تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

جاڭا جىلدىق حۇڭباۋ، تەرەڭ سۇيىسپەنشىلىك

ءتىلشى حى ليڭ

  «جاڭا جىل كەلدى، قارىنداسىڭ ەكەۋىڭە ەكى حۇڭباۋ بەرەيىن، جاڭا وقۋ ماۋسىمىندا اناعۇرلىم قۇلشىنىپ وقىڭدار».

  2 - ايدىڭ 6 - كۇنى تاڭەرتەڭ، جاڭا جىلدىڭ 2 - كۇنى، ءۇيى اقتاۋ اۋدانى اقتاۋ قالاشىعى قايشارىق قىستاعىندا تۇراتىن مارسياگۇل زياۋدين مەن ءسىڭلىسى قىزىلسۋ قىرعىز اۆتونوميالى وبلىسى تۇرعىن ءۇي جانە قالا - اۋىل قۇرىلىسى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى ۇرايىم تاشمامەت جىبەرگەن جاڭا جىلدىق حۇڭباۋدى تاپسىرىپ الدى.

  «ۇرايىم اعام ءار جىلى كوكتەم مەرەكەسىندە بىزگە حۇڭباۋ بەرەدى، ول ءبىزدىڭ تۋعان اعامىز سياقتى»، - دەيدى جاڭا جىلدىق حۇڭباۋدى تاپسىرىپ العان مارسياگۇل قۋانىشىن باسا الماي.

  مارسياگۇلدىڭ ءبىر ءسىڭلىسى، ءبىر ءىنىسى بار، ول دۇڭبەيدە داشۋە وقيدى، ءسىڭلىسى جياڭشي ولكەسىندەگى شينجياڭ تولىق ورتا كلاسىندا، ءىنىسى اۋداندا كاسىپتىك ورتا مەكتەپتە وقيدى. اپەكەلى - باۋىرلى ۇشەۋىنە، ۇرايىم تۋعان اعاسىنداي بولىپ كەتكەن، ۇشەۋىنىڭ دە ۇرايىمعا العىسى شەكسىز.

  مارسياگۇلدىڭ تىلشىگە ايتۋىنشا، 2017 - جىلدان بەرى، ۇرايىم ولاردىڭ وتباسىنا قارايلاسىپ كەلە جاتىپتى، ءوزىنىڭ ءار جىلعى دەمالىستاعى كەلىپ - كەتەتىن پويەز بەلەتىنىڭ، ءسىڭلىسىنىڭ وقۋ اقىسىنىڭ ءبارىن ۇرايىم كومەكتەسىپ شەشىپ بەرىپ كەلىپتى.

  «بيىل اعام ءسىڭلىم ەكەۋىمىزدىڭ ءاربىرىمىز ءۇشىن 6000 يۋاندىق وقۋعا كومەك اقشاسىن ءوتىنىش ەتتى. بىلتىر كوكتەم مەرەكەسىندە دە اعام بىزگە حۇڭباۋ بەرگەن، بيىل كوكتەم مەرەكەسىنىڭ الدىندا ول بىزگە كەلىپ امانداسىپ، تۇرمىستىق بۇيىمدار اكەلىپ بەرىپ كەتتى، مەن ايرىقشا اسەرلەندىم، مەن، ءسوز جوق، جاقسى وقىپ، اعامنىڭ ءۇمىتىن اقتايمىن»، - دەيدى مارسياگۇل.

  ۇرايىم مارسياگۇل ۇشەۋىنىڭ اعاسى عانا ەمەس، قىستاق تۇرعىنى وسمان تۇرسىن ءۇشىن دە ۇلكەن قامقورشى.

  كوكتەم مەرەكەسى كەزىندە، وسمان وتباسىنداعىلاردىڭ تۇرمىسىن جاقسارتۋ ءۇشىن، ۇرايىم ءوزىنىڭ ەڭبەكاقىسىنان 500 يۋان الىپ، وسمان وتباسىنداعىلارعا بەردى.

  ۇرايىمنىڭ ايتۋىنشا، وسمان وتباسى ءاسىلى كەدەيلىكتەن ارىلعان، ءبىراق 2017 - جىلى 10 - ايدا، وسماننىڭ قانتتى نەسەپ ناۋقاسىنا شالدىققانى انىقتالىپ، كەدەيلىكتەن ارىلعان وتباسى امالسىزدان قايتا كەدەيلىك قامىتىن كيىپتى.

  وسمان وتباسىنىڭ جاعدايىنا ۇرايىم ءارقاشان كوڭىل ءبولىپ كەلەدى. وسمان وتباسىنىڭ تۇرمىسىن جاقسارتۋ ءۇشىن، ۇرايىم مەرەكە - مەيرام سايىن ولارعا حال سۇراۋ بۇيىمدارىن بەرىپ وتىرادى.

  «كوكتەم مەرەكەسىنىڭ الدىندا، اترەت باستىعى ۇرايىم ءبىزدىڭ ۇيگە كۇرىش، ۇن، ماي، ەت اكەلىپ بەردى، بۇگىن بىزگە تاعى 500 يۋان حال سۇراۋ اقشاسىن بەرىپ وتىر، قىستاقتا تۇراتىن قىزمەت اترەتىنىڭ كادرلارى بىزگە وتە جاقسى قارايلاسىپ كەلەدى»، - دەيدى وسمان العىسپەن، — «پارتيانىڭ جاقسى كادرلارىنا العىسىم شەكسىز!».

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى