− شاڭحايدىڭ باس شۋجي شي جينپيڭنىڭ مەملەكەتتىك ەكى ماجىلىستەگى ماڭىزدى سوزدەرىنىڭ رۋحىن تياناقتاندىرۋى تۋرالى
شينحۋا اگەنتتىگىنىڭ تىلشىلەرى جياڭ ۋي، حى شينرۇڭ، ۋاڭ لينلين، گو جيڭدان
2013 - جىلدان 2017 - جىلعا دەيىنگى مەملەكەتتىك ەكى ءماجىلىس كەزىندە، باس شۋجي شي جينپيڭ ۇدايى 5 جىل ءوزى تۇرعان شاڭحاي ۋاكىلدەر ۇيىرمەسىنىڭ تالقىسىنا قاتىناسىپ، رەفورما تۋرالى، جاڭالىق اشۋ تۋرالى ءسوز قوزعاپ، قوعامدىق جونگە سالۋ تۋرالى بايانداپ، وي جەلىسىن رەتتەپ، باعداردى ايقىنداپ، جىگەردى تاسقىنداتتى.
باس شۋجي شي جينپيڭنىڭ ماڭىزدى سوزدەرىنىڭ رۋحىن تياناقتاندىرۋدا شاڭحايداعى 24 ميلليون كادر - بۇقارا ەركىن ساۋدا سىناق رايونىنىڭ رەفورما سەرپىنىن ۇزدىكسىز ارتتىرىپ، عالامدىق عىلىم - تەحنيكالىق جاڭالىق اشۋ ورتالىعى قۇرىلىسىندا نەگىزدىك زەرتتەۋلەردىڭ تاعانىن بەكەمدەپ، «كەستە تىككەندەي» تاپتەشتەپ جونگە سالۋ ارقىلى قالاعا دەم بەرىپ، جاڭا داۋىردەگى رەفورما جاساۋدىڭ، ەسىك اشۋدىڭ اتويشىسى جانە ونەگەسى بولۋعا قاراي ۇزدىكسىز ۇدەرە تارتتى.
«ءبىرىڭعاي تەرەزەلەر»، «بىرىنشىلەر» ەركىن ساۋدا سىناق رايونىنىڭ ءتۇزىم جاڭالىعىنىڭ تياناقتانۋىن ىلگەرىلەتتى
كوكتەم مەرەكەسى كەزىندە، يمپورت ەتىلگەن شەتەلدىڭ جەمىس - جيدەكتەرى شاڭحايدا ىركەس - تىركەس بازارعا سالىندى. چيليدىڭ شيەسى، مەكسيكانىڭ اۆوكادوسى، جاڭا زەلانديا تۇكتى شاپتولى... ءارى جاڭا، باعاسى دا بۇرىنعىدان ءتيىمدى بۇل جەمىستەردەن ءبىرتالاي قالا تۇرعىندارى ءدام تاتىپ جاتتى.
جەمىس - جيدەك يمپورتىنىڭ وزگەرىسى ەركىن ساۋدا سىناق رايونى رەفورماسىنىڭ جەتەكتەۋىندە ساۋدا مەن قارجى قوسۋدىڭ قولايلى بولۋ دەڭگەيىنىڭ ۇزدىكسىز جاڭالانعانىن اڭداتتى.
2013 - جىلى 9 - ايدا جۇڭگونىڭ تۇڭعىش ەركىن ساۋدا سىناق رايونى − شاڭحاي ەركىن ساۋدا سىناق رايونى قۇرىلىپ، ۆيۋەسكاسى ءىلىندى. وسىدان سوڭعى ءار جىلعى مەملەكەتتىك ەكى ماجىلىسكە قاتىناسقان شاڭحاي ۋاكىلدەر ۇيىرمەسىنىڭ تالقىسىندا باس شۋجي شي جينپيڭ ەركىن ساۋدا سىناق رايونىنىڭ قۇرىلىسىنا كوڭىل ءبولىپ كەلەدى.
«باتىلدىقپەن اتويلاۋ، باتىلدىقپەن سىناۋ، دەربەس رەفورما جاساۋ، كوشىرۋگە، جالپىلاستىرۋعا بولاتىن ءبىر توپ جاڭا ءتۇزىمدى جەدەل قالىپتاستىرۋ كەرەك»، «ەركىن ساۋدا سىناق رايونى قۇرىلىسىنىڭ وزەكتى مىندەتى − تۇزىمدە جاڭالىق اشۋ»، «شاڭحاي ەركىن ساۋدا سىناق رايونىن ەسىك اشۋ مەن جاڭالىق اشۋ توعىسىپ ءبىر تۇلعالانعان كەشەندى رەفورما سىناق رايونى ەتىپ قۇرىپ شىعۋعا قۇلشىنۋ كەرەك»...
شاڭحاي ەركىن ساۋدا سىناق رايونى جۇڭگو - چيلي ورتالىعىنىڭ جاۋاپتىسى ۋ يۋانفىڭ ەركىن ساۋدا سىناق رايونىنىڭ تۇزىمدە جاڭالىق اشۋى جونىندە تەرەڭ اسەرگە يە. ۋ يۋانفىڭنىڭ ايتۋىنشا، شيە سياقتى يمپورت ەتىلگەن جەمىس - جيدەكتەر ءبىرشاما «كىرپياز» بولىپ، زات جەتكىزۋ، كەدەننەن ءوتۋ ۋاقىتىنا جوعارى تالاپ قويادى ەكەن. شاڭحاي ەركىن ساۋدا سىناق رايونى ەل ىشىندە ءبىرىنشى بولىپ حالىقارالىق ساۋدانىڭ ءبىرىڭعاي تەرەزەسىن اشىپ، كەدەن، تەڭىز ىستەرى، شەكارالىق تەكسەرۋ، شەتەل اقشاسىن باسقارۋ سياقتى 22 باقىلاۋ - باسقارۋ تاراۋلارىمەن ءتۇيىسىپ، كاسىپورىننىڭ كەدەننەن ءوتۋ وزىندىك قۇنىن زور مولشەردە تومەندەتتى. ساناقتا كورسەتىلۋىنشە، 2017 - جىلدان 2018 - جىلعا دەيىن چيليدەن جۇڭگوعا يمپورت ەتىلگەن شيە 125 مىڭ توننادان اسىپ، تاريحتاعى جاڭا دەڭگەيگە جەتتى.
تۇزىمدە جاڭالىق اشۋدى ارقاۋ، رەفورمانىڭ تابىس سەزىمىن ولشەم ەتكەن شاڭحاي ەركىن ساۋدا سىناق رايونى سىندى رەفورمانىڭ «سىناق اتىزى» جۇمىس جۇرگىزگەن 5 جىلدا مول جەمىس بەردى، 127 رەفورما جەمىسى بۇكىل مەملەكەت اۋماعىندا كوشىرىلىپ، جالپىلاستىرىلدى.
ميكروسوفت پەن ەل ءىشى كاسىپورنى بىرگە قارجىلاندىرعان بايجياحى ينفورماتسيالىق تەحنولوگيانى دامىتۋ شەكتى سەرىكتەستىگى شاڭحاي ەركىن ساۋدانى سىناق رايونىندا «001 نومىرىمەن» ءبىرىنشى بولىپ ۆيۋەسكا اسىلعان كاسىپورىن. ەركىن ساۋدا سىناق رايونىنىڭ شەتەل ساۋداگەرلەرى قارجى قوسۋىنىڭ ۇنامسىز ءتىزىمىنىڭ پايداسىن كورگەن بايجياحى جۇڭگونىڭ كومپيۋتەرلىك ويىندار سالاسىنداعى «ماڭداي الدى ويىنشىعا» اينالىپ، 5 جىلدان بەرى 50دەن استام ميكروسوفت ويىندارىن تاراتتى. «شەتەلدەن كىرگىزۋدەن سىرت، ءبىز جۇڭگو مادەنيەتىنە ۋاكىلدىك ەتەتىن اناعۇرلىم كوپ ويىن تۋىندىلارىن ميكروسوفت تۇعىرى ارقىلى دۇنيە جۇزىنە ۇسىنۋدى جوسپارلاپ وتىرمىز»، - دەيدى بايجياحىنىڭ جوعارى دارەجەلى جۇرگىزۋشى ديرەكتورى جۋ يىڭ.
حالىقارالىق ساۋدانىڭ ءبىرىڭعاي تەرەزەسى، شەتەلدىكتەرگە قىزمەت كورسەتەتىن ءبىرىڭعاي تەرەزە، بازارعا كىرۋ رۇقساتىن ءبىرىڭعاي تەرەزەدەن ءبىر تۇتاس ءبىتىرۋ، بىرلەسىپ قارجىلاندىرىلعان ءبىرىنشى ويىن كاسىپورنى، شەتەل قارجىلاندىرعان ءبىرىنشى شيپاحانا، شەتەل قارجىلاندىرعان ءبىرىنشى كاسىپتىك تاربيەلەۋ قۇرىلىمى − ەركىن ساۋدا سىناق رايونىنداعى «ءبىرىڭعاي تەرەزەلەر»، «بىرىنشىلەر» شاڭحايدىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن تياناقتاندىرۋىنىڭ جاندى كارتيناسىنا اينالدى.
شاڭحاي ەركىن ساۋدا سىناق رايونىنىڭ جەتەكتەۋىندە، قازىر بۇكىل ەلدەگى ەركىن ساۋدا سىناق رايوندارى «1+7+3+1» تىزبەكتىك ورنالاسۋىن قالىپتاستىردى. «باس شۋجيدىڭ ەركىن ساۋدا سىناق رايونى جانە ەسىك اشۋدى كەڭەيتۋ جونىندەگى سوزدەرى شاڭحاي ءۇشىن دەمەۋ، سونداي - اق بۇكىل مەملەكەتكە قويىلعان تالاپ بولدى، ونان دا ماڭىزدىسى، ول دۇنيە جۇزىنە رەفورما جاساۋعا، ەسىك اشۋعا تاباندى بولاتىن ايقىن سيگنال تاراتتى»، - دەيدى مەملەكەتتىك حالىق قۇرىلتايىنىڭ ۋاكىلى، شاڭحاي قوعامدىق عىلىمدار اكادەمياسىنىڭ ورىنباسار باستىعى جاڭ جاۋ - ان.
رەفورما جاساۋدى، ەسىك اشۋدى ىلگەرىلەتۋدە «ورتادا ءۇزىلىس جاساۋعا» بولمايدى، «تەحنيكالىق توقتاتا تۇرۋعا» دا بولمايدى. باس شۋجي شي جينپيڭنىڭ تۇڭعىش كەزەكتى جۇڭگو حالىقارالىق يمپورت كورمەسى كەزىندە شاڭحايعا بەرگەن «جۇڭگو شاڭحاي ەركىن ساۋدا سىناق رايونىنىڭ جاڭا اۋماعىن كوبەيتىپ قۇرۋ» مىندەتىن ارقاۋ ەتىپ، شاڭحاي قالاسى جوعارىدان تومەنگە دەيىن جاڭا ورلەۋ كوتەرۋدە. فۋدان داشۋەسى شاڭحاي ەركىن ساۋدا سىناق رايونى جالپىلىق زەرتتەۋ مەكەمەسىنىڭ باس حاتشىسى ي چىن بىلاي دەيدى: شاڭحاي ەركىن ساۋدا سىناق رايونىندا جاڭا اۋماق كوبەيتىپ قۇرۋ قاراپايىم تۇردە جەر كولەمىن كەڭەيتۋمەن بىتە سالاتىن شارۋا ەمەس، ول جاڭا مىندەت ارقالاپ، اناعۇرلىم كۇشتى حالىقارالىق ىقپالعا جانە باسەكەلىك قابىلەتكە يە «ەرەكشە ەكونوميكالىق فۋنكتسيالىق رايون» قۇرۋدىڭ جاڭارتىلعان شاراسى سانالادى.
«وشاق قۋاتى»، «ىقپال كۇشى» «جاڭالىق اشۋعا تالپىنۋ − بولاشاققا تالپىنۋ» ەكەندىگىن ءتۇسىندىردى
تاياۋدا 5 بالا مايمىل بۇكىل دۇنيە ءجۇزىنىڭ نازارىن اۋداردى، شاڭحايداعى جۇڭگو عىلىم اكادەمياسى جۇيكە زەرتتەۋ ورنىنىڭ عىلمي قىزمەتكەرلەرى تۇڭعىش رەت گەنى رەتتەلگەن اۋرۋ مايمىلدى «توپتاپ كلونداۋدى» تۇڭعىش رەت جۇزەگە اسىرىپ، 2017 - جىلى جۇڭگونىڭ ەڭ الدىمەن ادام ەمەس پريماتتاردى كلونداۋداعى الەمدىك قيىن تاقىرىپتى شەشكەننەن كەيىنگى تاعى ءبىر ماڭىزدى سەرپىلىسكە اينالدى.
«ەلىمىزدىڭ جۇيكە عىلىمىن جانە مي عىلىمىن زەرتتەيتىن قىزمەتكەرلەرى مەن قاراجاتى سالىستىرمالى تۇردە شەكتى، بۇل ءبىزدىڭ ماڭىزدى ماسەلەنى كوزدەپ، كۇشتى بىرىكتىرىپ، قامال الىپ، سەرپىلىس جاساۋىمىزدى قاجەت ەتەدى»، - دەيدى جۇڭگو عىلىم اكادەمياسى جۇيكە زەرتتەۋ ورنىنىڭ باستىعى، اكادەميك پۋ مۋميڭ.
پۋ مۋميڭ ايتىپ وتىرعان نەگىزدىك عىلىمدا جاڭالىق اشۋدىڭ «ىرىكتەۋ قاعيداسى» ءدال 2016 - جىلى جانە 2017 - جىلى باس شۋجي شي جينپيڭ ۇدايى 2 جىل شاڭحاي ۋاكىلدەر ۇيىرمەسىنىڭ تالقىسىنا قاتىناسقان كەزدە دارىپتەگەن «نەگىزدىك عىلىم سالاسىندا ۇلكەن جاڭالىق اشۋ، شەشۋشى، وزەكتى تەحنيكالىق سالادا ەلەۋلى سەرپىلىس جاساۋدىڭ» تەرەڭ ءمانى ەدى.
باس شۋجي شي جينپيڭنىڭ ماڭىزدى سوزدەرىنىڭ رۋحىن تياناقتاندىرىپ، نەگىزدىك زەرتتەۋدىڭ قۇنارلى توپىراعىن قالىڭداتقان شاڭحاي عالامدىق عىلىم - تەحنيكالىق جاڭالىق اشۋ ورتالىعىن قۇرۋ بارىسىندا «ىشكى وزەكتى» ۇزدىكسىز كۇشەيتىپ، جاڭالىق اشۋ وشاعىنىڭ قۋاتىن نىعايتتى.
جەر شارىنداعى تۇڭعىش دەنە كلەتكاسى كلوندانعان مايمىل، الويس الجەيمەر اۋرۋىنىڭ جاڭا ءدارىسى سياقتى ءبىر توپ ءتول جەتىستىكتەر ىركەس - تىركەس جارىققا شىقتى، دۇنيە ءجۇزى بويىنشا تۇڭعىش اتموسفەرا مەن قۇرلىقتى امبەباپ باقىلايتىن تولىق جوعارى جارىق سپەكترلى جاساندى جەر سەرىگىنىڭ ءساتتى ۇشىرىلۋى، جۇڭگونىڭ تۇڭعىش ۇيەكتى تەكسەرۋدەگى مۇز جاراتىن كەمەسى «شۋەلۇڭ - 2»نىڭ ءساتتى سۋعا ءتۇسىرىلۋى سياقتى ءبىر توپ وزەكتى تەحنيكادا جەدەل تىڭ جەتىستىككە جەتتى. 2018 - جىلى شاڭحايلىق عالىمدار «عىلىم»، «تابيعات»، «كلەتكا» جۋرنالدارىندا ءتول ديسسەرتاتسيادان 85ىن جاريالاپ، بۇكىل ەلدەگى جالپى ساننىڭ %32.2ىن ۇستادى.
عىلىم - تەحنيكادا جاڭالىق اشۋدا «اقشانى قاعازعا اينالدىرۋ»دا شەبەر بولۋ، «قاعازدى اقشاعا اينالدىرۋعا»دا شەبەر بولىپ، ەكونوميكالىق دامۋدى شارپۋ قۋاتىن ىسكە قوسۋ كەرەك. شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي شي جينپيڭ مىنانى ايقىن ءبىلدىردى: «عىلىم - تەحنيكادا جاڭالىق اشۋداعى <وقشاۋ ارال قۇبىلىسىن> قويىپ، جاڭالىق اشۋ تابىستارىنىڭ رەال وندىرگىش كۇشكە تەز اينالۋىنا مۇمكىندىك جاساۋ» كەرەك، «جاڭالىق اشۋ دامۋعا جەتەكشىلىك ەتەتىن ءبىرىنشى قوزعاۋشى كۇش. جاڭالىق اشۋدى يگەرۋدىڭ ءوزى دامۋدى يگەرگەندىك، جاڭالىق اشۋعا دايىندالۋدىڭ ءوزى بولاشاققا دايىندالعاندىق».
شاڭحاي قالالىق پارتكومنىڭ، قالالىق ۇكىمەتتىڭ قولداۋىندا، جاڭجياڭ حالىقارالىق عىلىم ورتالىعىنىڭ قۇرىلىسى جەدەل ىلگەرىلەتىلدى. بىلتىر باستالعان قاتتى X ساۋلەلى ەركىن ەلەكتروندىق لازەر قۇرىلعىسى سالىنىپ بولعان سوڭ، جاڭجياڭ جەر جۇزىندەگى كولەمى ەڭ ۇلكەن، دەڭگەيى ەڭ جوعارى فوتون عىلىمىنىڭ ءىرى قۇرىلعىلارى شوعىرلانعان جەرگە اينالادى. جۇڭشين حالىقارالىق 14 نانومەترلىك جاساۋ ءساتتى زەرتتەلدى، حىجي حۋاڭپۋ ءدارى - دارمەك شەكتى سەرىكتەستىگى زەرتتەپ جاساعان راكقا قارسى ەلىمىزدە وندىرىلگەن جاڭا ءدارى فۋكۇيتيني بەكىتۋدەن ءوتىپ بازارعا شىعارىلدى.
جاڭجياڭ − ىقشام كورىنىس. ءتىپتى كوپ جوعارى مەكتەپتىڭ «العىر ميى» ديسسەرتاتسيانىڭ، «قالپاقتىڭ»، تەكسەرۋدىڭ قۇرساۋىنان شىعىپ، شاڭحايدىڭ ۇزدىكسىز كوبەيە تۇسكەن زەرتتەۋ - اشۋ جانە يگىلىككە جاراتۋ يقۋات تۇعىرىنان كۇش الىپ، ينتەگرالدىق تىزبەك، بيولوگيالىق ءدارى، جاساندى زەردە، جاڭا ماتەريال سياقتى ءبىر قىدىرۋ العى عىلىم - تەحنيكا سالاسىندا تۇساۋ بولعان بوگەتتەردى تالقاندادى.
شاڭحاي قالالىق عىلىم - تەحنيكا كوميتەتىنىڭ مەڭگەرۋشىسى جاڭ چۋان بىلاي دەدى: عىلىم - تەحنيكادا جاڭالىق اشۋدى تەرەڭدەتۋدە ەڭ ماڭىزدىسى تياناقتاندىرۋ، بولاشاقتا شاڭحاي ءار ءتۇرلى جاڭالىق اشۋ تۇلعالارىنىڭ ومىرشەڭدىك كۇشىن قاۋلاتۋعا، عىلىم - تەحنيكا جەتىستىكتەرىن يگىلىككە جاراتۋعا، ءادىل باسەكەلى بازار ورتاسىن قالىپتاستىرۋعا ءتىپتى باسا ءمان بەرىپ، عىلىم - تەحنيكادا جاڭالىق اشۋ ورتالىعى قۇرىلىسىندا «جاڭا ىسكەرلىكتى» جۇزەگە اسىرۋعا قۇلشىنادى.
«جارقىن تۇيىندەر نەگىزگى ساتىدا» قوعامدىق جونگە سالۋداعى «شاڭحاي ساپاسىن» جاسادى
شاڭحاي قالاسى چاڭنيڭ رايونىنىڭ حۇڭچياۋ مالىسىندەگى حۇڭچۋ الەۋمەتتىك اۋماعىندا الدىڭعى عاسىردىڭ 70 -، 80 - جىلدارىندا سالىنعان كوپتەگەن كونە ۇيلەر بار. سوڭعى جىلداردا كونە الەۋمەتتىك اۋماقتا كوپتەگەن جاڭا وزگەرىستەر جارىققا شىقتى: بالالار سايرانباعى، قارتتاردىڭ دەنە شىنىقتىرۋ ورىندارى سالىندى، مۇيىستەردەن اۆتوموبيل توقتاتاتىن 190 ورىن شىعارىلدى...
حۇڭچۋ تۇرعىندار اۋماعىندا 30 نەشە جىل قىزمەت ىستەگەن مەملەكەتتىك حالىق قۇرىلتايىنىڭ ۋاكىلى، چاڭنيڭ رايونىنداعى پيڭجۇي قىزمەت ءۇيىنىڭ القا باستىعى جۋ گوپيڭ بىلاي دەدى: «الەۋمەتتىك اۋماقتاعى پارتيا ۇيىمىنىڭ، پارتيا مۇشەلەرىنىڭ باستاۋىندا ىستەلگەن وسى ىستەردىڭ بارلىعى بۇقارانى رازى ەتۋ ءۇشىن، تۇرعىنداردىڭ ەسىكتەن شىققان جەردە قوعامدىق جونگە سالۋ اكەلگەن وزگەرىستەردى سەزىنۋىنە مۇمكىندىك جاساۋ ءۇشىن».
قوعامدىق جونگە سالۋ − باس شۋجي شي جينپيڭ شاڭحاي ۋاكىلدەر ۇيىرمەسىنىڭ تالقىسىنا قاتىناسقاندا نەشە قايتارا تاپسىرعان قىزمەت. «قوعامدىق جونگە سالۋدى كۇشەيتۋ مەن ونى جاڭالاۋدىڭ تەتىگى − ءتۇزىلىستى جاڭالاۋ، وزەگى − ادام»، «نەگىزگى ساتىنىڭ پارتيا قۇرىلىسىن كۇشەيتۋدى، پارتيانىڭ بيلىك نەگىزىن بەكەمدەۋدى قوعامدىق جونگە سالۋ مەن نەگىزگى ساتى قۇرىلىسىنىڭ قىزىل سىزىعى ەتۋ كەرەك»، «قالانى باسقارۋدا كەستە تىككەندەي ىجداعاتتى بولۋ كەرەك»...
باس شۋجي شي جينپيڭنىڭ ماڭىزدى نۇسقاۋى توڭىرەگىندە، شاڭحاي قالالىق پارتكوم، قالالىق ۇكىمەت «6+1» حۇجاتىن شىعارىپ، نەگىزگى ساتى قۇرىلىسىن جۇيەلىلەندىرىپ كۇشەيتىپ، قوعامدىق جونگە سالۋدا جاڭالىق اشتى. قازىر 48 مىڭ ادامدىق الەۋمەتتىك اۋماق قىزمەتكەرلەر قوسىنى، 20 مىڭنان استام پارتيا قۇرىلىسى قىزمەت وتەۋ پۋنكت - تۇيىندەرى قالىپتاسىپ بولدى. نەگىزگى ساتى دارىندىلارى اناعۇرلىم كاسىبيلەنىپ، ماماندانىپ، جاستانىپ قانا قويماي، «ابىروي سەزىمى»، «تابىس سەزىمى»، «ناتيجە سەزىمى» دە ارتا ءتۇستى.
نەگىزگى ساتى قوسىنىندا جاۋىنگەرلىك قۋات بولعاندا، كوپتەگەن قوعامدىق جونگە سالۋداعى «كونە، ءىرى، قيىن» ماسەلەلەردى شەشۋ شاراسىن تابۋعا بولادى.
قوقىر - قوقسىقتى تۇرگە ءبولۋ «توتەنشە قيىن» «وڭاي شارۋا»، ونىڭ قيىندىعى باستايتىن ادامنىڭ قاجەتتىلىگى، ادامداردىڭ بارلىعىنىڭ ىسكە كىرىسۋى. كىم باستايدى؟ نەگىزگى ساتى پارتيا ۇيىمى مەن الەۋمەتتىك اۋماقتاعى پارتيا مۇشەلەرى باستايدى.
چاڭنيڭدەگى ايجيان تۇرعىندار اۋماعىندا ەسىكتىڭ الدىنا ءتۇرلى - تۇستەگى قوقىر - قوقسىق ساندىعى قويىلعان، جانىنداعى قابىرعادا تۇرعىندار سىزعان قوقىر - قوقسىقتى تۇرگە ايىرۋ نۇسقاۋلىق سۋرەتى بار. بۇل كورىنىسكە قويىلعان نارسە ەمەس، پارتيا قۇرىلىسىنىڭ جەتەكشىلىگىندە، تۇرعىندار كوميتەتىنىڭ، ءۇي يەلەرى كوميتەتىنىڭ، ءۇي قوجالىعىنىڭ ءبىر نيەتپەن سەلبەسۋىمەن قوقىر - قوقسىقتى تۇرگە ايىرۋ سىندى «كىشى - گىرىم ءىس» الەۋمەتتىك اۋماقتى جونگە سالۋعا قوزعاۋشىلىق ەتەتىن تىرەككە اينالدى. قازىر شاعىن اۋماقتاعى تۇرعىنداردىڭ %95ى قوقىر - قوقسىقتى بەلگىلەنگەن ۋاقىتتا، بەلگىلەنگەن ورىندا تۇرگە ءبولىپ، ازايتىپ ءبىر جاقتى ەتەتىن بولدى.
پارتيا قۇرىلىسى قوعامدىق جونگە سالۋدا جاڭالىق اشۋعا جەتەكشىلىك ەتتى، پارتيانىڭ ۇيىمى مەن قىزمەتى دە ەكونوميكا مەن قوعامنىڭ ەڭ جاندى كلەتكالارىنا ەندى.
شاڭحايدا بيىك عيماراتتاردىڭ ءوزى دە «تىگىنەن تۇرعىزىلعان الەۋمەتتىك اۋماق». بيىكتىگى 632 مەتر كەلەتىن شاڭحاي ورتالىق عيماراتى «ۆەرتيكال ۋايتان» دەپ تانىلعان، ەكونوميكاسىنىڭ جالپى مولشەرى، سالىق كىرىسى ۇلەسى شاعىن قالانىكىنە بارابار. عيماراتتىڭ 22 - قاباتىنداعى جالپى اۋدانى 580 شارشى مەتردەن اساتىن لۋجيازۇي فينانس قالاشىعى پارتيا قۇرىلىسى قىزمەت وتەۋ ورتالىعىندا ۇيرەنۋ، تالقى ورنىن ازىرلەيتىن «قىزىل ءتۇستى قوناق قابىلداۋ زالى» دا، جايلى كىتاپ دۇكەنى، دەنە شىنىقتىرۋ اۋماعى جانە دەمالىس ورنى ورنالاستىرىلعان «كەڭىستىك گۇلباقشاسى» دا بار، سول ارقىلى پارتيا مۇشەلەرىنىڭ، بۇقارانىڭ ارقانى كەڭگە سالىپ جەڭىلدەپ، اڭگىمەلەسۋىنە مۇمكىندىك جاسالعان.
شاڭحاي ەركىن ساۋدا رايونى لۋجيازۇي باسقارۋ مەكەمەسىنىڭ باستىعى جاڭ يۇيشياڭ بىلاي دەدى: لۋجيازۇي فينانس قالاشىعىنداعى كاسىپورىنداردىڭ %95ى «ەكى جاڭا» ۇيىمدار، 500 مىڭنان استام پارتيا مۇشەسى مەن جۇرتشىلىقتىڭ %70كە تاياۋى ماگيستر، سونداي - اق ودان جوعارى ماعلۇماتقا يە. وسىنداي ەرەكشە تۇلعالارعا سايكەس، فينانس قالاشىعى نەگىزگى ساتى پارتيا قۇرىلىسىنا جاڭالىق ەنگىزىپ، كاسىپورىندار مەن پارتيا مۇشەلەرىنىڭ كوپ جاقتان القاۋىنا يە بولدى.
يدەيا − تۋ، يدەيا − قاينار بۇلاق. باس شۋجي شي جينپيڭنىڭ ماڭىزدى ءسوزىنىڭ رۋحىن ەستە بەرىك ساقتاپ، جاڭا باستامادا تاعى دا ارمانعا ۇمتىلعان شاڭحاي تۇلپارعا قامشى باسىپ ساپارعا اتتاندى.
(شينحۋا اگەنتتىگىنىڭ 2 - ايدىڭ 11 - كۇنى شاڭحايدان بەرگەن حابارى)
