شي جينپيڭ قىزمەتتەن ەسەپ بەرۋ بايانداماسىن مۇقيات تەكسەرىپ وقىدى ءارى ماڭىزدى تالاپ قويىپ، پارتيا مەن حالىق جۇكتەگەن تاريحي جاۋاپكەرشىلىكتى ويداعىداي وتەپ، كوممۋنيستەردىڭ ساياسي قاسيەتى مەن توڭكەرىستىك رۋحىن ماڭگى ساقتاپ، پارتيا مەن حالىق ءۇشىن تىڭعىلىقتى قىزمەت ىستەۋ كەرەكتىگىن باسا دارىپتەدى
شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. «جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ جانە قورعاۋ جونىندەگى ءبىرقانشا بەلگىلەمەلەرىندە» ورتالىق كوميتەتتىڭ ساياسي بيۋروسىنداعى جولداستاردىڭ ءار جىلى پارتيا ورتالىق كوميتەتى مەن باس شۋجي شي جينپيڭگە قىزمەتتەن جازباشا ەسەپ بەرۋى تالاپ ەتىلگەن. تاياۋدا ورتالىق كوميتەتتىڭ ساياسي بيۋروسىنداعى جولداستار بەلگىلەمە بويىنشا پارتيا ورتالىق كوميتەتى مەن باس شۋجي شي جينپيڭگە قىزمەتتەن جازباشا ەسەپ بەردى. شي جينپيڭ قىزمەتتەن ەسەپ بەرۋ بايانداماسىن مۇقيات تەكسەرىپ وقىپ شىقتى. ول مىنانى باسا دارىپتەدى: 19 - كەزەكتى ورتالىق كوميتەتتىڭ ساياسي بيۋروسى پارتيا مەن حالىق جۇكتەگەن تاريحي جاۋاپكەرشىلىكتى ويداعىداي وتەپ، كوممۋنيستەردىڭ ساياسي قاسيەتى مەن توڭكەرىستىك رۋحىن ماڭگى ساقتاپ، پارتيا مەن حالىق ءۇشىن تىڭعىلىقتى قىزمەت ىستەۋى كەرەك. ورتالىق كوميتەتتىڭ ساياسي بيۋروسىنداعى جولداستار قايراتتانا العا ۇمتىلىپ، قيىندىقتاردان قامال الىپ، جاۋاپكەرشىلىك ارقالاۋعا باتىل، كۇرەس جۇرگىزۋگە باتىل بولىپ، پاك، تەجەمدى بولىپ، قاشاندا جالپىنىڭ قامىن ويلاپ، بۇكىل پارتياعا ۇلگى، ونەگە كورسەتۋى كەرەك.
ورتالىق كوميتەتتىڭ ساياسي بيۋروسىنداعى جولداستار ءبىر جىلدان بەرگى مىندەت اتقارىپ، بورىشتارىن وتەۋ جاعدايى توڭىرەگىندە قىزمەتتەن ەسەپ بەرۋ جازباشا بايانداماسىن دەن قويا جازدى. قىزمەتتەن ەسەپ بەرۋ بايانداماسى پارتيا ورتالىق كوميتەتى مەن باس شۋجي شي جينپيڭنىڭ تالابىنا قاتاڭ تۋرالانىپ، سالىستىرىلىپ، يدەيامەن، قىزمەتپەن، ستيلمەن ساباقتاستىرىلدى، وندا تاجىريبەلەر قورىتىندىلانعان جانە تانىمدىق اسەر دە بار، ماسەلەلەر ورتاعا قويىلعان جانە جاقسارتۋ شارالارى دا العا قويىلعان، قىزمەت جوسپارى دا بار، پىكىر - ۇسىنىستار دا بار.
ورتالىق كوميتەتتىڭ ساياسي بيۋروسىنداعى جولداستاردىڭ قىزمەتتەن ەسەپ بەرۋ بايانداماسىنىڭ باستى مازمۇنى تومەندەگىدەي:
ورتالىق كوميتەتتىڭ ساياسي بيۋروسىنداعى جولداستار ”ءتورت تانىم“ دى كۇشەيتىپ، ”ءتورت سەنىم“دى بەكەمدەپ، باس شۋجي شي جينپيڭنىڭ ۇيتقىلىق ورنى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن قورعاۋدى سانالى تۇردە ەڭ ۇلكەن ساياسي پرينسيپ جانە ءتۇبىرلى ساياسي قاعيدا ەتىپ، قورعاۋ تانىمىن كۇشەيتۋگە، قورعاۋ ارەكەتىن بەكەمدەۋگە، قورعاۋ قابىلەتىن جوعارىلاتۋعا، قورعاۋ ونىمىنە شىنايى كەپىلدىك ەتۋگە باسا ءمان بەرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا سانالى تۇردە شي جينپيڭ جولداستى ۇيتقى ەتكەن پارتيا ورتالىق كوميتەتىمەن ايرىقشا ءبىر اۋىزدىلىقتى ساقتادى.
ورتالىق كوميتەتتىڭ ساياسي بيۋروسىنداعى جولداستار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى ماڭداي الدى ساياسي مىندەت ەتىپ، وعان قامتىلعان بورىشتىلىق پەيىلدى سەزىنىپ، وعان ارقاۋ ەتىلگەن ماركستىك تۇرعىنى، كوزقاراستى، ءادىستى يگەرىپ، تەرەڭ ءۇڭىلىپ، زەر سالا زەرتتەپ، ۇيرەنىپ، وي جۇگىرتىپ، امالياتتا ايگىلەپ، ۇعىنىپ، ودان اقيقات كۇشىن، يدەيالىق كۇش، امالياتتىق كۇش قابىلدادى، سونىمەن قاتار وزدەرى باسقاراتىن سالالاردى جەتە ۇيرەنۋگە، جەتە ۇعىنۋعا، شىنايى تياناقتاندىرۋعا كۇش سالۋعا قۋزادى جانە وعان جەتەكشىلىك ەتتى.
ورتالىق كوميتەتتىڭ ساياسي بيۋروسىنداعى جولداستار پارتيا مەن مەملەكەت ىستەرىنىڭ دامۋ جالپى جاعدايىنا نازار اۋدارىپ، نازاردى وزدەرى باسقاراتىن سالالارداعى ماڭىزدى قىزمەتكە، كەلەلى رەفورماعا، ءتۇيىندى مىندەتكە شوعىرلاندىرىپ، باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتاندىرىلىپ، تەرەڭ تامىر تارتۋىن ىلگەرىلەتتى. اسىرەسە، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتىپ، كورنەكتى قايشىلىقتار مەن كوكەي تەستى ماسەلەلەردى شەشۋگە كۇش سالىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىنىڭ ناقتاپ تياناقتاندىرىلۋىنا شىنايى كەپىلدىك ەتتى.
ورتالىق كوميتەتتىڭ ساياسي بيۋروسىنداعى جولداستار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى اتقارۋ جاعدايىن سانالى تۇردە پارتيا ورتالىق كوميتەتى مەن باس شۋجي شي جينپيڭگە مالىمدەپ، كەلەلى ماسەلەلەر، كەلەلى ىستەر، كەلەلى قىزمەتتەر جونىندە دەر كەزىندە پارتيا ورتالىق كوميتەتى مەن باس شۋجي شي جينپيڭنەن نۇسقاۋ سۇراپ وتىردى.
ورتالىق كوميتەتتىڭ ساياسي بيۋروسىنداعى جولداستار دەموكراتيالىق ورتالىقتاندىرۋ ءتۇزىمىنىڭ ءار ءتۇرلى تۇزىمدىك تالاپتارىنا قاتاڭ بويسۇنىپ، وزدەرى باسقاراتىن سالالاردا، وزدەرى باسقاراتىن قىزمەتتەردە دەموكراتيانى تولىق ساۋلەلەندىرىپ، كەڭ كولەمدە پىكىر تىڭدادى ءارى دۇرىس ورتالىقتاندىرۋ جۇرگىزىپ، قاتاڭ تۇردە ءتارتىپ بويىنشا شەشىم جاسادى، قاعيدا بويىنشا ءىس ىستەدى.
ورتالىق كوميتەتتىڭ ساياسي بيۋروسىنداعى جولداستار تەكسەرۋ - زەرتتەۋدى جاقسارتۋ، ءماجىلىس قيمىلدارىن ىقشامداۋ، حۇجات، جيناق مالىمەتتەردى ىقشامداۋ، ساپارعا شىعۋ قيمىلدارىن ارناعا ءتۇسىرۋ، اقپاراتتىق حابارلاۋدى جاقسارتۋ، ۇقىپتى، ۇنەمشىل بولۋ جاقتارىندا بەلگىلەمە بويىنشا ىستەپ، ”ءتورت بۇرىس نىساي“عا، اسىرەسە، فورماشىلدىق، تورەشىلدىك ماسەلەلەرىنە قارسى تۇردى. ورتالىقتىڭ «8 ءتۇرلى بەلگىلەمەسى»نىڭ رۋحىنىڭ وزدەرى باسقاراتىن سالالاردا دايەكتىلەندىرىلۋىن، تياناقتاندىرىلۋىن ويداعىداي يگەردى.
ورتالىق كوميتەتتىڭ ساياسي بيۋروسىنداعى جولداستار پارتيالى باسشى كادرلاردىڭ پاك، تەجەمدى بولۋ ولشەمىن قاتاڭ اتقارىپ، ۇساق - تۇيەك، كىشى - گىرىم ىستەردە وزدەرىن تەجەۋگە باسا ءمان بەرىپ، تۋىس - تۋعاندارى مەن جانىنداعى قىزمەتكەرلەردى تاربيەلەۋدى، باسقارۋدى كۇشەيتتى.
