تيانشان تورى   ›   جاڭالىقتار   ›   شينجياڭ حابارلارى

كوكتەم سامالىنىڭ جىلى لەبىمەن وتباسى شالقىپ، وتان گۇلدەندى

− تيانشاننىڭ تۇستىگى مەن تەرىستىگىندە مەرەكەنى تويلاۋ جاڭا سالتى تولاسسىز جارىققا شىقتى

ءتىلشى گى يوۋجۇن

  كوكتەم مەرەكەسى كەزىندە تيانشاننىڭ تۇستىگى مەن تەرىستىگى شاتتىققا شومدى. كوكتەم مەرەكەسىن قارسى الۋ باي مازمۇندى قيمىلدارى رايونىمىزدىڭ جەر - جەرىندە ورىستەتىلدى. تۇشپارا ءتۇيۋ، بوساعالىق جاپسىرۋ، كوكتەم مەرەكەسىنە ارنالعان ساۋىق كەشتى كورۋ، كورىنىس اۋماقتارىن ارالاۋ... ەسكى جىل اۋناپ، جاڭا جىل كەلگەن تاماشا ساتتە ادامدار پارتيانىڭ قامقورلىعى مەن مەيىرىن سەزىنىپ، جاڭا جىل سالت - سانا مادەنيەتىن ۇعىنىپ، باقىت سەزىمىنە بولەندى، جاڭا سالت ەسىپ، جىلى شۋاققا شومىپ، جاڭا جىلدىڭ ءتىپتى تاماشا بولۋىن اڭسادى.

قامقورلىق بەينە كوكتەمدەي جىلى شۋاققا شومدىردى

  كوكتەم مەرەكەسى كەزىندە شينجياڭنىڭ بايتاق دالاسى شۇلەن شۋاققا بولەندى. رايونىمىزدىڭ جەر - جەرىندەگى، تاراۋلارىنداعى، مەكەمە - ورىندارىنداعى جاۋاپتى جولداستار، تۋىستاسقان كادرلار، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن كادرلار تيانشاننىڭ تۇستىگى مەن تەرىستىگىندەگى اۋىل - قىستاقتارعا، الەۋمەتتىك اۋماقتارعا بارىپ، تۋىسشىلاپ كوكتەم مەرەكەسىنە قۇتتى بولسىن ايتتى، وتباسىلارىن ارالاپ ءار ۇلت بۇقاراسىنان حال سۇراپ، مادەنيەت، عىلىم - تەحنيكا، حالىق تۇرمىسى جاقتارىنان «قوماقتى سي» ۇسىنىپ، ءار ۇلت بۇقاراسىمەن بىرگە ۇلتتار ىنتىماعى بىرلەسكەن دوستىق قيمىلىن ورىستەتىپ، باقىتتى جۇڭگو جىلىن شات - شادىمان تويلادى. 2 - ايدىڭ 3 - كۇنىنەن 5 - كۇنىنە دەيىن تۇتاس رايونىمىزدا جيىنى 292 مىڭنان استام كادر (مۇنىڭ 695ى مەڭگەرمە دارەجەلى كادر) قىزمەت اترەتى تۇراتىن قىستاقتارعا بارىپ، ءبىر ميلليون 24 مىڭ ءار ۇلت بۇقاراسى وتباسىن ارالاپ، 23 مىڭ 200دەن استام (رەت) ءتۇرلى قيمىل ورىستەتىپ، پارتيا مەن ۇكىمەتتىڭ قامقورلىعىن، مەيىرىن جەتكىزىپ، جاڭا جىلدىق تاماشا تىلەك جولدادى.

  كوكتەم سامالى شۋاق اكەلىپ، شىنايى سۇيىسپەنشىلىك جۇرەكتەرگە ءار بەردى.

  «اۋقاتتانۋ جولى ءتىپتى دە كەڭەيە ءتۇستى، قىستاق كورىكتەندى، پارتيا مەن ۇكىمەتكە شىن جۇرەكتەن العىس ايتامىز! بۇگىن كوپشىلىك دىر - دۋمانعا بولەنىپ، ءبىر اراعا باس قوسىپ، ءوزىمىز دايىنداعان ويىن نومىرلەرىن تاماشالاپ وتىرمىز، اسا قۋانىشتامىز!»، - دەدى 2 - ايدىڭ 4 - كۇنى مارالباسى اۋدانى اناركول اۋىلى عول ءمالى قىستاعىنىڭ كوكتەم مەرەكەسىنە ارنالعان كونسەرتىن كورىپ وتىرعان قىستاق تۇرعىنى وبۇلقاسىم راحمان اسەرلەنە.

 قويۋ مەرەكەلىك ءتۇس، شالقىعان باقىتتى شاق

  تيانشانعا كوكتەم كەلىپ، تىڭ لەپ ەستى.

  كوكتەم مەرەكەسى كەزىندە تيانشاننىڭ تۇستىگى مەن تەرىستىگىندەگى قالا - اۋىلداردىڭ كوشە - كوشەلەرىندە شام ءىلىنىپ، ءتۇستى تورعىندار سالبىراپ، وتباسىلارى كوكتەم مەرەكەسىن شات - شادىمان تويلادى.

  وتباسىلارىنىڭ باس قوسۋ تاعامى ۇستەلىنەن، بازارلاردان، ادەبيەت - كوركەمونەر ويىن نومىرلەرىنەن ءتىلشى بۇقارانىڭ باقىتتى تۇرمىستان ءلاززاتتانعان قۋانارلىق جايتىن شىنايى سەزىنىپ، بۇقارانىڭ بولاشاق جونىندەگى تاماشا تىلەگى مەن ارمانعا قۇلاش سەرمەگەن تالپىنىسىن ەستىدى.

  موري قازاق اۆتونوميالى اۋدانىنىڭ جاڭا جىلدىق باس قوسۋىندا شارۋالار ايداعار ءبيىن، ارىستان ءبيىن، ياڭگى ءبيىن بيلەپ، جاڭا جىلدى شات - شادىمان وتكىزدى. مۇنان تىس، شارۋالار ءوز قولدارىمەن ءمانتى، شيراتپا نان، قارما، ماي شەلپەك، فىنتياۋ جاسادى، وزدەرى باققان سيىر، قوي، تاۋىق سياقتىلار ءوتىمدى ەرەكشە مەرەكەلىك زاتقا اينالدى. يىڭگىبۇلاق اۋىلى يۋەلياڭدي قىستاعىنىڭ تۇرعىنى گو جۇيحۋا بىلاي دەدى: «بۇگىنگى كۇنى ءبىز <جاسىل اتىز> ەگىپ، ورگانيكالى مال ءوسىرىپ، تۇسەلحانا اشىپ، كىرىس كىرگىزۋدەمىز، تۇرمىسىمىز كۇن سايىن جاقساردى. مەرەكە - مەيرامداردا ايداعار ءبيىن، ارىستان ءبيىن، ياڭگى ءبيىن بىلەيمىز، اسا قۋانىشتامىز!».

  ءپىشان اۋدانى لۇيجوۋ شاعىن اۋماعىنىڭ تۇرعىنى ابيبحان ياقۇپ وتباسى بيىلعى كوكتەم مەرەكەسىن جاڭا عيماراتتا وتكىزدى. لاشىقتى اۋماقتان كوشىپ، جاڭا جىلدى جاڭا ۇيدە وتكىزۋ ابيبحان وتباسىن شالقىعان باقىت سەزىمىنە بولەدى. بۇكىل شينجياڭنىڭ جەر - جەرىندە ءتىپتى كوپ ادام جاڭا قونىسقا كوشىپ، ءتىپتى كوپ ادام كەدەيلىك قالپاعىن الىپ تاستاپ، باقىتتى جاڭا تۇرمىسقا جول الدى.

  كەريا اۋدانى شيۋول اۋىلى داشكول قىستاعىنىڭ تۇرعىنى حابار روزى اۋلاسىنا ارنايى تۇردە قىزىل قوراپتى شام ءىلىپ، قاقپاسىنا بوساعالىق پەن «باقىت» ءارىبىن جاپسىردى. حابار بۇرىن كەدەي وتباسى بولاتىن، «ۇعىسۋ، تيىمدىلىك جاساۋ، توعىسۋ» بويىنشا قىستاقتا تۇراتىن قىزمەت اترەتىنىڭ كومەگىندە وسى 2 جىلدا قوي بورداقىلاۋدى دامىتۋ ارقىلى جىلدىق كىرىسىن 100 مىڭ يۋاننان اسىرىپ، قىستاقتاعى جوعارى كىرىستى وتباسىنا اينالدى.

  «پارتيانىڭ يگى ساياساتىنىڭ مەنى كەدەيلىكتەن ارىلتقانىنا العىس ايتامىن، بيىل تاعى قايراتتانا ىستەيمىن، كىرىسىمنىڭ، ءسوز جوق، ارتا تۇسەتىنىنە سەنەمىن!»، - دەدى حابار نىق سەنىممەن.

 ىنتىماق تەرەڭ سۇيىسپەنشىلىككە باستايدى، وتباسى مەن وتانعا دەگەن سۇيىسپەنشىلىكتىڭ ورنى بولەك

  جينالىپ باس قوسۋدان وتەر قۋانىش، باس قوسۋدان اسار باقىت، ىنتىماقتان اساتىن كۇش جوق.

