تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

تارتىمدى قيمىلدارمەن كوكتەم مەرەكەسىن قۇتتىقتاپ، تاماشا جاڭا تۇرمىستى جىرلادى

  كوكتەم مەرەكەسى توعىسۋدىڭ، گۇلدەنۋدىڭ سيمۆولى، شاتتىق پەن باقىتتى ايگىلەيدى، تاماشا ۇمىتتەر ارقالاتادى. بيىلعى كوكتەم مەرەكەسىندە مادەنيەت ارقىلى حالىققا تيىمدىلىك جەتكىزۋ ينجەنەرياسىنىڭ ۇزدىكسىز ىلگەرىلەۋىندە، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتتەرىنىڭ زەر سالا ۇيىمداستىرۋىندا، «ۇلتتار ىنتىماعىنىڭ بەرەكەلى شاڭىراعى» قيمىلىنىڭ مەيىرگە تولى ورتاسىندا، تيانشاننىڭ تۇستىگى مەن تەرىستىگىندەگى جەر - جەردە مادەنيەت قيمىلدارى ۇزدىكسىز وتكىزىلىپ، قالا مەن اۋىلدىڭ بارلىق جەرى جاڭا جىل شاتتىعىنا شومدى.

  2 - ايدىڭ 7 - كۇنى حىجىڭ اۋدانى حارمودون قالاشىعى ۇلانعاجار قىستاعىنىڭ تۇرعىندار قيمىل ورتالىعىندا جۇپ قۇراپ، تۋىس بولعان كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن كادرلار مەن قىستاق تۇرعىندارى قول ۇستاسا بيگە باستى، «كوكتەم مەرەكەسىن قارسى الۋ. ۇلتتار ىنتىماعى» بىرلەسكەن دوستىق قيمىلى بۇل ارانى شاتتىق تەڭىزىنە اينالدىردى.

  سوڭعى كۇندەرى «التىن شونجى»، «قۇرلىقتاعى كەمەجاي» اتالعان شونجى اۋدانىنىڭ اۋىل - قىستاقتارىندا كوكتەم مەرەكەسىنە ارنالعان ادەبيەت - كوركەمونەر ويىن نومىرلەرى ارت - ارتىنان وتكىزىلىپ، ءار ۇلت بۇقاراسى كوڭىلدەرىندەگى العىس سەزىمدەرى مەن كەرنەگەن باقىت سەزىمدەرىن جابال ءبىلدىردى. 2 - ايدىڭ 7 - كۇنى شونجى اۋدانى كارىز اۋىلى شىعىس كارىز قىستاعىندا قىستاق تۇرعىندارى وزدەرى دايىنداپ، وزدەرى ورىنداعان ءبي «تاماشا باستاما»، ءان «وتان»، سانجۇيبان «مەكەنگە ماداق»، گيتاردىڭ سۇيەمەلىندە ورىندالعان ءان «كورىكتى مەكەن» سياقتى تارتىمدى ويىن نومىرلەرىن كورىپ، قىستاق تۇرعىنى زوھىرا ءيۇسۇپ قاتتى رازى بولدى. «مەملەكەتىمىزدىڭ گۇلدەنىپ - كوركەيۋىن تىلەيمىز، مەكەنىمىزدىڭ بارعان سايىن كوركەم بولۋىن تىلەيمىز». قىستاق تۇرعىنى فان سۇنجىننىڭ بۇل ءسوزى كوپشىلىكتىڭ قىزۋ قارسى الۋىنا يە بولدى.

  2 - ايدىڭ 6 - كۇنى ماكىت اۋدانى قۇمقۇسار اۋىلى قۇمقۇسار قىستاعىندا وتكىزىلگەن ويىن - ساۋىقتا جەردى تەربەلتكەن دابىل ءۇنى ىشىندە بىرنەشە جۇپ «ارىستان» بىردە جوعارى قارعىپ، بىردە باستارىن سىلكىپ، كورەرمەندى قىزىققا باتىردى. قۇمقۇسار قىستاعىنان ويىن - ساۋىققا قاتىناسقان 216 قىستاق تۇرعىنىنىڭ كەيبىرەۋلەرى دابىل قاقسا، كەيبىرەۋلەرى ارىستان بيلەتتى، تاعى بىرەۋلەرى ياڭگىر بيلەپ، بىرەۋلەر «باتىسقا ساياحات» رومانىنداعى كەيىپكەرلەردىڭ رولىن الدى... كوپشىلىك تىعىز سايكەسىپ، قىستاقتى ارالاي ءجۇرىپ ويىن قويدى. بالالار ولارعا جول بويى ىلەسسە، جاستار قول تەلەفوندارىمەن توقتاۋسىز سۋرەتكە ءتۇسىردى، كورەرمەندەر: ارىستان بيلەتۋمەن مەرەكەنىڭ مەرەيى ارتىپ، قۇمقۇسارلىقتاردىڭ كۇش - قايراتى مەن رۋح - جىگەرى ايگىلەندى، - دەپ ماداقتاستى.

  «بيىلعى كوكتەم مەرەكەسىندە چەرشەن اۋدانى اۋداندىق تەاترحانادا <شالعاي شاعىن قالاشىقتاعى كوكتەم مەرەكەسى ساۋىق كەشى> اتىندا مەرەكەلىك كولەمدى ساۋىق كەش وتكىزۋدەن سىرت، تۇتاس اۋدانداعى 54 قىستاق، 6 الەۋمەتتىك اۋماق جەكە - جەكە <قىستاعىمىزدىڭ كوكتەم مەرەكەسى ساۋىق كەشىن> وتكىزىپ، بۇقارانىڭ رۋحاني، مادەنيەت تۇرمىسىن اناعۇرلىم بايىتىپ، پارتيا مەن بۇقارا، كادرلار مەن بۇقارا قاتىناسىن قويۋلاتتى، سونىمەن بىرگە، ءار ۇلت بۇقاراسىنىڭ وتانشىلدىق سۇيىسپەنشىلىگى مەن ءىس ىستەپ، شارۋاشىلىق قۇرۋ ىنتاسىن جانداندىرىپ، ءار ۇلت بۇقاراسىنىڭ تابىس سەزىمى مەن باقىت سەزىمىن ىشكەرىلەي كۇشەيتتى»، - دەدى چەرشەن اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى شۇي شياۋحۋا.

  كوكتوعاي اۋدانى قىزىلشىلىك اۋىلى قاراجىگىت قىستاعى جاڭا جىلدىڭ شات - شادىمان مەرەيىنە شومدى. 2 - ايدىڭ 5 - كۇنى قىستاقتا وتكىزىلگەن «كوكتەم مەرەكەسىن شات مەرەيمەن قارسى الۋ» اتىنداعى ادەبيەت - كوركەمونەر كونسەرتى قيمىلىندا قىستاق تۇرعىندارى ءان شىرقاپ، ءبي بيلەپ، باقىتتى تۇرمىستى ماداقتاپ، پارتيانىڭ جاقسى ساياساتىن جىرلادى. ساحنا قىزىپ جاتقاندا، ساحنادان سىرت جەرلەر دە دۋمانعا بولەندى. حۇسنيحات اۋەسكەرلەرى قىستاق تۇرعىندارىنا بوساعالىق جانە «باقىت» ءارىبىن تەگىن جازىپ بەردى. ۇلكەن «باقىت» ءارىبى جازىلعان قىزىل قاعازدار مەن جاقسى تىلەكتىڭ، اماندىقتىڭ بەلگىسى بولعان بوساعالىقتار كوكتەم مەرەكەسىنە ەرەكشە قۋانىش قوستى. بوساعالىق پەن «باقىت» ءارىبى جازىلعان قىزىل قاعازدى قولىنا العان قىستاق تۇرعىنى ءمۇتان قاشاۋباي ۇلى: وسى 2 جىلدا مەكەنىمىز كوپ وزگەردى، پارتيا مەن ۇكىمەتتىڭ قامقورلىعىنا العىس ايتامىز. مۇنان كەيىن مەن ونان ارى قۇلشىنىپ، تۇرمىسىمدى بارعان سايىن جاقسارتامىن، - دەدى.

  (تىلشىلەر جاڭ جىلي، حان چين - يان، گى يوۋجۇن، دۋ جيانحۇي، لي داۋجۇڭ، جاڭ تيڭ، ەرىكتى تىلشىلەر چىن شۋەرۋ، ۋ شيالي)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى