تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

«بولماشى ءىس» ءۇمىت ۇشقىنىن جالىنداتتى

  ءتىلشى يۇي شي

  2 - ايدىڭ 17 - كۇنى، اۋات اۋدانى بەسارىق قالاشىعى قۇمويلا قىستاعىنداعى ءبىر شارۋا شاعىن اۋلاسىندا ايەل قوجايىن انارحان ابدىرەيىم دوڭگەلەكتى ورىندىقتا كۇنگە قاقتالا وتىرىپ، جانىندا ابىگەرلەنىپ جۇمىس ىستەپ جاتقان جۇبايى مامۇت باراتقا: يۋانشياۋ مەرەكەسى كەلدى، يۇي اپەكەگە تەلەفون سوققاندى ۇمىتىپ قالما، - دەيدى.

  «الاڭسىز بول، كەمپىر، ەسىمدە»، - دەيدى مامۇت دوڭگەلەكتى ورىندىقتىڭ بۇراندالارىن قاتايتىپ جاتىپ، - «كۇن ءبىراز جىلىنسا، سەنى دوڭگەلەكتى ورىندىقپەن قىستاق تۇرعىندار كوميتەتىنە مەملەكەت تۋىن شىعارۋ سالتىنا قاتىناسۋعا اپارامىن»، - دەيدى مامۇت ايەلىنە.

  ەرلى - زايىپتى ەكەۋىنىڭ ايتقان يۇي اپەكەسى − شينجياڭ اۋىل شارۋاشىلىق داشۋەسى قازىنا باسقارماسى مەكتەپ اۋلاسى كارتچكاسىن باسقارۋ ورتالىعىنىڭ مەڭگەرۋشىسى يۇي يانۋي. 2016 - جىلى 11 - ايدا اۆتونوميالى رايون ورىستەتكەن «ۇلتتار ىنتىماعىنىڭ بەرەكەلى شاڭىراعى» قيمىلىندا يۇي يانۋي مەن مامۇتتىڭ وتباسى تۋىس بولعان.

  مامۇتتىڭ وتباسى قىستاقتاعى كەدەي وتباسى، 48 جاستاعى انارحان اۋىر رەۆماتيزم سيپاتىندىق بۋىن قابىنۋ اۋرۋىنا شالدىعىپ، قالىپتى ءجۇرىس - تۇرىستان قالعان، ەمدەلۋ ءۇشىن كوپ قارجى جۇمساعان. مامۇت پەن ايەلىنىڭ 2 ۇلى جانە بالاباقشادا وقىپ جاتقان 2 نەمەرە قىزى بار، ءبىر ءۇيلى جان ءبيداي، ماقتا ەگىپ جانە مال باعىپ جان باعادى، بۇل وتباسىنا قالاي كومەكتەسۋ كەرەك؟ يۇي يانۋي الدىمەن دوڭگەلەكتى ورىندىق ساتىپ الىپ، ونى پوچتا ارقىلى ۇرىمجىدەن انارحانعا جىبەرىپ بەرەدى.

  انارحان بىلاي دەدى: «2017 - جىلى كوكتەمدە دوڭگەلەكتى ورىندىقتى تاپسىرىپ العان كۇنگى قۋانىشىمدا شەك جوق. سول كۇنى كورشى - قولاڭدار كەلىپ كومەكتەسىپ، مەنى دوڭگەلەكتى ورىندىققا سۇيەپ وتىرعىزىپ قىستاقتى ارالاتتى، ۇزاق ۋاقىتتان بەرى كورمەگەن ءبيداي اتىزىن كورىپ، تانىس - بىلىستەرىمە كەزدەسىپ، ىشتەي توتەنشە قۋاندىم».

  دوڭگەلەكتى ورىندىق انارحاننىڭ جۇرۋىنە قولايلىلىق جاراتتى، سودان باستاپ جادىراپ كوڭىلدى جۇرەتىن بولدى، كەلىنى قولى بوساي قالسا، ونى دوڭگەلەكتى ورىندىققا وتىرعىزىپ الىپ، قىستاقتىڭ ءىشىن ارالاتىپ ءجۇردى. قىستاق تۇرعىندارى ونىڭ وزگەرىسىن كورىپ، دوڭگەلەكتى ورىندىق انارحاندى وزگەرتتى دەستى.

  دوڭگەلەكتى ورىندىق يۇي يانۋيدىڭ مامۇت وتباسىنىڭ تۇرمىسىنا ءۇمىت باعىشتاۋ بارىسىنداعى «بولماشى ىستەرىنىڭ» باستاماسى عانا.

  بىلتىر ءبىر كۇنى، اتىز باسىنان قايتقان مامۇت اۋلاسىنا كىرە بەرە شات كۇلكىنى ەستىدى.

  ءاسىلى تاعى دا تۋىسشىلاپ كەلگەن يۇي يانۋي ولارعا سۋداي جاڭا ءجۇن ءاديال، ۇستەل، كۇرىش بىقتىراتىن قازان اكەلگەن ەكەن. ول قوي ەتىنەن تۇشپارا ءتۇيدى، انارحان جانە ونىڭ ەكى نەمەرە قىزىن شومىلدىرۋعا كومەكتەستى.

  سول كۇنى ءبىر ءۇيلى جان قورالانا وتىرىپ، ءدامدى تاماقتان اۋىز ءتيىپ، قىستاقتاعى جانە وتباسىنداعى وزگەرىستەردى اڭگىمەلەپ، كەدەيلىكتەن ارىلۋدىڭ ادىستەرىن تالقىلاپ، بولاشاقتاعى كوركەم تۇرمىستارىن بىرگە كوز الدىعا ەلەستەتتى. ۇيىقتار الدىندا انارحان يۇي يانۋيدىڭ الىپ كەلگەن جاڭا ۇيقى كيىمىن كيىپ، تەبىرەنگەن سەزىممەن: اپەكە، ءسىز ماعان تۇرمىستىڭ جىلۋىن سەزىندىردىڭىز، سىزگە كوپ راقىمەت، - دەدى.

  كوكتەم مەرەكەسى ءبىر ءۇيلى جان باس قوساتىن كۇن. ەگىنشىلىك كالەندارى بويىنشا 1 - ايدىڭ 2 - كۇنى يۇي يانۋي مامۇت وتباسىن ساعىنىپ، تاعى دا قۇمويلا قىستاعىنا تۋىسشىلاۋعا جولعا شىقتى. ول انارحانعا جانە ونىڭ كەلىنىنە، ەكى كىشكەنە قىزعا ىشتەن كيەتىن جىلى كيىم، پوپايكا، ويىنشىق، كىتاپ، كامپيت، تورت سياقتى تارتۋلاردى الا باردى ءارى ولاردىڭ وتباسىمەن بىرگە كوڭىلدى تۇردە بوساعالىق جاپسىرىپ، ءوزارا ىزگى تىلەك ءبىلدىرىستى.

  داستارقان باسىندا انارحاننىڭ تاماقتانۋى قولايسىز بولعاندىقتان، يۇي يانۋي ءبىر قاسىق - ءبىر قاسىقتان ونىڭ اۋزىنا تاماق سالدى. انارحان اسەرلەنگەنىنەن كوزىنە جاس الىپ: يۇي اپەكە، ءسىز مەنىڭ جان اشىرىمسىز، - دەدى.

  كۇن سۋىتقاندا يۇي يانۋي ءوز قالتاسىنان اقشا شىعارىپ، مامۇتقا كومىر ساتىپ الىپ بەردى؛ جيىن - تەرىن كەزىندە مامۇت وتباسىنىڭ ماقتاسىن بىرگە جيىستى؛ شىراق جارىعىندا ەكى كىشكەنە قىزعا اڭگىمە ايتىپ بەرىپ، سۋرەت سالۋدى ۇيرەتتى؛ توسەك قاسىندا وتىرىپ انارحانعا: ءسوز جوق، دەنساۋلىعىڭا كوڭىل ءبول، - دەپ قايتا - قايتا ەسكەرتتى...

  يۇي يانۋي بىلاي دەدى: مەن دە ۇلتتار ىنتىماعى بەرەكەلى شاڭىراعىنىڭ يگىلىگىنە كەنەلۋشىمىن، مەن ءار جولى تۋىسشىلاپ كەلگەن سايىن، انارحاننىڭ وتباسى جاڭعاق سياقتى ەرەكشە ونىمدەرىن ۇسىنادى، مەن ءوزىمدى ەرەكشە باقىتتى سەزىنەمىن. الداعى جەردە مەن ءار ۇلت باۋىرلاستاردىڭ ارالاسۋىن، ىشتەسۋىن، توعىسۋىن جەبەيتىن «بولماشى ىستەردى» جالعاستىرا بەرەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى