تيانشان تورى   ›   ۇيرەنۋ   ›   شولۋ

بەيجيڭ - تيانجين - حىبەيدىڭ سايكەستى دامۋىنىڭ جاڭا جاۋابىن جازايىق

  شينحۋا اگەنتتىگىنىڭ شولۋشىسى

  بەيجيڭ قالاسىنىڭ قوسالقى ورتالىق قۇرىلىسى ءتارتىپتى ىلگەرىلەتىلدى، «بولاشاق قالا» شيۇڭ - ان ساقاداي سايلاندى، «رەليسپەن تۇتاسقان بەيجيڭ - تيانجين - حىبەي» جەدەل قالىپتاسىپ، كاسىپ سالاسىنىڭ دارەجەسىن كوتەرۋ، جوتكەۋ قانات جايىپ كەلەدى... بەيجيڭ - تيانجين - حىبەيدىڭ سايكەستى دامۋ ستراتەگياسىن اتقارۋدىڭ 5 جىلدىعى ساتىندە، اۋماعى 216 مىڭ شارشى كيلومەتر كەلەتىن، 100 ميلليوننان استام جان سانى بار بەيجيڭ - تيانجين - حىبەي بايتاق دالاسىندا كوكتەم رايى تەبىندەپ، جاڭا لەپ ەستى.

  پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەتتىڭ دامۋ جالپى جاعدايىن كوزدەپ، ەرەن ساياسي اقىل - پاراسات، ايبىندى دا كەڭ ستراتەگيالىق جۇلگە، كۇشتى بورىش جانە جاۋاپكەرشىلىك ارقالاۋ ارقىلى بەيجيڭ - تيانجين - حىبەيدىڭ سايكەستى دامۋىن اتقارۋ سىندى وسى كەلەلى مەملەكەتتىك ستراتەگيانى العا قويدى ءارى ىلگەرىلەتتى. باس شۋجي شي جينپيڭ بەيجيڭ - تيانجين - حىبەي وڭىرىنە ىلگەرىندى - كەيىندى 7 رەت بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، 10 رەت قاتىستى ءماجىلىس باسقارىپ اشىپ، بەيجيڭ - تيانجين - حىبەيدىڭ سايكەستى دامۋى ءۇشىن تامىر ۇستاپ، باعدار بەلگىلەدى، قۇدىرەتتى قوزعاۋشى كۇش ۇستەدى. پارتيا ورتالىق كوميتەتىنىڭ پارمەندى باسشىلىعىندا، تاراۋلار مەن جەرگىلىكتى ورىندار تىزە قوسىپ، كۇش بىرىكتىرىپ، شىنايى يگەرىپ، ناقتى ءىس ىستەپ، ۇزدىكسىز وي جۇگىرتىپ، نەگىز قالاپ، ناتيجە شىعارۋعا كۇش سالىپ، بەيجيڭ - تيانجين - حىبەيدىڭ سايكەستى دامۋىنىڭ ۇلى جوبادان رەالدىققا بىرتىندەپ اينالۋىن ىلگەرىلەتتى.

  كەزەكتە بەيجيڭ - تيانجين - حىبەيدىڭ سايكەستى دامۋى تاستى دومالاتىپ تاۋعا شىعۋدىڭ، ورگە كوتەرىلىپ، كەدەرگىلەردەن ءوتۋدىڭ، قامال الىپ، قيىنشىلىقتاردى جەڭۋدىڭ شەشۋشى كەزەڭىنە ءوتتى، اناعۇرلىم قات - قابات، جاپالى مىندەت ءالى دە الدا، ول اناعۇرلىم زور كۇشپەن ءۇرتىس العا ىلگەرىلەتۋدى قاجەت ەتەدى. ماسەلەنى باعدار ەتۋدەن جازباي، ارەكەتتىڭ بىرىككەن كۇشىن ۇيىستىرىپ، بەيجيڭ - تيانجين - حىبەيدىڭ سايكەستى دامۋى سىندى وسى ۇلكەن ءىستى ۇزدىكسىز ويداعىداي ىستەۋ، ناقتىلاندىرۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرۋدىڭ، تياناقتاندىرۋدىڭ تابيعي تالابى ءارى جاڭا داۋىردە رەفورمانى، دامۋدى ىلگەرىلەتۋدىڭ كوكەي تەستى قاجەتى.

  بەيجيڭ - تيانجين - حىبەيدىڭ سايكەستى دامۋى سىندى ۇلكەن ءىستى ويداعىداي ىستەۋ ءۇشىن، بەيجيڭنىڭ استاناعا جاتپايىن فۋنكتسيالارىن سەيىلتۋ سىندى وسى «مۇرىندىقتى» مىقتاپ ۇستاۋ كەرەك. بەيجيڭ جونىنەن العاندا، سەيىلتۋ − مولشەردى ازايتۋ، بەيجيڭ - تيانجين - حىبەي ءوڭىرى جونىنەن العاندا، سەيىلتۋ − ساپالىلاندىرۋ ەسەپتەلەدى. بەيجيڭنىڭ استاناعا جاتپايتىن فۋنكتسيالارىن سەيىلتۋدە تاسىلگە، ادىسكە اناعۇرلىم ءمان بەرىپ، ارتۋ مولشەرىن قاتاڭ مەڭگەرۋ مەن ساقتالۋ مولشەرىن سەيىلتۋدى ءوزارا ۇشتاستىرۋعا تاباندى بولىپ، بازارلانۋ، زاڭمەن جونگە سالۋ شارالارىن قولدانۋ ارقىلى ماسەلەنى شەشىپ، بەيجيڭنىڭ ”ۇلكەن قالا دىمكاسىن“ كۇش سالا شەشىپ، سايكەسۋدى، بىركەلكى بولۋدى ويداعىداي ىستەپ، دامۋدىڭ جالپى تۇلعالىق سيپاتىن كۇشەيتۋ كەرەك.

  بەيجيڭ - تيانجين - حىبەيدىڭ سايكەستى دامۋى سىندى ۇلكەن ءىستى ويداعىداي ىستەۋ ءۇشىن، «وزىمشىلدىك» وي قالىبىنان قۇلشىنا ارىلىپ، تۇزىلىستە، مەحانيزمدە جاڭالىق اشۋدى تەزدەتۋ كەرەك. كاسىپورىن تىركەۋىن وزگە جەردە باقىلاۋ - باسقارۋ، ەمدەۋ قامسىزداندىرۋىندا وزگە جەردە ەسەپ ايىرۋ سياقتى سىناق ءتۇيىنى قىزمەتىن ۇزدىكسىز ىلگەرىلەتىپ، تۇيىندەر ارقىلى جالپىنى ىلگەرىلەتىپ، اناعۇرلىم كەڭ كولەمدەگى قامال الۋدى جۇزەگە اسىرۋ؛ قارجى قوسۋدى ءبىر تۇلعالاندىرۋ، كەدەننەن ءوتۋدى ءبىر تۇلعالاندىرۋ سياقتى رەفورمالاردى ۇزدىكسىز تەرەڭدەتىپ، فاكتورلاردىڭ تولىق ەركىن اينالىمىن ىلگەرىلەتىپ، بىرلىككە كەلگەن وڭىرلىك ۇلكەن بازاردى قالىپتاستىرۋ كەرەك. ءار سالاداعى رەفورمانى ۇزدىكسىز تەرەڭدەتىپ، اكىمشىلىك باسقارۋ، بايلىقتى سەپتەۋ، فۋنكتسيانى جايعاستىرۋ سياقتى جاقتارداعى قامالدار مەن كەدەرگىلەردى ۇزدىكسىز الاستاپ، ءوڭىردىڭ سايكەستى دامۋىنا پايدالى ءتۇزىلىستى، مەحانيزمدى ورناتساق بولعانى، «جوبانى بىرگە جاساۋ» جالپى بەتتىك سانالى جانە ىرىقتى تالعامعا اينالاتىن بولادى.

  بەيجيڭ - تيانجين - حىبەي 3 جەردىڭ حالقىن دامۋ تابىسىنان تەڭ يگىلىكتەندىرۋ − سايكەستى دامۋدىڭ ءتۇبىرلى شىعار ءتۇيىنى جانە تابان تىرەر تياناعى. بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدە حالىقتى وزەك ەتۋگە تاباندى بولىپ، حالىق بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتۋ كەرەك. الەۋمەتتىك قىزمەت وتەۋ سالاسىندا ولقىلىقتاردى تولىقتاۋعا، ءالسىز تۇستاردى كۇشەيتۋگە ۇزدىكسىز كۇش سالىپ، ۇكىمەت جەتەكشىلىك ەتۋدى كۇشەيتۋ، بازار مەحانيزمىن ەنگىزۋ ارقىلى ءبىر توپ ءتۇيىندى الەۋمەتتىك قىزمەت وتەۋ ينجەنەريا نىساندارىنىڭ اتقارىلۋىن ىلگەرىلەتىپ، وقۋ - اعارتۋ، ەمدەۋ، مادەنيەت سياقتى ساپالى الەۋمەتتىك قىزمەت وتەۋ بايلىعىنىڭ تەپە - تەڭ جايعاسۋىن جەبەۋ كەرەك. بەيجيڭ مەن تيانجيننىڭ حىبەيگە باعىتتامالى كومەكتەسۋ - سۇيەمەلدەۋ قىزمەتىن ۇزدىكسىز ىلگەرىلەتىپ، بەيجيڭ - تيانجين - حىبەي 3 جەر اراسىنداعى حالىق تۇرمىسىن قامتاماسىز ەتۋ پارقىن ازايتىپ، 3 جەردەگى جۇرتشىلىقتىڭ «قول ۇستاسا دوڭگەلەك داۋلەتتى قوعامعا ۇمتىلۋ» ارمانىن جۇزەگە اسىرۋىنا مۇمكىندىك جاساۋ كەرەك.

  «بەيجيڭ - تيانجين - حىبەي ءبىر وزەكتەن ونگەن گۇل جاپىراقتارى ىسپەتتى، جاپىراقتارى ءار الۋان بولعانىمەن، وزەگى ءبىر». بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدە تەك ءبىر جاعادان باس، ءبىر جەڭنەن قول شىعارىپ ۇلى ىستەردى ىستەيتىن، ءبىر ۇلى جوبانى سوڭىنا دەيىن جۇرگىزەتىن بولساق، ءداۋىر مەن حالىققا اناعۇرلىم جاڭا، اناعۇرلىم تاماشا جاۋاپ بەرەتىن بولامىز.

  (شينحۋا اگەنتتىگىنىڭ 2 - ايدىڭ 25 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.