تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

لين جيلۋ: ادال جۇرەگىمەن تيانشاندى نۇرلاندىردى

 لين جيلۋدىڭ سۋرەتى. سۋرەتتى شينحۋا اگەنتتىگى تاراتقان

  شينحۋا اگەنتتىگىنىڭ 2 - ايدىڭ 18 - كۇنى گۋاڭجوۋدان بەرگەن حابارى (تىلشىلەر لي شيۇڭيىڭ، اينۇر). شينجياڭ اقسۋ ايماعىنىڭ كۇشار اۋدانىندا ءبىر باستاۋىش مەكتەپ بار، بۇل مەكتەپ 1936 - جىلى قۇرىلعاننان باستاپ قىزىل گەندى رۋحاني وزەك ەتىپ، وتانشىلدىق سۇيىسپەنشىلىكتى سان ۇرپاق وقۋشىلاردىڭ جۇرەگىنە ۇيالاتتى، قازىر شينجياڭداعى وتانشىلدىق تاربيە بازاسىنا اينالدى. بۇل مەكتەپ − لين جيلۋ باستاۋىش مەكتەبى، ونى لين جيلۋ قۇربان قۇرعان.

  لين جيلۋ، اسىلگى اتى لين ۋيلياڭ، 1916 - جىلى گۋاڭدۇڭ ولكەسى تايشان اۋدانىنىڭ دۋحۋ قالاشىعى داگاڭ قىستاعىندا تۋعان. 1928 - جىلى جاڭادان اشىلعان رىنيۋان ورتا مەكتەبىنە وقۋعا تۇسكەن. رىنيۋان ورتا مەكتەبىندە وقىپ جۇرگەن كەزىندە لين جيلۋ تالپىنعىش، ىزدەنگىش بولدى، ءمورالى مەن ۇيرەنۋى بىردەي جاقسى بولعاندىقتان، مەكتەپ وقۋشىلار قوعامىنىڭ ءتوراعاسى بولىپ سايلانعان ءارى مەكتەپ جۋرنالى «تۇيەنىڭ» باس رەداكتورى مىندەتىن وتەگەن، ول سول كەزدەگى كەلەڭسىز جاعدايلارعا باعىتتاي وتىرىپ، ۇنەمى وزگەشە كوزقاراسى بار ساياسي شولۋ ماقالالارىن جاريالايتىن.

  1931 - جىلى لين جيلۋ گۋاڭجوۋ جۇڭشان داشۋەسىنىڭ ورتا مەكتەپ بولىمىنە ەمتيحان تاپسىرىپ وتەدى. «18 - قىركۇيەك» وقيعاسىنان كەيىن، ول «سوعىسۋ عانا قالدى» دەگەن ساياسي شولۋ ماقالاسىن جازادى. 1934 - جىلى لين جيلۋ جاپونيانىڭ توكيوسىنا بارىپ، ميڭجى داشۋەسىندە ساياسي ەكونوميكا ماماندىعىندا وقيدى. 1935 - جىلى جۇڭگو كوممۋنيستىك پارتياسىنا مۇشە بولادى.

  1937 - جىلى جاپونيا جۇڭگوعا شاپقىنشىلىق جاساۋىن ۇدەتەدى، سول جىلى 6 - ايدا لين جيلۋ شاڭحايعا ورالىپ، جاپون شاپقىنشىلارىنا قارسى تۇرىپ، مەملەكەتتى جويىلۋدان قۇتقارۋ ارەكەتىنە قاتىناسادى، كەيىن يان - انعا كەلەدى. 1938 - جىلدىڭ باسىندا پارتيانىڭ جىبەرۋىمەن لين جيلۋ شينجياڭعا كەلىپ بىرلىكساپ قىزمەتىن ىستەيدى، وسى كەزدە ول اتىن لين جيلۋ دەپ وزگەرتەدى، بۇل پارتيانىڭ نەگىزگى لۋشيانىنا ماڭگى بويسۇنۋ دەگەن ماعىنانى بىلدىرەدى.

  لين جيلۋ پارتيانىڭ جىبەرۋىمەن شينجياڭعا كەلىپ قىزمەت ىستەگەننەن كەيىن، ىلگەرىندى - كەيىندى شينجياڭ شۋەيۋانىنىڭ وقىتۋ ىستەرى ءبولىمىنىڭ باستىعى، اقسۋ ايماقتىق وقۋ - اعارتۋ مەكەمەسىنىڭ باستىعى، كۇشار اۋدانىنىڭ اكىمى، ءۇشتۇرپان اۋدانىنىڭ اكىمى سياقتى مىندەتتەردى ۇستىنە الادى.

  شينجياڭ شۋەيۋانىندا لين جيلۋ يان - انداعى جاپون شاپقىنشىلارىنا قارسى تۇرۋ اسكەري - ساياسي داشۋەسىنىڭ وقىتۋدى جۇرگىزۋ باعىتى بويىنشا «ىنتىماق، قاربالاستىق، قاراپايىمدىلىق، قاعىلەزدىك» دەگەندى مەكتەپ تاعلىماتى ەتىپ، نازاريانى ءىس جۇزىندىكپەن بايلانىستىرۋ سىندى وقۋ - اعارتۋ باعىتىن جولعا قويىپ، جاڭا قىزمەت ستيلىن دارىپتەپ، جۇڭگو كوممۋنيستىك پارتياسىنىڭ جاپون شاپقىنشىلارىنا قارسى تۇرۋ دارىپتەمەسى مەن باعىتىن، ساياساتىن ۇگىتتەپ، «جاپون شاپقىنشىلارىنا قارسى تۇرىپ، مەملەكەتتى قۇتقارۋدىڭ 10 ءىرى تۇعىرناماسىن» بايانداپ، وقۋشىلاردى ساباقحانادان شىعىپ قوعامعا بەت الۋعا باستاپ، وتاندى ءسۇيىپ، جاپون شاپقىنشىلارىنا قارسى تۇرۋ ۇگىت قيمىلىن كەڭ كولەمدە قانات جايدىرىپ، قالىڭ وقىتۋشى - وقۋشىلارعا جاپون شاپقىنشىلارىنا قارسى تۇرۋ سوعىسىنىڭ اقيقاتتىعىن ءتۇسىندىرىپ، وقىتۋشى - وقۋشىلاردى، قىزمەتكەرلەردى ءىس جۇزىندىك ارەكەتتەرى ارقىلى جاپون شاپقىنشىلارىنا قارسى سوعىسقا كومەك بەرۋگە جۇمىلدىرادى. لين جيلۋ قاتارلى جۇڭگو كوممۋنيستىك پارتيا مۇشەلەرىنىڭ جەتىلدىرۋى مەن تاربيەلەۋىندە، كوپتەگەن جاس وقۋشىلار توڭكەرىس جولىنا ءتۇسىپ، شينجياڭ شۋەيۋانىنىڭ بەت - بەينەسىندە دە كورنەكتى وزگەرىستەر تۋىلادى.

  لين جيلۋ 2 اۋداننىڭ اكىمى مىندەتىن اتقارعان كەزدەرىندە بار زەيىنىمەن قىزمەت ىستەپ، بۇقارامەن تىعىز بايلانىس ورناتىپ، ىشكەرىلەي تەكسەرۋ - زەرتتەۋ جۇرگىزىپ، اشۋ، قۇرۋ ىستەرىن جوسپارلادى، وقۋ - اعارتۋ ىستەرىن گۇلدەندىرەدى، قاماۋعا الىنعان جازىقسىز بۇقارانى بوساتتى، تۋراشىل، سەنىمدى، قابىلەتتى ءار ۇلت باسشىلارىن وسىرەدى، قارتتار ءۇيىن جانە جەتىمحانا سالادى، حالىقتىڭ اۋىرتپالىعىن جەڭىلدەتۋگە ءمان بەرەدى، شارۋالاردى تىڭ اشىپ، ەگىن سالۋعا شابىتتاندىرىپ، اۋىل شارۋاشىلىعى ءوندىرىسىن زور كۇشپەن دامىتىپ، بۇقارانىڭ سۋ يگىلىگى قۇرىلىسىن سالۋىنا باسشىلىق ەتەدى.

  1942 - جىلى 9 - ايدا كەرتارتپا ميليتاريست شىڭ شىساي شينجياڭدا قىزمەت ىستەپ جاتقان كوپ مولشەردەگى جۇڭگو كوممۋنيستىك پارتيا مۇشەلەرىن تۇتقىنداپ تۇرمەگە قامايدى. جاۋلار لين جيلۋ قاتارلى كوممۋنيستىك پارتيا مۇشەلەرىن اياۋسىز قيناپ سۇراققا تارتادى، لين جيلۋ قاتارلىلار تيتتەي دە باس يمەي، تۇرمەدە پارتيانىڭ قۇپيا ۇيىمىن قۇرىپ، جاۋمەن ۇزدىكسىز باتىل كۇرەس جۇرگىزىپ، كوممۋنيستىك پارتيا مۇشەلەرىنىڭ بولاتتاي ەركى مەن قاستەرلى جىگەرىن ايگىلەيدى. لين جيلۋ ءوزىنىڭ ايگىلى «تۇتقىن انىندە» توڭكەرىسكە دەگەن ادالدىعى مەن بەرىك سەنىمىن بىلاي دەپ ايگىلەدى: «سەنىمدى بەكەمدەپ، مايدانىمىزدى ادالدىقپەن ساقتايمىز! باس سۇيەگىمىزدەن ەركىندىكتىڭ التىن مۇناراسىن تۇرعىزامىز؛ ىستىق قانىمىزبەن قىزىل تۋدى بوياپ، ماڭگى جەلبىرەتە بەرەمىز!».

  1943 - جىلى 9 - ايدىڭ 27 - كۇنى لين جيلۋ چىن تانچيۋ، ماۋ زىمين قاتارلى كوممۋنيستەرمەن بىرگە ەرلىكپەن قۇربان بولىپ، جۇڭگو حالقىنىڭ ازاتتىق كۇرەسى جولىندا قىمباتتى ءومىرىن قيدى، ول نەبارى 27 جاستا ەدى.

  لين جيلۋدى ەسكە الۋ ءۇشىن، لين جيلۋ ءتىرى كەزىندە قۇرعان كۇشار باستاۋىش مەكتەبىنە «لين جيلۋ باستاۋىش مەكتەبى» دەگەن ات بەرىلدى، لين جيلۋدىڭ كونە تۇراعى تۇرعان كوشە «لين جيلۋ كوشەسى» دەپ اتالدى، شينجياڭ داشۋەسىنىڭ ىشىندەگى ءبىر جول «جيلۋ داڭعىلى» دەپ اتالدى.

   اتا مەكەنىندەگى حالىق تا ءتۇرلى فورمالار ارقىلى لين جيلۋ قۇرباندى ەسكە الىپ تۇرادى. جۋىقتاعى جىلداردان بەرى دۋحۋ قالاشىعى وتانشىلدىق تاربيە بازاسى قۇرىلىسىن ۇزدىكسىزكەمەلدەندىرىپ، قىزىل ءماندى اشىپ، قىزىل گەندى جەتىلدىرىپ، لين جيلۋ قۇربان ەسكەرتكىشى باقشاسىن، لين جيلۋ كونە تۇراعىن تايانىش ەتىپ، وتانشىلدىق تاربيە ەرەكشە ساباقحاناسىن قالىپتاستىردى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.