مەملەكەتتىك ساناق مەكەمەسى شينجياڭ تەكسەرۋ باس اترەتى پارتيا باسشىلىق گرۋپپاسىنىڭ مۇشەسى، ورىنباسار باس اترەت باستىعى
ابليكىم ابدوللا
شينجياڭ ەجەلدەن بەرى ەلىمىز تەرريتورياسىنىڭ ايرىلماس ءبىر بولىگى، ءار ۇلتتىڭ بىرگە قونىستانىپ، تىرشىلىك ەتىپ، ءوسىپ - ونگەن مەكەنى. سان عاسىرلاردان بەرى، وسى مەكەندە جاساپ جاتقان ءار ۇلت حالقى باستان - اياق تامىرلاس بولىپ، بەينەت پەن زەينەتتى بىرگە وتكەرىپ، تىنىستاس، تاعدىرلاس، جۇرەكتەس بولىپ، كورىكتى شينجياڭدى بىرگە اشىپ، بىرگە قۇرىپ، بىرگە قورعادى. جاڭا جۇڭگو قۇرىلعاننان بەرى، جۇڭگو كوممۋنيستىك پارتياسىنىڭ باسشىلىعىندا، ءار ۇلت كادرلارى مەن بۇقاراسى ءبىر نيەتپەن ىنتىماقتاسىپ، قايراتتانا العا تارتىپ، وسى ىرىستى مەكەندى بىرگە اشتى جانە قۇردى. بۇگىنگى تاڭدا، شينجياڭداعى ءار ۇلت حالقى بۇكىل ەلدەگى ءار ۇلت حالقىمەن بىرگە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جاساپ، جاڭا داۋىردەگى كورىكتى شينجياڭ قۇرۋدىڭ ەڭ كۇشتى كۇيىن اسقاقتاتتى.
مەن كىشكەنتاي كەزىمنەن ءار ۇلت بالالارىمەن بىرگە ويناپ، بىرگە ۇيرەنىپ، تەرەڭ دوستىق سۇيىسپەنشىلىك ورناتتىم، كوپتەگەن دوستارىممەن قازىرگە دەيىن ۇنەمى حابارلاسىپ، مەرەكە - مەيرام كەزدەرىندە ءوزارا قۇتتىقتاپ تۇرامىز. باستاۋىشتان تارتىپ داشۋەگە دەيىن پارتيا مەن ۇكىمەتتىڭ ىقىلاستى قامقورلىعىنىڭ ارقاسىندا، وقۋىمدى ءساتتى اياقتاتتىم. پارتيا تالاي جىل تاربيەلەپ، باۋلىعان باسشى كادر رەتىندە، ءوزىمنىڭ ەسەيىپ - ەرجەتۋ بارىسىندا باسقان ءاربىر قادامىم پارتيانىڭ كوڭىل بولۋىنەن، قامقورلىعىنان جانە ىقىلاستى باۋلۋىنان ايرىلا المايتىندىعىن شىنايى سەزىندىم، پارتيانىڭ باۋلۋىنىڭ ارقاسىندا بۇگىنگى كۇنگە قول جەتكىزدىم. رەفورما جاساعاننان، ەسىك اشقاننان بەرى، اسىرەسە، پارتيا 18 - قۇرىلتايىنان بەرى، پارتيانىڭ دانىشپان باسشىلىعىنىڭ ارقاسىندا شينجياڭدا وراسان زور وزگەرىس تۋىلعانىن شىنايى سەزىندىم. جۇڭگو كوممۋنيستىك پارتياسى بولماسا، شينجياڭنىڭ بۇگىنگى كوركەيىپ - گۇلدەنۋى، دامۋى بولمايدى، ءار ۇلت حالقىنىڭ باقىتتى تۇرمىسى دا بولمايدى.
«ءۇش ءتۇرلى كۇش» وتاندى بولشەكتەۋ سۇرقيا ماقساتىنا جەتۋ ءۇشىن، «ۇلت» پەن «ءدىندى» جەلەۋ ەتىپ، تاريحتى قالاعانىنشا بۇرمالاپ، وزگەرتىپ، وشپەندىلىككە جەلىكتىرىپ، ۋاقيعا شىعارىپ، جان تۇرشىگەرلىك زورلىقتى كۇش لاڭكەستىك دەلولارىن تۋدىرىپ، ۇلتتار ىنتىماعىن اۋىر دارەجەدە ءبۇلدىردى، ءار ۇلت حالقىنىڭ ءومىرى مەن مال - مۇلىك حاۋىپسىزدىگىنە اۋىر زيان جەتكىزدى. «ءۇش ءتۇرلى كۇش» شينجياڭداعى ءار ۇلت حالقىنىڭ ورتاق جاۋى. ءبىزدىڭ «ءۇش ءتۇرلى كۇشپەن» كۇرەسىمىز وتان تۇتاستىعىن قورعاۋداعى، ۇلتتار ىنتىماعىن قورعاۋداعى، قوعام ورنىقتىلىعىن قورعاۋداعى ساياسي كۇرەس، «ءۇش ءتۇرلى كۇشتى» تۇبەگەيلى الاستامايىنشا استە شەگىنبەيمىز.
مەن مىندەت بورىشىمدى ەستە بەرىك ساقتاپ، بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە باتىلدىقپەن، تاباندىلىقپەن تۇرىپ، باستاماشىلدىقپەن باتىل ءۇن قاتىپ، ايقىن پوزيتسيا ءبىلدىرىپ، «ءۇش ءتۇرلى كۇشتىڭ» كەرتارتپا ءمانىن باس بولىپ اشكەرەلەيمىن، سىن تەزىنە الامىن. ۇلكەن دۇرىس پەن ۇلكەن بۇرىس ماسەلەسى الدىندا، باستان - اياق تۋىم ايقىن، تۇرعىم بەرىك بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىلدىقپەن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋ «كەشەندى شارالارىن» سانالىلىقپەن امالياتتا ايگىلەيمىن جانە تياناقتاندىرامىن، ساياسي ءتارتىپ پەن ساياسي قاعيداعا قاتاڭ بويسۇنۋدىڭ ۇلگىسى بولامىن، قوعام ورنىقتىلىعىن قورعاۋدىڭ ۇلگىسى بولامىن، ۇلتتار ىنتىماعىن قورعاۋدىڭ ۇلگىسى بولامىن.
بۇل ارادا، مەن بىلاي دەپ ايبىندى سەرت بەرەمىن: مەن ساياسي تانىمدى، جالپى جاعداي تانىمىن، ۇيتقى تانىمىن، قاتار تۇزەۋ تانىمىن بەرىك ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جۇرەكتىلىكپەن باتىل ءۇن قاتىپ، بەلسەندىلىكپەن پوزيتسيا ءبىلدىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، «بەستى شىنايى مويىنداۋدى» كۇشەيتىپ، ماڭايىمداعى ادامداردى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكشىلىك ەتىپ، ورنىقتىلىقتى قورعاۋدىڭ ءتۇرلى شارالارىن باستاماشىلدىقپەن ويداعىداي تياناقتاندىرىپ، «مەكەمە - ورنىمدى، ءوزىمدى، وتباسىمدى، تۋىس - تۋعانىمدى ويداعىداي باسقارۋدى» باتىل ورىنداپ، قوعام ورنىقتىلىعىن قورعاۋدىڭ، ۇلتتار ىنتىماعىن قورعاۋدىڭ جاۋاپكەرشىلىگىن شىنايى ارقالاپ، ءىس جۇزىندىك ارەكەتىم ارقىلى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇش - قۋاتىمدى ارنايمىن.