  كوكتەم مەرەكەسىندە رايونىمىزداعى ءار ۇلت كادر - بۇقاراسى شاتتانا باس قوسىپ، ىنتىماقتى باس قوسۋ داستارقانىمەن، اسەم ءان اۋەنىمەن، ويناقى بيلەرمەن توعىستىرىپ، ءار ۇلت كادر - بۇقاراسىنىڭ جۇرەكتەرى بارعان سايىن جاقىنداسا ءتۇستى.

  2 - ايدىڭ 4 - كۇنى، ەگىنشىلىك كالەندارى بويىنشا جاڭا جىلعا قاراعان كۇنى، اقسۋ قالاسى ۋاڭسانجيە كوشەسىنىڭ ەكى بويىنا قىزىل قوراپتى شامدار ءىلىنىپ، دۇكەندەرگە ۇلكەن «باقىت» ارىپتەرى جاپسىرىلىپ، شات - شادىمان مەرەكەلىك لەپ ەستى. سول كۇنى كەشقۇرىم، ۋاڭسانجيە كوشەسىندە ەلەكتر جابدىقتارى دۇكەنىن اشاتىن ۇيعۇر قوجايىن مامەتجان قاسىم وتباسىنداعىلاردى ەرتىپ حانزۋ اعاسى ياڭ چيڭحۋانىڭ ۇيىنە كەلدى، ۇلكەن وتباسىنىڭ ادامدارى داستارقان باسىندا تاماق ىشە وتىرىپ كوكتەم مەرەكەسىنە ارنالعان كونسەرتتى كورىپ، باس قوسۋدىڭ شاتتىعىن ءبولىستى. «كوكتەم مەرەكەسى − ءبىز جۇڭگولىقتاردىڭ ەڭ سالتاناتتى ءداستۇرلى مەرەكەسى، جاڭا جىلعا قاراعان تۇندە ءبىر وتباسىنىڭ ادامدارى بىرگە وتىرىپ تاماق ءىشىپ، كونە جىلدى اتتاندىرىپ، جاڭا جىلدى قارسى الۋى ءتيىس»، - دەدى مامەتجان.

  تيانشاننىڭ تۇستىگى مەن تەرىستىگىندە كوكتەم مەرەكەسىن تويلاۋ قيمىلدارى وتباسى مەن وتانعا دەگەن سۇيىسپەنشىلىككە تولدى.

  كوكتەم مەرەكەسى كەزىندە شاپشال سىبە اۆتونوميالى اۋدانىنىڭ جاعۇچي اۋىلىنداعى چىڭ فۋشىڭنىڭ ۇيىنە ءبىرتالاي ادام ەكسكۋرسيالاي كەلىپ، «كىشكەنە اق تەرەكتىڭ» اڭگىمەسىن ەستىدى. چىڭ فۋشىڭ «كىشكەنە اق تەرەك» اتتى اندەگى كەزىندەگى كىشكەنە اق تەرەكتى ەككەن ادام. جەرگىلىكتى ۇكىمەتتىڭ قولداۋىمەن، چىڭ فۋشىڭنىڭ ءۇيى كىشكەنە اق تەرەك قاراۋىلحاناسىنىڭ فورماسىندا سالىندى. سول جەردە تاعى «كىشكەنە اق تەرەك» اتتى اۋىلدىڭ شەكارانى قورعاۋ مادەنيەت كورمە سارايى سالىندى.

  ادام وتباسىندا، وتباسى وتاندا، وتان جۇرەكتە.

  2 - ايدىڭ 4 - كۇنى تاڭەرتەڭ، ءۇشتۇرپان اۋدانى العا قالاشىعى جارباسى قىستاعىنىڭ تۇرعىنى راۋشانگۇل سامەت رەتتى كيىنىپ، تۋ شىعارۋ سالتىنا قاتىناستى، ول مەملەكەت ءانىن اسقاقتاتا شىرقاپ، پارتيا مەن وتانعا دەگەن العىستى سەزىمىن بەينەلەدى. «ۇلى پارتيامىز بولماسا، ۇلى وتانىمىز بولماسا، قازىرگى جاقسى تۇرمىسىمىز بولماس ەدى»، - دەدى راۋشانگۇل.

 مادەنيەت ساياحاتىندا تاماشا كونسەرتتەر تولاستامادى

  كوكتەم مەرەكەسى كەزىندە رايونىمىزدا تارتىمدى 281 ءتۇرلى مادەنيەت قيمىلى ورىستەتىلىپ، تاماشا كونسەرتتەر تولاستامادى.

