مەرەكەنى قۇتتىقتاۋ، وتباسىلارىن ارالاۋ، حال سۇراۋ، بىرلەسىپ كوڭىل اشۋ... وسى بىرنەشە كۇندە، رايونىمىزداعى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگىلەر جانە نەگىزگى ساتىداعى كادرلار ءتۇرلى فورمامەن ءار ۇلت بۇقاراسىنا كوكتەم مەرەكەسىنە ارناعان تىلەكتەرىن جەتكىزدى، پارتيا مەن ۇكىمەتتىڭ قامقورلىعىن، سۇيىسپەنشىلىگىن جەتكىزدى. گازەتىمىزدىڭ جالپى مەديا تىلشىلەرى بايقاعان جۇرت جۇرەگىن جىلىتقان كورىنىستەر كۇننىڭ شۋاعىنداي جىلۋلىق سيلادى.
كوكتەم مەرەكەسى كەزىندە، تۇتاس رايونىمىزداعى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن 12 مىڭ قىزمەت اترەتى، قىستاقتا تۇراتىن 77 مىڭنان استام كادر ءبىرىنشى شەپتە تابانداپ تۇردى؛ كادر جىبەرگەن ءارقايسى ورىن اۆتونوميالى رايوندىق پارتكومنىڭ «قىزمەت اترەتىندەگىلەر ۋاكىل بولۋ، مەكەمەلەر تىرەك بولۋ، ءبىرىنشى باسشى جالپى جاۋاپتى بولۋ» تالابىن مۇقيات تياناقتاندىرىپ، باسشىلىق القا مۇشەلەرىنىڭ باسشىلىعىندا تيانشاننىڭ تۇستىگى مەن تەرىستىگىندەگى قىزمەت اترەتى تۇراتىن قىستاقتارعا ىشكەرىلەي بارىپ «تۋىستارىن ارالاپ، جاڭا جىلعا قۇتتى بولسىن ايتتى»، قىستاقتا تۇراتىن كادرلاردان جانە ءار ۇلت بۇقاراسىنان حال سۇراپ، كوكتەم مەرەكەسىن بىرگە تويلادى.
«ياڭگى ءبيىن بيلەۋ − جۇڭحۋا ۇلتىنىڭ جاڭا جىل وتكىزگەندە ورىندايتىن ءداستۇرلى ويىنى، بۇگىن قالاشىق باسشىلارى ويىن - ساۋىق ۇيىرمەسىن باستاپ تۇرعىنداردان حال سۇرادى، جۇرەگىمىز شىنايى قامقورلىقپەن جىلىندى»، - دەيدى 2 - ايدىڭ 5 - كۇنى ماناس اۋدانى لوتي - ي قالاشىعى يلىيۋان شاعىن اۋماعىنىڭ تۇرعىنى جاۋ يۇڭجۇن. ءتۇس كەزىندە لوتي - ي قالاشىعىنىڭ ورىنباسار باستىعى ي جيڭ ويىن - ساۋىق ۇيىرمەسىن باستاپ شاعىن اۋماقتاعىلاردان حال سۇرادى. ي جيڭ بىلاي دەدى: «مەن كوپشىلىكتىڭ جاڭا جىلدارىنىڭ قۇتتى بولۋىن، دەنساۋلىقتارىنىڭ مىقتى بولۋىن، جاڭا جىلدا كۇندەرىنىڭ شات - شادىمان ءوتۋىن تىلەيمىن».
كوڭىلدى بارابان - دابىل ءۇنى ىشىندە، ياڭگى ءبيى اترەتىنەن، بارابان - دابىل اترەتىنەن، ارىستان ءبيى جانە ايداعار ءبيى اترەتىنەن ۇيىمداسقان ويىن - ساۋىق ۇيىرمەسىنىڭ تارتىمدى ويىن نومىرلەرىن شاعىن اۋماقتاعى تۇرعىندار جابىلا كەلىپ تاماشالادى. دۇڭ، دۇڭ، دۇڭ، دۇڭ، دۇڭ... ويىن - ساۋىق ۇيىرمەسىندەگى ەكى ارىستان باراباننىڭ ۇنىنە ىلەسىپ شاعىن اۋماقتىڭ ۇلكەن قاقپاسى جانىنداعى شياۋيۇيديان ەرەن بازارىنا كەلگەندە، دۇكەن قوجايىنى ليۋ شىڭسۇي ويىن - ساۋىق ۇيىرمەسىندەگىلەرگە شەكىلدەۋىك، كامپيت، جەر جاڭعاعىن ۇسىندى.
ليۋ شىڭسۇي بىلاي دەدى: «وسى بىرنەشە جىلدان بەرى پارتيانىڭ حالىققا تيىمدىلىك جەتكىزۋ ساياساتتارى بىرىنەن كەيىن ءبىرى اتقارىلىپ، قاراپايىم بۇقارا بولعان ءبىز حالىق تۇرمىسىنا جەتكىزىلگەن شىنايى تيىمدىلىكتەردەن يگىلىكتەنە الدىق. پارتيانىڭ باسشىلىعىندا تۇرمىسىمىزدى بارعان سايىن جاقسارتا الاتىندىعىمىزعا سەنىمىمىز كامىل».
