− انحۇيدىڭ باس شۋجي شي جينپيڭنىڭ مەملەكەتتىك ەكى ماجىلىستەگى ماڭىزدى ءسوزىنىڭ رۋحىن تياناقتاندىرعاندىعى تۋرالى
شينحۋا اگەنتتىگىنىڭ تىلشىلەرى ۋاڭ جىڭجۇڭ، جاڭ زىيۇن
-«اۋىل - قىستاق رەفورماسىن بەلسەنە تەرەڭدەتىپ، دۇرىس باعداردى يگەرىپ، شارۋالاردىڭ تىلەگىنە قۇرمەت ەتىپ، سىناق تۇيىندەرىندە الدىمەن جۇرگىزۋگە تاباندى بولىپ، شارۋالار مەن جەردىڭ قاتىناسىن دۇرىس ءبىر جاقتى ەتىپ، اۋىل - قىستاق رەفورماسىنىڭ اقاۋسىز، ءساتتى جۇرىلۋىنە كەپىلدىك ەتۋ كەرەك». انحۇي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ شارۋالاردىڭ تۇرمىسى ءۇشىن قام جەدى.
-«انحۇي مەملەكەتتىڭ ورتا بولىكتەگى وڭىرلەردىڭ دامۋىن جەبەۋ سىندى ماڭىزدى ورايدى مىقتى ۇستاپ، رەفورمانى تەرەڭدەتىپ، ەسىك اشۋدى كەڭەيتىپ، قايراتتا العا ۇمتىلىپ، جاپپاي دوڭگەلەك داۋلەتتى قوعام ورناتۋ ساپارىندا اناعۇرلىم ارشىندى قادام باسۋى كەرەك». انحۇي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ ىقىلاستى ءۇمىتىن العا قويدى.
«ءار دارەجەلى باسشى كادرلار جاقسى ستيل ورناتۋ جانە ساۋلەلەندىرۋ، ءارى ءوزىن باۋلۋدا قاتاڭ بولۋ، ۇقىق ىستەتۋدە قاتاڭ بولۋ، تارتىپكە بويسۇنۋدا قاتاڭ بولۋ، ءارى ءىس ىستەۋدە شىنايى بولۋ، ناتيجە شىعارۋدا شىنايى بولۋ، ادام بولۋدا شىنايى بولۋ كەرەك». 2014- جىلى 3 - ايدىڭ 9 - كۇنى باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 2 - ماجىلىسىندە انحۇي ۋاكىلدەر ۇيىرمەسىنىڭ تالقىسىنا قاتىناسقاندا «ۇشتە قاتاڭ، ۇشتە شىنايى بولۋ» تالابىن ايقىن ورتاعا قويدى.
سوڭعى 5 جىلدان بەرى، انحۇي «ۇشتە قاتاڭ، ۇشتە شىنايى بولۋ» تالابىن باتىلدىقپەن امالياتتا ايگىلەپ، پارتيا ستيلى، ۇكىمەت ستيلى جاڭارىپ، وعان ىلەسە قوعامدىق سالت تا جاقسارىپ، قالىڭ پارتيالى كادرلار ءىس ىستەپ، ناتيجە شىعاراتىن جاڭا بەينە كورسەتىپ، رەفورمانىڭ، دامۋدىڭ جاڭا تاراۋىن جىگەرلەنە جازدى.
رۋحاني كالتسيدى تولىقتاپ، ستيل قۇرىلىسىنىڭ جاڭا بەلگىسىن ورناتتى
«<ۇشتە قاتاڭ، ۇشتە شىنايى بولۋ> پارتيالى كادرلاردىڭ سىزعىشى، ايناسى ىسپەتتى». كەشەگى مەن بۇگىنگىنى سالىستىرعاندا، چۋجوۋ قالاسى لايان اۋدانى دۋشان قالاشىق پارتكومىنىڭ شۋجيى چين شۋ تەرەڭ اسەرگە بولەندى. 2014 - جىلى ورتا بولىكتەگى وسى قالادا قالالىق پارتكومنىڭ 2 شۋجيى ىلگەرىندى - كەيىندى وماقاستى.
چۋجوۋدىڭ جاڭا كەزەكتى قالالىق پارتكومى «ماڭگى جالعاستىراتىن» نيەتپەن «ۇشتە قاتاڭ، ۇشتە شىنايى بولۋ» تالابىن ءار قىزمەتتە تياناقتاندىردى. «ساياسي ەكولوگيادا ستيلدىڭ بارعان سايىن پاك، سالتتىڭ بارعان سايىن دۇرىس بولۋىنا مەڭزەس، قالىڭ حالىق بۇقاراسى مەن كاسىپكەرلەر قۇرىلىس ىستەرىنە بەلسەنە ات سالىسىپ، رۋحاني وڭ ەنەرگيا دامۋدىڭ قۋاتتى قوزعاۋشى كۇشىنە جانە امالياتتىق تابىسقا اينالدى»، - دەدى مەملەكەتتىك 13 - كەزەكتى حالىق قۇرىلتايىنىڭ ۋاكىلى، چۋجوۋ قالاسىنىڭ باستىعى شۇي جي - ۋي.
چۋجوۋ شاعىن كارتينا عانا. انحۇي ولكەسى پارتيانى جاپپاي قاتاڭ جونگە سالۋدى نەگىزگى ساتىعا، ءبىرىنشى شەپكە، بۇقارانىڭ جانىنا دەيىن كەڭەيتۋ سىندى «3 كەڭەيتۋدى» زور كۇشپەن ىلگەرىلەتىپ، ستيل قۇرىلىسىن تاباندىلىقپەن مىقتى ۇستادى.
نيڭگو قالاسى شۋاڭلۇڭ قىستاعىنىڭ «ءبىر بالالى بولعانداردىڭ دەنساۋلىق ساقتاۋ اقىسىنا ءوتىنىش بەرۋ، تاراتۋ بويىنشا جۇمىس جۇرگىزۋ سحەماسىن» اشساڭىز، 8 تىك ءتورت بۇرىش پەن 7 باعىتتاۋىشتىڭ قىستاق كوميتەتىنە، ءمالى باسقارماسىنا، قالاعا توتە قاراستى تاراۋعا قاتىستى 6 بۋىندى جانە ولاردىڭ قاتىستى ۇقىق - جاۋاپكەرشىلىكتەرىن ايقىن كورسەتىپ تۇرعانىن بايقايسىز. جاسالعان 300 نەشە پاراق سحەمامەن نيڭگو قالاسى 700دەن استام حاۋىپ - قاتەر ءتۇيىنىن انىقتاپ شىعىپ، 500دەن استام ساقتانۋ - مەڭگەرۋ شاراسىن جاساپ، ميكرو بيلىكتى قاپاسقا قاماۋ نىساناسىن العاشقى قادامدا جۇزەگە اسىردى.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرۋ ءۇشىن، 2019 - جىل باستالا سالا، انحۇي ولكەلىك پارتكوم 3 ايلىق مەرزىممەن «بەلگىلەمەنى قاتايتۋ، باقىلاۋدى كۇشەيتۋ، ستيلگە بۇرىلىس جاساۋ» ارناۋلى ارەكەتىن ورىستەتۋدى ۇيعاردى ءارى «<ۇشتە قاتاڭ، ۇشتە شىنايى بولۋعا> تاباندى بولىپ، فورماشىلدىققا، تورەشىلدىككە قاتىستى كورنەكتى ماسەلەلەردى رەتتەۋ - جونگە سالۋ تۋرالى پىكىردى» باسىپ تاراتىپ، «جۇرگەن ىزىنە ءمان بەرىپ، ناقتى ناتيجەگە نەمقۇرايدى قاراۋ؛ ءۇي يەسى ءتۇزىمى، ءوزى عانا بيلەپ - توستەۋ...» سياقتى ناشار ستيلدەرگە باعىتتاپ، «ونعا تيىم، وندى ورىنداۋدى» ورتاعا قويدى.
جاۋاپكەرلىك ارقالايتىن ستيلدى جەتىلدىرىپ،قامال الۋدا، قيىندىقتى جەڭۋدە ىسكەرلىك كورسەتتى
انچيڭ قالاسى يۋەشي اۋدانى بۇرىن دابيەشان تاۋلى وڭىرىندەگى كەدەيلىك جاعدايى ەڭ اۋىر اۋدانداردىڭ ءبىرى بولاتىن، 2018 - جىلى 8 - ايدا كەدەي اۋداندار قاتارىنان شىعارىلدى. 2017 - جىلى، يۋەشي اۋدانى ورمان شارۋاشىلىعى مەكەمەسىنىڭ زەينەتكە شىعۋعا تاياعان ورىنباسار باستىعى جا داۋحىڭ ىرىقتى تۇردە ءوتىنىش ەتىپ، اۋىر كەدەي قىستاق نانجۋاڭ قىستاعىنا بارىپ، كەدەيلەردى سۇيەمەلدەۋ اترەتىنىڭ باستىعى مىندەتىن ارقالادى.
قيىنشىلىعى ەڭ اۋىر جەرگە بارىپ، ەڭ ماڭىزدى تاپسىرمانى ارقالادى! 2018 - جىلى 11 - ايدىڭ سوڭىنا دەيىن، انحۇيدا جيىنى 12 مىڭ تاڭداۋلى ورگان كادرى 3000 كەدەي قىستاققا بارىپ، كەدەيلىكتى جويۋدىڭ جاپپاي شابۋىلىن باستادى.
«اۋىل - قىستاق رەفورماسىن بەلسەنە تەرەڭدەتىپ، دۇرىس باعداردى يگەرىپ، شارۋالاردىڭ تىلەگىنە قۇرمەت ەتىپ، سىناق تۇيىندەرىندە الدىمەن جۇرگىزۋگە تاباندى بولىپ، شارۋالار مەن جەردىڭ قاتىناسىن دۇرىس ءبىر جاقتى ەتىپ، اۋىل - قىستاق رەفورماسىنىڭ اقاۋسىز، ءساتتى جۇرىلۋىنە كەپىلدىك ەتۋ كەرەك». انحۇي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ شارۋالاردىڭ تۇرمىسى ءۇشىن قام جەدى.
اۋىل - قىستاقتاعى كوللەكتيۆ مال - مۇلىك ۇقىعى ءتۇزىمى رەفورماسى، «ءۇشتى وزگەرتۋ» رەفورماسى، جەردەن پايدالانىپ شارۋاشىلىق جۇرگىزۋ ۇقىعىن كەپىلگە قويىپ قارىز الۋدى تۇيىندە سىناق ەتۋ... اۋىل - قىستاقتا تەرەڭ ۇيقىدا جاتقان بايلىقتار چاڭجياڭنىڭ ورتاڭعى، تومەنگى اعارى جانە حۋايحى وڭىرىندە جالىندى ومىرشەڭدىك قاۋلاتۋدا.
«<ۇشتە قاتاڭ، ۇشتە شىنايى بولۋدى> امالياتتا ايگىلەۋدە، قاتاڭ ستيلمەن، ناقتى تالاپپەن اۋىل - قىستاقتىڭ، اۋىل شارۋاشىلىعىنىڭ رەفورما، دامۋ ىستەرىندەگى قيىن تۇيىندەردى بەلسەنە شەشىپ، اناعۇرلىم كوپ شارۋانىڭ رەفورمانىڭ، دامۋدىڭ جەمىستەرىنەن اناعۇرلىم ءادىل، تەڭ يگىلىكتەنۋىنە مۇمكىندىك جاساۋ كەرەك»، - دەدى مەملەكەتتىك 13 - كەزەكتى حالىق قۇرىلتايىنىڭ ۋاكىلى، انحۇي ولكەلىك اۋىل شارۋاشىلىعى عىلىم اكادەمياسىنىڭ ورىنباسار باستىعى جاۋ ۋانپيڭ.
انحۇي ولكەسىنىڭ بيىلعى ۇكىمەت قىزمەتىنەن بايانداماداعى ساندى مالىمەتتەردە كورسەتىلۋىنشە: 2018 - جىلى قالالارداعى قارا، ساسىق سۋلاردىڭ جويىلۋ مولشەرلەمەسى ٪82.7كە جەتىپ، بىرلىك ءوندىرىستىڭ جالپى قۇنىنا جۇمسالعان ەنەرگيا ٪5 تومەندەپ، بۇكىل ولكەدەگى 5.PM2تىڭ ورتاشا قويۋلىعى ٪12.5 تومەندەگەن...
باتىلدىقپەن قيىن تۇيىندەردى شەشىپ، جۇرەكتىلىكپەن قاتەرلى وتكەلدەردەن ءوتتى. سوڭعى 5 جىلدان بەرى، انحۇي ولكەسىندەگى پارتيا كادرلار «ۇشتە قاتاڭ، ۇشتە شىنايى بولۋدى» تاباندىلىقپەن وي - ساناعا اينالدىرىپ، سەنىم دەڭگەيىنە كوتەرىپ، ارەكەتتە ايگىلەپ، ءىس تىندىرۋعا باتىلى بارمايتىن توعىشار ۇلىق، ءىس تىندىرۋدى قالامايتىن جالقاۋ ۇلىق جانە ءىس تىندىرمايتىن ماڭگۇرت ۇلىق بولۋدان باتىل باس تارتتى.
سىندارلى شارالار قولدانىپ، شەكسىز جاسامپازدىق كۇش قاۋلاتتى
«جيىندا ماسەلە كوبىرەك، ۇران از ايتىلاتىن بولدى؛ جاسىرىن تەكسەرۋ تۇرىندەگى تەكسەرۋ - زەرتتەۋلەر كوبەيىپ، ويىن كورسەتۋ تۇرىندەگى تەكسەرۋ - زەرتتەۋلەر ازايدى؛ قىزمەت ونىمدىلىگى كوبىرەك دارىپتەلىپ، <2+5 كۇندىز - ءتۇن> جۇمىس ىستەۋ كوزسىز دارىپتەلۋ ازايدى...». جانىنداعى ستيل وزگەرىسى تۋرالى ءسوز بولعاندا، شۋانچىڭ قالاسى شۋانجوۋ رايوندىق پارتكومنىڭ شۋجيى يۇي حۇڭحاننىڭ ايتارى كوپ.
70 كيلومەتر الىستاعى ۋحۋ قالاسى فورماشىلدىقتىڭ، تورەشىلدىكتىڭ «قايتا باس كوتەرۋىنەن» ساقتانۋ ءۇشىن، بىلتىر 9 - ايدا «<تاۋ - توبە حۇجات، تاۋسىلىپ بىتپەس جيىندى> رەتتەۋ - جونگە سالۋ تۋرالى پىكىرلەردى (سىناق رەتىندە اتقارىلادى)» جاريالادى. پىكىر جاريالانعان سوڭ، بىلتىر 9 - ايدان 12 - ايعا دەيىن، قالالىق پارتكومنىڭ، قالالىق ۇكىمەتتىڭ اتىمەن جاريالانعان حۇجاتتار سايكەس مەزگىلدەگىدەن ٪15.3 تومەندەپ، جيىن ٪20.1 ازايىپ، جيىنداردىڭ جالپى ۋاقىتى ٪20 ارتىق كەمەيدى.
«<قاتاڭ بولۋ> تالاپ ەتىلىپ، <شىنايى بولۋعا> كۇش سالىندى». مەملەكەتتىك 13 - كەزەكتى حالىق قۇرىلتايىنىڭ ۋاكىلى، شۋانچىڭ قالاسىنىڭ باستىعى جاڭ دۇڭيۇن بىلاي دەيدى: قازىر رەفورمانىڭ، دامۋدىڭ، ورنىقتىلىقتىڭ مىندەتى جاپالى، كۇردەلى، اۋىر، تەك «ۇشتە قاتاڭ، ۇشتە شىنايى بولۋدى» شىن مانىندە وي - ساناعا ۇيالاتىپ، ارەكەتتە ايگىلەگەندە عانا، دەڭگەيدى جوعارىلاتىپ، جاۋاپكەرلىك ارقالاپ، بورىشتى ادا ەتىپ، تىڭعىلىقتى جۇمىس تىندىرىپ، كۇرەس جۇرگىزۋگە، جاڭا ورايدى مىقتى ۇستاپ، جاڭا دامۋعا تالپىنۋعا بولادى.
«انحۇي مەملەكەتتىڭ ورتا بولىكتەگى وڭىرلەردىڭ دامۋىن جەبەۋ سىندى ماڭىزدى ورايدى مىقتى ۇستاپ، رەفورمانى تەرەڭدەتىپ، ەسىك اشۋدى كەڭەيتىپ، قايراتتانا العا ۇمتىلىپ، جاپپاي دوڭگەلەك داۋلەتتى قوعام ورناتۋ ساپارىندا اناعۇرلىم ارشىندى قادام باسۋى كەرەك». انحۇي ۋاكىلدەر ۇيىرمەسىنىڭ تالقىسىنا قاتىناسقان كەزدە، باس شۋجي شي جينپيڭ ىقىلاستى ءۇمىتىن العا قويدى.
كوكتەم مەرەكەسى قارساڭىندا، انحۇي ولكەسىنىڭ جۇڭگو - ەۆروپا كەزەكشى پويەزدەرىنىڭ قاتىناۋى جيىلەدى، 2014 - جىلى 6 - ايدان قازىرگە دەيىن، انحۇي ولكەسىنىڭ جۇڭگو - ەۆروپا كەزەكشى پويەزدەرىنەن جيىنى 311 كەزەك قاتىنادى.
ارلى - بەرلى قاتىناپ جاتقان جۇڭگو - ەۆروپا كەزەكشى پويەزدەرى «انحۇي جىلدامدىعىنىڭ» كۋاسى ىسپەتتى. سوڭعى 5 جىلدان بەرى، انحۇي ورايدى مىقتى يگەرىپ، دامۋعا تالپىنىپ، حىفەي جالپىلىق سيپاتتى مەملەكەتتىك عىلىم ورتالىعىن قۇرۋعا رۇقسات الىپ، كۆانتتىق ينفورماتسيا، تەرمويادرولىق رەاكسيا، تۇراقتى كۇيدەگى كۇشتى ماگنيت ءورىسى سياقتى وزىق تەحنيكالاردا الدىمەن سەرپىلىس جاساپ، حالىقتىق كاسىپورىنداردىڭ سانى ميلليوننان استى...
«وسى ۇلكەن ىستەردى، ماڭىزدى ىستەردى تىندىرۋدا ناقتى ىسكەرلىككە ءمان بەرۋگە، ناقتى ناتيجەنى كوزدەۋگە، ناقتى ءىس تىندىرۋعا، ناقتى ونىمدىلىككە تالپىنۋعا سۇيەندىك». انحۇي ولكەلىك ەكونوميكا جانە ينفورماتسيالاندىرۋ مەڭگەرمەسىنىڭ باستىعى نيۋ نۋتاۋ مەملەكەتتىك 12 - كەزەكتى حالىق قۇرىلتايىنىڭ ۋاكىلى، كەزىندە ۋاكىلدەر ۇيىرمەسىنىڭ تالقىسىندا باس شۋجي شي جينپيڭنىڭ ماڭىزدى ءسوزىن ەت قۇلاعىمەن ەستىگەن. ول بىلاي دەيدى: قازىر ءبىز كاسىپورىندارعا كومەكتەسۋ - سۇيەمەلدەۋ ساياساتتارىن جاساعان كەزدە، نەگىزگى ساتىعا ىشكەرىلەي ارالاسىپ، ءىس جۇزىندىككە ىشكەرىلەي ارالاسىپ، كاسىپورىنداردان، نەگىزگى ساتى تاراۋلارىنان كەڭىنەن پىكىر الىپ، ءىس جۇزىندىك جاعدايعا قاراي يكەمدى رەتتەۋ جۇرگىزەمىز».
سەنىم تالپىنىستى بەلگىلەيدى، تالپىنىس سەنىمدى ايگىلەيدى. باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرگەن، تياناقتاندىرعان انحۇيداعى قالىڭ پارتيالى كادرلار اناعۇرلىم تاماشا ستيلمەن رەفورما جاساۋ جالىنىن لاۋلاتىپ، ۇدەرە العا تارتىپ، جاڭا تاراۋ جازۋدا.
(شينحۋا اگەنتتىگىنىڭ 2 - ايدىڭ 17 - كۇنى حىفەيدەن بەرگەن حابارى)
