تيانشان تورى   ›   جاڭالىقتار   ›   سپورت الەمى

شينجياڭ «دەنە تاربيە كاسىبى ساۋىتى» داجۇڭ قار شاڭعى تەبۋ تەحنيكا جارىسى سانجىدا وتكىزىلدى

  قار - مۇز ساياحاتىن دامىتۋعا كۇش توپتادى

  ءتىلشى تاڭ كاندۇڭ 2 - ايدىڭ 24 - كۇنى سانجىدان حابارلايدى. 2 - ايدىڭ 23 - كۇنى 2019 - جىلعى جۇڭگو شينجياڭ «دەنە تاربيە كاسىبى ساۋىتى» داجۇڭ قار شاڭعى تەبۋ تەحنيكا جارىسى جانە سانجى قالاسى نورجا حالىقارالىق قار شاڭعى الاڭىنىڭ 2 - كەزەكتى «نورجا ساۋىتى» قار شاڭعى جارىسى قيمىلى سانجى قالاسى نورجا حالىقارالىق قار شاڭعى الاڭىندا وتكىزىلدى.

  ءۇرىمجى، سانجى، التاي، شىحىزى قاتارلى جەرلەردەن كەلگەن 100دەن ارتىق شاڭعى اۋەسكەرلەرى جارىسقا قاتىناستى. جارىستى اۆتونوميالى رايوندىق دەنە تاربيە مەكەمەسىنىڭ دەنە تاربيە كاسىبىن دامىتۋ ورتالىعى ۇيىمداستىردى، سانجى وبلىسى مادەنيەت، دەنە تاربيە، راديو - تەلەۆيزيا جانە ساياحات مەكەمەسى قاتارلىلار وتكىزدى، شينجياڭ كايجى باتىسقا ساياحات مادەنيەت اقپارات مەديا شەكتى سەرىكتەستىگى سەلبەسىپ ۇيىمداستىردى. بۇل رەتكى جارىس سپورتشىلاردىڭ جاس شەگى بويىنشا ەرەسەكتەر گرۋپپاسى جانە جاستار - ورەندەر گرۋپپاسى بولىپ ءبولىندى.

  سانجى قالاسى «قارلى دالا، مۇزدى القاپتىڭ ءوزى قىمباتتى بايلىق» ۇستانىمىن ايگىلەپ، قىس مەزگىلىندەگى قار - مۇزعا ساياحاتتاۋ كاسىبىن بەلسەندىلىكپەن جەتىلدىرىپ جانە دامىتىپ، قار - مۇز ساياحات مەرەكەسىن جانە ءتۇرلى جارىس قيمىلدارىن جەتەكشى ەتىپ، قار - مۇز ساياحاتىن جوقتان بار قىلىپ، كىشكەنەدەن ۇلعايتىپ، نورجا حالىقارالىق قار شاڭعى الاڭى، دۋشى ساياحات دەمالىس ءوڭىرى، لۇڭشان قار شاڭعى الاڭى، لىحو شاعىن قالاشىعى قاتارلىلاردى ۋاكىل ەتكەن ساياحات توپتاۋ - جونەلتۋ ورىندارىن قۇرىپ، قالىڭ قار - مۇز اۋەسكەرلەرىنىڭ سەيىل - سەرۋەن قۇرۋىنا، قونالقى ساياحاتىنان جانە شاڭعى تەبۋدەن ءلاززات الۋعا جول اشتى.

   2019 - جىلى كوكتەم مەرەكەسى دەمالىسىندا، سانجى قالاسى جيىنى 81 مىڭ 966 ادام - رەت ساياحاتشى قابىلداپ، سايكەس مەزگىلدەگىدەن ٪25.14 ارتقان؛ ساياحات كىرىسىن 134 ميلليون 966 مىڭ 600 يۋانعا جەتكىزىپ، سايكەس مەزگىلدەگىدەن ٪21.2ارتقان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى