اتۇش قالاسى ازاق اۋىلى تەتىر قىستاعى اجارلاندىرۋ، شاش اسەمدەۋ دۇكەنىنىڭ يەسى قۇربانقىزدىڭ جاڭا جىلداعى ارمانى −
ءتىلشى حى ليڭ
2 - ايدىڭ 8 - كۇنى قۇربانقىز مامەتابىلا (وڭنان 2 -) قىستاق تۇرعىندارىنا اجارلاندىرۋ، شاش اسەمدەۋ تەحنيكاسىن ۇيرەتۋدە. سۋرەتتى ءتىلشىمىز وتكىر نيجات تۇسىرگەن
شاش بۇيرالاۋ، شاش بوياۋ، شاش پىشىندەۋ... اتۇش قالاسى ازاق اۋىلى تەتىر قىستاعىندا نەداۋىر اتاققا يە حۇششىراي اجارلاندىرۋ، شاش اسەمدەۋ سالونى بار، بۇل سالون ماڭداعى قىستاق تۇرعىندارىن وزىنە باۋراپ قانا قالماستان، اتۇش قالاسىنىڭ تۇرعىندارىن دا باۋرادى.
2 - ايدىڭ 9 - كۇنى ءتىلشى حۇششىراي اجارلاندىرۋ، شاش اسەمدەۋ سالونىنان دۇكەن يەسى قۇربانقىز مامەتابىلا مەن ونىڭ 4 شاكىرتىنىڭ قاريدارلاردىڭ شاشىن بۇيرالاپ ابىگەر بولىپ جاتقاندىعىن، 5 − 6 قاريداردىڭ سابىرلىلىقپەن كەزەك كۇتىپ وتىرعاندىعىن كوردى.
«كەشە 30 نەشە قاريدار كەلىپ شاش پىشىندەتتى، شاش بوياتتى، بۇگىن تاعى 10 نەشە قاريدارمەن كەلىسىپ قويدىق، ءار كۇنى كەشكى ساعات 11 − 12دە ارەڭ ۇيگە قايتامىز. قاربالاس بولعانىممەن، توتەنشە قۋانىشتامىن. قىستاقتاعى اپەكە - سىڭلىلەردىڭ بارعان سايىن زامانعا ساي كەلىپ، بارعان سايىن سۇلۋلانا ءتۇسۋىن ءۇمىت ەتەمىن»، - دەدى قۇربانقىز ءوزىنىڭ جاڭا جىلداعى ارمانىن ايتىپ.
قۇربانقىز تىلشىگە ءوزىنىڭ دۇكەن اشۋدان بۇرىن ۇيدە بالا باعىپ، ءۇي شارۋاسىن ىستەگەندىگىن، جاقىنعى جىلداردان بەرى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ جانە قىستاق كادرلارىنىڭ ۇگىت - لەكسياسىن ەستىگەننەن كەيىن، ايەلدەر دە سىرتقا شىعىپ جۇمىس ىستەۋ كەرەكتىگىن، دەربەس بولعاندا عانا، ءبىر ءۇيلى جاننىڭ تۇرمىسى بارعان سايىن جاقساراتىندىعىن بىرتە - بىرتە تۇسىنگەندىگىن ايتتى. 2017 - جىلى بالاسى وقۋعا تۇسكەننەن كەيىن، ول سىرتقا شىعىپ تەحنيكا ۇيرەنۋدى تاڭدايدى.
«مەن اجارلاندىرۋ، شاش اسەمدەۋ كاسىبىن وتە ۇناتامىن، 2017 - جىلدىڭ سوڭىندا، ۇرىمجىدەگى ءبىر كاسىپتىك مەكتەپكە بارىپ كۋرسقا قاتىناستىم، 2018 - جىلى 3 - ايدىڭ 25 - كۇنى وقۋ ءبىتىرۋ كۋالىگىن الدىم»، - دەدى قۇربانقىز.
كۋرس اياقتالعاننان كەيىن، قۇربانقىز ءوزىنىڭ شارۋاشىلىق قۇرۋ ويىن قىستاق ايەلدەر بىرلەستىگىنىڭ كادرىنا جانە قىستاقتىڭ پارتيا ياچەيكا شۋجيىنە ايتادى. قسىتاق ايەلدەر بىرلەستىگىنىڭ جانە قىستاق «ەكى كوميتەتىنىڭ» قولداپ - قۋاتتاۋىندا، قۇربانقىز 65 شارشى مەترلىك دۇكەندى جالعا الىپ، شارۋاشىلىق قۇرۋ جولىن باستايدى.
شارۋاشىلىق قۇرۋدىڭ العاشقى مەزگىلىندە، قىستاقتاعى كوپتەگەن ايەلدەر جاسانۋعا اۋەس بولماعاندىقتان، اجارلاندىرۋ، شاش اسەمدەۋ سىندى وسىنداي «جاڭالىقتى» قابىلداي المايدى.
قىستاقتاعى ايەلدەردى وسى «جاڭالىقتى» قابىلداۋعا جەتەكتەۋ ءۇشىن، قۇربانقىز ءار كۇنى جۇمىسقا شىعاردان بۇرىن ادەمى كيىنىپ، شاشىن اسەمدەپ، جاراستىرا جاسانىپ شىعادى.
«قىستاقتاعى ايەلدەر مەنى كورگەننەن كەيىن قاتتى قىزىقتى، دۇكەنىمە كەلىپ اجارلاندىرۋدان، شاش اسەمدەۋدەن سىرت، كوپتەگەن ادام وزدىكتەرىنەن كەلىپ وسى ونەردى ۇيرەندى. قازىر دۇكەنىمىزدىڭ ساۋداسى جاقساردى، قىزمەتكەرلەردىڭ ايلىعى، سۋ، توك اقىسى سياقتى وزىندىك قۇندى شىعارىپ تاستاعاندا، ايلىق تازا كىرىسىم 5000 يۋاننان اسادى. مەرەكە - مەيرام كەزدەرىندە ءبىر كۇننىڭ وزىندە 1000 يۋاننان استام تازا كىرىس كىرگىزەمىن»، - دەدى قۇربانقىز.
ساۋدانىڭ بارعان سايىن كۇسەت بولۋىنا ىلەسە، قۇربانقىز قالىڭ قاريداردىڭ قاجەتىن جالعىز ءوزى قاناعاتتاندىرا الماي قالادى، سونىمەن ول اۋىلدا اجارلاندىرۋ، شاش اسەمدەۋ كۋرسىن اشىپ، وتباسىندا قيىنشىلىعى بار ايەلدەردى قابىلداپ، ولاردىڭ ەسىگىنىڭ الدىندا تەحنيكا ۇيرەنۋىنە مۇمكىندىك جاسايدى.
قىستاق تۇرعىنى تۇنيساقىز مامەت كۋرسقا قاتىناسقاننان كەيىن قۇربانقىزدىڭ دۇكەنىنە قىزمەتكەر بولادى. قازىر قۇربانقىزدىڭ جەتەكشىلىك ەتۋىندە ونىڭ اجارلاندىرۋ، شاش اسەمدەۋ ونەرى زور دارەجەدە جەتىلۋمەن بىرگە، ەڭبەكاقىسى دا كوبەيدى.
«قازىر ايىنا 2500 يۋان كىرىس كىرگىزەمىن، وتباسىمىزدىڭ تۇرمىسى بارعان سايىن جاقسارا ءتۇستى، مەن اجارلاندىرۋ، شاش اسەمدەۋ تەحنيكاسىن جاقسى ۇيرەنىپ، ءوزىمنىڭ اجارلاندىرۋ، شاش اسەمدەۋ دۇكەنىمدى ەرتەرەك اشۋعا قۇلشىنامىن»، - دەدى تۇنيساقىز تولىق سەنىممەن.
جارتى جىلدان استام ۋاقىتتا، قۇربانقىز وتباسىندا قيىنشىلىعى بار ون نەشە ايەلدى تاربيەلەيدى، ونىڭ ىشىندەگى تورتەۋى تاربيەلەۋدەن كەيىن وزدەرىنىڭ اجارلاندىرۋ، شاش اسەمدەۋ دۇكەنىن اشتى.
قۇربانقىز بىلاي دەدى: مەن دە ءوز ونەرىمدى ولارعا ەش بۇكپەسىز ۇيرەتىپ، وتباسىندا قيىنشىلىعى بار اناعۇرلىم كوپ ايەلدىڭ شارۋاشىلىق قۇرىپ، كەدەيلىكتەن ارىلىپ، بايۋ جولىنا تۇسۋىنە مۇمكىندىك جاسايمىن.