تورسىلداق اتۋ، تاڭيۋان پىسىرۋ، تۇشپارا جەۋ، ادەبيەت - كوركەمونەر ويىنىن كورۋ... 2 - ايدىڭ 5 - كۇنى تۇستەن بۇرىن، بايىنعولين موڭعۇل اۆتونوميالى وبلىسى چاقىلىق اۋدانى ۋاششەرى قالاشىعى تاسساي قىستاعىندا، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگىلەر قىستاق تۇرعىندارىمەن بىرگە باس قوسۋ تاماعىن جەپ، ىنتىماق ءبيىن بىرگە بيلەدى. اۋىلعا قايتقان وقۋشى گۇلنازاردىڭ وقىعان «وسپىرىمدەر جۇڭگونىڭ بولاشاعى» اتتى ولەڭى باس قوسۋدىڭ سالتاناتىن مارەسىنە جەتكىزدى.
ءتىلشى تاسساي قىستاعىنىڭ ادەبيەت - كوركەمونەر نومىرلەرىنىڭ فورماسى ءار ءتۇرلى، مازمۇنى وزگەشە، جاڭالىققا تولى ەكەندىگىن، ۇلتتار ىنتىماعى تاقىرىبىن كورنەكتىلەندىرگەندىگىن بايقادى.
«بۇگىن مەن ءدامى ءتىل ۇيىرەتىن تاڭيۋان جەدىم، تاڭيۋان باس قوسىپ، تۇگەندەلۋدىڭ سيمۆولى، بەينە شينجياڭداعى ءار ۇلت كادر - جۇرتشىلىعىنىڭ تىعىز ىنتىماقتاسقاندىعى سياقتى. وتكەن ءبىر جىلدا، قىستاقتا تۇراتىن قىزمەت اترەتى قىستاققا قىرۋار ناقتى ءىس، جاقسى ءىس ىستەپ بەرىپ، بىزگە پارتيانىڭ قامقورلىعى مەن مەيىرىن تەرەڭ سەزىندىردى. 2019 - جىلى مەن اناعۇرلىم قۇلشىنىپ، ءبىر تەحنيكانى ۇيرەنىپ جانە ونى يگەرىپ، سىرتقا شىعىپ جۇمىس ىستەپ كىرىسىمدى ارتتىرامىن»، - دەدى قىستاق تۇرعىنى تاشحان قوجاقىمەت تەبىرەنە.
بايىنعولين موڭعۇل اۆتونوميالى وبلىستىق ساۋدا ىستەرى مەكەمەسىنىڭ، ساۋداگەر شاقىرۋ، دامىتۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي ي پيڭچۋان بىلاي دەدى: بوساعالىق جاپسىرۋ، تورسىلداق اتۋ، تۇشپارا جەۋ، كلاسسيك ولەڭ - ءسوز وقۋ سياقتى تاسىلدەر ارقىلى ءار ۇلت حالىق بۇقاراسىنا جۇڭحۋا ۇلتىنىڭ ءداستۇرلى مادەنيەتىنىڭ تەرەڭ ءمانىن سەزىندىردىك، سونىمەن بىرگە قىستاق تۇرعىندارىنىڭ جاڭا جىلدىق نىسانالارىن جاقسى جوسپارلاپ، كوكتەمدە ءىستى ءساتتى باستاۋلارىنا كومەكتەستىك.
«جاڭا جىل كەلىپ تە جەتتى، قيىنشىلىعى بار قىستاق تۇرعىندارى ەسىمنەن شىقپادى، بۇگىن ولارعا ارناۋلى امانداسقالى كەلدىم». 2 - ايدىڭ 5 - كۇنى، اۆتونوميالى رايوندىق ساناق مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باس جەتەكشىسى، مارالباسى اۋدانىنىڭ اقساقمارال اۋىلىنىڭ چىنلاۋچي قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي سۇڭ شيۋحۇڭ مەن اترەت مۇشەلەرى بال كۇلشە، جەمىس - جيدەك، قانت - كامپيتتەرىن الىپ، قىستاق تۇرعىنى بۇزايناپ نۇرماماتتىڭ وتباسىنا كەلدى.
بۇزايناپ پەن كۇيەۋى ۇيلەرىن جيناستىرىپ جاتقان ەدى، سۇڭ شيۋحۇڭنىڭ داۋىسىن ەستىپ، قۋانا قارسى الا شىعىپ، سۇڭ شيۋحۇڭمەن قول الىسىپ، قۇشاقتاستى.
سۇڭ شيۋحۇڭ بۇزايناپ وتباسىنىڭ جاعدايىن ۇعىسقاننان كەيىن بىلاي دەدى: «وتباسىڭدا قازىر قيىنشىلىق بار ەكەن، ءبىز امالىن تاۋىپ ساعان قىزمەت قاراستىرايىق. تەك جاقسى ىستەسەڭ تۇرمىسىڭ، ءسوزسىز، كۇن سايىن جاقسارادى».
« <ۇعىسۋ، تيىمدىلىك جاساۋ، توعىستىرۋ> بويىنشا قىستاقتا تۇراتىن قىزمەت اترەتى قيىنشىلىعى بار بۇقارانىڭ جاعدايىنا قاشاندا كوڭىل ءبولىپ كەلەدى. كوكتەم مەرەكەسىندە، ءبىز قيىنشىلىعى بار بۇقارانىڭ حال - جايىن ۇعىسىپ، پارتيا مەن ۇكىمەتتىڭ مەيىرىن جانە قامقورلىعىن بۇقاراعا جەتكىزىپ، ولاردى سەنىم ورناتىپ، كەدەيلىكتەن ەرتە ارىلىپ، بايۋ جولىنا تۇسۋگە شابىتتاندىردىق»، - دەدى سۇڭ شيۋحۇڭ.
( تىلشىلەر جاۋ جىيۇن، جاۋ مين، جاڭ رۇيلين)
