شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «جۇڭگو كوممۋنيستىك پارتياسىنىڭ ماڭىزدى، ەلەۋلى ىستەردە نۇسقاۋ سۇراۋ، مالىمدەۋ ەرەجەسى»ن (تومەندە قىسقارتىلىپ «ەرەجە» دەلىنەدى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار اتاپ كورسەتىلدى: نۇسقاۋ سۇراۋ، مالىمدەۋ ءتۇزىمى پارتيامىزدىڭ ماڭىزدى ساياسي ءتارتىبى، ۇيىمدىق ءتارتىبى، قىزمەت ءتارتىبى، دەموكراتيالىق ورتالىقتاندىرۋ ءتۇزىمىن اتقارۋدىڭ ءونىمدى قىزمەت مەحانيزمى، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ ىنتىماق بىرلىگىنە جانە ارەكەت بىردەيلىگىنە كەپىلدىك ەتۋدە ماڭىزدى ءمان الادى. «ەرەجە»نى جاساپ جاريالاۋ − ماڭىزدى، ەلەۋلى ىستەردە نۇسقاۋ سۇراۋ، مالىمدەۋ قىزمەتىنىڭ تۇزىمدەنۋ، جۇيەلىلەنۋ، عىلميلانۋ دەڭگەيىن جوعارىلاتۋعا ءتيىمدى.
حابارلاندىرۋدا مىنالار تالاپ ەتىلدى: ءار دارەجەلى پارتيا ۇيىمدارى «ەرەجە»نى ۇيرەنۋدى مۇقيات ۇيىمداستىرىپ، قالىڭ پارتيالى كادرلاردىڭ ماڭىزدى، ەلەۋلى ىستەردە نۇسقاۋ سۇراۋدىڭ، مالىمدەۋدىڭ ماڭىزدى ءمانىن، نەگىزگى پرينسيبىن، باستى مازمۇنىن جانە قىزمەت تالابىن دۇرىس يگەرۋىنە مۇمكىندىك جاساپ، يدەيالىق سانالىلىق پەن ارەكەت سانالىلىعىن كۇشەيتۋ كەرەك. ءار دارەجەلى باسشى كادرلار ساياسي جاۋاپكەرشىلىكتى شىنايى ارقالاپ، ءوز ءوڭىرىنىڭ، ءوز تاراۋىنىڭ «ەرەجە»دە بەلگىلەنگەن تۇلعا، ءىس، ءتارتىپ جانە ءادىس بويىنشا نۇسقاۋ سۇراۋ، مالىمدەۋ قىزمەتىن مۇقيات جاقسى ىستەۋىنە كەپىلدىك ەتۋ كەرەك. ورتالىقتاعى ءارقايسى تاراۋلار، ورتالىقتاعى مەملەكەت ورگاندارىنىڭ پارتيا باسشىلىق گرۋپپالارى (پارتكوم) ”ەرەجە“نى باستاماشىلدىقپەن اتقارىپ، پارتيا ورتالىق كوميتەتىنەن نۇسقاۋ سۇراۋ، مالىمدەۋ قىزمەتىن شىنايى كۇشەيتۋ ءارى ”ەرەجە“نىڭ تالابى بويىنشا ءوز جۇيەسىنىڭ، ءوز سالاسىنىڭ نۇسقاۋ سۇراۋ، مالىمدەۋ قىزمەتىنە جەتەكشىلىك ەتۋدى كۇشەيتۋ كەرەك. ”ەرەجە“نىڭ اتقارىلۋ جاعدايىنا باقىلاۋ - تەكسەرۋ جۇرگىزۋدى كۇشەيتىپ، بەلگىلەمەلەردىڭ قاز - قالپىندا تياناقتانۋىنا كەپىلدىك ەتۋ كەرەك.
”جۇڭگو كوممۋنيستىك پارتياسىنىڭ ماڭىزدى، ەلەۋلى ىستەردە نۇسقاۋ سۇراۋ، مالىمدەۋ ەرەجەسى“ جالپى 8 تاراۋ، 48 تارماق، 2019 - جىلى 1 - ايدىڭ 31 - كۇنىنەن باستاپ اتقارىلدى.
