تيانشان تورابى   ›   جاڭالىقتار   ›   شينجياڭ حابارلارى

ستراتەگيالىق جاڭا وركەندەگەن كاسىپتەر اۆتونوميالى رايونىمىز ەكونوميكاسىنىڭ جوعارى ساپالى دامۋىن جەبەدى

  ءتىلشى ۋاڭ يۇڭفي

  «ۇلكەن ءتۇر ستراتەگياسىن اتقارعاننان بەرى، ءبىزدىڭ ساتىلىم سومامىز جىلىنا ٪20تىك قارقىنمەن ءوستى، قازىر 3 ءتۇردىڭ ساتىلىمى 100 ميلليون يۋاننان استى. ۇيعۇر ءدارى - دارمەكتەرى سەرىكتەستىگىنىڭ جالىندى ومىرشەڭدىك كۇشىن قاۋلاتىپ، جۇڭحۋانىڭ ءداستۇرلى ءدارى - دارمەكتەرىندەگى جارقىراعان جاقۇتقا اينالارىنا سەنەمىن»، - دەدى 1 - ايدىڭ 28 - كۇنى شينجياڭ ۇيعۇر ءدارى - دارمەكتەرى شەكتى جاۋاپكەرلىك سەرىكتەستىگىنىڭ باس جوراسى ي چياڭ.

  شينجياڭ ۇيعۇر ءدارى - دارمەكتەرى شەكتى جاۋاپكەرلىك سەرىكتەستىگىنىڭ ماقتانارلىق ناتيجەسى اۆتونوميالى رايوننىڭ ستراتەگيالىق جاڭا وركەندەگەن كاسىپتەردى دامىتۋىنىڭ شاعىن كارتيناسى. ساندى مالىمەتتەردەن كورسەتىلۋىنشە، 2018 - جىلى اۆتونوميالى رايوننىڭ ستراتەگيالىق جاڭا وركەندەگەن كاسىپتەرىنىڭ ارتقان قۇنى ٪15.1ءوسىپ، بۇكىل رايون ونەركاسىبىندەگى ارتقان قۇننىڭ ٪13.7ىن يەلەگەن، ستراتەگيالىق جاڭا وركەندەگەن كاسىپتەر اۆتونوميالى رايونىمىز ەكونوميكاسىنىڭ جوعارى ساپالى دامۋىنىڭ قۋاتتى قوزعالتقىشىنا اينالعان.

   قۋاتتى ارتتىرىپ، كۇشتى نىعايتتى: قۇرىلىمدى رەتتەپ، جاڭا ءورىس اشتى

  جۋىق جىلداردان بەرى، اۆتونوميالى رايونىمىز ستراتەگيالىق جاڭا وركەندەگەن كاسىپتەردى «قۇرىلىمدى رەتتەۋدىڭ، بۇرىلىس جاساۋدى جەبەۋدىڭ» پارمەندى تۇتقاسى ەتىپ، ستراتەگيالىق جاڭا وركەندەگەن كاسىپتەر تىزبەگىن ۇزدىكسىز كەڭەيتتى، وسىعان وراي كاسىپ سالاسىنىڭ جالپى مولشەرى ونان ارى ۇلعايىپ، دامۋ ساپاسى كورنەكتى جوعارىلاپ، جاڭا ماتەريال، جاڭا ەنەرگيا، جوعارى دەڭگەيدەگى جابدىق جاساۋ، بيولوگيالىق ءدارى - دارمەك سياقتى سالالاردى نەگىز ەتكەن ستراتەگيالىق جاڭا وركەندەگەن كاسىپتەردى دامىتۋ جۇيەسىن العاشقى قادامدا قالىپتاستىردى.

  مۇنىڭ ىشىندە، ءتۇيىندى سالالاردىڭ دامۋىنداعى جارقىن تۇيىندەر كورنەكتى بولدى. جاڭا ەنەرگيا سالاسى جەل كۇشىمەن ەلەكتر شىعارۋ جانە فوتوۆولتتىق ەلەكتر شىعارۋ سىندى 2 ۇلكەن كاسىپتەر شوعىرىن قالىپتاستىرسا؛ جاڭا ماتەريال سالاسى جەدەل دامىپ، مەملەكەت بويىنشا ەرەكشە تازا رۋبيدي - تسەزي ماتەريالىن جاسايتىن بىردەن - ءبىر ورىن بولىپ، مەتال ليتي، اۆياتسيادا پايدالانىلاتىن مەتال حروم، جاڭا بۋىن كومىرتەكتى كرەمنيلى جارتىلاي وتكىزگىشتىك جاي زاتتىق كريستال جاپىراقشاسى سياقتى تەحنيكالار ەل ىشىندە وزىق دەڭگەيگە جەتتى؛ ەرەكشە جوعارى كەرنەۋمەن ەلەكتر جەتكىزۋ، تۇراقتى توكپەن ەلەكتر جەتكىزۋ سياقتى جابدىق جاساۋ - زەرتتەۋ الەمدىك وزىق دەڭگەيگە جەتتى.

  شينجياڭ جينفىڭ عىلىم - تەحنيكا شەكتى جارنا سەرىكتەستىگى قازىر ءىرى تۇرپاتتى جەل گەنەراتور اگراگاتتارىن ەلىمىزدە جاساۋدى جۇزەگە اسىرىپ، جەل گەنەراتورلارىن 20 مەملەكەتكە ەكسپورت ەتۋدە. «سەرىكتەستىگىمىز دۇنيە جۇزىندەگى جەل گەنەراتورلارىن جاساۋشىلار ىشىندە ۇدايى 7 جىل ەل ىشىندەگى ءبىرىنشى ورىندى، ۇدايى 6 جىل دۇنيە ءجۇزى بويىنشا الدىڭعى 3 ورىندى يەلەدى، بۇل ءبىزدىڭ شينجياڭدا جاسالعان جەل گەنەراتور اگراگاتتارىنىڭ دۇنيە جۇزىندە وزىق ەكەندىگىن دالەلدەيدى»، - دەيدى جينفىڭ عىلىم - تەحنيكا شەكتى جارنا سەرىكتەستىگىنىڭ جۇيەنى مەڭگەرۋ ءبولىمىنىڭ مەڭگەرۋ جۇمساق بولشەگىن جاساۋشى مامانى حۋاڭ شياۋفاڭ ماقتانىشپەن.

  ساندى مالىمەتتە كورسەتىلۋىنشە، بىلتىر بۇكىل رايونىمىزداعى ستراتەگيالىق جاڭا وركەندەگەن كاسىپتەردىڭ ارتۋ قارقىنى ءبىرشاما جوعارىسى جاڭا ماتەريال، بيولوگيالىق ءدارى - دارمەك، ەلەكتروندىق ينفورماتسيا، ەنەرگيا ۇنەمدەپ، قورشاعان ورتانى قورعاۋ سالالارى بولىپ، ءونىم قۇنى سايكەس مەزگىلدەگىدەن جەكە - جەكە ٪15، ٪36، ٪7.9،٪12.8ارتقان.

  «ءبىر جاعىنان، اۆتونوميالى رايوننىڭ تۇراقتى مۇلىككە قارجى قوسۋىنىڭ قارقىنى تومەندەپ كەلەدى؛ ەندى ءبىر جاعىنان، ستراتەگيالىق جاڭا وركەندەگەن كاسىپتەردىڭ ارتقان قۇنى مەن جوعارى، جاڭا تەحنيكالىق جاساۋ كاسىپتەرىنىڭ ارتقان قۇنىGDPنىڭ ارتۋ قارقىنىنان الدەقايدا جوعارى بولدى، بۇل بەلگىلى دەڭگەيدە شينجياڭ ەكونوميكاسىنىڭ ارتۋىنىڭ قوزعاۋشى كۇشى بىرتىندەپ قارجى قوسۋدى جەتەكشى ەتۋدەن جاڭالىق اشۋدى جەتەكشى ەتۋگە بۇرىلىس جاساعاندىعىن كورسەتەدى»، - دەيدى شينجياڭ قوعامدىق عىلىمدار اكادەمياسى ەكونوميكا زەرتتەۋ ورنىنىڭ بۇرىنعى باستىعى ۋاڭ نيڭ.

قوزعاۋشى كۇش قاينارى: جاڭالىق اشۋ مەحانيزمى تىڭ ومىرشەڭدىك قاۋلاتتى

  بىلتىر اۆتونوميالى رايونىمىز جاڭالىق اشۋ ساياساتتارىن جاساۋ، باقشا - رايون قۇرىلىستارىن ىلگەرىلەتۋ، ەلەۋلى نىسانداردى باستاۋ، عىلىم - تەحنيكانى، فينانستى دامىتۋ، تۇعىر قۇرىلىسىن جەدەلدەتۋ، قىزمەت كورسەتۋ جۇيەسىن كەمەلدەندىرۋ سياقتى ءبىر قاتار شارالار ارقىلى ستراتەگيالىق جاڭا وركەندەگەن كاسىپتەردى جەتىلدىرۋ جانە دامىتۋعا پارمەندى تىرەك ازىرلەدى. مۇنىڭ ىشىندە عىلىم - تەحنيكالىق جاڭالىق اشۋ ستراتەگيالىق جاڭا وركەندەگەن كاسىپتەردى دامىتۋدىڭ قوزعاۋشى كۇش قاينارىنا اينالدى.

  سوڭعى جىلدارى شينجياڭ لانشان تۇنحى حيميا ونەركاسىپ شەكتى جارنا سەرىكتەستىگى ىلگەرىندى - كەيىندى چيڭحۋا داشۋەسى، سىچۋان داشۋەسى، بەيجيڭ حيميا ونەركاسىپ داشۋەسى سياقتى عىلمي زەرتتەۋ ورىندارىمەن ءوندىرىس، وقىتۋ، زەرتتەۋ سەلبەستىگىن ورىستەتتى، سونداي - اق چيڭحۋا داشۋەسىندەگى اكادەميك جين يۇڭدى جەتەكشى مامان ەتىپ، اكادەميك قىزمەت پۋنكتىن قۇردى.

  «قۋاتتى عىلمي زەرتتەۋ توبىنىڭ قامال الۋى مەن جەتەكتەۋىندە، ءبىز 2012 - جىلدان باستاپ اعاش شايىرىن بيولوگيالىق ىدىراتۋدى زەرتتەپ اشتىق، سونداي - اق گەرمانيا، كورەيا، جاپونيا سياقتى ەلدەرگە ەكسپورت ەتىپ، ەكسپورت مولشەرى مەملەكەت بويىنشا 1 - ورىندى يەلەدى»، - دەدى لانشان تۇنحى سەرىكتەستىگىنىڭ باس ديرەكتورى لي پىڭ.

  بىلتىر رايونىمىز جاڭالىق اشۋ تۇعىر قۇرىلىسىن ۇزبەي ىلگەرىلەتىپ، جاساۋ كاسىبىنىڭ جاڭالىق اشۋ ورتالىعى ينجەنەرياسىن باستاپ، كاسىپ سالاسىندا جاڭالىق اشۋ ورتالىعىن تىرەك، كاسىپورىنداردىڭ تەحنيكا ورتالىعىن تۇلعا ەتىپ، ءوندىرۋ، وقىتۋ، زەرتتەۋ ىشكەرىلەي توعىسا سايكەسكەن جاڭالىق اشۋ بويىنشا وسى زامانعى كاسىپ سالاسى تەحنيكاسىنان جاڭالىق اشۋ جۇيەسىن قۇرىپ، 22 كاسىپورىن تەحنيكا ورتالىعىن بەلگىلەپ، كاسىپ سالاسىن دامىتۋدىڭ قوزعاۋشى كۇشىن ارتتىردى.

  «ءبىز كاسىپورىنداردى زەتتەپ اشۋ جانە كاسىپ سالالاندىرۋ اياق الىسىن جەدەلدەتۋگە جەتەكشىلىك ەتىپ، كاسىپ تىزبەگىنىڭ شەشۋشى تەحنيكادان قامال الۋى بويىنشا تەكسەرۋ - زەرتتەۋ جۇرگىزدىك؛ كاسىپورىنداردىڭ تەحنيكادان جاڭالىق اشۋ نىسانىن زەرتتەۋ، جوسپارعا كىرگىزۋ قىزمەتىن ورىستەتۋىنە جەتەكشىلىك ەتىپ، كاسىپ سالاسىنىڭ شەشۋشى تەحنيكانى زەرتتەۋىن، كاسىپ تىزبەگىن كەڭەيتۋدى اناعۇرلىم ىلگەرىلەتىپ، كاسىپورىننىڭ دەربەس جاڭالىق اشۋ قۋاتىن ارتتىردىق»، - دەدى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حۋ كايجياڭ.

  بۇگىنگى كۇنى زەرتتەۋگە باعىتتالعان ۇسىنىلىمدى ۇزبەي ارتتىرۋ كوپتەگەن كاسىپورىننىڭ ورتاق تانىمىنا اينالدى. شينجياڭ كاڭرۇنجيە ورتانى قورعاۋ عىلىم - تەحنيكا شەكتى جارنا سەرىكتەستىگى جىل سايىن زەرتتەۋگە 5 ميلليون يۋان شاماسىندا قارجى قوسىپ كەلەدى، بۇل تيجارات كىرىسىنىڭ ٪25ىن ۇستايدى. «زەرتتەۋگە قوسىلاتىن ۇسىنىلىمدى ۇزبەي ارتتىرعاندا عانا، كاسىپ سالاسى دامۋىنىڭ بيىگىن يەلەي الامىز، بازار باسەكەسىندە جەڭىلمەس ورىنعا شىعا الامىز»، - دەدى وسى سەرىكتەستىكتىڭ باس جوراسى كۇڭ ليميڭ.

  بىلتىر رايونىمىز تاعى زەردەلى جاساۋدان قامال الىپ، كاسىپورىنداردى زەردەلى جاساۋدان ۇلگى كورسەتۋگە جانە جاڭا ۇلگىدەگى قولدانىلمالى نىساندى اتقارۋعا ۇيىمداستىردى، 9 نىسان مەملەكەتتىڭ كومەك قاراجاتىنا يە بولىپ، جاساۋ كاسىبىنىڭ تيبىن جاڭالاپ، دارەجەسىن جوعارىلاتۋىن ىسكە اسىردى. «زەردەلى جاساۋ رايونىمىز كاسىپورىندارىندا ىشكەرىلەي جالپىلاسىپ، قولدانعان كاسىپورىن 30عا تايادى. زەردەلى جاساۋ رايونىمىزدىڭ جاساۋ كاسىبىنىڭ دامۋ دەڭگەيىن پارمەندى تۇردە جوعارىلاتتى»، - دەدى حۋ كايجياڭ.

  دامۋ بەتالىسى: كاسىپتەردىڭ شوعىرلى دامۋىن ىلگەرىلەتتى

  بيىل رايونىمىزداعى ستراتەگيالىق جاڭا وركەندەگەن كاسىپتەردىڭ دامۋ نىساناسى − ونەركاسىپ جالپى ءونىم قۇنىنىڭ ارتۋ جىلدامدىعىن ءۇرتس 2 ورىندى سان بويىنشا ارتۋىن ساقتاۋ؛ ارتقان قۇننىڭ ونەركاسىپتە ارتقان قۇندا ۇستايتىن مولشەرىن بىلتىرعىدان 1 دە 2 پايىز جوعارىلاتۋ. وسىعان سايكەس، رايونىمىز قوزعاۋشى كۇش جۇيەسى، كاسىپ سالاسىن ورنالاستىرۋ، كەڭىستىك جاقتان ورنالاستىرۋ، ساياساتتىق ورتا سياقتى جاقتاردان كىرىسىپ، ستراتەگيالىق جاڭا وركەندەگەن كاسىپتەردىڭ دامۋ بيىگىن قالىپتاستىرادى.

  بيىل رايونىمىز اۆتونوميالى رايون دارەجەلى جاساۋ كاسىبىنىڭ جاڭالىق اشۋ ورتالىعىنان ءبىر دە ەكەۋىن جەتىلدىرەدى؛ كاسىپورىننىڭ تەحنيكا ورتالىعى، تەحنيكادان جاڭالىق اشۋ بويىنشا ۇلگى كورسەتۋ كاسىپورنى جانە ءوندىرىس، وقىتۋ، زەرتتەۋ بىرلەسىپ اشاتىن ۇلگى كورسەتۋ بازاسى سياقتى 40 شاماسىندا ءتۇرلى جاڭالىق اشۋ تۇعىرىن جاڭادان قۇرادى؛ كاسىپورىنداردى 500 ءتۇر شاماسىندا تەحنيكادان جاڭالىق اشۋ نىسانىن اتقارۋعا ۇيىمداستىرىپ، جەتەكشىلىك ەتىپ، 40 ءتۇر شاماسىندا ءتۇيىندى تەحنيكادان جاڭالىق اشۋ نىسانىن ىلگەرىلەتەدى.

  كاسىپ سالاسىن ورنالاستىرۋ جاعىندا، رايونىمىز جاڭالىق اشۋ بايلىعى شوعىرلانعان، اۋىستىرۋ ءونىمى جوعارى، كاسىپ ءونىمى جاقسى 8 دە 10 ستراتەگيالىق جاڭادان گۇلدەنگەن كاسىپ تىزبەگىن ءتۇيىندى تۇردە قۇرىپ، ءبىرشاما جوعارى جاڭالىق اشۋ قۋاتى جانە باسەكەلىك قۋاتى بار ستراتەگيالىق جاڭا وركەندەگەن كاسىپتەردىڭ 8 دە 10 ەرەكشە كاسىپ شوعىرلانعان اۋماعىن قۇرۋدى ىلگەرىلەتەدى.

  كەڭىستىك جاعىنان ورنالاستىرۋدا، رايونىمىز وزىندىك ەرەكشەلىگى بار ءۇرىمجى، سانجى، قارامايلى سياقتى 7 ۇلكەن جاساۋ كاسىبى بازاسىن بەلسەنە جەتىلدىرىپ، قۇرىپ، ءتۇزىلىس مەحانيزمىن جاڭالاۋ ارقىلى بازاردىڭ ومىرشەڭدىگىن قاۋلاتىپ، باقشا رايونىنىڭ ەرەكشە ارتىقشىلىعىن ساۋلەلەندىرىپ، ەرەكشەلىگى ايقىن، ۇلكەن، ورتا، شاعىن كاسىپورىندار سايكەسىپ داميتىن ارتىقشىلىققا يە ەرەكشە كاسىپ تىزبەگىن جانە كاسىپ شوعىرىن جەتىلدىرەدى.

  «ءبىز تاعى حالىقتىق كاپيتال، كاسىپ سالاسى قورى، جاڭالىق اشۋعا قارجى قوسۋ قورى سياقتى قارجىلاردى ستراتەگيالىق جاڭادان گۇلدەنگەن كاسىپ سالاسىنا قوسۋدى بەلسەنە قولدايمىز، فينانس قۇرىلىمدارىنىڭ فينانس ونىمدەرى مەن قىزمەت وتەۋگە جاڭالىق ەنگىزۋىن قولدايمىز، جاڭادان گۇلدەنگەن كاسىپ سالالارىنىڭ ءتۇيىندى نىساندارىنا الدىمەن قولداۋ كورسەتەمىز»، - دەدى حۋ كايجياڭ.

   اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى رايحان ءيۇسۇپ بىلاي دەدى: قازىر رايونىمىز قاتىستى مامانداردى ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ ءوڭىرىنىڭ دامۋ جوسپارىن جاساۋعا ۇيىمداستىرۋدا ءارى دەربەس جاڭالىق اشۋدان ۇلگى كورسەتۋ ءوڭىرىنىڭ قاۋىرت دامۋىن جەبەيتىن ساياساتتاردى تەكسەرىپ - زەرتتەپ العا قويىپ، كوپ سالالى، كوپ دارەجەلى، جان - جاقتى جاڭالىق اشۋعا، شارۋاشىلىق قۇرۋعا قىزمەت وتەۋ جۇيەسىن قالىپتاستىرىپ، جاڭالىق اشۋدىڭ، شارۋاشىلىق قۇرۋدىڭ تاماشا قوعامدىق ورتاسىن جانە ساياساتتىق ورتاسىن ازىرلەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە