تيانشان تورى   ›   جاڭالىقتار   ›   ساياحات

كوكتەم مەرەكەسى دەمالىسى كەزىندە شينجياڭدا ساياحاتتىڭ ارتۋ مولشەرى بۇكىل ەل بويىنشا الدىڭعى ورىندى يەلەدى

  ءتىلشى ياۋ گاڭ 2 - ايدىڭ 16 - كۇنى ۇرىمجىدەن حابارلايدى. تاياۋدا، جۇڭگو ساياحات زەرتتەۋ ورنى (مادەنيەت جانە ساياحات مينيسترلىگىنىڭ ساندى مالىمەت ورتالىعى) كوكتەم مەرەكەسىندەگى ساياحات ەكونوميكاسىنىڭ ساندى مالىمەتىن جاريالادى، جاريالانعان 28 ولكە، رايون، قالانىڭ ىشىندە، شينجياڭنىڭ ساياحاتشىلاردى قابىلداۋ رەت سانى مەن ساياحات كىرىسى ەكەۋى دە ٪70تەن اسىپ، ەكى كورسەتكىشتىڭ ارتۋ مولشەرى بۇكىل ەل بويىنشا الدىڭعى ورىندى يەلەگەن.

  كوكتەم مەرەكەسىنىڭ دەمالىسى كەزىندە شينجياڭ ەل ىشىنەن جالپى 3 ميلليون 11 مىڭ 700دەن استام جولاۋشى (رەت) قابىلداپ، سايكەس مەزگىلدەگىدەن ٪ 71.33 ارتقان؛ ساياحات جالپى كىرىسى 3 ميلليارد 616 ميلليون يۋانعا جەتىپ، سايكەس مەزگىلدەگىدەن٪74.42 ارتقان.

  مەرەكەلىك دۋماندى اسىرعان باي مازمۇندى مادەنيەت جانە ساياحات قيمىلدارىنىڭ، مول مادەنيەت جانە ساياحات ونىمدەرىنىڭ، قار - مۇز ساياحاتىنىڭ باۋرامدىلىعىنىڭ ۇزدىكسىز ارتۋى، ءوز كولىكتەرىمەن ساياحاتتاۋشىلار سانىنىڭ ۇزدىكسىز ارتۋى، مادەنيەت، ساياحات، ساۋدا امبەباپ تۇلعاسىنىڭ گۇلدەنۋى سياقتىلار شينجياڭنىڭ كوكتەم مەرەكەسىنىڭ دەمالىسى كەزىندەگى قابىلدانعان ساياحاتشىلار سانىنىڭ جانە ساياحات جالپى كىرىسىنىڭ تاعى دا تىڭ ورەگە كوتەرىلۋىن ىلگەرىلەتتى.

  بىلتىر قىس پەن بيىل كوكتەمدە بۇكىل شينجياڭنىڭ جەر - جەرى قىس ماۋسىمىنداعى ساياحاتتىڭ سايابىر كەزىندە دە ساياحاتتى قىزدىرۋ، قىس ماۋسىمىندا كورىنىستىك وڭىرلەردىڭ ەسىگىن جاپپاۋ سياقتى قىسقى ساياحاتتىڭ دامۋىن جەبەۋ شارالارىن تياناقتاندىردى. تەك 1 - ايدىڭ 28 - كۇنىنەن 2 - ايدىڭ 19 - كۇنىنە دەيىن بۇكىل شينجياڭنىڭ جەر - جەرى 300 تۇرگە جۋىق باي مازمۇندى مادەنيەت جانە ساياحات قيمىلىن وتكىزىپ، كوپتەگەن ساياحاتشىلاردى باۋرادى.

  «بۇل جەردىڭ قار ساپاسى ەرەكشە جاقسى ەكەن، باعا دا ۇيلەسىمدى». چاڭچۇندىق ساياحاتشى نيۋ شياۋيىڭ كوكتەم مەرەكەسىنىڭ دەمالىسىندا التاي قالاسىنىڭ گەنەرال تاۋ قار شاڭعى الاڭىنا بارىپ، وسى جەردىڭ قارىندا سىرعاناپ كوردى. گەنەرال تاۋ قار شاڭعى الاڭى، شينجياڭ باييۇن حالىقارالىق قار شاڭعى الاڭى، شينجياڭ جىبەك جولى حالىقارالىق دەمالىس اۋماعى كوكتەم مەرەكەسى كەزىندە قوناقتاردىڭ ەڭ مول شوعىرىن قارسى الدى. ءۇرىمجى، التاي، تارباعاتاي سياقتى قار - مۇز بايلىعى مول ايماق، وبلىس، قالالار قار - مۇز ساياحاتىنىڭ دۋمانىن اسىرىپ، كوپتەگەن ساياحاتشىلاردى باۋرادى.

  قىسقا ارالىقتا وتباسىمەن ساياحاتتاۋ، بالالارىمەن بىرگە كوڭىلدى ساياحاتتاۋ، تاياۋ ماڭداعى كورىنىستىك وڭىرلەرگە، قار شاڭعى الاڭدارىنا بارۋ، ساياحات، ساۋدا كەشەنىندە كونكي تەۋىپ، شاڭعىمەن سىرعاناۋ، جاياۋ ءجۇرۋ، ءار ءتۇرلى مادەنيەت جانە ساياحات قيمىلدارىنا قاتىناسۋ كوكتەم مەرەكەسى دەمالىسىنداعى ساياحاتتىڭ نەگىزگى ەرەكشەلىگىنە اينالدى. ينتەرنەت جۇلدىزدارىنىڭ مىندەتتى تۇردە كەلەتىن جەرى − شينجياڭ حالىقارالىق ۇلكەن بازارى كوكتەم مەرەكەسىندە 358 مىڭ ساياحاتشى (رەت) قابىلدادى.

  سولتۇستىك شينجياڭدا قاردى تاماشالاپ، وڭتۇستىك شينجياڭدا سالت - سانانى كوردى. كوكتەم مەرەكەسى كەزىندە دولان تايپاسى كورىنىستىك اۋماعىندا ايداعار ءبيى، ارىستان ءبيى، ءشول كەمەسى، ياڭگى ءبيى سياقتى مەرەكەلىك ويىندار، اتەش تالاستىرۋ، لاق تارتۋ سياقتى سالت - سانا كونسەرتتەرى ساياحاتشىلاردى وزىنە باۋرادى. تەك 2 - ايدىڭ 6 - كۇنى كورىنىستىك وڭىردەگى مەرەكەلىك ويىنداردى 5000نان استام ساياحاتشى كوردى. «بۇل جەردىڭ سالت - سانا ويىندارى وتە كەرەمەت ەكەن، ءار ۇلت بۇقاراسى جاڭا جىلدى قۋانىشپەن قارسى الادى ەكەن»، - دەدى جىجياڭدىق ساياحاتشى لي پىڭ. كوكتەم مەرەكەسى كەزىندە، اقسۋ ايماعى جالپى 300 مىڭ 700 ساياحاتشى (رەت) قابىلداپ، سايكەس مەزگىلدەگىدەن ٪80.15ارتتى.

  قىس ماۋسىمىندا كورىنىستىك وڭىرلەردىڭ سىرتقا اشىلۋى، ساياحاتشىلار سانىنىڭ ارتۋى شارۋالار شاتتىعى ساياجايلارىنىڭ ساۋداسىن قىزدىردى. «كوكتەم مەرەكەسى كەزىندە 300دەن استام ادامدى قابىلدادىق». باعراش كولىنىڭ داحىكوۋ كورىنىستىك اۋماعىنان 5 كيلومەتر كەلەتىن جەردەگى شيحاي بالىقشىلار قىستاعى شارۋالار شاتتىعى ساياجايىنىڭ جاۋاپتىسى لۋ حۇڭنىڭ ايتۋىنشا، كوپتەگەن ساياحاتشى كورىنىستىك وڭىردە ساياحاتتاپ بولعان سوڭ، سول ماڭداعى شارۋالار شاتتىعى ساياجايلارىنا بارىپ ەرەكشە بالىق تاعامىنان ءدام تاتقان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى