نيە اۋداندىق پارتكومنىڭ ورىنباسار شۋجيى، اۋدان اكىمى
ازەز ءالي
مەن جۇڭحۋا حالىق رەسپۋبليكاسىنىڭ ازاماتىمىن، مەن وتانىمدى قىزۋ سۇيەمىن، ۇلى جۇڭگو كوممۋنيستىك پارتياسىن قىزۋ سۇيەمىن، وسىناۋ كورىكتى دە قۇتتى مەكەندى قىزۋ سۇيەمىن. شينجياڭ − ەلىمىز تەرريتورياسىنىڭ ايرىلماس ءبىر بولىگى، ەجەلدەن بەرى ەلىمىزدەگى كوپ ۇلت بىرگە ءومىر سۇرگەن مەكەن. شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ − شينجياڭداعى ءار ۇلت حالقىنىڭ ورتاق نىساناسى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ − ءاربىر جۇڭگو ازاماتىنىڭ جاۋاپكەرشىلىگى جانە بورىشى.
«ءۇش ءتۇرلى كۇش» تاريحي شىندىقتى ەلەپ - ەسكەرمەي، تۇتاس شينجياڭداعى ءار ۇلت حالقىنىڭ ورتاق ارمان - تىلەگىمەن ساناسپاي، ادامزاتقا قارسى، قوعامعا قارسى، وركەنيەتكە قارسى سۇرقيالىققا باستى. ولار «ۇلتتى»، «ءدىندى» جەلەۋ ەتىپ، ءدىني ۇشقارى يدەيانى قۇتىرىنا تاراتىپ، وسى زامانعى وركەنيەت پەن وزىق مادەنيەت اتاۋلىنىڭ ءبارىن قاقپايلاپ، ۇلتتىق وشپەندىلىككە جەلىكتىرىپ، زورلىقتى كۇش لاڭكەستىك دەلولارىن تۋدىرىپ، شينجياڭداعى ءار ۇلت حالقىنىڭ ءوندىرىس، تۇرمىس ءتارتىبىن اۋىر دارەجەدە بۇزىپ، شينجياڭنىڭ قوعام ورنىقتىلىعىنىڭ اسا تاماشا جاعدايىن ءبۇلدىرىپ، شينجياڭدى وتانىمىزدىڭ قۇشاعىنان ءبولىپ اكەتۋگە ۇرىندى. «ءۇش ءتۇرلى كۇشكە» ءبىز تەگىس كەكتەنىپ، ولاردى سوققىنىڭ استىنا الىپ، وتاننىڭ تۇتاستىعىن، ۇلتتار ىنتىماعىن جانە قوعام ورنىقتىلىعىن باتىل قورعاۋىمىز، ورتاق مەكەنىمىزدى باتىل ساقتاۋىمىز كەرەك.
شىنايى ادالدىقپەن پارتياعا شارتسىز ادال بولىپ، ساياسيدا تاباندى بولۋدىڭ ونەگەسى بولامىن. مەن پارتياعا شارتسىز ادال بولۋدى ماڭداي الدى ورىنداعى تالاپ دەپ ءبىلىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، پارتيادا پارتيانىڭ ءسوزىن سويلەپ، پارتيادا پارتيانىڭ قامىن جەپ، پارتيادا پارتياعا قىزمەت ەتىپ، ءارقانداي كەزدە، ءارقانداي ورىندا، ءارقانداي جاعدايدا پارتياعا شىن نيەتىممەن ىلەسىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە ايرىقشا ءبىر اۋىزدىلىقتى ساقتايمىن. وتاننىڭ تۇتاستىعىن قورعاۋ، ۇلتتار ىنتىماعىن قورعاۋ جانە ۇلتتىق بولشەكتەۋشىلىككە قارسى تۇرۋ سياقتى كەلەلى پرينسيپتىك ماسەلەدە استە كۇڭگىرتتىككە سالىنباي، قاشاندا وي - سانامدى سەرگەك ۇستاپ، باستان - اياق ايقىن تۋ ۇستاپ، تۇرعىمدا بەرىك تۇرىپ، تانىمدى بىرلىككە كەلتىرىپ، ءىشىم مەن سىرتىم بىردەي بولىپ، بولشەكتەۋشىلىككە قارسى تۇرۋ كۇرەسىندە باتىلدىقپەن اتويلاپ الدا ءجۇرىپ، باتىلدىقپەن ونەگە بولىپ، استە شەگىنشەكتەمەيمىن، استە جول بەرمەيمىن، استە قايىرىمدىلىق ەتپەيمىن. شەشۋشى ساتتە سىن - سىناقتان ءوتىپ، الىپ قاشپا سوزگە ەرمەي، داقپىرتقا، وسەك - اياڭعا ىلەسپەي، «ءۇش ءتۇرلى كۇشكە»، «ەكىبەتكەيلەرگە» قارسى سوڭىنا دەيىن تاباندىلىقپەن، باتىلدىقپەن كۇرەس جۇرگىزەمىن.
الدا ءجۇرىپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، ورنىقتىلىقتى قورعاۋدىڭ ونەگەسى بولامىن. لاڭكەستىككە قارسى تۇرىپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ بىلۋگە باستان - اياق تاباندى بولىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» ويداعىداي دايەكتىلەندىرىپ، تياناقتاندىرىپ، بولشەكتەۋشىلىككە قارسى تۇرۋ كۇرەسىنىڭ مىندەتى مەن بورىشىن ىرىقتىلىقپەن ارقالاپ، ءتۇرلى - ءتۇستى قاتە يدەيالاردىڭ ازعىرۋىنا ۇشىراماي، تار ءورىستى ۇلتشىلدىق تانىمنىڭ شىرماۋىنا تۇسپەي، بارلىق بولشەكتەۋشى يدەيالارعا جانە ءسوز - ارەكەتتەرگە تاباندىلىقپەن، باتىلدىقپەن سوعىس جاريالاپ، «ءۇش ءتۇرلى كۇشتىڭ»، «ەكىبەتكەيلەردىڭ» تاريحتى بۇرمالاعان، وسەك - اياڭ تاراتقان ساندىراقتارى مەن ۋىتىن باتىل الاستاپ، ولاردىڭ كەرتارتپا ءمانىن اشكەرەلەپ، بولشەكتەۋشىلىككە قارسى تۇرۋ كۇرەسىندە سانالىلىقپەن باستاماشى بولامىن. سونىمەن قاتار، ونەگەلىلىك رولىمدى بەلسەندىلىكپەن ساۋلەلەندىرىپ، ءدىني ۇشقارى يدەيانى باستاماشىلدىقپەن اشكەرەلەپ، سىن تەزىنە الىپ، ءار ۇلت كادرلارى مەن بۇقاراسىن قىراعىلىقتارىن كۇشەيتىپ، دۇرىس پەن بۇرىستى ايقىن ايىرىپ، ءدىني ۇشقارى يدەيانىڭ سىنالاپ كىرۋىن سانالىلىقپەن تەجەپ، زورلىقتى كۇش لاڭكەستىگىنە سوققى بەرۋدىڭ، ۇشقارىلىقتى تەجەۋدىڭ، سىنالاپ كىرۋگە قارسى تۇرۋدىڭ، ورنىقتىلىقتى قورعاۋدىڭ ناقتى امالياتىنا ىرىقتىلىقپەن ات سالىسۋعا تاربيەلەپ، باستاپ، «ءۇش ءتۇرلى كۇشتىڭ» ءوسىپ - ءوربيتىن توپىراعىن الاستاپ، «ءۇش ءتۇرلى كۇشتى»، «ەكىبەتكەيلەردى» باتىل جويامىن.
بۇقاراعا دۇرىس جەتەكشىلىك ەتىپ، ۇلتتار ىنتىماعىنىڭ ونەگەسى بولامىن. پارتيانىڭ ۇلت، ءدىن ساياساتىن بۇلجىماستان دايەكتىلەندىرىپ، اتقارىپ، ۇلتتاردىڭ ۇلى ىنتىماعى تۋىن باستان - اياق بيىك ۇستاپ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» كۇشەيتىپ، ۇلتتار ىنتىماعىن شىن جۇرەگىممەن، شىنايى سۇيىسپەنشىلىگىممەن، شىنايى ادالدىعىممەن قورعاپ، جۇرەكتەردى توعىستىرىپ، سۇيىسپەنشىلىكپەن ادامداردى اسەرلەندىرىپ، ادالدىقپەن ادامداردى ءسۇيىندىرىپ، ءوز باسىمنان باستاپ، ءوز اينالامداعى ىستەردەن باستاپ ىستەپ، ۇلتتار ىنتىماعىن كوز قاراشىعىمداي ايالاپ، ومىرىمدەي قاستەرلەپ، ءار ۇلت بۇقاراسىن اناردىڭ دانىندەي تىعىز ۇيىسۋعا جەبەيمىن. مەن ءار ۇلت كادر - بۇقاراسىمەن جۇپ قۇراپ، تۋىس بولىپ، دوستاسىپ، سۇيىسپەنشىلىكتى كۇشەيتىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىعى قيمىلىن ىشكەرىلەي، شىن مانىندە ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن ناقتى ارەكەتىم ارقىلى جەبەپ، ۇلتتار ىنتىماعىن بارلىق ادام قاستەرلەيتىن، ۇلتتار ىنتىماعىن تۇتاس قوعام ورتاق قورعايتىن تاماشا جاعداي قالىپتاستىرامىن.
