تيانشان تورى   ›   جاڭالىقتار   ›   ساياحات

كوكتەم مەرەكەسىندە ساياحات ءساندى، دەمالىس ءماندى بولدى

  تىلشىلەر رىن جياڭ، تاڭ كاندۇڭ

     كوكتەم مەرەكەسى كەزىندە شينجياڭنىڭ جەر - جەرىندەگى ساياحات كورىنىس اۋماقتارى، كورىنىس تۇيىندەرى كوپتەگەن تاقىرىبى ايقىن، ءتۇرلى ەرەكشەلىكتەگى مادەنيەت، ساياحات قيمىلدارىن جولعا قويىپ، ساياحاتشىلاردىڭ قويۋ جاڭا جىل رايى ىشىندە كوكتەم مەرەكەسىن شات - شادىمان وتكىزۋىنە مۇمكىندىك جاسادى.

  ءمولدىر مۇز، اق قار، قويۋ جاڭا جىل رايى ءتىپتى دە كوپ ساياحاتشىنى شينجياڭعا كەلىپ كوكتەم مەرەكەسىن وتكىزۋگە باۋرادى. اۆتونوميالى رايوندىق مادەنيەت جانە ساياحات مەڭگەرمەسىنىڭ ساندىق مالىمەتىندە كورسەتىلۋىنشە، 2 - ايدىڭ 4 - كۇنىنەن 7 - كۇنىنە دەيىن، شينجياڭعا ساياحاتتاي كەلگەندەر ءبىر ميلليون 952 مىڭ 500 ادام - رەتكە جەتىپ، سايكەس مەزگىلدەگىدەن ٪ 73.14 ارتقان؛ ساياحات كىرىسى 2 ميلليارد 397 ميلليون يۋانعا جەتىپ، سايكەس مەزگىلدەگىدەن ٪78.08 ارتىپ، ساياحاتشىلاردىڭ تۇتىنۋ سالىستىرماسى ورتا ەسەپپەن 1227.66 يۋاننان تۋرا كەلگەن.

  2 - ايدىڭ 9 - كۇنى تۇستە دابىل ءۇنى تيانشان بوعدا كولى كورىنىس اۋماعىن دۋمانعا بولەدى. اق قار جامىلعان كول بەتىندە ادامدار قايشالىسىپ، كوڭىلدى كۇلكىلەر اۋىق - اۋىق كوتەرىلىپ، «كوكتەم مەرەكەسىن ويىن - ساۋىقپەن قارسى الۋ، جاڭا جىلدى ۇلتتىق سالت - سانا ۇلگىسىندە وتكىزۋ» قيمىلى وتكىزىلدى.

  ايداعار بيلەتۋ، ارىستان ويناتۋ، ياڭگىر ءبيى، قۇرلىقتاعى قايىق... تاماشا ويىن نومىرلەرى ىركەس - تىركەس قويىلىپ، دۋماندى راي جان - جاقتان كەلگەن قوناقتاردى شاتتىققا بولەدى، ساياحاتشىلار كونسەرت ۇيىرمەسىن قورشاپ بارەكەلدى ايتىسىپ، سۋرەتكە الدى، كوپتەگەن ساياحاتشى قىزىل، جاسىل، سارى جىبەك بەلدىك تاعىنىپ، كونسەرت ۇيىرمەسىمەن قوسىلىپ بيگە باستى.

  «شينجياڭنىڭ تاۋى، قارى وتە كوركەم، بۇل ارادا كوكتەم مەرەكەسىن وتكىزۋ وزگەشە ءماندى بولدى»، - دەدى سىچۋاننان كەلگەن ساياحاتشى لي تاۋ كوڭىلدەنە.

  تيانشان بوعدا كولى كورىنىس اۋماعى قار - مۇز ويماسىن تاماشالاۋ، قار - مۇز سپورتى، قار - مۇز كوڭىل اشۋى، اراساندا دەنساۋلىق كۇتىمدەۋ سياقتى كوپ ءتۇرلى قيمىلدار توعىسقان قار - مۇز كارنيۆالىن جولعا قويۋمەن بىرگە، ويىن - ساۋىق كونسەرتىن دە ۇيىمداستىرىپ، جۇڭحۋانىڭ ءداستۇرلى مادەنيەتىن اسقاقتاتىپ، جاڭا جىل دۋمانىن اسىرىپ، ساياحاتشىلاردى باۋرادى.

  ۇعىسۋعا قاراعاندا، «كوكتەم مەرەكەسىن ويىن - ساۋىقپەن قارسى الۋ، جاڭا جىلدى ۇلتتىق سالت - سانا ۇلگىسىندە وتكىزۋ» قيمىلى ورىستەتىلگەن 2 - ايدىڭ 7 - كۇنى، 9 - كۇنى ساياحاتشىلاردىڭ سانى كورنەكتى مولايعان. مۇنىڭ ىشىندە، 2 - ايدىڭ 7 - كۇنى تيانشان بوعدا كولى كورىنىس اۋماعى 7502 ادام - رەت ساياحاتشى قابىلداعان. 2 - ايدىڭ 4 - كۇنىنەن 8 - كۇنىنە دەيىن، بۇل كورىنىس اۋماعى 30 مىڭ ادام - رەتكە جۋىق ساياحاتشى قابىلداعان.

  بيىل قاناس كورىنىس اۋماعىنداعى «قوم ەجەلگى جىلى» قيمىلىنا ىشكەرىدەن ساياحاتشىلار مولىنان كەلدى. الاۋ وتى ءان - ءبي كەشىنەن سىرت، قارلى دالاداعى بايگە، قارلى دالاداعى كوكپار، قارلى دالاداعى قىزقۋار سياقتى ءبىر قىدىرۋ قار - مۇز ويىن قيمىلدارى دا وتكىزىلدى. 2 - ايدىڭ 4 - كۇنىنەن 8 - كۇنىنە دەيىن، قاناس، قوم قاتارلى 3 كورىنىس اۋماعى قابىلداعان ساياحاتشىلار 10 مىڭعا تاياۋلادى، مۇنىڭ ىشىندە 2 - ايدىڭ 8 - كۇنگى ساياحاتشى 2673 ادام - رەتكە جەتىپ، بىلتىرعى سايكەس مەزگىلدەگىدەن نەشە ون ەسە ارتتى.

  جۇڭحۋانىڭ ءداستۇرلى مادەنيەت ەرەكشەلىگى قويۋ جاڭا جىل رايى ساياحاتشىلاردى باۋراي ءتۇستى.

  2 - ايدىڭ 6 - كۇنى اۋات اۋدانى دولان تايپاسى كورىنىس اۋماعىندا ويىن - ساۋىق قيمىلى ايرىقشا دۋماندى ءوتتى، 5000نان استام ساياحاتشى ايداعار بيلەتۋ، ارىستان ويناتۋ، قۇرلىقتاعى قايىق، ياڭگى ءبيى سياقتى ويىنداردى تاماشالاپ، جاڭا جىل شاتتىعىنا شومدى. وسى كورىنىس اۋماعىنىڭ ورىنباسار باس ديرەكتورى ليۋ چيۇڭراۋ بىلاي دەپ تانىستىردى: بيىل وسى كورىنىس اۋماعى وتكىزگەن 5 - كەزەكتى «كوكتەم مەرەكەسىن دولاندىقتارمەن بىرگە وتكىزۋ» قيمىلى 2 - ايدىڭ 6 - كۇنىنەن 2 - ايدىڭ 19 - كۇنىنە دەيىن جالعاسادى. شينجياڭنىڭ ءىشى - سىرتىنان كەلگەن ساياحاتشىلار جاڭا جىل تىلەگى، كونكي تەبۋ سياقتى قيمىلدارعا قاتىناسۋدان سىرت، وزىندىك ەرەكشەلىكتەگى ءدامدى تاعامداردان اۋىز ءتيىپ، ءان - ءبي ويىندارىن تاماشالاپ، دولان ۇلتتىق سالت - سانا سپورت الاڭىندا بايگە، كوكپار سياقتى ۇلتتىق ويىنداردى تاماشالايدى.

  سانجى حۇيزۋ اۆتونوميالى وبلىسىنداعى اۋداندار، قالالار الۋان ءتۇرلى مادەنيەت، ساياحات قيمىلدارىن ورىستەتۋگە ۇيىمداستىردى، مۇنىڭ ىشىندە «كوكتەم مەرەكەسىندە سانجىدا ءبىر كۇن ساياحاتتاۋ» قيمىلى، سانجى ۋىنبويۋان، جەڭىل تاعام كوشەسى، شينجياڭ ۇلكەن تەاترحاناسى سياقتى كورىنىس اۋماقتارىن، كورىنىس تۇيىندەرىن بايلانىستىرىپ، ساياحاتشىلاردىڭ ايرىقشا العىسىنا يە بولدى، شينجياڭ ۇلكەن تەاترحاناسى ءبىر مەزەت كورەرمەندەرگە لىق تولىپ، ساياحاتتىڭ ەڭ قىزۋ كەزىندەگىدەن قالىسپادى.

  شاڭعى تەبۋ جىلدامدىق پەن اسەرلى سەزىمنىڭ ءتۇيىلىسۋى بولىپ تابىلادى. قازىر كوپتەگەن ساياحاتشى شاڭعى تەۋىپ سەرگۋدى، قول شانا ايداۋدى كوكتەم مەرەكەسىن وتكىزۋدىڭ جاڭا تالعامى ەتتى.

  2 - ايدىڭ 4 - كۇنىنەن 9 - كۇنىنە دەيىن، شينجياڭ جىبەك جولى حالىقارالىق تىنىعۋ، سەيىل - سەرۋەن اۋماعىنىڭ قابىلداعان ساياحاتشىسى 80 مىڭ ادام - رەتتەن اسىپ، سايكەس مەزگىلدەگىدەن ٪ 100تەن استام ارتقان. قىزمەتكەرلەر ءار كۇنى تاڭەرتەڭ ساعات 10 جارىمنان باستاپ كەشكى ساعات 10عا دەيىن قاربالاس ىستەدى. نيڭشيادان كەلگەن شاڭعى تەبۋ اۋەسكەرى جاڭ جياڭچۋان 10 نەشە دوسىن ۇيىمداستىرىپ، جاڭا جىلدىڭ ءبىرىنشى كۇنى شينجياڭعا شاڭعى تەبۋگە كەلدى. كوكتەم مەرەكەسى دەمالىس كەزىن ولار تۇگەلدەي شينجياڭدا وتكىزبەكشى.

  حۋبەيدىڭ ۋحانىنداعى ليۋ شياۋفاڭ اكە - شەشەسىن ەرتىپ التايعا كەلىپتى، «التايعا كەلىپ شاڭعى تەۋىپ، قاردى تاماشالاپ، وتانىمىزدىڭ باتىس سولتۇستىگىنىڭ قويۋ مەرەكە رايىن سەزىنىپ، مەرەكەلىك سەزىمىم اناعۇرلىم تاسقىنداي ءتۇستى»، - دەيدى ول.

  التايدىڭ گەنەرال تاۋى شاڭعى الاڭى كوكتەم مەرەكەسى كەزىندە ساياحاتشىلارعا لىق تولدى، تۇستەن بۇرىن ساعات 10دا جۇمىس باستالسىمەن - اق ىشكەرىدەن كەلگەن شاڭعى تەبۋ اۋەسكەرلەرىن قارسى الادى. تولىقسىز ساناققا قاراعاندا، كوكتەم مەرەكەسى كەزىندە تەك ۇيىرمە ۇيىمداستىرىپ التايعا شاڭعى تەبۋگە ىشكەرىدەن كەلگەن شاڭعى تەبۋ كلۋبتارىنىڭ مۇشەلەرىنىڭ ءوزى 400 نەشە ادامعا جەتكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى