چىن تانچيۋدىڭ سۋرەتى. سۋرەتتى شينحۋا اگەننتىگى تاراتقان
شينحۋا اگەنتتىگىنىڭ 2 - ايدىڭ 17 - كۇنى ۋحاننان بەرگەن حابارى (ءتىلشى شۇي حايبو). كوكتەم مەرەكەسى كەزىندە حۋبەي ولكەسى حۋاڭگاڭ قالاسى حۋاڭجوۋ رايونى چىنسىلوۋ قالاشىعى چىنسىلوۋ قىستاعى يگى لەپكە بولەندى. جۇڭگو كوممۋنيستىك پارتياسى 1 - قۇرىلتايىنىڭ ۋاكىلى، پارتيانى قۇرۋشىلاردىڭ ءبىرى چىن تانچيۋ قۇرباننىڭ كونە تۇراعى قىستاق ورتاسىنا ورنالاسقان. باسقا جەرلەردەن كەلگەن ساياحاتشىلار مەن اۋىلىنا قايتقاندار ارنايى وسى جەرگە كەلىپ، قۇرمەتپەن گۇل شوقتارىن قويىپ، اعا بۋىندى ەسكە الادى.
چىن تانچيۋ 1896 - جىلى تۋعان، حۋبەيدىڭ حۋاڭگاڭىنان. جاس كەزىندە «4 - مامىر» قوزعالىسىنا بەلسەنە قاتىناسقان. 1920 - جىلى كۇزدە، ول جانە دۇڭ بي - ۋ قاتارلىلار ۋحاندا كوممۋنيستىك پارتيانىڭ العاشقى ۇيىمىن قۇرادى. 1921 - جىلى 7 - ايدا پارتيانىڭ 1 - قۇرىلتايىنا قاتىناسادى. وسىدان سوڭ، چىن تانچيۋ ىلگەرىندى - كەيىندى جۇڭگو كوممۋنيستىك پارتياسى انيۋان ايماقتىق كوميتەتىنىڭ مۇشەسى، ۋچاڭ جەرگىلىكتى اتقارۋ كوميتەتىنىڭ باستىعى، حۋبەي رايوندىق كوميتەت ۇيىمداستىرۋ ءبولىمىنىڭ مەڭگەرۋشىسى، جياڭشي ولكەلىك كوميتەتىنىڭ شۋجيى، مانجوۋ ولكەلىك كوميتەتىنىڭ شۋجيى، جياڭسۋ ولكەلىك كوميتەتىنىڭ باس حاتشىسى سياقتى مىندەتتەردى ارقالاپ، ءار جەردەگى جۇمىسشىلار قوزعالىسىنا، وقۋشىلار قوزعالىسىنا جانە اسكەرلەر قوزعالىسى قىزمەتىنە باسشىلىق ەتىپ، پارتيا ىستەرى ءۇشىن جان اياماي تەر توكتى.
1933 - جىلى جاز باسىندا، چىن تانچيۋ ورتالىق سوۆەت رايونىنا بارىپ قىزمەت ىستەپ، فۋجيان ولكەلىك كوميتەتتىڭ شۋجيى بولادى. 1934 - جىلى 1 - ايدا رۇيجيندە اشىلعان جۇڭحۋا سوۆەتتىك رەسپۋبليكاسىنىڭ 2 - قۇرىلتايىندا، ول ورتالىق اتقارۋ كوميتەتىنىڭ مۇشەسى جانە ورتالىق ۇكىمەت استىق مينيسترلىگىنىڭ مينيسترى بولىپ سايلانادى. قىزىل ارميا ۇزاق جورىققا شىققان سوڭ، چىن تانچيۋ ورتالىق سوۆەت رايونىندا قالىپ، پارتيزاندىق سوعىستى تاباندىلىقپەن جالعاستىرىپ، جۇڭگو كوممۋنيستىك پارتياسى سوۆەت رايونى ورتالىق كوميتەتى بولىمشە بيۋروسىنىڭ مۇشەسى، قوسىمشا ۇيىمداستىرۋ ءبولىمىنىڭ باستىعى مىندەتىن ارقالايدى. 1935 - جىلى 8 - ايدا ماسكەۋگە بارىپ، كوممۋنيستىك ينتەرناتسيونالدىڭ 7 - قۇرىلتايىنا قاتىناسادى. كەيىن جۇڭگو كوممۋنيستىك پارتياسىنىڭ كوممۋنيستىك ينتەرناتسيونالدا تۇراتىن ۋاكىلدەر ۇيىرمەسىنىڭ قىزمەتىنە قاتىناسادى.
1939 - جىلى 5 - ايدا چىن تانچيۋ بۇيرىقپەن ەلگە ورالىپ، جۇڭگو كوممۋنيستىك پارتياسى ورتالىق كوميتەتىنىڭ شينجياڭدا تۇراتىن ۋاكىلى جانە 8 - ارميانىڭ شينجياڭدا تۇراتىن ءىس باسقارماسىنىڭ جاۋاپتىسى بولادى. ول شينجياڭ ميلليتاريسى شىڭ شىسايمەن يكەمدى، شەبەر كۇرەس جۇرگىزەدى. شىڭ شىساي اشىق - اشكەرە تۇردە سوۆەتكە قارسى، كومپارتياعا قارسى جولعا تۇسكەن سوڭ، 1942 - جىلى جازدا، پارتيا ورتالىق كوميتەتى شينجياڭدا قىزمەت ىستەيتىن بارلىق كوممۋنيستىك پارتيا مۇشەلەرىنىڭ شەگىنىپ شىعۋىنا قوسىلادى. چىن تانچيۋ ءوزىن شەگىنىپ شىعاتىنداردىڭ ەڭ سوڭعى كەزەگىنە جازىپ: «ءبىر جولداس وسىندا بولادى ەكەن، مەنىڭ كەتۋىمە بولمايدى»، - دەيدى.
1942 - جىلى 9 - ايدىڭ 17 - كۇنى چىن تانچيۋ تۇتقىندالادى. جاۋلار چىن تانچيۋگە جان تۇرشىگەرلىك جازا قولدانىپ، ونى «پارتيادان قول ۇزۋگە» زورلايدى. چىن تانچيۋ اسقان قايسارلىق كورسەتىپ، باس يمەيدى. 1943 - جىلى 9 - ايدىڭ 27 - كۇنى چىن تانچيۋ تۇرمەدە استىرتىن ولتىرىلەدى، سول كەزدە 47 جاستا ەدى.
بيىل 76 جاستاعى چىن گو - ان چىن تانچيۋدىڭ نەمەرەلەس ءىنىسى، چىن تانچيۋدىڭ كونە تۇراعى ەسكەرتكىش سارايىن 30 نەشە جىلدان بەرى ەرىكتى قاراپ كەلەدى. ول تىلشىگە بىلاي دەدى: 1979 - جىلى جەرگىلىكتى قىستاق تۇرعىندارى وزدىكتەرىنەن قارجى جيناپ، چىن تانچيۋدىڭ كونە تۇراعى ەسكەرتكىش سارايىن سالعىزادى. قازىر ءار دارەجەلى ۇكىمەتتىڭ كوپ رەت جوندەۋىنەن كەيىن، بۇل جەر چىن تانچيۋدىڭ كونە تۇراعى ەسكەرتكىش سارايىن، ءومىر جولدارىن كورسەتۋ سارايىن، مىس ءمۇسىن الاڭىن، سەرت بەرۋ الاڭىن ءبىر تۇلعالاندىرعان قىزىل كورىنىس اۋماعىنا اينالعان، ءار جىلى بۇل جەرگە 200 مىڭنان ارتىق ادام (رەت) كەلىپ، ازا ءبىلدىرىپ تۇرادى.
