تيانشان تورابى   ›   جاڭالىقتار   ›   شينجياڭ حابارلارى

كاسىپ تىزبەگىن ۇزارتتى، قۇن تىزبەگىن ارتتىردى، كىرىستى ارتتىرۋ تىزبەگىن كەڭەيتتى

  اۆتونوميالى رايونىمىزدىڭ كاسىپ سالالاندىرىپ شارۋاشىلىق جۇرگىزۋى اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىردى

  ءتىلشى  ليۋ ي 2 - ايدىڭ 22 - كۇنى ۇرىمجىدەن حابارلايدى. تۇرپان ءجۇزىمى، كورلا المۇرتى، اقسۋ الماسى سياقتى «جاعراپيالىق بەلگى» رەتىندەگى ءبىر توپ اۋىل شارۋاشىلىعى ونىمدەرى بۇكىل ەلگە ايگىلى بولىپ، الەمگە بەت السا، شىلان، جاڭعاق، بادام سياقتى ءبىر توپ جەتەكشى كاسىپ سالاسىندىق ماركالاردىڭ بۇكىل مەملەكەت بازارىنداعى تانىمالدىعى ۇزدىكسىز جوعارىلاعان. بۇكىل رايوندا اۋىل شارۋاشىلىعى ونىمدەرىن ءوندىرۋدى، وڭدەۋدى، ساتۋدى ءبىر تۇلعالاندىرىپ شارۋاشىلىق جۇرگىزۋ جەدەل دامىپ، اۋىل شارۋاشىلىعىنىڭ ساپاسىن ءوسىرۋدى، ونىمدىلىگىن ارتتىرۋدى جەبەگەن.

  تانىستىرۋعا قاراعاندا، 2018 - جىلى اۆتونوميالى رايونىمىز كاسىپ تىزبەگىن ۇزارتۋدى، قۇن تىزبەگىن ارتتىرۋدى، كىرىستى ارتتىرۋ تىزبەگىن كەڭەيتۋدى ارقاۋ ەتىپ، اۋىل شارۋاشىلىعىندا كاسىپ سالالاندىرىپ شارۋاشىلىق جۇرگىزۋدىڭ اناعۇرلىم جاقسى، اناعۇرلىم تەز دامۋىن جەبەگەن. بۇل بارىستا اۆتونوميالى رايونىمىز دامۋ تاسىلىنە بەلسەندىلىكپەن بۇرىلىس جاساپ، قۇرىلىمدى رەتتەپ، ساپالىلاندىرىپ، العاشقى وڭدەۋ، جىنتىكتەي وڭدەۋ، نەگىزگى ازىقتاردى وڭدەۋ، اۋىل شارۋاشىلىعى قوسىمشا ونىمدەرىنەن جالپىلىق پايدالانۋ سياقتى ءتۇيىندى سالالاردىڭ ۇزدىكسىز دامۋىن ىلگەرىلەتكەن.

  اۋىل شارۋاشىلىعىنىڭ كاسىپ سالالانىپ دامۋ دەڭگەيىنىڭ ۇزدىكسىز جوعارىلاۋىنا مەڭزەس، اۋىل شارۋاشىلىعى ونىمدەرىنىڭ ماركا قۇرىلىسى كاسىپورىنداردىڭ اۋىل شارۋاشىلىعى ونىمدەرى بازارىن اشاتىن، كاسىپ سالالاندىرىپ دامىتۋدى جەدەلدەتەتىن، شارۋالاردىڭ كىرىسىن ارتتىرۋدى جەبەيتىن ماڭىزدى شاراعا اينالعان. سونىمەن قاتار، وڭىرلىك ەرەكشەلىككە يە كاسىپ سالالارىنان ءبىر توبى قالىپتاسا باستاعان. اۆتونوميالى رايونىمىز وڭىرلىك ەرەكشەلىككە يە كاسىپ سالالارىن زور كۇشپەن دامىتۋ ارقىلى باسىمدىعى بار كاسىپ بەلدەۋىن قالىپتاستىرىپ، اۋىل - قىستاقتاعى 1 -، 2 -، 3 - كاسىپتەردىڭ توعىسپالى دامۋ دەڭگەيىن پارمەندى جوعارىلاتقان. كورلا قالاسىن وزەك ەتكەن المۇرت كاسىپ بەلدەۋى، اقسۋ، قاشقار، حوتان ايماعىنىڭ جاڭعاق، انار، شىلان، ورىك سياقتلاردى نەگىز ەتكەن وڭدەۋ كاسىپ بەلدەۋى سياقتىلار وڭىرلىك ەرەكشەلىككە يە كاسىپ سالاسىن دامىتۋدىڭ وكىلدەرىنە اينالعان.

    ۇعىسۋىمىزشا، اۋىل شارۋاشىلىعىن كاسىپ سالالاندىرىپ دامىتۋ دەڭگەيىن اناعۇرلىم ويداعىداي كوتەرۋ ءۇشىن، بيىل اۆتونوميالى رايونىمىز اۋىل شارۋاشىلىعىندا كاسىپ سالالاندىرىپ شارۋاشىلىق جۇرگىزۋدى ىلگەرىلەتۋدى، اۋىل شارۋاشىلىعى قوسىمشا ونىمدەرىن جىنتىكتەي وڭدەۋدى دامىتۋدى نەگىزگى كۇش سالۋ باعدارى ەتىپ، اۋىل - قىستاقتاعى 1 -، 2 -، 3 - كاسىپ سالالارىنىڭ توعىسپالى دامۋىن ۇزدىكسىز ىلگەرىلەتىپ، ءتۇرلى كاپيتالداردىڭ اۋىل شارۋاشىلىعى ونىمدەرىن ءوندىرۋ، ساقتاۋ - تاسىمالداۋ، وڭدەۋ، ساتۋ سياقتى ءتۇرلى بۋىندارعا كىرۋگە ىنتالاندىرىپ، كولەمى ءبىرشاما ۇلكەن، قۇرىلعىلارى كەمەلدى، ەرەكشەلىگى ايقىن اۋىل شارۋاشىلىعى ونىمدەرىن ءوندىرۋ بازالارىنان ءبىر توبىن قۇرىپ، جەتەكشىلىك قۋاتى كۇشتى اۋىل شارۋاشىلىعى قوسىمشا ونىمدەرىن جىنتىكتەي وڭدەۋدەگى ءبىر توپ سەركە كاسىپورىنداردى دامىتىپ جانە ەنگىزىپ، اۋىل شارۋاشىلىعىنىڭ جالپى كاسىپ تىزبەگىندىك دامۋ ۇلگىسىن قالىپتاستىرىپ، اۋىل شارۋاشىلىعىنىڭ جالپىلىق ونىمدىلىگىن جوعارىلاتىپ، شارۋالاردىڭ كاسىپ تىزبەگىندەگى بۋىنداردىڭ ارتقان قۇن پايداسىنان اناعۇرلىم كوپ يگىلىكتەنۋىنە مۇمكىندىك جاسايدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى