە اڭعارىنىڭ اسەم كورىنىسىن قالىپتاستىرىپ، فوتوسۋرەتتەردە جان - جاقتىلى بەينەلەندى.

  كوكتەم مەرەكەسى كەزىندە، قۇلجا قالاسى كوپ ءتۇرلى مادەنيەت قيمىلدارىن وتكىزىپ، ءار ۇلت جۇرتشىلىعىنا مادەنيەت «قوماقتى سيىن» ۇسىندى. جينليڭ مادەنيەت قيمىلدارى ورتالىعى وتكىزگەن قۇم سۋرەت كورمەسىندەگى ءاربىر سۋرەتتەردە سولتۇستىك شينجياڭ سايىن ساحاراسىنىڭ، وڭتۇستىك شينجياڭنىڭ ۇشى - قيىرسىز ءشول دالاسىنىڭ، سونداي - اق ءار ۇلت جۇرتشىلىعىنىڭ باي مازمۇندى، الۋان ءتۇرلى تۇرمىسىنىڭ جارقىن كەلبەتى ءبىر - بىرلەپ بەينەلەندى.

  قۇلجا قالاسىنىڭ تۇرعىنى ءرانا ەركىن توراڭعىنىڭ ومىرشەڭدىگىن بەينەلەيتىن تاڭداۋلى قۇم سۋرەتىن دەن قويا كورىپ شىقتى. «كوكتەم مەرەكەسى كەزىندە قۇم سۋرەت كورمەسىن تاماشالاپ، كورىكتى شينجياڭنىڭ ساۋلەتىن سەزىنىپ، شىنىمەن ەرەكشە قۋاندىم»، - دەدى ءرانا.

  شونجى اۋدانىندا، «جاڭا جۇڭگوعا ماداق، جاڭا داۋىردە ەكپىندەي العا ىلگەرلەۋ، باس نىسانانى تياناقتاندىرۋ» تاقىرىبىنداعى كوكتەم مەرەكەسى بىرلەسكەن ساۋىق كەشى كادرلار مەن بۇقارانى مول مادەنيەتتەن سۋسىنداتتى. دۋ قول شاپالاق ءۇنى تولاستامادى، جۇرت قايتا - قايتا قول تەلەفوندارىمەن سۋرەت ءتۇسىرىپ، دوستار شەڭبەرىنە شىعارىپ، وسى مادەنيەت سالتاناتىن تۋىس - تۋعان، دوس - جاراندارىمەن ءبولىستى.

  قوراپتى شام ءىلدى، كوكتەم بوساعالىعىن جاپسىردى، بىرگە كوڭىل كوتەردى... كوكتەم مەرەكەسى كەزىندە، رايونىمىزدىڭ تاراۋلارىنداعى، ورىندارىنداعى جاۋاپتى جولداستار، جۇپ قۇراپ، تۋىستاسقان كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەلەرى تيانشاننىڭ تۇستىگى مەن تەرىستىگىندەگى اۋىل - قىستاقتارعا، الەۋمەتتىك اۋماقتارعا بارىپ، ءار ۇلت جۇرتشىلىعىمەن بىرگە ءارءتۇرلى بىرلەسكەن دوستىق قيمىلدار وتكىزىپ، مەرەكەلىك سالەم جەتكىزدى جانە باقىت تىلەدى، تيانشاننىڭ تۇستىگى مەن تەرىستىگى قويۋ مەرەكەلىك بەينەگە شومدى.

  2 - ايدىڭ 5 - كۇنى تۇستەن كەيىن، يوپۇرعا اۋدانى جەكسەنبى بازار قالاشىعى قارعا شاشتى قىستاعى تۇرعىندار كوميتەتى اۋلاسى دۋمانعا بولەندى.

  «ءبىز ساقا پارتيا مۇشەلەرىنىڭ، قىستاق كادرلارىنىڭ، سونداي - اق قىستاق تۇرعىندارىنىڭ ۋاكىلدەرىن ءتۇشپارا ءتۇيىپ، كوكتەم مەرەكەسىن وتكىزىپ، جۇڭحۋا ۇلتىنىڭ ءداستۇرلى مەرەكەسىن بىرگە تويلاۋعا ۇسىنىس ەتتىك»، - دەدى اۆتونوميالى رايوندىق قاتىناس تاسىمال مەڭگەرمەسىنىڭ يوپۇرعا اۋدانى جەكسەنبى بازار قالاشىعى قارعا شاشتى قىستاعىندا تۇراتىن ءبىرىنشى شۋجي ۋي شينلياڭ قىستاقتا تۇراتىن كادرلارمەن بىرگە ءتۇشپارا ءتۇيىپ جاتىپ. ىركەس - تىركەس كەلگەن قىستاق تۇرعىندارى ءساندى كونسەرت كيىمدەرىن كيىپ، مارە - سارە بولىستى. كوكتەم مەرەكەسىنىڭ دۋماندى بىرلەسكەن ساۋىعى باستالىپ تا كەتتى.

  2 - ايدىڭ 3 - كۇنىنەن 5 - كۇنىنە دەيىن تۇتاس رايونىمىزدا جيىنى 292 مىڭنان استام كادر (مۇنىڭ 695ى مەڭگەرمە دارەجەلى كادر) قىزمەت اترەتى تۇراتىن قىستاقتارعا بارىپ، ونداعى كادرلاردان جانە ءار ۇلت بۇقاراسىنان حال سۇراپ، ءار ۇلت بۇقاراسىمەن بىرگە كوكتەم مەرەكەسىن كوڭىلدى وتكىزدى؛ ءبىر ميلليون 24 مىڭ ءار ۇلت بۇقاراسىنىڭ وتباسىن ارالاپ، 23 مىڭ 200دەن استام رەت ءتۇرلى قيمىل ورىستەتىپ، پارتيا مەن ۇكىمەتتىڭ قامقورلىعىن، مەيىرىن ءار ۇلت بۇقاراسىنىڭ جۇرەك تۇكپىرىنە جەتكىزدى.

  (تىلشىلەر رىن جياڭ، ليۋ دۇڭلاي، گاي يوۋجۇن، جاڭ رۇيلين، ەرىكتى تىلشىلەر ان تاۋ، لۋ كاي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى