جاپون شاپقىنشىلارىنا قارسى تۇرعان وتانشىل قايراتكەر دۋ جۇڭيۋان: جاپون شاپقىنشىلارىنا قارسى تۇرىپ، وتاندى قۇتقارۋ − ءبىزدىڭ جاۋاپكەرشىلىگىمىز

　　دۋ جۇڭيۋاننىڭ سۋرەتى. سۋرەتتى شينحۋا اگەنتتىگى تاراتقان

　　شينحۋا اگەنتتىگىنىڭ 2 - ايدىڭ 20 - كۇنى چاڭچۇننەن بەرگەن حابارى (ءتىلشى جوۋ ليچۋان). جيلين ولكەسىنىڭ گۇڭجۋليڭ قالاسى قازىرگى تاڭدا جيلين ولكەسى توتە باسقاراتىن اۋدان دارەجەلى قالا، بۇل ارا ەرتەرەكتە حۋايدى اۋدانى دەپ اتالعان، جاپون شاپقىنشىلارىنا قارسى ايگىلى وتانشىل قايراتكەر دۋ جۇڭيۋان وسى ارادا دۇنيەگە كەلگەن. قان سۋداي شاشىلعان سول زاماندا، دۋ جۇڭيۋان مەيلى شىعىس سولتۇستىكتە، حۋابەيدە بولسىن، الدە باتىس سولتۇستىكتەگى شينجياڭعا بارسىن، بارىندە جاپون شاپقىنشىلارىنا قارسى تۇرىپ، وتاندى قۇتقارۋ جولىندا ۇران شاقىرىپ اتويلاپ ءجۇردى.

　　دۋ جۇڭيۋاننىڭ اسىلگى اتى دۋ چيانشۋە، 1898 - جىلى تۋعان. 1911 - جىلى شىنياڭ ولكە قاراماعىنداعى ەكى دارەجەلى پەداگوگيكا مەكتەبىنە قاراستى ورتا مەكتەپكە قابىلدانادى. مەكتەپ تاۋىسقان كەزىندە يۋان شىكايدىڭ پاتشا اتانىپ، بيلىككە قايتا شىقپاقشى بولعان كەزىنە تۋرا كەلەدى دە، وقۋشىلاردىڭ وتانشىلدىق قوزعالىسىنا قاتىناسادى، سونىمەن ول مىندەت اۋىر، جول الىس دەگەن ماعىنادا اتىن جۇڭيۋان دەپ وزگەرتەدى.

　　دۋ جۇڭيۋان 1917 - جىلى جاپونياعا وقۋعا بارىپ، توكيو جوعارى دارەجەلى ونەركاسىپ مەكتەبىندە فارفور ىدىس جاساۋدى ۇيرەنەدى. «21 تارماققا» قارسى تۇرۋ ءۇشىن، 1922 - جىلى ول توكيوداعى شەتەلدىك وقۋشىلاردى يمپەرياليزمگە قارسى قىر كورسەتۋ ەرەۋىلىن وتكىزۋگە ۇيىمداستىرىپ، وقۋشىلار ۋاكىلى رەتىندە بەيياڭ ۇكىمەتىنە نارازىلىق ءبىلدىرۋ ارىزىن بەرۋ ءۇشىن ەلگە قايتىپ كەلەدى.

　　دۋ جۇڭيۋان 1923 - جىلى ەلگە ورالعاننان كەيىن، فىڭتياندا (بۇگىنگى شىنياڭ) دۇڭبەي ءبىرىنشى فارفور ىدىس جاساۋ زاۆودى − جاۋشين قۇمدان كاسىبى سەرىكتەستىگىن قۇرادى. 1927 - جىلى فىڭتيان باس ساۋداگەرلەر قوعامىنىڭ ورىنباسار باستىعى مىندەتىن اتقارادى. وسىدان كەيىن، شىعىس تەرىستىكتەگى باسقا دا وتانشىل قايراتكەرلەرمەن بىرگە جاپونيانىڭ شىعىس تەرىستىكتىڭ لينجياڭىندا كونسۋلحانانى زاڭسىز قۇرعاندىعىنا قارسىلىق بىلدىرگەن 100 مىڭ ادامدىق قىر كورسەتۋ ەرەۋىلىن قوزعايدى، سونىمەن بىرگە، جاپونيانىڭ زاتتارىنا قارسى تۇرۋ قوزعالىسىن ورىستەتىپ، شىعىس تەرىستىكتىڭ جەر - جەرىندە جاپون شاپقشىلارىنا قارسى تۇرىپ، وتاندى قۇتقارۋ قوزعالىسىن ىلگەرىلەتەدى.

　　«18 - قىركۇيەك» ۋاقيعاسىنان كەيىن، دۇڭ جۇڭيۋان بەيپيڭگە (بۇگىنگى بەيجيڭ) بارىپ، جاپون شاپقىنشىلارىنا قارسى تۇرىپ، وتاندى قۇتقارۋ قىزمەتىمەن شۇعىلدانىپ، شىعىس تەرىستىكتەگى جۇرتشىلىقتىڭ جاپون شاپقىنشىلارىنا قارسى تۇرىپ، وتاندى قۇتقارۋ قوعامىنىڭ تىرەكتى باسشىسىنا اينالادى. كوپ وتپەي شاڭحايعا بارىپ، جوۋ ىنلايمەن تانىسىپ، «مەملەكەت زاتتارى ونەركاسىبىن دامىتىپ، ەكونوميكالىق جاقتان جاپون شاپقىنشىلارىنا ناقتىلى قارسى تۇرۋدى» دارىپتەيدى. ول «تۇرمىس» اپتالىق جۋرنالىندا جاپون شاپقىنشىلارىنا قارسى تۇرىپ، وتاندى قۇتقارۋعا قاتىستى ماقالالاردى ۇنەمى جاريالاپ تۇردى. 1933 - جىلدىڭ باسىندا، وتاندى قۇتقارۋ قوعامىنىڭ سوعىس شەبى ۇگىت اترەتىن باستاپ رىحىداعى جاپون شاپقىنشىلارىنا قارسى تۇرۋ الدىڭعى شەبىنە بارىپ، جاپون شاپقىنشىلارىنا قارسى تۇرۋ ارمياسىنان حال سۇراپ، جاپون شاپقىنشىلارىنا قارسى تۇرۋ ۇگىتىن جۇرگىزەدى.

　　1934 - جىلى 2 - ايدا دۇڭ جۇڭيۋان شاڭحايدا «جاڭا ءومىر» اپتالىق جۋرنالىن شىعارىپ، جاپون شاپقىنشىلارىنا قارسى تۇرىپ، وتاندى قۇتقارۋدى بەلسەنە ۇگىتتەپ، گومينداڭ ۇكىمەتىنىڭ تىنىشتاندىرۋ ساياساتىنا قارسى تۇرىپ، «يمپەرياليزمگە، جاپون شاپقىنشىلارىنا قارسى ءوزىمىزدىڭ ۇلتتىق توڭكەرىستىك ءىسىمىزدى» جۇرگىزۋدى دارىپتەيدى. 1935 - جىلى 7 - ايدا گومينداڭ ۇكىمەتى جاعىنان ۇستالىپ، تۇرمەگە قامالادى. 1936 - جىلى شاڭحاي حۇڭچياۋ ەمدەلۋ - كۇتىمدەلۋ شيپاحاناسىندا ەمدەلۋ ورايىنان پايدالانىپ، ىلگەرىندى - كەيىندى وتانشىل قولباسشى جاڭ شۋەلياڭ، ياڭ حۋچىڭمەن كەزدەسىپ، جاپون شاپقىنشىلارىنا قارسى تۇرىپ، وتاندى قۇتقارۋ ىستەرىن اقىلداسادى. 1936 - جىلى كۇزدە جازا مەرزىمى تولىپ تۇرمەدەن شىققاننان كەيىن، شي - انعا بارىپ جاڭ شۋەلياڭ مەن ياڭ حۋچىڭ سىندى 2 گەنەرالدىڭ كوممۋنيستىك پارتيامەن بىرلەسىپ جاپون شاپقىنشىلارىنا قارسى تۇرۋىنا دەمەۋشى بولادى. بۇكىل ەلدە جاپون شاپقىنشىلارىنا قارسى تۇرۋ سوعىسى تۋىلعاننان كەيىن، جەر - جەرگە بارىپ جاپون شاپقىنشىلارىنا قارسى تۇرىپ، وتاندى قۇتقارۋ قىزمەتىن بەلسەنە جۇرگىزىپ، جۇڭگو كوممۋنيستىك پارتياسىنىڭ جاپون شاپقىنشىلارىنا قارسى ۇلتتىق بىرلىكساپ شەبى ساياساتىن قىزۋ ىنتامەن ۇگىتتەيدى.

　　1937 - جىلى 9 - ايدا دۋ جۇڭيۋان تاييۋاندا جوۋ ىنلاي، پىڭ دىحۋاي، شۇي شياڭچيان قاتارلىلارمەن كەزدەسەدى ءارى «شاپقىنشىلىققا قارسى سوعىس» مەرزىمدى باسىلىمىندا ماقالا جاريالاپ، جۇڭگو كوممۋنيستىك پارتياسى باسشىلارىنىڭ جانە ولاردىڭ جاپون شاپقىنشىلارىنا قارسى تۇرىپ، وتاندى قۇتقارۋ دارىپتەمەسىن تانىستىرادى. شينجياڭ شەكارا قورعانىس دۋبانى شىڭ شىسايدىڭ ۇسىنىسىن قابىلداپ، 1937 - جىلى 10 - ايدا، 1938 - جىلى 6 - ايدا جانە 10 - ايدا شينجياڭدا 3 رەت قىزمەت تەكسەرەدى.

　　1939 - جىلى دۋ جۇڭيۋان شىڭ شىسايدىڭ ۇسىنىسىنا ساي، شينجياڭ شۋەيۋانىنىڭ باستىعى مىندەتىن اتقارادى. شينجياڭدا قىزمەت ىستەگەن كەزىندە، جاپون شاپقىنشىلارىنا قارسى تۇرىپ، وتاندى قۇتقارۋ ۇگىتىن جۇرگىزىپ، شينجياڭداعى ءار ۇلت حالقىنىڭ وتانشىلدىق ىنتاسىن قوزعاۋ ءۇشىن وقۋشىلاردى باستاپ سولتۇستىك شينجياڭنىڭ جەر - جەرىندە قوعامدىق تەكسەرۋ جانە جاپون شاپقىنشىلارىنا قارسى ۇگىت جۇرگىزەدى ءارى ۇنەمى جاپون شاپقىنشىلارىنا قارسى تۇرۋ، وتاندى ءسۇيۋ يدەياسىن ۇگىتتەيتىن ماقالا جازىپ، ولاردى «يمپەرياليزمگە قارسى تۇرۋ شەبىن» جۋرنالىندا جاريالايدى.

　　شينجياڭدى اناعۇرلىم جاقسى قورعاۋ، قۇرۋ ءۇشىن، ول دارىندىلاردى كوپتەپ جەتىلدىرۋ ماقساتىندا ماۋدۇن سياقتى ايگىلى وقىمىستىلاردى شينجياڭ شۋەيۋانىنا كەلىپ وقىتۋشى بولۋعا ۇسىنىس ەتەدى ءارى بار امالمەن ىشكى جەردەن قىرۋار كىتاپ ماتەريالدارىن جانە وقىتۋ اسپاپتارىن ساتىپ الادى، مۇنان سىرت، تاعى ايگىلى ادەبيەت - كوركەمونەر قايراتكەرلەرىن شينجياڭعا كەلىپ ادەبيەت - كوركەمونەر ۇگىت قيمىلدارىن جۇرگىزۋگە ۇسىنىس ەتەدى.

　　1940 - جىلى 5 - ايدا دۇڭ جۇڭيۋان العاباسار يدەيانى ۇگىتتەيتىن ماقالالاردى ۇزدىكسىز جاريالاعاندى سەبەپتى اسكەري الپاۋىت شىڭ شىسايعا جەك كورىنىپ، تۇتقىندالىپ تۇرمەگە قامالادى. شىڭ شىساي «ساتقىن» دەگەن سياقتى قىلمىستاردى ويدان قۇراستىرىپ، وعان ءتۇرلى جان تۇرشىگەرلىك جازا قولدانىپ، زورلاپ مويىنداتپاقشى بولادى، الايدا باستان - اياق ارىنا كىر جۋىتپاعان دۋ جۇڭيۋان ەش مويىماي، اقىرىندا جاسىرىن ولتىرىلەدى.