شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «جۇڭگو وقۋ - اعارتۋدى وسىزامانداندىرۋ 2035»تى باسىپ تاراتتى.
«جۇڭگو وقۋ - اعارتۋدى وسىزامانداندىرۋ - 2035»تە وقۋ - اعارتۋدى وسىزامانداندىرۋدى ىلگەرىلەتۋدىڭ سەگىز ۇلكەن نەگىزگى ۇستانىمى العا قويىلدى: ءمورالدى ماڭداي الدى ورىنعا قويۋعا اناعۇرلىم ءمان بەرۋ، جاپپاي دامىتۋعا اناعۇرلىم ءمان بەرۋ، بارلىق ادامعا باعىتتالۋعا اناعۇرلىم ءمان بەرۋ، ءومىر بويى ۇيرەنۋگە اناعۇرلىم ءمان بەرۋ، يكەمىنە قاراي وقىتۋعا اناعۇرلىم ءمان بەرۋ، تانىم مەن ارەكەتتىڭ بىرلىگىنە اناعۇرلىم ءمان بەرۋ، توعىستىرا دامىتۋعا اناعۇرلىم ءمان بەرۋ، بىرگە قۇرۋعا، بىرگە يگىلىكتەنۋگە اناعۇرلىم ءمان بەرۋ. جالپى تۇلعالىق نىساناسى: 2020 - جىلعا بارعاندا، «13 - بەسجىلدىق» دامۋ نىساناسىن جاپپاي جۇزەگە اسىرىپ، وقۋ - اعارتۋدىڭ جالپى تۇلعالىق قۋاتى مەن حالىقارالىق ىقپالىن كورنەكتى دارەجەدە كۇشەيتۋ، ەڭبەك جاسىنداعى ادامداردىڭ ورتاشا تاربيەلەنۋ جاس شەكتەمەسىن كورنەكتى دارەجەدە جوعارىلاتۋ، وقۋ - اعارتۋدى وسىزامانداندىرۋدا ماڭىزدى ىلگەرىلەۋشىلىكتەرگە قول جەتكىزۋ، جاپپاي دوڭگەلەك داۋلەتتى قوعام ورناتۋعا ماڭىزدى ۇلەس قوسۋ. وسى نەگىزدە، تاعى 15 جىل قۇلشىنىس جاساپ، 2035 - جىلعا بارعاندا، وقۋ - اعارتۋدى وسىزامانداندىرۋدى جالپى جاقتان جۇزەگە اسىرىپ، وقۋ - اعارتۋدا قۋاتتى ەلدەر قاتارىنان ورىن الىپ، ەلىمىزدى ۇيرەنۋدەگى ءىرى ەلگە، ادام كۇشى بايلىعى مىعىم ەلگە جانە دارىندىلار جاعىندا قۋاتتى ەلگە اينالدىرۋدى ىلگەرىلەتىپ، وسى عاسىردىڭ ورتا شەنىنە جەتكەندە باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ ءۇشىن بەرىك نەگىز قالاۋ.
