تيانشان تورابى   ›   جاڭالىقتار   ›   شينجياڭ حابارلارى

مادەنيەت لەبى كوكتەم مەرەكەسىنە كورىك قوستى

  قازىر تيانشاننىڭ تۇستىگى مەن تەرىستىگىندە جاڭا جىلدى مادەنيەتتى ارقاۋ ەتىپ وتكىزۋ بىرتىندەپ سالىتقا اينالدى. زاتتىق تۇرمىستىڭ كۇن سايىن مولىعۋىنا بايلانىستى اناعۇرلىم كوپ ادامدار رۋحاني ءومىرىن تولىستىرۋعا تالپىنا باستادى. مەرەكە دەمالىسى كەزىندە جۇرتشىلىق مۇراجايعا، كىتاپحاناعا، اسەمونەر سارايىنا، كينوحاناعا، باقشاعا كوبىرەك بارىپ، سالت - سانا قيمىلىنا قاتىناسىپ، جاقسى كىتاپتار وقىپ، سىزبا سۋرەتتەردى تاماشالاپ، كينو كورىپ، كوركەمونەر لەكسياسىن تىڭداپ، مادەنيەت مازمۇنىنا باي كوكتەم مەرەكەسىن تويلادى.

  2 - ايدىڭ 8 - كۇنى تۇستەن بۇرىن اۆتونوميالى رايوندىق مۇراجايدىڭ 1 - قاباتىنداعى ۇلكەن زال ۋاقىتتىق ساباقحاناعا اينالدى، جەتكىنشەكتەر قولدارىنداعى جىپتەرىن مۇقياتتىلىقپەن ارى - بەرى ايقاستىرا وتكىزىپ، بالىق فورماسىنداعى اشەكەي بۇيىمىن جاسادى. كوكتەم مەرەكەسى كەزىندە، مۇراجاي جاس وسپىرىمدەردىڭ زەرتتەۋ، ۇيرەنۋ قيمىلى − «جىل سايىن مولشىلىق بولسىن، كوكتەم مەرەكەسى باقىتقا تولسىن − DIY جاڭا جىل اسپالى اشەكەي بۇيىمى» قيمىلىن وتكىزدى.

  ءوزىنىڭ جاساعان بالىق فورماسىنداعى اشەكەي بۇيىمىن قولىنا ۇستاپ تۇرعان 10 جاستاعى ءمادينا ابىليكىمنىڭ ءسابي جۇزىنەن شاتتىقتىڭ كۇلكىسى ەستى. ول بىلاي دەدى: بۇل بالىق «جىل سايىن مولشىلىق بولسىن» دەگەن ماندە، تۇرمىستىڭ وتە جاقسى ەكەنىن بىلدىرەدى. ۇيگە كوكتەم مەرەكەسى بوساعالىعىن، تەرەزە ويۋىن جاپسىردىق، كوكتەم مەرەكەسىنە قاراعان تۇندە ءبىر ءۇيلى جان باس قوسۋ تاماعىن ىشتىك، مەن مەرەكە كەزىندەگى دۋماندى ورتانى ايرىقشا ۇناتامىن.

  «<شىعىستان بەس جۇلدىز تۋىپ، قۇدىرەت تابادى ەلىمىز> دەگەن جازۋ جازىلعان قامقادان تىگىلگەن مىنا بىلەكقاپ بىرنەشە كۇننىڭ الدىندا ورتالىق تەلەۆيزياسىنىڭ <مەملەكەت اسىل قازىناسى> ايدارشاسىندا كورسەتىلدى»، - دەدى شينجياڭنىڭ بايىرعى تاڭداۋلى كيىم - كەشەك كورمە زالىندا يۋ يانان شاڭحايدان قايتىپ كەلگەن قىزىنا تانىستىرىپ. «كوكتەم مەرەكەسى كەزىندە مۇراجايعا كەلىپ ارالاپ، اۋىلىمىزدىڭ تاريحىن تانىدىق، وتانىمىزدىڭ مادەنيەت قازىنالارىن ءتۇسىنۋ ايرىقشا ماڭىز الادى ەكەن»، - دەدى يۋ يانان.

  2 - ايدىڭ 8 - كۇنى شونجى اۋداندىق ساناق مەكەمەسىنىڭ، نىساندار وكىلدىك قۇرىلىس مەكەمەسىنىڭ شونجى قالاشىعى كاڭجۇي الەۋمەتتىك اۋماعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى، الەۋمەتتىك اۋماقتىڭ كادرلارى وزدەرىنىڭ جۇپ قۇراعان تۋىستارىمەن بىرگە جاڭادان اشىلعان شونجى اۋداندىق مۇراجايعا بارىپ، شونجىنىڭ تاريحىن، مادەنيەتىن ءتۇسىنىپ، وتاندى ءسۇيۋ، اۋىلدى ءسۇيۋ سەزىمدەرىن كۇشەيتتى.

  ءۇرىمجى قالالىق اسەمونەر سارايىندا جاڭا جىلدى قارسى الۋ. ءۇرىمجى حۇسنيحات سۋرەتحاناسى (ءۇرىمجى قالالىق اسەمونەر سارايى) ساقتاعان تۋىندىلارىنان كورمە وتكىزدى. حۇسنيحات، سۋرەت تۋىندىلارىن تاماشالاپ جۇرگەن ءۇرىمجى قالاسىنىڭ تۇرعىنى مۋزى وزگەشە شاتتىققا شومىپ بىلاي دەدى: وسى رەتكى كورمەگە قويىلعان تۋىندىلار وتە ساپالى ەكەن، تاماشالاۋعا، سارالاۋعا، ۇيرەنۋگە تاتيدى.

  «وتباسىمداعىلاردىڭ دەنساۋلىعى مىقتى بولسىن دەپ تىلەيمىن»، «سۇيەم سەنى جۇڭگو، اسكەر بولعىم كەلەدى»، «ەمتيحاندا جوعارى ءنومىر السام ەكەن» ... وقىرمانداردىڭ جاڭا جىلدان كۇتكەن تىلەكتەرى جازىلعان قاعازدار، ءۇرىمجى قالالىق كىتاپحانانىڭ 1 - قاباتىنىڭ زالىنداعى «2019. جاڭا جىلعا تىلەك. كىتاپ وقۋ باقىت. مىڭداعان ادامنىڭ تىلەگىنەن قۇرالعان مادەنيەت داۋالىنا» جاپسىرىلىپتى.

  2 - ايدىڭ 8 - كۇنى تۇستەن بۇرىن شينحۋا حالىقارالىق كىتاپ بازارىندا كىتاپ سورەلەرىنىڭ الدى كىتاپ تاڭداعان ادامدارعا لىق تولىپتى، اقشا تولەۋ ورنىندا كەزەك كۇتىپ تۇرعاندار دا از ەمەس ەكەن. «ادەبيەتكە قاتىستى كىتاپتاردى جاقسى كورەم، كىتاپ وقۋ ارقىلى ءتىپتى دە كوپ دۇنيەنى تۇسىنەتىن بولدىم»، - دەدى اسا مۇقياتتىلىقپەن 11 جاستاعى ما چييۋە ساۋ ۋىنشۋاننىڭ اڭگىمە، پوۆەست جيناعى «ءتۇز كولىگى» اتتى كىتاپتى قولىنا الىپ تۇرىپ.

  كوكتەم مەرەكەسى كەزىندە، اقسۋ مۇراجايىنىڭ «كوكتەم مەرەكەسى سالتتارىن ۇعىنىپ، مادەنيەت سەنىمىن ورناتايىق» تاقىرىبىندا وتكىزگەن كوكتەم مەرەكەسىنە قاتىستى سالت - سانا مادەنيەت كورمەسى ءار ۇلت بۇقاراسىن بارىنشا باۋرادى. كورمەگە كوكتەم مەرەكەسىندىك سۋرەت، بالشىق ءمۇسىن، قاعازدان قيىلعان سۋرەت سياقتى 160 نەشە ءتۇرلى ءداستۇرلى قولونەر بۇيىمدارى قويىلعان، مۇندا كوكتەم مەرەكەسىندەگى ءار ءتۇرلى ءداستۇرلى جول - جوسىندار، سونداي - اق باسقا دا مادەنيەت مازمۇندارى تانىستىرىلعان، ايتالىق، لاباجوۋ بوتقاسى، بوساعالىق جاپسىرۋ، تاساتتىق بەرۋ، جاڭا جىلدى كۇتۋ، مەرەكەنى تويلاۋ، تۋىستار ارا قىدىرۋ، شىراق كورمەسىن تاماشالاۋ... وسىلايشا كورەرمەندەردىڭ جۇڭحۋانىڭ ءداستۇرلى مادەنيەتىن تۇسىنۋىنە تاماشا مۇمكىندىك جاسالدى.

  بيىلعى كوكتەم مەرەكەسىندە كينو بازارلارى ايرىقشا دۋماندى بولدى. ءۇرىمجى حالىق كينوحاناسى جاۋاپتىسىنىڭ تانىستىرۋىنشا، بيىل كوكتەم مەرەكەسى كەزىندە ادامداردىڭ كينو كورۋ ىنتاسى ەرەكشە جوعارى بولعان، اسىرەسە، تۇستەن كەيىن جانە كەشتە كينوحانا ءار رەتتە ادامعا لىق تولعان. شاۋەشەك قالاسىنىڭ تۇرعىنى ما لي دوستىق شەڭبەرىنە وكىنىشپەن: «كينونىڭ <بەلەتى ساتىلىپ ءبىتتى> دەگەن جاعدايعا تۇڭعىش رەت جولىعۋىم»، - دەپ جولدادى. ال كينوحاناعا ءبىر ساعات ەرتە كەلىپ العان شۇي ميڭ مەن ونىڭ دوسىنا دا 3 - قاتاردىڭ شەتىنەن ورىن ءتيدى.

  بيىلعى كوكتەم مەرەكەسىندە بۇقارانىڭ رۋحاني جاقتان ءلاززاتتانۋ قىزعىندىلىعى ءتىپتى دە ارتا ءتۇستى.

  (تىلشىلەر لي لي، گى يۋجۇن، جاڭ يىڭچۇن، ەرىكتى ءتىلشى باي يۇنفىڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى