ءبىر تەلەفونمەن شينجياڭدى ساياحاتتاۋ
ءتىلشى ياۋ گاڭ 2 - ايدىڭ 25 - كۇنى ۇرىمجىدەن حابارلايدى. حۋبەيلىق ساياحاتشى فان جىگاڭ كوكتەم مەرەكەسى دەمالىسىندا ءۇرىمجى قالاسىندا ساياحاتتاعان كەزىندە ”ءبىر تەلەفونمەن شينجياڭدى ساياحاتتاۋ“ زەردەلى ساياحات تۇعىرى ارقىلى ساپارى اناعۇرلىم قولايلى، كوڭىلدى بولدى. تەلەفون ارقىلى فان جىگاڭ قوناقجاي توڭىرەگىندەگى كورىنىس تۇيىندەرى، كورىنىس رايوندارى، بەلەت باعاسى قاتارلى ينفورماتسيالاردى تەكسەرىپ ۇعىستى، سونداي - اق تەلەفونمەن كورىنىس رايونىنىڭ بەلەتىن ساتىپ الدى.
اۆتونوميالى رايوندىق مادەنيەت جانە ساياحات مەڭگەرمەسى زەردەلى ساياحات قۇرىلىسىن بەلسەنە ىلگەرىلەتىپ، ”ءبىر تەلەفونمەن شينجياڭدى ساياحاتتاۋ“ تۇعىرىن قۇردى، سونداي - اق جەر - جەردى الدىمەن جۇرگىزىپ، الدىمەن سىناۋعا شابىتتاندىردى.
”ءبىر تەلەفونمەن ءۇرىمجىنى ساياحاتتاۋ“ ساياحات تۇعىرى 1 - ايدا جەلىگە شىعارىلىپ جۇرگىزىلىپ، ساياحاتشىلارعا ايرىقشا قولايلىلىق اكەلىپ، ساياحاتتا قولايلىلىقتى كورنەكتى ارتتىردى. ”ساياحات جەتەكشىسى ەرتىپ تاماشالاتۋ“ يقۋاتى ارقىلى ساياحاتشىلار كورىنىس تۇيىنىندەگى زەردەلى دىبىستىق تۇسىندىرۋگە يە بولا الادى، ساياحات رايونىنداعى دارەتحانانىڭ ورنىن تەكسەرىپ كورە الادى. VR كوزىلدىرىگى ارقىلى 14 كورىنىس رايونىنىڭ 720 گرادۋستىق تولىق كورىنىس سۋرەتىن كورىپ، ءۇرىمجى قالاسىنىڭ كورىكتى كورىنىسىن كوزىمەن كورگەندەي تاماشالاي الادى.
تانىستىرۋعا قاراعاندا، ”ءبىر تەلەفونمەن ءۇرىمجىنى ساياحاتتاۋ“ تۇعىرى بيىل جوسپارلاۋ - ساتۋ، جالپىلاستىرۋ ارقىلى اناعۇرلىم كوپ ساياحاتقا قاتىستى كاسىپورىندى باۋراپ، ساياحاتشىلاردىڭ ءۇرىمجى قالاسىنداعى ساياحاتى اناعۇرلىم قولايلى بولادى ەكەن. ”ساياحاتقا قاتىستى كاسىپورىندار تۇعىردىڭ ءىرى ساندى مالىمەتتىك تالداۋى ارقىلى ساياحاتشىلاردىڭ ساياحات ونىمدەرىنە رازى بولۋ دارەجەسى سياقتىلاردى يگەرىپ، ونىمدەردىڭ قۇرىلىمىن رەتتەيدى، تۇتىنۋشىلار ۇناتاتىن ساياحات ونىمدەرىن شىعارادى. كولىك، ساياحات جەتەكشىسى قاتارلى فاكتورلاردىڭ ءتارتىپتى سەپتەلۋ ورەسىن جوعارىلاتىپ، ءۇرىمجى قالاسىنىڭ ساياحات كاسىبىنىڭ باسەكەلىك قۋاتىن ارتتىرۋعا بولادى“، - دەدى ءۇرىمجى قالالىق مادەنيەت جانە ساياحات مەكەمەسىنىڭ باستىعى جۋ شينرۇڭ.
”قازىر ساياحاتقا قاتىستى 300 نەشە كاسىپورىن الدەقاشان تۇعىرعا تياناقتاپ بولدى، سانجى حۇيزۋ اۆتونوميالى وبلىسىنىڭ’شوۋيوۋ شينجياڭ‘ زەردەلى ساياحات تۇعىرى بىلتىر 11 - ايدا ىسكە قوسىلىپ تيجارات جۇرگىزگەننەن بەرى، اينالىم جاعدايى جاقسى بولدى“. 2 - ايدىڭ 22 - كۇنى شينجياڭ سانجى تيڭجوۋ مادەنيەت - ساياحات قارجى قوسۋ توبى شەكتى سەرىكتەستىگىنىڭ ورىنباسار باس ديرەكتورى ۋاڭ جۇن وسىلاي دەدى. ”تۇعىر شينجياڭنىڭ جەرگىلىكتى ەرەكشەلىكتەگى’تاماقتانۋ، تۇرارجاي، ءجۇرىپ - تۇرۋ، ساياحات، زات ساتىپ الۋ، كوڭىل اشۋ‘ قاتارلى جان - جاقتى مازمۇندارىن توعىستىرىپ، ساياحاتشىلارعا ءبىر بەكەتتە قىزمەت وتەدى“. ول تاعى ءوزىنىڭ ىشكى جەرلەرگە بارىپ، قاتىستى كاسىپورىندارمەن اقىلداسىپ، تۇعىرداعى اۆتوكولىكتەردى جالعا بەرۋ تۇرىندەگى جۇمىستى بىرلەستىرمەكشى ەكەندىگىن ايتتى.
قازىر بۇكىل شينجياڭدا كوپتەگەن زەردەلى ساياحات تۇعىرى ىسكە قوسىلىپ بولعان. بيىل التاي ايماعى حۋاۋي تەحنيكالىق شەكتى سەرىكتەستىگىمەن اكىمشىلىك ىستەر بۇلتى، ءىرى ساندى مالىمەت تۇعىرى، زەردەلى تۇتاس وڭىرلىك ساياحات قاتارلى جاقتاردا سەلبەستىك جاساۋ نەگىزىندە، ايماقتىڭ ينفورماتسيالاندىرۋ ورەسىن اناعۇرلىم جوعارىلاتىپ، ساياحات قاتارلى كاسىپتەردىڭ دامۋىن جەبەيدى.
