يۋە يانيۇن
شىنتاقتىڭ كۇشى قانشالىق؟
«شينجياڭ گازەتىنىڭ» 2 - ايدىڭ 14 - كۇنگى حابارىنا قاراعاندا، 2 - ايدىڭ 12 - كۇنى ساعات 16 مولشەرىندە، قاشقار قالاسى بەيحۋ باقشاسىندا قاشقار قالالىق ءورت ءوشىرۋ ۇلكەن اترەتى چىڭدۇڭ ورتا اترەتىنىڭ ءورت وشىرۋشىلەرى ياڭ چىڭلين، رىن جيانحۋا شىنتاقتارىمەن مۇزدى جارىپ، وقياتتان مۇزدى كولگە ءتۇسىپ كەتكەن كىشكەنتاي اعالى - قارىنداستى قۇتقارعان. سول كەزدە مۇز قاباتىنىڭ قالىڭدىعى شامامەن 5 سانتيمەتر، جۇقا جەرىنىڭ قالىڭدىعى شامامەن 2 سانتيمەتر ەكەن.
شىنتاقتىڭ كۇشى زور بولماعانىمەن، ادام قۇتقاراتىن قىسىلتاياڭ ساتتە ءومىر جولىن جارىپ اشتى. ياڭ چىڭلين، رىن جيانحۋا ناقتى ارەكەتتەرىمەن ءورت ءوشىرۋشى سىندى كاسىپتىك بورىشتىلىقتىڭ ءمانىن ۇعىندىردى. ولار: كىشكەنتاي اعا - قارىنداستى قۇتقارىپ شىققان ءسات، قانداي ءىستىڭ بارلىعىنان ماڭىزدى، - دەدى.
كاسىپ دەگەن نە؟ بىرەۋلەر كاسىپتى جان باعىس جولى دەپ قاراسا، ال بىرەۋلەر ءوز ومىرىمنەن دە ماڭىزدى بورىش، قوعامعا دەگەن جاۋاپكەرشىلىك پەن مىندەت دەپ سانايدى. اۋرۋدى ەمدەپ، ادام قۇتقارۋ − شيپاگەردىڭ كاسىپتىك بورىشى، ءبىلىم بەرىپ، ادام تاربيەلەۋ − وقىتۋشىلاردىڭ كاسىپتىك بورىشى، ياڭ چىڭلين، رىن جيانحۋا باستاعان ءورت وشىرۋشىلەردىڭ كوڭىل تۇكپىرىندە حالىقتىڭ ءومىرىن، مال - مۇلكىن قۇتقارۋ ەڭ ارداقتى كاسىپتىك بورىش سانالعان. كاسىپتىك بورىشتى اتقارۋدا، ولار قىسىلتاياڭ شاقتا ءوزىن ۇمىتۋداي تالعام جاساپ، حاۋىپ - قاتەرگە ءارى - ءسارى بولماستان قاسقايا قارسى تۇردى. شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدا، ءتىپتى دە كوپ ياڭ چىڭلين، رىن جيانحۋا سياقتى كاسىپتى بورىشىم دەپ بىلەتىن ادامدار قاجەت. ءبىز قاھارماندارعا ماداق ايتىپ قالماستان، ولاردان ۇيرەنىپ، كاسىپتىك بورىشتى ناقتى قىزمەت بارىسىنا ءسىڭىرىپ، باس نىسانانى جۇزەگە اسىرۋعا كۇشتى وڭ ەنەرگيا توپتاۋىمىز كەرەك.
(«لەپتى لەبىز» ايدارىنا ماقالا جولداۋ حات ساندىعى: xjrbplb126@.com)