«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى. 2 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 4 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ مەملەكەتتى جاپپاي زاڭمەن جونگە سالۋعا باسشىلىعىن كۇشەيتەيىك» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: مەملەكەتتى جاپپاي زاڭمەن جونگە سالۋ نەگىزدىك، قامتاماسىزداندىرۋ سيپاتتى رولعا يە، ۇلى كۇرەستى، ۇلى ينجەنەريانى، ۇلى ءىستى، ۇلى ارماندىءبىر تۇتاس جوسپارلاپ ىلگەرىلەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىندا، پارتيانىڭ مەملەكەتتى جاپپاي زاڭمەن جونگە سالۋعا ورتالىقتانعان ءبىر تۇتاس باسشىلىعىن كۇشەيتىپ، مەملەكەتتى جاپپاي زاڭمەن جونگە سالۋدىڭ جاڭا ۇستانىمدارىن، جاڭا يدەيالارىن، جاڭا ستراتەگيالارىن جەتەكشى ەتۋگە تاباندى بولىپ، جۇڭگوشا سوتسياليستىك زاڭمەن جونگە سالۋ جولىنان اۋىتقىماي، زاڭمەن جونگە سالۋدىڭ نەگىزدى بەكەمدەيتىن، مەجەنى ورنىقتىراتىن، ۇزاق بولاشاققا ءتيىمدى قامتاماسىزداندىرۋ رولىن اناعۇرلىم ويداعىداي ساۋلەلەندىرۋ كەرەك.
ماقالادا مىنالار اتاپ كورسەتىلدى: قازىر ەلىمىز «قوس 100 جىلدىق» كۇرەس نىساناسىن جۇزەگە اسىرۋدىڭ تاريحي توعىسۋ كەزەڭىندە تۇر، جۇڭگوشا سوتسياليزمگە تاباندى بولۋ جانە ونى دامىتۋ زاڭمەن جونگە سالۋعا سۇيەنۋدى اناعۇرلىم قاجەت ەتەدى، پارتيانىڭ مەملەكەتتى جاپپاي زاڭمەن جونگە سالۋعا باسشىلىعىن كۇشەيتۋدى اناعۇرلىم قاجەت ەتەدى. پارتيا ورتالىق كوميتەتىنىڭ ورتالىقتىڭ مەملەكەتتى جاپپاي زاڭمەن جونگە سالۋ كوميتەتىن قۇرۋدى ۇيعارۋى − پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ، پارتيانىڭ مەملەكەتتى جاپپاي زاڭمەن جونگە سالۋعا ورتالىقتانعان ءبىر تۇتاس باسشىلىعىن كۇشەيتۋدىڭ قاجەتى، مەملەكەتتى زاڭمەن جونگە سالۋداعى ەلەۋلى ىستەردى، ەلەۋلى ماسەلەلەردى زەرتتەۋدىڭ، شەشۋدىڭ، جۇڭگوشا سوتسياليستىك زاڭمەن جونگە سالۋ جۇيەسى مەن سوتسياليستىك زاڭمەن جونگە سالىناتىن مەملەكەت قۇرىلىسىن سايكەستى ىلگەرىلەتۋدىڭ قاجەتى، «قوس 100 جىلدىق» كۇرەس نىساناسىن جۇزەگە اسىرۋدى ىلگەرىلەتۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى زاڭمەن جونگە سالۋ ارقىلى قامتاماسىز ەتۋدىڭ قاجەتى. پارتيانىڭ مەملەكەتتى جاپپاي زاڭمەن جونگە سالۋعا باسشىلىق ەتۋ ءتۇزىمىن جانە قىزمەت مەحانيزمىن كەمەلدەندىرىپ، پارتيا باسشىلىعىنىڭ تۇزىمدەنۋىن، زاڭمەن جونگە سالىنۋىن ۇزدىكسىز ىلگەرىلەتىپ، پارتيانىڭ باسشىلىعىن مەملەكەتتى جاپپاي زاڭمەن جونگە سالۋدىڭ جالپى بارىسى مەن بارلىق جاعىندا دايەكتىلەندىرىپ، جاپپاي دوڭگەلەك داۋلەتتى قوعام ورناتۋ، رەفورمانى جاپپاي تەرەڭدەتۋ، پارتيانى جاپپاي قاتاڭ جونگە سالۋ ءۇشىن ۇزاق ۋاقىتتىق، ورنىقتى زاڭدىق كەپىلدىك ازىرلەۋ كەرەك.
ماقالادا مىنالار باسا دارىپتەلدى: پارتيانىڭ 18 - قۇرىلتايىنان بەرى پارتيا ورتالىق كوميتەتى مەملەكەتتى جاپپاي زاڭمەن جونگە سالۋ جونىندە ءبىرسىپىرا ماڭىزدى شەشىمدەر جاساپ، مەملەكەتتى جاپپاي زاڭمەن جونگە سالۋدىڭ ءبىرسىپىرا جاڭا ۇستانىمدارىن، جاڭا يدەيالارىن، جاڭا ستراتەگيالارىن ورتاعا قويىپ، مەملەكەتتى جاپپاي زاڭمەن جونگە سالۋدىڭ جەتەكشى يدەياسىن، دامۋ جولىن، قىزمەت ورنالاستىرىلۋىن، ءتۇيىندى مىندەتتەرىن ايقىندادى. ءبىرىنشى، پارتيانىڭ مەملەكەتتى زاڭمەن جونگە سالۋعا باسشىلىعىن كۇشەيتۋگە تاباندى بولۋ؛ ەكىنشى، حالىقتىڭ نەگىزگى تۇلعالىق ورنىنا تاباندى بولۋ؛ ءۇشىنشى، جۇڭگوشا سوتسياليستىك زاڭمەن جونگە سالۋ جولىنا تاباندى بولۋ؛ ءتورتىنشى، جۇڭگوشا سوتسياليستىك زاڭمەن جونگە سالۋ جۇيەسىن ورناتۋعا تاباندى بولۋ؛ بەسىنشى، مەملەكەتتى زاڭمەن جونگە سالۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتىپ، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى ءبىر تۇلعالاندىرىپ قۇرۋعا تاباندى بولۋ؛ التىنشى، مەملەكەتتى نەگىزگى زاڭمەن جونگە سالۋعا، نەگىزگى زاڭ بويىنشا بيلىك جۇرگىزۋگە تاباندى بولۋ؛ جەتىنشى، عىلمي زاڭ شىعارۋدى، زاڭدى قاتاڭ اتقارۋدى، ءادىليانىڭ ادىلدىگىن، جالپى حالىقتىڭ زاڭعا بويسۇنۋىن جاپپاي ىلگەرىلەتۋگە تاباندى بولۋ؛ سەگىزىنشى، مەملەكەتتى جاپپاي زاڭمەن جونگە سالۋدىڭ ديالەكتيكالىق قاتىناسىن ويداعىداي ءبىر جاقتى ەتۋگە تاباندى بولۋ؛ توعىزىنشى، زاڭمەن جونگە سالۋدىڭ ءمورالدى دا قابىلەتتى، جوعارى ساپالى قىزمەت قوسىنىن قۇرۋعا تاباندى بولۋ؛ ونىنشى، باسشى كادر سىندى «شەشۋشى ازشىلىقتى» مىقتى ۇستاۋعا تاباندى بولۋ. بۇل جاڭا ۇستانىمدار، جاڭا يدەيالار، جاڭا ستراتەگيالار — ماركسيزمدىك زاڭمەن جونگە سالۋ يدەياسىنىڭ جۇڭگوشالانۋىنداعى ەڭ جاڭا جەتىستىك، مەملەكەتتى جاپپاي زاڭمەن جونگە سالۋدىڭ ءتۇبىرلى ولشەمى، وعان، ءسوز جوق، ۇزاق ۋاقىت تاباندى بولۋ، ونى ۇزدىكسىز بايىتۋ، دامىتۋ كەرەك.
