ءتىلشى ما ينيڭ 2 - ايدىڭ 23 - كۇنى ۇرىمجىدەن حابارلايدى. 2 - ايدىڭ 20 - كۇنى ءتىلشى شينتى ەنەرگيا شەكتى جارنا سەرىكتەستىگىنىڭ سيفرلى ءوندىرىس سەحىنىڭ دايىن ءونىم سەحىنا كىرىپ، اۆتوماتتى ءوندىرىس جەلىسىندەگى نەشە ءجۇز جابدىقتىڭ تۇراقتى اينالىپ تۇرعانىن، ءوندىرىس جابدىقتارىنىڭ اينالىم جاعدايىنا ناقتى ۋاقىتتىق باقىلاۋ - مەڭگەرۋ جۇرگىزۋدىڭ، كىناراتتاردى مالىمدەۋ جانە وعان دياگنوز قويۋدىڭ، تالداۋ جاساۋدىڭ، ءوندىرىس بارىسىنىڭ ساپاسىن شوعىرلى مەڭگەرۋدىڭ بارلىعىن سيفرلى جابدىق ءبىر جاقتى ەتەتىندىگىن كوردى. سوڭعى جىلداردان بەرى، شينتى ەنەرگيا شەكتى جارنا سەرىكتەستىگى ءداستۇرلى سەحتى زەردەلەندىرىپ وزگەرتۋ ارقىلى كاسىپورىننىڭ تۇرلەنۋىن، جاڭالانۋىن جۇزەگە اسىردى.
«وسى جىلداردا سەرىكتەستىك زەردەلى جاساۋعا قاراي جەدەل قادام تاستاپ، ەل ىشىندەگى تۇڭعىش جوعارى تازالىقتاعى كريستال كرەمني ماتەريالىنىڭ زەردەلى زاۆودىن قۇرىپ، ءوندىرىس ونىمدىلىگىن ٪28 جوعارىلاتىپ، اينالىم وزىندىك قۇنىن ٪25 تومەندەتىپ، ءونىم زەرتتەۋ - جاساۋ پەريودىن ٪30 قىسقارتىپ، ەنەرگيانىڭ پايدالانىلۋ ونىمدىلىگىن ٪15 جوعارىلاتتى»، - دەپ تانىستىردى شينتى ەنەرگيا شەكتى جارنا سەرىكتەستىگىنىڭ ورىنباسار باس ديرەكتورى لي شيلياڭ.
بىلتىر شينتى ەنەرگيا سەرىكتەستىگىنىڭ «ونەركاسىپ ينتەرنەت تۇعىرىن نەگىز ەتكەن تۇنىقتىعى جوعارى كرەمنيلىك جاڭا ماتەريال كاسىپورنىنىڭ ىشكى جەلىنى وزگەرتۋ، توپتاۋ، قولدانۋ نىسانى» ونەركاسىپ جانە ينفورماتسيالاندىرۋ مينيسترلىگىنىڭ ينتەرنەتتىك جاڭالىق اشۋ، دامىتۋ نىساندارىنىڭ قاتارىنا كىرگەن، بۇل باتىس سولتۇستىك 5 ولكەدەگى 2 نىساننىڭ ءبىرى ەكەن.
شينتى ەنەرگيا سەرىكتەستىگى اۆتونوميالى رايونىمىز كاسىپورىندارىنىڭ ونەركاسىپتىك ينتەرنەت جاعىنداعى دامۋىنىڭ شاعىن كارتيناسى. ساندى مالىمەتتەردە كورسەتىلۋىنشە، بىلتىر اۆتونوميالى رايونىمىزدىڭ سيفرلى ەكونوميكاسىنىڭ كولەمى 280 ميلليارد يۋاننان اسىپ، ارتۋ قارقىنى سايكەس مەزگىلدەگىگە سالىستىرعاندا ٪10تەن جوعارى ارتقان. شينجياڭدا جاساۋ كاسىبىن ينتەرنەتپەن توعىستىرۋدان ۇلگى كورسەتەتىن 12 سىناق ءتۇيىن كاسىپورنى، 150 جۇيەلىك توپتاۋ جانە جۇمساق بولشەك كاسىپورنى تىڭنان كوبەيىپ، 6300دەن استام شينجياڭ كاسىپورنى ينتەرنەتتىك بۇلتقا قوسىلعان.
ءتىلشى اۆتونوميالى رايوندىق ونەركاسىپ جانە ينفورما تسيالاندىرۋ مەڭگەرمەسىنەن مىنالاردى ۇعىستى: بىلتىردان بەرى، رايونىمىز جاساۋ كاسىبىن ينتەرنەتپەن توعىستىرا دامىتۋدى ىشكەرىلەي ىلگەرىلەتىپ، ونەركاسىپتىك ينتەرنەت كاسىپ بىرلەستىگىن قۇرىپ، كاسىپتىڭ دامۋىن ىلگەرىلەتكەن؛ زەردەلى جاساۋ، دارالاندىرىپ بۇيىرتىپ جاساتۋ، قىزمەت وتەۋ سيپاتىنداعى جاساۋ، تورلاندىرىپ سايكەستىرۋ سياقتى جاساۋ كاسىبىنىڭ جاڭا ۇلگىسىن جەدەل جەتىلدىرگەن.
بيىل رايونىمىز سيفرلى ەكونوميكانىڭ جەدەل جەتىلۋىن اناعۇرلىم ىلگەرىلەتىپ، جىل سوڭىندا سيفرلى ەكونوميكانىڭ ارتقان قۇنىنىڭ بۇكىل رايونىمىزدىڭ ءوندىرىس جالپى ءونىم قۇنىندا ۇستايتىن سالماعىن ٪26تەن اسىرۋعا قۇلشىنادى. ونەركاسىپتىك ينتەرنەت تۇعىرىن قۇرۋدى جانە ەنگىزۋدى ىلگەرىلەتىپ، ونەركاسىپتىك ينتەرنەت تۇعىرىنىڭ رايونىمىزداعى كاسىپتىك بەلدى كاسىپورىندار مەن كاسىپتەر شوعىرلانعان رايوندا قولدانىلۋىن، جالپىلاستىرىلۋىن جەدەلدەتىپ، مەملەكەتتىڭ ونەركاسىپتىك ينتەرنەتتىك جاڭالىق اشۋ، دامىتۋ ارناۋلى نىسانى مەن سىناق ءتۇيىنى ۇلگى نىسانىن تياناق ەتىپ، رايونىمىز كاسىپورىندارىنىڭ ءوز شارت - جاعدايىنا ۇيلەسەتىن تۇرلىشە دارەجەدەگى ونەركاسىپتىك ينتەرنەت تۇعىرىن قۇرۋىن جەبەپ، ەل ىشىندەگى وزىق دەڭگەيگە جەتەتىن ءبىر دە ەكى ونەركاسىپتىك ينتەرنەت تۇعىرىن قالىپتاستىرۋعا كۇش سالادى.
ەلەكتر جەتكىزۋ، كەرنەۋ وزگەرتۋ، ەگىن، مال شارۋاشىلىق ماشينالارى، جاڭا ەنەرگيا جابدىقتارى، اۆتوكولىك سياقتى ءتۇيىندى سالالاردا رايونىمىز زەردەلى زاۆود، سيفرلى سەح قۇرىلىسىن جەدەل ىلگەرىلەتىپ، ادام مەن ماشينا زەردەسىنىڭ ءوزارا كەزەكتەستىگى، ونەركاسىپ قۇلتەمىرى سياقتى تەحنيكالار مەن جابدىقتاردىڭ ءوندىرىس بارىسىندا قولدانىلۋىن جەدەلدەتەدى. «شينجياڭ ۇيعۇر اۆتونوميالى رايونىنىڭ <شينجياڭ كاسىپورىندارىن ينتەرنەتتىك بۇلتقا قوسۋ> ارەكەت جوسپارىنىڭ (2018 − 2020 - جىل)» ورنالاستىرۋى بويىنشا، ينتەرنەتتىك بۇلتقا قوسىلعان 6300 كاسىپورىن نەگىزىندە، كاسىپورىنداردىڭ «ينتەرنەتتىك بۇلتقا، تۇعىرعا قوسىلۋىن» ءۇرتىس ىلگەرىلەتىپ جانە قولداپ، ينتەرنەتتىك بۇلت قىزمەتىن وتەيتىن ساۋداگەرلەردىڭ ينتەرنەتتىك بۇلت قىزمەت وتەۋ قابىلەتىن ءوسىرىپ، اۆتونوميالى رايونىمىزدا ينتەرنەتتىك بۇلتتان پايدالاناتىن 20 نەگىزگى كاسىپورىندى قالىپتاستىرىپ، 10 مىڭ كاسىپورىندى ينتەرنەتتىك بۇلتقا قوسىلۋعا جەتەكتەيدى.
