تيانشان تورى
تيانشان تورى   ›   جاڭالىقتار   ›   شينجياڭ حابارلارى

مەملەكەتتىك ساياسي كەڭەستىڭ شينجياڭداعى مۇشەلەرى ۇرىمجىدە تەكسەرۋ جۇرگىزدى

  ءتىلشى جاۋ جىيۇن 2 - ايدىڭ 15 - كۇنى ۇرىمجىدەن حابارلايدى. مەملەكەتتىك ەكى ءماجىلىس اشىلۋ قارساڭىندا، 2 - ايدىڭ 15 - كۇنى مەملەكەتتىك ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى مەملەكەتتىك ساياسي كەڭەستىڭ شينجياڭدا تۇراتىن ءىشىنارا مۇشەلەرىن باستاپ، ءۇرىمجى حالىقارالىق قۇرلىق پورتى رايونى قۇرىلىسىنىڭ، مەملەكەت مەنشىگىندەگى كاسىپورىن رەفورماسى جانە حالىق باسقارۋىنداعى شارۋاشىلىقتىڭ دامۋ جاعدايىن تەكسەردى.

  ساياسي كەڭەس مۇشەلەرى ءۇرىمجى قالاسىنىڭ حالىقارالىق قۇرلىق پورتى رايونى قۇرىلىسىن ىلگەرىلەتۋ جاعدايىن، جۇڭگو قۇرىلىس توبى شەكتى سەرىكتەستىگى شينجياڭ قۇرىلىس توبىنىڭ، شينجياڭ حۋاليڭ ونەركاسىپ - ساۋدا توبىنىڭ تيجارات جۇرگىزۋ، دامۋ جاعدايىن تەكسەردى، سونداي - اق ءۇرىمجى قالاسىنىڭ باسشىلارىمەن، قاتىستى تاراۋلاردىڭ، كاسىپورىنداردىڭ جاۋاپتىلارىمەن، حالىق باسقارۋىنداعى كاسىپورىنشىلارمەن كەڭەس وتكىزىپ، اۋىس - ءتۇيىس جاسادى.

  قاتىستى مالىمەت پەن تانىستىرۋدى تىڭداعاننان كەيىن، نۇرلان ءابىلماجىن ۇلى مىنانى اتاپ كورسەتتى: وسى رەتكى قىزمەت تەكسەرۋدە، باستىسى، ءۇرىمجى قالاسى مەن كاسىپورىنداردىڭ دامۋ بارىسىندا ءدوپ كەلگەن قيىنشىلىقتارىن جانە مەملەكەتتىك ەكى ماجىلىستە ۇندەۋ سالىپ، شەشۋ قاجەت بولعان قاتىستى ماسەلەلەردى ۇعىسىپ، اۆتونوميالى رايون ەكونوميكاسىنىڭ جوعارى ساپالى دامۋىنا دەم بەرۋ ءارى مەملەكەتتىك ساياسي كەڭەستىڭ شينجياڭداعى مۇشەلەرىنىڭ مەملەكەتتىك ەكى ماجىلىسكە قاتىناسۋىنا ويداعىداي نەگىز قالاۋ، دايىندىقتى جاقسى جاساۋ كەرەك.

  نۇرلان ءابىلماجىن ۇلى مىنانى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن تاباندىلىقپەن ويداعىداي ۇيرەنىپ، ويداعىداي دايەكتىلەندىرىپ، جەتە تۇسىنۋگە، جەتە يگەرۋگە، شىنايى تياناقتاندىرۋعا كۇش سالىپ، سول ارقىلى وي - سانانى شىن مانىندە قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىتپاي دايەكتىلەندىرىپ، تياناقتاندىرىپ، جاڭا دامۋ ۇستانىمىن ويداعىداي دايەكتىلەندىرىپ، اۆتونوميالى رايوندىق پارتكومنىڭ «1 + 3 + 3 +رەفورما جاساۋ، ەسىك اشۋ» قىزمەت ورنالاستىرۋىن ويداعىداي تياناقتاندىرىپ، ورنىقتىلىق پايداسىنان ۇزدىكسىز ويداعىداي پايدالانىپ، رەفورما جاساۋ، جاڭالىق اشۋ اياق الىسىن جەدەلدەتىپ، اۆتونوميالى رايوننىڭ ورنىقتىلىق پەن دامۋدا بىردەي تابىسقا جەتۋىنە، بىردەي جەڭىسكە جەتۋىنە ۇلەس قوسۋ كەرەك.

   نۇرلان ءابىلماجىن ۇلى مىنانى اتاپ كورسەتتى: ءۇرىمجى قالاسىنىڭ جىبەك جولى ەكونوميكالىق بەلدەۋى وزەكتى رايونىن قۇرۋ جاعىنداعى كومەسكى كۇشى زور، بولاشاعى نۇرلى، زور ءۇمىت ارتۋعا بولادى. مەملەكەتتىڭ جىبەك جولى ەكونوميكالىق بەلدەۋى وزەكتى رايونىن قۇرۋدى قولداۋ ساياساتىنان ويداعىداي پايدالانىپ، وزىندىك دارا ابزالدىلىقتى ويداعىداي ساۋلەلەندىرىپ، اۆتونوميالى رايوننىڭ قىزمەت ورنالاستىرۋلارىن دايەكتىلەندىرۋ، تياناقتاندىرۋ بارىسىندا جەتەكشىلىك رولدى جاقسى اتقارىپ، جىبەك جولى ەكونوميكالىق بەلدەۋى وزەكتى رايون قۇرىلىسىنىڭ جوعارى ساپادا، جوعارى دەڭگەيدە دامۋىن جەبەۋ كەرەك. جۇڭگو قۇرىلىس توبى شەكتى سەرىكتەستىگى شينجياڭ قۇرىلىس توبى پارتيانىڭ ساياسي قۇرىلىسىن ماڭداي الدى ورىنعا قويىپ، پارتيا قۇرىلىسى ارقىلى كاسىپورىن رەفورماسىنا، دامۋىنا جەتەكشىلىك ەتىپ، كاسىپورىن قىزمەتكەرلەرىنىڭ «ءتورت تانىمدى» مىقتاپ ورناتۋىنا، «ءتورت سەنىمدى» بەكەمدەۋىنە، «ەكىنى قورعاۋدى» ورىنداۋىنا اناعۇرلىم جەتەكشىلىك ەتىپ، اۆتونوميالى رايونىمىزداعى كاسىپورىندار جاڭا داۋىردەگى «نەگىزدى بەكەمدەۋ، رۋحتى سومداۋ» جاڭا ىسكەرلىگىن قۇلشىنا ايگىلەپ، مەملەكەت مەنشىگىندەگى كاسىپورىن رەفورماسىنىڭ ءارى جاقسى، ءارى تەز دامۋ بەتالىسىمەن دامۋىن ۇزدىكسىز ىلگەرىلەتۋ كەرەك. حۋاليڭ توبى كاسىپورىننىڭ قوعامدىق جاۋاپكەرشىلىگىن ارقالاۋى، اسىرەسە، حالىق باسقارۋىنداعى كاسىپورىننىڭ جۇمىستاندىرۋ ءورىسى كەڭ، قابىلداۋ قۋاتى كۇشتى، باۋلۋ ارناسى كوپ بولۋ سياقتى ابزالدىلىقتارىن جاقسى ساۋلەلەندىرىپ، قوعام ورنىقتىلىعىن قورعاۋ، كەدەيلىكتەن ارىلتۋدان قامال الۋعا جاردەمدەسۋ سياقتى جاقتاردا مۇنان دا زور تىڭ ۇلەس قوسۋعا قۇلشىنۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.