تاياۋدا، مەملەكەتتىك دەنساۋلىق ساقتاۋ كوميتەتى « اقاۋسىز اۋىز قۋىسى قيمىلى جوباسىن (2019- 2025) » باسىپ تاراتتى. مۇندا بىلاي دەلىنگەن: 2025-جىلعا دەيىن، 12 جاستاعى بالالار تىسىنە قانقۇرت ءتۇسۋ سالىستىرماسىن %30 اينالاسىندا تەجەپ، ەرەسەكتەردىڭ كۇنىنە 2 ۋاق ٴتىس شوتكىلەۋىن %45 كە جەتكىزۋ كەرەك. 2016-جىلعى ساندى مالىمەتكە نەگىزدەلگەندە، ەرەسەكتەردىڭ كۇنىنە 2 رەت ٴتىس شوتكىلەۋ سالىستىرماسى تەك %36.1 بولعان. ءتىستىڭ اقاۋسىزدىعى سالاماتتىلىقپەن تىعىز بايلانىستى. ءتىس تازالىعىنا ٴار كۇنى ويداعىداي كوڭىل بولە الاسىز با؟
ءتىستى ۇدايى كولدەنەڭىنەن شوتكىلەمەگەن ءجون
نانجيڭ قالالىق 2-شيپاحانا اۋىز قۋىسى ٴبولىمىنىڭ شيپاگەرى جاۋ شۋان تىلشىگە بىلاي دەدى: ادەتتە ەرەسەكتەر جونىنەن، «باسس» ءتىس شوتكىلەۋ ءادىسىن قولدانۋدى ەسكەرتەمىز. ياعني، ەرەسەكتەرءتىسىن تاڭەرتەڭ، كەش، كۇنىنە 2 رەت، ءار رەتتە 3-تە 5 مينۋت اينالاسىندا شوتكىلەۋى كەرەك. بۇدان سىرت، ءتىس تازالاۋ جىپشەسى، ٴتىس جىگى شوتكىسى سياقتى قوسىمشا ءادىس-امالدارمەن ءتىستىڭ ىشكى قاباتىن تولىق تازالاۋعا بولادى.
جاۋ شۋان بىلاي دەدى:ءتىستى ويداعىداي شوتكىلەمەۋ، ءتىس اۋرۋلارىن تۋدىرادى، ياعني، قىزىل يەكتىڭ قابىنۋىن تۋدىرادى، ادەتتە، ءتىس تازالىعىنا كوڭىل بولمەگەندە، ۋاقىت ۇزارا كەلە ءتىستىڭ سىرتىندا ءبىرقابات قابىرشاق پايدا بولىپ، ءتىس ءتۇبى ٴىسىۋ، قاناۋ، قان شىعۋ، قابىنۋ سياقتى جاعدايلار تۋىلادى. ءتىستى تازا شوتكىلەمەۋ تىسكە قانقۇرت تۇسۋىندەگى سەبەپتەردىڭ ءبىرى. بۇدان سىرت، كلينيكادا، ءىشىنارا ادامدار ٴتىستى كولدەنەڭىنەن شوتكىلەۋگە ادەتتەنگەندىكتەن، ٴتىستىڭ سىرتقى قاباتى زاقىمدالىپ، سەزىمتال بولىپ وزگەرەدى. ۋاقىت ۇزارا كەلە ءتىس تازا شوتكىلەنبەيتىندىكتەن، قانقۇرت پايدا بولادى.
ءتىستى بالا كۇننەن باستاپ شوتكىلەۋگە ادەتتەنۋ كەرەك
جاۋ شۋان بىلاي دەدى: اقاۋسىز تۇرمىس ادەتىن قالىپتاستىرۋ ءۇشىن، بالا كۇننەن باستاپ جاقسى ادەت جەتىلدىرۋىمىز كەرەك. وقۋ الدىنداعى كوپ ساندى بالالاردىڭ ٴتىس اۋرۋى ءتىستى قاتە شوتكىلەۋدەن تۋىنداعان. 7 جاستان تومەنگى بالالاردىڭ ءتىسىن تازا شوتكىلەۋىنە ۇلكەندەر كومەكتەسۋى ءتيىس.