تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

تۇتاس رايونىمىز كەدەيلىكتەن ارىلتۋدان قامال الۋ شەبىن وڭتۇستىك شينجياڭداعى 4 ايماق - وبلىسقا شوعىرلاندىردى

2018 - جىلى شينجياڭدا كەدەيلەر 537 مىڭ ادام ازايدى

  ءتىلشى ۋاڭ شيڭرۇي 2 - ايدىڭ 21 - كۇنى ۇرىمجىدەن حابارلايدى. 2018 - جىلى شينجياڭدا جيىنى 537 مىڭ كەدەي كەدەيلىكتەن ارىلىپ، 513 كەدەي قىستاق كەدەيلىك تىزىمدىگىنەن شەگىنىپ، كەدەيلەسۋ مولشەرى 2017 - جىلدىڭ اياعىنداعى %11.57تەن 2018 - جىلدىڭ اياعىنداعى %6.51كە تومەندەدى.

  وسىعان دەيىن، رايونىمىزدىڭ وڭتۇستىك شينجياڭداعى 4 ايماق - وبلىسىنان سىرت، باسقا ايماقتارىنداعى (وبلىس، قالا) تاقىر كەدەيلىك ماسەلەسى نەگىزىنەن شەشىلىپ، تۇتاس رايونىمىزدىڭ كەدەيلىكتەن ارىلتۋدان قامال الۋ شەبى وڭتۇستىك شينجياڭداعى 4 ايماق - وبلىستاعى اۋىر كەدەي وڭىرلەرگە شوعىرلاندىرىلىپ اۋىر كەدەي وڭىرلەرگە باسا نازار اۋدارىلدى.

  وڭتۇستىك شينجياڭداعى 4 ايماق - وبلىس − اۋىر كەدەي ءوڭىر، بۇكىل شينجياڭنىڭ كەدەيلىكتەن ارىلتۋدان قامال الۋداعى قيىن ءتۇيىنى جانە ماڭىزدى ءتۇيىنى. بىلتىر وڭتۇستىك شينجياڭداعى 4 ايماق - وبلىستان جيىنى 486 مىڭ 900 ادام كەدەيلىكتەن ارىلىپ، 513 كەدەي قىستاق كەدەيلىك تىزىمدىگىنەن شەگىنىپ، كەدەيلەسۋ مولشەرى 2017 - جىلدىڭ اياعىنداعى %18.3تەن 2018 - جىلدىڭ اياعىنداعى %10.51كە تومەندەدى، تۇتاس رايونىمىز وڭىرلىك جالپىلىق كەدەيلىكتى جويۋدا مىعىم قادام تاستادى.

  بىلتىر تۇتاس رايونىمىز وڭتۇستىك شينجياڭداعى 4 ايماق - وبلىستا توقىماشىلىق، كيىم - كەشەك، ەلەكتروندىق ونىمدەردى قۇراستىرۋ سياقتى ەڭبەككۇش شوعىرلانعان كاسىپتەردى دامىتۋدى جەدەل ىلگەرىلەتىپ، «قىستاق شەبەرحانادان»، «كەدەيلەردى سۇيەمەلدەۋ سەحىنان» 1792سى قۇرىلىپ، ارحيۆ تۇرعىزىلىپ، كارتچكا بەرىلگەن 18 مىڭ 800 كەدەي جۇمىسقا ورنالاستىرىلدى؛ شەكارانىڭ ءبىرىنشى شەبىندەگى 8265 كەدەي شەكارا ءوڭىر تۇرعىنى جاڭادان شەكارا قورعاۋشىسى بولىپ، ءبىر ادام جۇمىسقا ورنالاسسا، بۇكىل وتباسى كەدەيلىكتەن ارىلۋ جۇزەگە استى... كەدەي وڭىرلەر ءىس جۇزىندىكتى شىعار ءتۇيىن ەتۋدەن جازباي، باسىمدىققا يە كۇشتەردى شوعىرلاندىرىپ قامال الۋ شايقاسىن جۇرگىزىپ، ءبىر وتباسىنا ءبىر ساياسات قولدانۋدى، دالمە - ءدال كۇش سالۋدى تىڭعىلىقتى ىلگەرىلەتتى. جالپى جاقتان قاراعاندا، تۇتاس رايونىمىز «ەكىدەن تارىقتىرماۋ، ءۇشتى قامتاماسىز ەتۋدى» ارقاۋ ەتىپ، «التى دالمە - ءدالدى» تياناقتاندىرۋ ارقىلى «جەتى ءبىر توپ»، «ۇشتە تەبىندى ارتتىرۋ» سياقتى ءبىر قىدىرۋ ورنالاستىرۋلاردى، تالاپتاردى ىلگەرىلەتىپ، كەدەيلەردى ازايتۋ نىساناسىنىڭ جىلدىق مىندەتىن مەجە بويىنشا ورىنداپ، كەدەيلەردى قامتاماسىزداندىرۋ ورەسى كورنەكتى جوعارىلاپ، كەدەي وڭىرلەردىڭ ەكونوميكالىق، قوعامدىق دامۋىنىڭ ءتۇرلى ىستەرى جاپپاي العا باستى.

  بيىل رايونىمىز 606 مىڭ 100 كەدەيدى كەدەيلىكتەن ارىلتۋعا، 976 كەدەي قىستاقتى كەدەيلىك تىزىمدىگىنەن شىعارۋعا، 12 اۋىر كەدەي اۋداننىڭ كەدەيلىك قالپاعىن الىپ تاستاۋعا كەپىلدىك ەتۋمەن بىرگە، نەگىزدى بەكەمدەۋگە، دەڭگەيدى جوعارىلاتۋعا اناعۇرلىم ءمان بەرىپ، قايتا كەدەيلەسۋدەن ساقتانۋدى اناعۇرلىم ماڭىزدى ورىنعا قويىپ، كەدەيلىكتەن ارىلتۋدان قامال الۋدى جوعارى ساپامەن ىلگەرىلەتەدى. سونىمەن بىرگە، 2020 - جىلى 10 اۋىر كەدەي اۋداننىڭ كەدەيلىك قالپاعىن الۋ، 561 كەدەي قىستاقتى كەدەيلىك تىزىمدىگىنەن شىعارۋ، 211 مىڭ كەدەيدى كەدەيلىكتەن ارىلتۋ نەگىزدىك قىزمەتىن تەڭ قادامدا ىلگەرىلەتىپ، «ەكىدەن تارىقتىرماۋ، ۇشتە قامتاماسىز ەتۋگە» ىقپال جەتكىزەتىن مىندەتتى وقۋ - اعارتۋ، نەگىزگى ەمدەۋ، تۇرار جاي حاۋىپسىزدىگى، اۋىز سۋ حاۋىپسىزدىگى سياقتى كورنەكتى ماسەلەلەردى نەگىزىنەن شەشەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى