حالىق گازەتىنىڭ شولۋشىسى
«جۋجياڭ اتىراۋى» ۇلى جوباسى تياناقتى دايىندالدى، گۋاڭدۇڭ - شياڭگاڭ - اۋمىننىڭ ىشكەرىلەي سەلبەستىگىندە تىڭ وراي ايگىلەندى. گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − باس شۋجي شي جينپيڭ ءوزى جوبالاعان، ءوزى ورنالاستىرعان، ءوزى ىلگەرىلەتكەن مەملەكەتتىك ستراتەگيا، جاڭا داۋىردە جاپپاي ەسىك اشۋدىڭ جاڭا جاعدايىن قالىپتاستىرۋدى ىلگەرىلەتۋدىڭ جاڭا شاراسى، سونداي - اق «ءبىر ەل، ەكى ءتۇزىم» ىستەرىنىڭ دامۋىن ىلگەرىلەتۋدىڭ دە جاڭا امالياتى. «گۋاڭدۇڭ - شياڭگاڭ - اۋمىن ۇلكەن شىعاناق رايونىن دامىتۋ جوسپار باعدارلاماسى» رەسمي جاريالاندى، وسى باعدارلامالىق حۇجات گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ ستراتەگيالىق ورنى، دامۋ نىساناسى، كەڭىستىك ورنالاستىرۋى سياقتى جاقتارىنا جان - جاقتى جوبا جاساپ، ومىرشەڭدىككە جانە حالىقارالىق باسەكەلىك قۋاتقا يە بىرەگەي شىعاناق رايونى جانە دۇنيە جۇزىلىك دەڭگەيدەگى قالا شوعىرى تالىقپاي كۇرەس جاساۋ بارىسىندا بىرتىندەپ رەالدىققا اينالا باستادى.
گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − جالپى جاعدايدى جانە ۇزاق ۋاقىتتىق دامۋدى تياناق ەتە وتىرىپ جاسالعان كەلەلى جوسپار. ەلىمىزدەگى ەسىك اشۋ دەڭگەيى ەڭ جوعارى، ەكونوميكالىق ومىرشەڭدىگى ەڭ كۇشتى رايوننىڭ ءبىرى رەتىندە، گۋاڭدۇڭ - شياڭگاڭ - اۋمىن ۇلكەن شىعاناق رايونى مەملەكەتتىڭ دامۋ جالپى جاعدايىندا ماڭىزدى ستراتەگيالىق ورىنعا يە. 40 جىلدىق رەفورما جاساۋ، ەسىك اشۋ ارقىلى گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ ەكونوميكالىق قۋاتى، وڭىرلىك باسەكەلىك قۋاتى كورنەكتى ارتىپ، حالىقارادا بىرەگەي شىعاناق رايونىن جانە دۇنيە جۇزىلىك دەڭگەيدەگى قالا شوعىرىن قۇرۋدىڭ نەگىزدىك شارتتارىن ازىرلەپ بولدى. جوسپار باعدارلاماسىنا ساي، گۋاڭدۇڭ - شياڭگاڭ - اۋمىن ۇلكەن شىعاناق رايونىن ومىرشەڭدىك قاۋلاعان دۇنيە جۇزىلىك دەڭگەيدەگى قالا شوعىرى، حالىقارالىق عىلىم - تەحنيكادا جاڭالىق اشۋ ورتالىعى، «ءبىر بەلدەۋ، ءبىر جول» قۇرىلىسىنىڭ ماڭىزدى تىرەگى، ىشكەرىدەگى جەرلەر مەن شياڭگاڭنىڭ، اۋمىننىڭ ىشكەرىلەي سەلبەستىگىنەن ۇلگى كورسەتۋ رايونى ەتىپ قۇرىپ قانا قويماي، قونىستانۋعا، كاسىپ اشۋعا، ساياحاتتاۋعا قولايلى ساپالى تۇرمىس شەڭبەرى ەتىپ قۇرىپ، جوعارى ساپالى دامۋدىڭ ۇلگىسىنە اينالدىرادى. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋ جاڭا دامۋ ۇستانىمىن دايەكتىلەندىرۋگە، تياناقتاندىرۋعا پايدالى بولىپ، ەلىمىز ەكونوميكاسىنىڭ جاڭالىق اشۋ قۋاتىن جانە باسەكەلىك قۋاتىن ۇزبەي ارتتىرۋدى تىرەكپەن قامدايدى؛ رەفورمانى اناعۇرلىم تەرەڭدەتۋگە، ەسىكتى ايقارا اشۋعا پايدالى بولىپ، حالىقارامەن ۇشتاسقان اشىق ەكونوميكانىڭ جاڭا ءتۇزىلىسىن ورناتىپ، حالىقارالىق ەكونوميكا سەلبەستىگىنە جوعارى دەڭگەيمەن قاتىناساتىن جاڭا تۇعىر ورناتادى.
گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋدىڭ كەلەلى شاراسى. 40 جىلدىق رەفورما جاساۋ، ەسىك اشۋ شياڭگاڭنىڭ، اۋمىننىڭ ىشكەرىدەگى جەرلەرمەن ارتىقشىلىقتار ارقىلى ءبىر - ءبىرىن تولىقتاۋ، بىرگە دامۋ بارىسى، سونداي - اق شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن كۇن سايىن توعىسقان، وتاننىڭ گۇلدەنىپ - كوركەيگەن، قۇدىرەتتەنگەن ۇلى داڭقىنان بىرگە يگىلىكتەنگەن بارىسى سانالادى. شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىمەن توعىسۋى «ءبىر ەل، ەكى تۇزىمدە» بولۋعا ءتيىستى ءمان، رەفورما جاساۋدىڭ، ەسىك اشۋدىڭ داۋىرلىك تالابى، سونداي - اق شياڭگاڭنىڭ، اۋمىننىڭ دامۋدا تىڭ جول قاراستىرۋىنىڭ، دامۋدىڭ تىڭ كەڭىستىگىن اشۋدىڭ، دامۋعا جاڭا قوزعاۋشى كۇش ۇستەۋىنىڭ وبيەكتيۆ تالابى. گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ «ءبىر ەل، ەكى ءتۇزىمنىڭ» امالياتتىق مازمۇنىن اناعۇرلىم بايىتىپ، شياڭگاڭنىڭ، اۋمىننىڭ ەكونوميكالىق، قوعامدىق دامۋىنا، سونداي - اق شياڭگاڭدىق، اۋمىندىق باۋىرلاستاردىڭ ىشكەرىدەگى جەرلەرگە بارىپ دامۋىنا ءتىپتى كوپ وراي ازىرلەپ، شياڭگاڭنىڭ، اۋمىننىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتايدى. ۇلكەن شىعاناق رايونىن قۇرۋدا «ءبىر ەل، ەكى ءتۇزىم» جۇلگەسىندە نەگىزگى زاڭ مەن ءتۇبىرلى زاڭعا قاتاڭ بويسۇنا وتىرىپ ءىس ءبىتىرۋ، «ءبىر ەلدىڭ» مانىنەن جازباي، «ەكى ءتۇزىمنىڭ» تيىمدىلىگىنەن جاقسى پايدالانىپ، ءوزارا پايدا جەتكىزىپ، بىرگە يگىلىكتەنەتىن وڭىرلىك سەلبەستىك قارىم - قاتىناسىن ىشكەرىلەي ورناتىپ، شياڭگاڭنىڭ، اۋمىننىڭ دامۋىنا تىڭ قوزعاۋشى كۇش قوسىپ، جاڭا ءورىس اشۋ كەرەك.
گۋاڭدۇڭ - شياڭگاڭ - اۋمىن ۇلكەن شىعاناق رايونىن جاقسى قۇرۋدىڭ تەتىگى − جاڭالىق اشۋدا. ۇلكەن شىعاناق رايونى «ءبىر مەملەكەت، ەكى ءتۇزىم» ءۇش ءتۇرلى كەدەن سالىعى رايونى، ءۇش ءتۇرلى اقشا شارت - جاعدايىندا قۇرىلادى، بۇل حالىقارادا ەشقاشان بولعان ەمەس. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق دەڭگەيىندە، جاڭا داۋىردە جاپپاي ەسىك اشۋدىڭ جاڭا جاعدايىن ىلگەرىلەتۋدىڭ ستراتەگيالىق دەڭگەيىندە ۇلكەن شىعاناق رايونىن قۇرۋدىڭ كەلەلى ءمانىن جەتە تانىپ، يدەيانى ازات ەتىپ، بەلسەنە ىزدەنىس جاساپ، جۇرەكتىلىكپەن سىناپ، الدىمەن اتقارىپ، الدىمەن سىناۋ رولىن ساۋلەلەندىرىپ، دامۋعا ۇيلەسپەيتىن ءتۇزىلىس، مەحانيزم كەدەرگىلەرى مەن ەرەجە - ءتۇزىم تۇساۋلارىن باتىلدىقپەن شەشۋ كەرەك. «ءبىر ەل، ەكى ءتۇزىم» جۇلگەسىندە گۋاڭدۇڭنىڭ، شياڭگاڭنىڭ، اۋمىننىڭ جان - جاقتىلى ارتىقشىلىعىن ساۋلەلەندىرىپ، ءتۇزىلىستى، مەحانيزمدى جاڭالاپ، فاكتورلاردىڭ اۋىسۋىن جەبەپ، ۇلكەن شىعاناق رايونىنداعى قالالاردىڭ ۇيلەسىمدى جۇمىس ءبولىسىن، فۋنكتسيا جاعىنان ءبىر - ءبىرىن تولىقتاۋىن ىلگەرىلەتىپ، وڭىرلىك دامۋدىڭ سايكەستىلىگىن جوعارىلاتىپ، قالا - اۋىلدىڭ توعىسا دامۋىن جەبەۋ كەرەك. زاڭمەن جونگە سالۋ، بازارلاندىرۋ ءتاسىلى ارقىلى ۇلكەن شىعاناق رايونىنىڭ سەلبەسە دامۋى بارىسىنداعى ماسەلەلەردى سايكەستى شەشۋگە ءمان بەرىپ، جاڭالىق اشۋدىڭ قوزعاۋشى كۇشىن تولىق قاۋلاتىپ، بازار تۇلعالارىنىڭ ومىرشەڭدىگىن تولىق ايگىلەۋ كەرەك.
«ۋاقىت كۇتىپ تۇرمايدى، وراي ەكى كەلمەيدى». گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − شياڭگاڭنىڭ، اۋمىننىڭ جاڭا ارتىقشىلىق جەتىلدىرۋىنىڭ، جاڭا رول اتقارۋىنىڭ، جاڭا دامۋدى ىسكە اسىرۋىنىڭ، جاڭا ۇلەس قوسۋىنىڭ ماڭىزدى ورايى، گۋاڭدۇڭنىڭ رەفورما جاساۋىنىڭ، ەسىك اشۋىنىڭ كەلەلى ورايى، ۇلكەن تۋىندىسى. گۋاڭدۇڭ، شياڭگاڭ، اۋمىن 3 جەر ورايدى مىقتاپ يگەرىپ، قولايلى ساتتەن پايدالانا العا ۇمتىلىپ، جوعارى باستامامەن، جوعارى ساپامەن ۇلكەن شىعاناق رايونىن قۇرىپ، ءتىپتى تاماشا تۇرمىس جاراتىپ، جۇڭحۋا ۇلتى ۇلى گۇلدەنۋىنىڭ تىڭ داستانىن جازۋ كەرەك.
(شينحۋا اگەنتتىگىنىڭ 2 - ايدىڭ 18 - كۇنى بەيجيڭنەن بەرگەن حابارى)
