تيانشان تورابى   ›   جاڭالىقتار   ›   ماڭىزدى حابارلار

شي جينپيڭ مەن پورتۋگاليانىڭ زۇڭتۇڭى جۇڭگو مەن پورتۋگاليانىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى. 2 - ايدىڭ 8 - كۇنى مەملەكەت ءتوراعاسى شي جينپيڭ مەن پورتۋگاليا رەسپۋبليكاسىنىڭ زۇڭتۇڭى دي سوزا ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: جۇڭگو مەن پورتۋگاليا دوستىعىنىڭ تامىرى تەرەڭدە جاتىر. ديپلوماتيالىق قارىم - قاتىناس ورناتقان 40 جىلدان بەرى ەكى جاق ءوزارا قۇرمەت ەتۋ، تەڭ تۇرعىدان مامىلە جاساۋ، ءوزارا تيىمدىلىك جەتكىزىپ، تەڭ يگىلىككە كەنەلۋ رۋحىمەن ەكى جاقتى قارىم - قاتىناستىڭ اقاۋسىز، ورنىقتى دامۋىن ىلگەرىلەتتى. 1999 - جىلى ەكى جاق اۋمىن ماسەلەسىن ۇيلەسىمدى شەشىپ، مەملەكەت پەن مەملەكەت اراسىنداعى تاريحتان قالعان ماسەلەلەردى دوستىق تۇرعىدا كەڭەسىپ شەشۋدىڭ ۇلگىسىن ورناتتى. 2005 - جىلى جۇڭگو مەن پورتۋگاليا جالپى بەتتىك ستراتەگيالىق سەرىكتەستىك قارىم - قاتىناس ورناتقاننان بەرى ەكى جاقتىڭ جوعارى جىكتەگىلەرىنىڭ ءوزارا ساپارلاۋى جيىلەپ، ساياسي جاقتاعى ءوزارا سەنىمى ۇزدىكسىز تەرەڭدەپ، ءتۇرلى سالاداعى ءوزارا تيىمدىلىك جەتكىزۋ سەلبەستىگىنىڭ ناتيجەسى كورنەكتى بولدى. جۋىقتا مەن ەلدەرىڭىزدە ءساتتى ساپاردا بولىپ، سىزبەن ىشكەرىلەي دوستىق تۇرعىدا كەڭەسىپ، جۇڭگو - پورتۋگاليا قارىم - قاتىناسى دامۋىنىڭ جاڭا جوباسىن بىرگە جاسادىق. مەن جۇڭگو - پورتۋگاليا قارىم - قاتىناسىنىڭ دامۋىنا باسا ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعىن جاڭا باستاما ەتىپ، جۇڭگو مەن پورتۋگاليانىڭ جالپى بەتتىك ستراتەگيالىق سەرىكتەستىك قاتىناسىن تىڭ ساتىعا كوتەرۋدى ىلگەرىلەتىپ، ەكى ەلدى جانە ەكى ەل حالقىن اناعۇرلىم مول باقىتقا كەنەلتۋدى قالايمىن.

  دي سوزا قۇتتىقتاۋ تەلەگرامماسىندا مىنانى ءبىلدىردى: پورتۋگاليا مەن جۇڭگو ديپلوماتيالىق قارىم - قاتىناس ورناتقاننان بەرى ەكى جاق باستان - اياق تاتۋ - ءتاتتى ءوتىپ، پارىقتاردى ساقتاپ، ورتاقتىققا ۇمتىلىپ، ءوزارا تيىمدىلىك جەتكىزىپ، تەڭ يگىلىككە كەنەلدى. ەكى جاق تەڭ تۇرعىدا كەڭەسىپ، ورتاق تانىمعا كەلۋ ارقىلى اۋمىننىڭ بيلىگىن وتكىزىپ بەرۋ - وتكىزىپ الۋدى ءساتتى ىسكە اسىرىپ، حالىقارالىق قوعامعا پايدالى ۇلگى ازىرلەدى. پورتۋگاليا ەكى ەلدىڭ ۇزاق ۋاقىت بەيبىت بارىس - كەلىس جاساسىپ كەلگەندىگىن ايرىقشا ماقتانىش ەتەدى، ەكى جاقتىڭ تالىقپاي قۇلشىنىپ، سەنىمدى بەكەمدەپ جانە شىن پەيىلمەن ەكى ەلدىڭ باياندى، مىعىم دوستىق قارىم - قاتىناسىن ۇزدىكسىز دامىتۋدى جەبەيتىندىگىنە سەنەمىن.

  سول كۇنى مەملەكەتتىك كەڭەستىڭ زۇڭليى لي كىچياڭ مەن پورتۋگاليانىڭ زۇڭليى كوستا دا ءوزارا قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا بىلاي دەدى: پورتۋگاليا − جۇڭگونىڭ ەۆروپا وداعىنداعى ماڭىزدى سەلبەستىك سەرىگى. جۇڭگو جاق پورتۋگاليا جاقتىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسقاندىعىن القايدى، پورتۋگاليا جاقپەن قول ۇستاسا قۇلشىنىپ، ەكى ەلدىڭ ديپلوماتيالىق قاتىناس ورناتقاندىعىنىڭ 40 جىلدىعىن وراي ەتىپ، جۇڭگو - پورتۋگاليا قارىم - قاتىناسىن جانە ءتۇرلى سالاداعى ناقتى ىستەر جونىندەگى سەلبەستىكتى ۇزدىكسىز دامىتۋدى جەبەۋدى قالايدى. كوستا قۇتتىقتاۋ تەلەگرامماسىندا بىلاي دەدى: پورتۋگاليا جاق جۇڭگو جاقپەن بىرگە قۇلشىنىپ، ەكى ەلدىڭ جالپى بەتتىك ستراتەگيالىق سەرىكتەستىك قاتىناسىن ۇزدىكسىز تەرەڭدەتىپ، ەكى ەل حالقىن باقىتقا كەنەلتىپ، قازىرگى داۋىردەگى جاھاندانىپ دامۋدى ىلگەرىلەتۋگە اناعۇرلىم زور ۇلەس قوسۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى