− گۇيجوۋدىڭ باس شۋجي شي جينپيڭنىڭ مەملەكەتتىك ەكى ماجىلىستەگى ماڭىزدى ءسوزىنىڭ رۋحىن تياناقتاندىرعاندىعى تۋرالى
شينحۋا اگەنتتىگىنىڭ تىلشىلەرى لي يىن، حۋ شيڭ، لو في
- ءتۇيىن: باس شۋجي شي جينپيڭنىڭ ماڭىزدى نۇسقاۋىنىڭ رۋحىن تياناقتاندىرۋ ءۇشىن، گۇيجوۋ كەدەيلىكتەن ارىلتۋدان قامال الۋدى ماڭداي الدى ءىرى ءىس جانە ءبىرىنشى حالىق تۇرمىسى ينجەنەرياسى ەتىپ، وسى قيان - كەسكى شايقاستى ويداعىداي جۇرگىزىپ، جەڭىسكە قول جەتكىزۋگە كۇش سالدى.
- سوڭعى جىلدارى گۇيجوۋ جاڭا دامۋ ۇستانىمىن تياناقتاندىرىپ، كاسىپتىڭ دەڭگەيىن كوتەرۋگە، جاسىلداندىرۋعا، شوعىرلاندىرۋعا تاباندى بولىپ، ەسكى قوزعالىس ەنەرگياسىنىڭ ومىرشەڭدىگىن تاسقىنداتىپ، جاڭا قوزعالىس ەنەرگياسىن جەدەل قالىپتاستىردى.
- پارتيانىڭ 19 - قۇرىلتايى كەزىندە، باس شۋجي شي جينپيڭ گۇيجوۋ ولكەسى ۋاكىلدەر ۇيىرمەسىنىڭ تالقىسىنا قاتىناسقاندا، گۇيجوۋدىڭ دامۋ مەن ەكولوگيا سىندى ەكى تومەنگى شەكتى مىقتاپ ساقتاپ، حالقى باي، ەكولوگياسى كوركەم، كوزدىڭ جاۋىن الاتىن گۇيجوۋدىڭ جاڭا بولاشاعىن اشۋ كەرەكتىگىن تاعى العا قويدى.
كەدەيلىكتەن ارىلتۋدان قامال الۋ، وركەندەتۋ قىزمەتىن ونان ارى مىقتى يگەرىپ، ونان ارى شىنايى ىستەۋ؛ دامۋ وي جەلىسىنە جاڭالىق ەنگىزىپ، كەيىندەپ دامۋ باسىمدىعىن ساۋلەلەندىرۋ؛ تۇنىق سۋ، جاسىل تاۋدىڭ ەكونوميكالىق، قوعامدىق ونىمدىلىگىن تولىق ساۋلەلەندىرۋ كەرەك... 2014 - جىلى 3 - ايدىڭ 7 - كۇنى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 2 - ماجىلىسىندە گۇيجوۋ ۋاكىلدەر ۇيىرمەسىنىڭ تالقىسىنا قاتىناسقاندا، گۇيجوۋدىڭ قىزمەتى جونىندە ماڭىزدى نۇسقاۋ بەردى.
تاپسىرمانى ەستە بەرىك ساقتاپ، ەكپىندەي العا تارتتى. سوڭعى جىلدارى گۇيجوۋ باس شۋجي شي جينپيڭنىڭ ماڭىزدى نۇسقاۋىن كەدەيلىكتەن ارىلتۋدان قامال الۋدىڭ جانە توپ جارىپ، توپتان وزۋدىڭ باعدارى مەن قوزعاۋشى كۇشى ەتىپ، دامۋ جانە ەكولوگيا سىندى ەكى تومەنگى شەكتى باتىل ساقتاپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، دوڭگەلەك داۋلەتكە تەڭ جەتۋدىڭ شەشۋشى جەڭىسىنە قول جەتكىزدى. شىعىس بولىكتەگى وڭىرلەردەن وزگەشە، باتىس بولىكتەگى باسقا ولكەلەردىكىنە ۇقسامايتىن دامۋدىڭ جاڭا جولى قالىپتاسىپ كەلەدى.
«باس شۋجيدىڭ ءسوزىن جادىمدا ساقتاپ كەلەمىن»
2 - ايدىڭ 2 - كۇنى گۇيجوۋ ولكەسى گۇي - ان جاڭا رايونى گاۋفىڭ قالاشىعى مالاڭ قىستاعى پارتيا ياچەيكاسىنىڭ شۋجيى ليۋ چياۋيىڭ قىستاق ياچەيكاسىنىڭ القا قۇرامىنداعىلاردى باستاپ، بالىق، ۇيرەك كولشىگىنىڭ جانىندا بالىق اۋلادى.
«بۇل − قىستاقتىڭ كەدەيلىكتەن ارىلتۋدان قامال الۋداعى ۇلگى نىسانى، بۇعان 5 كەدەي وتباسى قاتىناستى، جاقسى باعىپ - باپتاۋ كەرەك»، - دەدى ليۋ چياۋيىڭ.
ليۋ چياۋيىڭ − مەملەكەتتىك 12 - كەزەكتى حالىق قۇرىلتايىنىڭ ۋاكىلى، 2014 - جىلى 3 - ايدىڭ 7 - كۇنى ول گۇيجوۋ ۋاكىلدەر ۇيىرمەسىنىڭ تالقىسىنا قاتىناسۋعا كەلگەن باس شۋجي شي جينپيڭدى كوردى. ليۋ چياۋيىڭ بىلاي دەدى: «باس شۋجي كەدەي وڭىرلەردەگى بۇقارانىڭ شىنايى يگىلىككە كەنەلۋىنە شىن مانىندە مۇمكىندىك جاساۋ كەرەكتىگىن ايتتى، باس شۋجيدىڭ ءسوزىن جادىمدا ساقتاپ كەلەمىن، قايتىپ كەلگەن سوڭ كەدەيلىكتەن ارىلتۋ قىزمەتىن قالاي يگەرۋ جونىندە باعدار مەن نىساناعا يە بولدىم».
ءدال وسى جىلى مەملەكەت دارەجەلى جاڭا رايون − گۇي - ان جاڭا رايونى قۇرىلدى، مالاڭ قىستاعى دا وسى رايونعا تاۋەلدى بولدى. قازىر وسى ءداستۇرلى بۋ - ي ۇلتى قىستاعى قايتا جاندانىپ، تىڭ تىنىسقا كەنەلدى. 2014 - جىلى قىستاقتاعى 286 وتباسىنىڭ ىشىندە 71 وتباسى كەدەي وتباسى ەدى، جان باسىندىق جىلدىق ورتاشا تازا كىرىسى 4100 يۋان بولاتىن. 2018 - جىلى قىستاق تۇرعىندارىنىڭ جان باسىندىق ورتاشا تازا كىرىسى 13 مىڭ يۋانعا جەتتى.
گۇيجوۋ ولكەسى تالاي ۋاقىتتان بەرى ەلىمىز بويىنشا كەدەيلەر سانى ەڭ كوپ ولكە بولاتىن. باس شۋجي شي جينپيڭ گۇيجوۋدىڭ كەدەيلىكتەن ارىلتۋدان قامال الۋ قىزمەتىنە باستان - اياق توتەنشە ءمان بەردى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن تياناقتاندىرۋ ءۇشىن، گۇيجوۋ كەدەيلىكتەن ارىلتۋدان قامال الۋدى ماڭداي الدى ءىرى ءىس جانە ءبىرىنشى حالىق تۇرمىسى ينجەنەرياسى ەتىپ، وسى قيان - كەسكى شايقاستى ويداعىداي جۇرگىزىپ، جەڭىسكە قول جەتكىزۋگە كۇش سالدى.
ءبىر جىلدا بۇكىل ولكە بويىنشا كەدەيلىكتەن ارىلتۋدان قامال الۋ قىزمەتى دالمە - ءدال ورىستەتىلىپ، قاپىسىز توعىستى. «كوكتەم سامالى ارەكەتى»، 14 ميلليون مۋ جەردەگى كوكونىس ەگىمشىلىگى سياقتى كاسىپتەر قاۋىرت ورىستەتىلدى؛ «جازعى اتوي»، «كەدەيلەردى قاتە باعالاۋ، باعالاماي قالدىرۋ» سياقتىلاردى ارناۋلى جونگە سالۋ قىزمەتتەرى ىشكەرىلەي ورىستەتىلدى؛ «كۇزگى مول ءونىم ەسەبى»، قۋزاۋ، تەكسەرۋ كۇشەيتىلدى.
كەدەيلىكتەن ارىلتۋدان قامال الۋدىڭ «ءتورت ماۋسىم جىرى» كەدەي ءوڭىردىڭ «باقىت جىرىنا» اينالدى. 2018 - جىلى گۇيجوۋدا ءبىر ميلليون 480 مىڭ ادام كەدەيلىكتەن ارىلىپ، كەدەيلىكتىڭ تۋىلۋ سالىستىرماسى ٪4.3كە ءتۇستى، 14 كەدەي اۋدان كەدەيلىكتەن ارىلىپ، كەدەيلىك قالپاعىن ءساتتى الىپ تاستادى.
جاڭا دامۋ ۇستانىمى تامىر تارتىپ گۇل اشتى
كوكتەم مەرەكەسى دەمالىسىندا گۇيجوۋ ولكەسى شيڭي قالاسىنىڭ كوكەك ۇلت مادەنيەتى، سالت - سانا باقشاسى مەرەكەلىك دۋمانعا شومىپ، ساياحاتشىلارعا لىق تولدى. مەملەكەتتىك 12 - كەزەكتى حالىق قۇرىلتايىنىڭ ۋاكىلى، سالت - سانا باقشاسىنىڭ جاۋاپتىسى ۋاڭ چيڭ قوسىمشا ساياحات داياشىلىعى قىزمەتىن ىستەپ، ساياحاتشىلارعا بۋ - ي ۇلتىنىڭ ءداستۇرلى كيىم - كەشەكتەرىن تانىستىردى.
ۋاڭ چيڭ بىلاي دەدى: سوڭعى جىلدارى كاسىپورىن مادەنيەت پەن ساياحاتتى تەرەڭ توعىستىردى، قۇرىلعان سالت - سانا باقشاسى جەرگىلىكتى ورىننىڭ ايتۋلى ساياحات كورىنىس تۇيىنىنە اينالىپ قانا قويماي، 100دەن استام ادامدى جۇمىستانۋعا تارتىپ، گۇيجوۋدىڭ جاڭا كاسىپتەردى دامىتۋىنىڭ «شاپشاڭ دامىتۋ جولىنا» ءتۇستى.
دامۋ وي جەلىسىنە جاڭالىق ەنگىزىپ، كەيىندەپ دامۋ باسىمدىعىن ساۋلەلەندىرۋ كەرەك. بۇل باس شۋجي شي جينپيڭنىڭ 2014 - جىلى گۇيجوۋ ۋاكىلدەر ۇيىرمەسىنىڭ تالقىسىنا قاتىناسقانداعى ءۇمىتى. 2015 - جىلى 6 - ايدا باس شۋجي شي جينپيڭ گۇيجوۋدا قىزمەت تەكسەرگەندە، ينفورماتسيالاندىرۋ اعىمى الدىندا بيىك تۇرعىنى بەلسەنە يەلەگەندە عانا، دامۋدىڭ ۇتىمدى ورايىنا قول جەتكىزۋگە بولاتىندىعىن باسا دارىپتەگەن بولاتىن.
ۇلكەن ساندى مالىمەت، ساياحات كاسىبى گۇيجوۋدىڭ جاڭادان گۇلدەنگەن كاسىپتى دامىتۋىنىڭ كۇش سالۋ ءتۇيىنى. سوڭعى جىلدارى گۇيجوۋ جاڭا دامۋ ۇستانىمىن تياناقتاندىرىپ، كاسىپتىڭ دەڭگەيىن كوتەرۋگە، جاسىلداندىرۋعا، شوعىرلاندىرۋعا تاباندى بولىپ، ەسكى قوزعاۋشى قۋاتتىڭ ومىرشەڭدىگىن تاسقىنداتىپ، جاڭا قوزعالىس ەنەرگياسىن جەدەل قالىپتاستىردى. اراق، كومىر، ەلەكتىر سياقتىلاردىڭ دامۋ تاسىلىنە بۇرىلىس جاساۋدى، دارەجەسىن ءوسىرۋدى جەدەلدەتىپ، قۇرىلىمدى رەتتەۋ بارىسىندا ەكونوميكانىڭ جاڭا ارتۋ ءتۇيىنىن جەتىلدىرىپ، ءداستۇرلى كاسىپتىڭ ورتا، جوعارى دەڭگەيگە كوتەرىلۋىن ىلگەرىلەتتى. سونىمەن قاتار جاڭا ەمدەۋ، ءدارى - دارمەك، سالاماتتىلىق، وسى زامانعى تاۋلى جەر جوعارى ءونىمدى اۋىل شارۋاشىلىعى سياقتى ستراتەگيالىق جاڭادان گۇلدەنگەن كاسىپتەردى كۇش سالا ىلگەرىلەتتى. 2018 - جىلى گۇيجوۋدىڭ وڭىرلىك ءوندىرىس جالپى ءونىم قۇنى وتكەن جىلداعىدان ٪9.1 ارتىپ، ءۇرتىس 8 جىل بويى مەملەكەت بويىنشا الدىڭعى ورىندى يەلەدى.
تۇنىق سۋ، جاسىل تاۋ باعالى بايلىققا اينالدى
تاياۋدا گۇيجوۋ ولكەسى تۇڭرىن قالاسى يانحى اۋدانى شينچۇن قىستاعىندا سامسىپ تۇرعان مانداريننان مول ءونىم الاتىن ماۋسىم كەلىپ جەتتى. ءىرى ەگىمشىلىك وتباسى جاڭ گويىڭ تىلشىگە ماقتانا بىلاي دەدى: بۇرىن بۇل جەردىڭ ەكولوگياسى بۇزىلىپ، توپىراقتى ساقتاۋدىڭ ءوزى مۇڭ بولعاندىعىنا مۇلدە سەنبەيسىز.
2014 - جىلى مەملەكەتتىك 12 - كەزەكتى حالىق قۇرىلتايىنىڭ ۋاكىلى بولعان جاڭ گويىڭ بەيجيڭگە بارىپ، مەملەكەتتىك ەكى ماجىلىسكە قاتىناسىپ، باس شۋجي شي جينپيڭگە قىستاقتىڭ جاعدايىنان مالىمەت بەردى. ول بىلاي دەدى: باس شۋجيدىڭ «تۇنىق سۋ، جاسىل تاۋ مەن باعالى بايلىق مۇلدە ءبىر - بىرىنە قاراما - قارسى ەمەس»، «ەكولوگيالىق ورتانى قورعاۋدىڭ ءوزى وندىرگىش كۇشتى قورعاعاندىق» دەگەن ىقىلاستى تاپسىرماسى كۇنى كەشەگىدەي كوكەيىمدە سايراپ تۇر.
2017 - جىلى 10 - ايدىڭ 19 - كۇنى پارتيا 19 - قۇرىلتايى كەزىندە، باس شۋجي شي جينپيڭ گۇيجوۋ ۋاكىلدەر ۇيىرمەسىنىڭ تالقىسىنا قاتىناستى. ماجىلىستە باس شۋجي شي جينپيڭ گۇيجوۋدىڭ دامۋ مەن ەكولوگيا سىندى ەكى تومەنگى شەكتى مىقتاپ ساقتاپ، حالقى باي، ەكولوگياسى كوركەم، كوزدىڭ جاۋىن الاتىن گۇيجوۋدىڭ جاڭا بولاشاعىن اشۋ كەرەكتىگىن تاعى العا قويدى.
قازىر جاسىل ءتۇس گۇيجوۋدىڭ ادەمى تانىسقىسىنا اينالدى. مەملەكەتتىڭ ەكولوگيالىق وركەنيەت سىناق رايونىنىڭ قۇرىلۋىنا ساي، گۇيجوۋدىڭ ورمانمەن كومكەرىلۋ مولشەرى ٪57كە جوعارىلادى، وزەكتى قالا مەن اۋدان دارەجەلى قالالاردىڭ اۋا ساپاسى كورسەتكىشىنىڭ تاماشا كۇن سانىنىڭ ورتاشا سالىستىرماسى جەكە - جەكە ٪97.2جانە ٪97.7 بولدى.
(شينحۋا اگەنتتىگىنىڭ 2 - ايدىڭ 16 - كۇنى گۇيياڭنان بەرگەن حابارىنان)