  2 - ايدىڭ 3 - كۇنى كەشتە اۆتونوميالى رايوننىڭ كوكتەم مەرەكەسىنە ارنالعان بىرلەسكەن ساۋىق كەشى شينجياڭ جاساندى سەرىك تەلەۆيزياسىندا قويىلىپ، ءار ۇلت كادر - بۇقاراسىنا مەرەكەلىك شاتتىق سيلادى. 2 - ايدىڭ 4 - كۇنى ەگىنشىلىك كالەندارى بويىنشا جاڭا جىلعا قاراعان كۇنى، «باقىتتى جۇڭگو جىلى، جاڭا جۇڭگوعا ماداق، جاڭا داۋىردە ەكپىندەي العا باسۋ» تاقىرىبىنداعى شام ساۋلەسى قيمىلى وتكىزىلىپ، ءۇرىمجىنى نۇرلاندىردى...

  اسەم ءان، شاتتىق كۇلكىسى كونە جىلدى اتتاندىرىپ، جاڭا جىلدى قارسى الدى، كوكتەم لەبى تيانشاندى شۋاققا شومدىرىپ، جاڭا جىلدى قارسى الدى.

  كوكتەم مەرەكەسى كەزىندە رايونىمىزداعى ءار دارەجەلى كوركەمونەر ۇيىمدارى ادەبيەت - كوركەمونەر بولىمشە اترەتتەرىن ۇيىمداستىرىپ، نەگىزگى ساتىلاردا كونسەرت قويىپ، جاڭا جىلدىق تىلەك پەن شاتتىقتى ءار ۇلت بۇقاراسىنا جەتكىزدى. سونىمەن قاتار، جەر - جەردەگى بۇقارانىڭ وزدەرى دايىنداپ، وزدەرى ورىنداعان مادەنيەت قيمىلدارى دا كوكتەم مەرەكەسىنىڭ دۋمانىن اسىردى.

  2 - ايدىڭ 4 - كۇنى كۇشار اۋدانى ءۇش وستەڭ اۋىلى ءۇش وستەڭ قىستاعىنىڭ «كوكتەم مەرەكەسىنە ارنالعان كونسەرتىندە» قىستاقتىڭ ادەبيەت - كوركەمونەر ۇگىت اترەتىنىڭ 17 مۇشەسى ورىنداعان «بەت الەمىش اڭگىمە ولەڭىن» كورەرمەندەر الاقايلاپ قارسى الدى. 2 - ايدىڭ 6 - كۇنى ءتۇستىڭ الدىندا ماكىت اۋدانى قۇمقۇسار اۋىلىنىڭ قۇمقۇسار قىستاعىندا 200دەن استام قىستاق تۇرعىنى الاۋ ويىنىنا قاتىناسىپ، بارابان سوعىپ، ارىستان ءبيىن، ياڭگى ءبيىن بيلەپ، شاتتىق كۇلكىلەرىمەن جاڭا داۋىردەگى قۇمقۇسارلىقتاردىڭ رۋحاني كۇيىن بەينەلەدى.

  1 - ايدىڭ 28 - كۇنىنەن 2 - ايدىڭ 19 - كۇنىنە دەيىن، بۇكىل شينجياڭنىڭ جەر - جەرىندە 300گە تاياۋ مادەنيەت جانە ساياحات قيمىلى وتكىزىلەدى، «مادەنيەت + ساياحات»، «دەنە تاربيە + ساياحات» سياقتىلار ارقىلى كوكتەم مەرەكەسىندەگى ساياحات بازارىنىڭ قىزا تۇسۋىنە دەم بەرەدى.

  2 - ايدىڭ 5 - كۇنى قوم كورىنىستىك اۋماعى «قار - مۇز كارنەۆالى قار شاشۋ مەرەكەسى»، «قوم ەجەلگى جاڭا جىل مەرەكەسى» سياقتى قيمىلداردى وتكىزدى؛ 2 - ايدىڭ 7 - كۇنى جانە 9 - كۇنى، تيانشان بوعدا كولى كورىنىستىك اۋماعى «الاۋ ءبيى كوكتەم مەرەكەسى، عۇرىپ - ادەت جۇڭگو جىلى» قيمىلىن وتكىزىپ، شينجياڭنىڭ ءىشى - سىرتىنان قىرۋار ساياحاتشىنى باۋرادى.

  گۋاڭدۇڭ ولكەسى فوشان قالاسىنان كەلگەن ساياحاتشى چىن ۋيچياڭ شينجياڭنىڭ قىسقى كورىنىسىنە ەرەكشە ءتانتى بولدى. ول: شينجياڭنىڭ ادامدارى سۇلۋ، كورىنىسى كوركەم، حالقى قوناقجاي ەكەن، ءبىر كەلگەنىمنىڭ وزىندە ماڭگىلىك ەستەلىك قالدىردى، - دەدى اسەرلەنە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى