تيانشان تورابى   ›   جاڭالىقتار   ›   شينجياڭ حابارلارى

ارمانعا قۇلاش سەرمەگەندەر ەرتە قامدانادى

جاڭ بەي

  «كوكتەم نە؟ كوكتەم − جىلدىڭ باسى». كوكتەم مەرەكەسى قۋانىشپەن باس قوساتىن، كونە جىلدى اتتاندىراتىن قىمباتتى شاق عانا ەمەس، رۋحتى سەرپىلتىپ، جاڭا جىلعا كوز تاستايتىن اسا تاماشا كەز. جاڭا جىلدا جاڭا بەينە، تىڭ ىسكەرلىك كورسەتۋ كەرەك، كوكتەم مەرەكەسى كەزىندە اۆتونوميالى رايونىمىزدا ءار كاسىپ، ءار سالادا ءار ۇلت كادرلارى مەن بۇقارا تاسقىنداعان رۋحپەن، ەكپىندەي العا تارتقان بەينەمەن جاڭا ءبىر جىلدا كاسىبىن گۇلدەندىرۋدىڭ جوبا - جوسپارىن جاساپ، بولاشاققا تالپىنۋدا.

  «جىل ەسەبى كوكتەمدە». كوكتەمدە بار تىرشىلىك جاندانادى، بۇل ناعىز جان قيارلىقپەن كۇرەسىپ، ەكپىندەي العا تارتاتىن تاماشا كەز. ءىس ىستەۋدە، شارۋاشىلىق قۇرۋدا جوسپار بولۋ، نىسانا بولۋ كەرەك، سوندا عانا قۇلشىنعان سايىن باعىت ايقىن بولادى، قادام نىق باسىلادى. «مەملەكەتتە ءبىر تۇتاس قولدانىلاتىن ءتىل - جازۋدى جاقسى ۇيرەنەمىن»، «جاڭا جىلدا سىرتقا شىعىپ جۇمىس ىستەپ، تۇرمىس شارت - جاعدايىمدى جاقسارتامىن»، «اۋىلىمنىڭ ەرەكشە ءونىمىن بۇكىل ەلگە ساتامىن»... بۇلار تيانشاننىڭ وڭتۇستىگى مەن سولتۇستىگىنەن ءبىز ەستىگەن قاراپايىم جانداردىڭ ۇساق نىسانالارى، سونداي - اق ارمانعا قۇلاش سەرمەگەن جانداردىڭ تاماشا تۇرمىسقا تالپىنۋداعى ناقتى جوسپارلارى. نىسانا بولعاندا، قوزعاۋشى كۇش بولادى، ءۇمىت تە بولادى.

  باقىت كۇرەسپەن كەلەدى. انىق نىسانا بولعان ەكەن، ءاربىر قادامدى نىق باسىپ، ونى جۇزەگە اسىرۋ كەرەك. كوكتەم مەرەكەسى قارساڭىندا ەرەكشە ترانسفورماتور شەكتى جارنا سەرىكتەستىگى شينجياڭ ترانسفورماتور زاۆودىندا جۇمىس ءباز - باياعىسىنداي قىزۋ دۋمانمەن ءجۇرىلىپ جاتتى. قىزمەتكەرلەر 2 - ايدىڭ سوڭىندا زات تاپسىرىلاتىن ءوندىرىس نىسانى ءۇشىن قاربالاس ەدى، ءوندىرىس نىسان قارقىنى، اۋەلى، ساعاتىنا ەسەپتەيتىن دارەجەگە دەيىن ۇساقتالعان - دى. جاڭا عانا وتكەن 2018 - جىلدا ەرەكشە ترانسفورماتور سەرىكتەستىگىنىڭ جىلدىق ترانسفورماتور ءوندىرۋ مولشەرى 260 ميلليون كيلوۆولت - امپەرگە جەتىپ، دۇنيە جۇزىندە 1 - ورىنعا شىقتى. ءبىر - بىرلەگەن قادامسىز مىڭ شاقىرىم جولدى قالاي باسۋعا بولسىن؟! مەيلى كاسىپورىن، الدە جەكە ادام بولسىن، تابىستىڭ ءبارى از - ازدان جاسالعان كۇرەستەردىڭ ارقاسىندا قولعا كەلەدى.

  سان سالالى كاسىپ گۇلدەنەتىن كوكتەمدە دەر كەزىندە جاۋعان جاڭبىر كۇرەسكەرلەردىڭ جۇرەك اتىزىن بارىنەن جاقسى قۇنارلاندىرسا كەرەك. اۆتونوميالى رايون بيىل اۋىل - قىستاقتاردى گۇلدەندىرۋ ستراتەگياسىن ىشكەرىلەي اتقارىپ، «اۋىل شارۋاشىلىعى، اۋىل - قىستاق، شارۋالار» قىزمەتىنىڭ جاڭا جاعدايىن اشپاق، بۇل اۋىل - قىستاقتارداعى بايۋعا باستاماشى جانداردىڭ «كوڭىلىن ورنىقتىردى»؛ ساياحات ارقىلى شينجياڭدى گۇلدەندىرۋ ستراتەگياسىن جالپى بەتتىك اتقارىپ، ەكونوميكا دامۋىنىڭ ارتۋ ۇيەگىن قالىپتاستىرۋ ساياحات كاسىبى تيجاراتشىلارىنا شات حابار اكەلدى... ۇلكەن نىسانا بولسىن، الدە ۇلى جوسپار بولسىن، پارتيا مەن مەملەكەتكە ىلەسكەندە، كوڭىل ورنىقتى، جول اشىق بولماق.

  ەڭبەكشىل ادامدار كوكتەمدە ەرتە قامدانادى. كوكتەم مەرەكەسى دەمالىسى اياقتاۋ الدىندا تۇر، جۇمىستانۋشىلاردىڭ، شارۋاشىلىق قۇرۋشىلاردىڭ، كاسىبىن جالعاستىرۋشىلاردىڭ بارلىعى جاڭا جىلعا دەگەن ارمان - تىلەكپەن جورىققا ساقاداي سايلاندى. جاڭا جىلداعى ءاربىر قىزمەت ورنىندا سان مىڭداعان ادامنىڭ تاپجىلماي تۇرۋى جانە قۇلشىنىس جاساۋى جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ قۋاتتى بىرىككەن كۇشىن ۇيىستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى