تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

مارالباسى اۋدانى مارالباسى قالاشىعى شيڭفۋيۋان الەۋمەتتىك اۋماعى كەدەيلەردى سۇيەمەلدەۋ زاۆودىنىڭ جۇمىسشىلارى − بىلەك سىبانا ىسكە كىرىسىپ، جاڭا داۋىردەگى ارماندارىنا ۇمتىلدى

ءتىلشى جاڭ رۇيلين

  2 - ايدىڭ 8 - كۇنى ساعات 9دا قاشقار ايماعى مارالباسى اۋدانى مارالباسى قالاشىعىنىڭ شيڭفۋيۋان الەۋمەتتىك اۋماعى دۋمانعا بولەندى، الەۋمەتتىك اۋماقتىڭ عيماراتتارىنان شىققان ايەلدەردىڭ جۇزىنەن قۋانىشتىڭ لەبى ەسۋدە. ولاردىڭ بارلىعى مارالباسى اۋداندىق حىحۇڭ كيىم - كەشەك شەكتى سەرىكتەستىگى شيڭفۋيۋان الەۋمەتتىك اۋماعى كەدەيلەردى سۇيەمەلدەۋ زاۆودىنىڭ جۇمىسشىسى دەيتىن ورتاق سالاۋاتقا يە. كوكتەم مەرەكەسىندە كوپشىلىك قىسقا عانا ۋاقىت دەمالعان سوڭ، قاربالاس وندىرىسكە كىرىسىپ كەتتى.

  مارالباسى قالاشىعى شيڭفۋيۋان الەۋمەتتىك اۋماعىنىڭ تۇرعىندارىنىڭ ءبارى جاقىن ماڭداعى اۋىل، قالاشىقتاردان كوشىپ كەلگەن كەدەي وتباسىلارى، جەرگىلىكتى ۇكىمەت كەدەي وتباسىلارىن تۇرعىن ءۇي، ەمدەۋ، وقۋ - اعارتۋمەن قامتاماسىز ەتۋدەن تىس، الەۋمەتتىك اۋماقتا زاۆود سالىپ، الەۋمەتتىك اۋماقتاعى ايەلدەردى ءوز جەرىنەن، جاقىن ماڭنان جۇمىسقا ورنالاستىردى. 2018 - جىلى 6 - ايدا ءوندىرىس باستاعاننان قازىرگە دەيىن، زاۆودتا 200دەن استام جۇمىسشى ىستەدى، كوپتەگەن كەدەي وتباسىلارداعى ايەلدەر تەحنيكا ۇيرەنىپ قانا قالماستان، تۇراقتى كىرىس كىرگىزىپ، كوپتەگەن جاڭا دوس تاۋىپ، وزدەرىنە سەنىم ورناتتى.

  ءنۇربيا راحماننىڭ ەڭ كىشكەنە بالاسى ءبىر جاستان ەندى عانا استى، اتاسى مەن اپاسى ونىڭ قىزمەتىنە قولداۋ كورسەتۋ ءۇشىن بالاعا قاراۋ جاۋاپكەرشىلىگىن ىرىقتىلىقپەن ارقالادى.

  «اتام پارتيا مەن مەملەكەتتىڭ ابزال ساياساتىنىڭ ارقاسىندا وسىنشاما جاقسى عيماراتقا كوشىپ كىرىپ، جاقىن جەردەن جۇمىسقا ورنالاستىڭ دەيدى، ۇيدەگىلەر مەنى ەرەكشە قولدايدى»، - دەدى ءنۇربيا.

  زورگۇل ياسىننىڭ زاۆودقا كەلىپ جۇمىس ىستەگەنىنە ءبىر اي دا بولماپتى. ول بىلاي دەدى: «مەن وسى قىزمەت ورايىن ەرەكشە قاستەرلەيمىن. جولاۋشىلار اۆتوبۋزىن جۇرگىزەتىن جۇبايىم كەزدەيسوق جاعدايدا مۇگەدەك بولىپ قالعان، ونسىزدا قوڭىرقالتا وتباسىمىز وسى سەبەپتى ەڭ تومەنگى تۇرمىستى قامتاماسىز ەتۋگە سۇيەنىپ كۇنەلتتى. الەۋمەتتىك اۋماقتىڭ كادرلارى ماعان وسى قىزمەتتى تانىستىرعان كەزدە مەن ەش ويلانباستان ماقۇل بولا كەتتىم».

  «زاۆودتاعى ۇستازدار وتە مۇقيات ۇيرەتەدى، مەن كوپتەگەن كاسىپتىك بىلىمدەر مەن تەحنيكالاردى ۇيرەنىپ الدىم، ۇيدەگىلەر ماعان قازىر سۇلۋلانىپ كەتىپسىڭ، وزىڭە دەگەن سەنىمىڭ دە كۇشەيىپتى دەيدى، مەن، ءسوزسىز، وتباسىمداعىلار ءۇشىن ءتىپتى دە باقىتتى تۇرمىسقا قول جەتكىزەمىن»، - دەدى زورگۇل كۇلىپ تۇرىپ.

  چىمانگۇل قۇربان زاۆودقا كەلۋدەن بۇرىن تەحنيكا بىلەتىن ساناۋلى ادامداردىڭ ءبىرى ەدى، سونىمەن بىرگە مەملەكەتتە ءبىر تۇتاس قولدانىلاتىن تىلدە جاقسى سويلەيتىن جۇمىسشى بولاتىن، سونىمەن چىمانگۇل زاۆودقا كەلە سالا گرۋپپا باستىعى بولدى. «مەن زاۆودقا كەلىپ جۇمىس ىستەگەلى 8 اي بولدى، مەن وسى ۇلكەن شاڭىراقتى ەرەكشە جاقسى كورەمىن. جاڭا ءبىر جىلدا، مەن ءتىپتى دە قۇلشىنا ۇيرەنىپ، قايراتتانا قىزمەت ىستەپ، ەرتەرەك زاۆودتىڭ تەحنيكا ۇستازى بولۋعا قۇلشىنامىن»، - دەدى چىمانگۇل.

  21 جاستاعى ءماريام اقنيازتۇردى زاۆودتا جۇمىسشى بولىپ جۇرە بەرۋدى قالامايدى ەكەن. ول بىلاي دەدى: مەن زاۆودتا تەحنيكانى قۇلشىنا ۇيرەنىپ، بولاشاقتا شارۋاشىلىق قۇرىپ، وزىمە تيەسىلى دۇكەن اشىپ، جاقسى كورەتىن كيىم - كەشەكتەرىمدى تىگەمىن.

  ساعات 9دان 30 مينۋت وتكەندە زاۆودتىڭ تىگىن ماشينالارىنىڭ سىتىرلاعان داۋىسى ەستىلدى، جۇمىسشىلار وزدەرىنىڭ ارماندارىن ارقالاپ جاڭا ءبىر كۇنگى جۇمىسقا كىرىسىپ كەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى