تيانشان تورابى   ›   جاڭالىقتار   ›   شينجياڭ حابارلارى

«ەڭ كوپ بولعاندا ءبىر رەت بارۋ» بۇقاراعا شىنايى قولايلىلىق جاراتتى

  − اقسۋ قالالىق اكىمشىلىك قىزمەت وتەۋ ورتالىعىنان كورگەن - بىلگەندەرىم

  ءتىلشى چىن چياڭۋي

  2 - ايدىڭ 18 - كۇنى ساعات 18دەن 20 مينۋت وتكەندە، اقسۋ قالاسىنىڭ تۇرعىنى ليۋ رۇڭ اقسۋ قالالىق اكىمشىلىك قىزمەت وتەۋ ورتالىعىنىڭ زالىنداعى ساۋدا ىستەرىن تىركەۋ جالپىلىق قىزمەت وتەۋ رايونىندا تيجارات كۋالىگىن ءبىتىرۋدى كۇتىپ وتىردى. قىزمەتتەن تۇسۋگە ءبىر ساعاتتان ارتىق ۋاقىت قالدى، زالدىڭ ىشىندە ءالى دە كوپتەگەن قالا تۇرعىنى ساۋدا ىستەرىن تىركەتۋ قىزمەتىن ءبىتىرۋ ءۇشىن كەزەككە تۇردى.

  قىزمەت وتەۋ ورتالىعىنىڭ زالىنان ءتىلشى ءاربىر قاباتتا تۇگەلدەي جول باستاۋ تاقتايشاسىنىڭ بار ەكەندىگىن، تۇرلىشە قىزمەت وتەۋ رايوندارىنىڭ بەلگىسى انىق ەكەندىگىن، ناقتى ءىستى ءبىتىرۋ بارىسىن، وعان قاجەتتى ماتەريالداردى قىزمەتكەرلەر كورنەكتى ورىنعا جاپسىرىپ قويعاندىعىن كوردى.

  2017 - جىلى 12 - ايدىڭ 17 - كۇنى اقسۋ قالالىق اكىمشىلىك قىزمەت وتەۋ ورتالىعى ىسكە قوسىلدى. بۇل ورتالىقتىڭ زالىندا باجى، قوعامدىق قامسىزداندىرۋ، الەۋمەتتىك قىزمەت وتەۋ، ساۋدا ىستەرىن تىركەۋ، تۇراقتى مۇلىك ساۋداسىن تىركەۋ، قارجى قوسۋ نىساندارىن تەكسەرىپ - بەكىتۋ، قوعامدىق ىستەردى ءبىتىرۋ سىندى 7 جالپىلىق فۋنكتسيالىق رايونعا بولىنگەن. كەزەكتە بۇل اراعا اكىمشىلىك ىستەر قىزمەت وتەۋ يقۋاتىنا يە 35 ورىن ىرگە تەۋىپ، 216 تەرەزەلىك قۇرىلىپ، 383 ءتۇرلى اكىمشىلىك قىزمەت وتەۋ ءىسىن بىتىرۋگە بولادى، بۇل ارا ءبىر ەسىكتەن كىرىپ، ءبىر تەرەزەلىكتە عانا ءىس تىندىرۋدى نەگىزىنەن ىسكە اسىردى.

  بيىل اتقارىلعان «جۇڭحۋا حالىق رەسپۋبليكاسىنىڭ ەلەكتروندىق ساۋدا ىستەرى زاڭىنىڭ» بەلگىلەمەسىنە ساي، ەلەكتروندىق ساۋدا ىستەۋشىلەر زاڭ بويىنشا بازار تۇلعاسىن تىركەتۋى كەرەك. «ءۇنحات ساۋداسىن ۇزدىكسىز ىستەۋىم ءۇشىن تيجارات كۋالىگىن، ءسوز جوق، ءبىتىرۋىم كەرەك»، - دەدى ليۋ رۇڭ، ونىڭ ءۇنحات ساۋداسىن ىستەگەنىنە 3 جىل بولىپتى.

  سۇراستىرۋ ارقىلى ليۋ رۇڭ ءبىتىرۋ بارىسىنىڭ ونىڭ ويىنداعىدان الدەقايدا وڭاي ەكەندىگىن بايقادى. «مەن قاتىستى ەلەكتروندىق ساۋدا جاساۋ تۇعىرىندا كۋالىك ءبىتىرۋ انىقتاماسىنا ءوتىنىش ەتۋىم كەرەك ءارى وسى انىقتامانى، سونداي - اق سۋرەت، ازاماتتىق كۋالىك سياقتى قاتىستى كۋالىكتەرىمدى، وعان قوسا كوبەيتىلگەن نۇسقالارىن الىپ وسى زالدا تيجارات كۋالىگىن بىتىرۋىمە بولادى»، - دەدى ليۋ رۇڭ. ءتىلشى ليۋ رۇڭنىڭ ساعات 18دەن 36 مينۋت وتكەندە تەرەزەلىكتە ماتەريالداردى تاپسىرعاندىعىن، 18دەن 50 مينۋت وتكەندە تەرەزەلىكتەن تيجارات كۋالىگىن العاندىعىن كوردى.

  بىرنەشە جىلدىڭ الدىندا، ليۋ رۇڭ تيجارات ورنى راسمياتىن ءبىتىرۋ، زاڭدى ۋاكىلدى اۋىستىرۋ ءۇشىن 3 كۇندە 4 − 5 رەت كەلىپ ارەڭ بىتىرگەن ەكەن. 2 رەتكى ءىس ءبىتىرۋ كەشىرمەسى ليۋ رۇڭدى توتەنشە اسەرلەندىرىپتى: كۋالىك ءبىتىرۋ راسمياتىنىڭ وسىنشاما تەز بولاتىندىعىن ويلاماپپىن. ماڭايىمداعى ءۇنحات ساۋداسىن ىستەيتىندەردىڭ كوبى بارىسى كۇردەلى دەپ قاراپ ارتىن كۇتىپ وتىر، مەن بۇل جاقسى حاباردى ولارعا دەرەۋ جەتكىزەمىن، - دەدى ول.

    جىلجىمايتىن مۇلىكتى تىركەتۋ مەن ساۋدا ىستەرىن تىركەتۋ اقسۋ قالالىق اكىمشىلىك قىزمەت وتەۋ ورتالىعىنىڭ زالىنداعى ەڭ «قىزۋ» ەكى رايون. ارزىگۇل ءيبىرايىم مەن جولداسى تەرەزەلىكتە قارجى توپتاپ سالعان قورا - جاي كۋالىگىن ءبىتىرىپ تۇر ەكەن. «ءبىز قاتىستى ماتەريالداردى تاپسىرعاننان كەيىن، قىزمەتكەردىڭ ايتۋى بويىنشا قول قويىپ، بارماق ءىزىن قالدىرساق بولعانى، بۇل ءبىز سياقتى ورتا جاستاعىلار ءۇشىن، راسىندا، توتەنشە قولايلى بولدى!»، - دەدى 55 جاستاعى ارزىگۇل.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى