تيانشان تورابى   ›   ۇيرەنۋ   ›   شولۋ

نازاريالىق جەتىلىمدى كۇشەيتىپ، ءوزىن ۇزدىكسىز ىسىلدىرۋ كەرەك

  − باس شۋجي شي جينپيڭنىڭ ورتا جاس، جاس كادرلار كۋرسىنىڭ باستالۋ سالتىنداعى ماڭىزدى ءسوزىن ۇيرەنۋ جونىندە

   حالىق گازەتىنىڭ شولۋشىسى

  ۇزدىك جاس كادرلاردى باۋلۋ، تاڭداپ ءوسىرۋ − عاسىرلىق ۇلى جوسپار، پارتيانىڭ تاعدىرىنا، مەملەكەتتىڭ تاعدىرىنا، ۇلتتىڭ تاعدىرىنا، حالىقتىڭ باقىتىنا سايادى.

  2019 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ باستالۋ سالتىندا، باس شۋجي شي جينپيڭ پارتيا مەن حالىق ىستەرىنىڭ ۇزاق بولاشاقتىق دامۋىنىڭ ستراتەگيالىق دەڭگەيىنەن، جاڭا ءداۋىردىڭ تالابىنا ۇيلەسەتىن جوعارى ساپالى كاسىبي جاس كادرلار قوسىنىن قۇرۋدى كوزدەي وتىرىپ، قالىڭ كادرلاردىڭ، اسىرەسە، جاس كادرلاردىڭ جاڭا ءداۋىردىڭ امالياتىندا شىڭدالىپ، جەتىلۋىنە ايقىن تالاپ قويدى. باس شۋجي شي جينپيڭنىڭ ماڭىزدى ءسوزى تەرەڭ ماعىناعا، شىنايى ۇمىتكە تولى، قالىڭ كادرلاردى، اسىرەسە، جاس كادرلاردى جاڭا داۋىرگە اتويلاي ۇمتىلۋعا، جاڭا جاۋاپكەرشىلىگىن كۇشەيتۋگە، جاڭا ىسكەرلىك كورسەتۋگە ايرىقشا ىنتالاندىردى جانە شابىتتاندىردى.

  ۇزدىك جاس كادرلاردى بايقاۋ، باۋلۋ، تاڭداپ ءوسىرۋ − پارتيا ىستەرىنىڭ مۇراگەرى بولۋىنا جانە مەملەكەتتىڭ باياندى تىنىشتىعىنا قاتىستى كەلەلى ستراتەگيالىق مىندەت. جوعارى ساپالى كاسىبي جاس كادرلار قوسىنىن قالاي قۇرۋ كەرەك؟ مۇنداعى شەشۋشى ءتۇيىن − جاڭا ءداۋىردىڭ تالابىنا ۇيلەسەتىن ۇزدىك جاس كادرلاردى ەرتە بايقاۋ، دەر كەزىندە باۋلۋ، دامىلسىز تاڭداپ ءوسىرۋ، ىستەتۋ. قايتكەندە پارتيا مەن حالىقتىڭ قاجەتىنەن شىعاتىن، داۋىرلىك اۋىر مىندەتتى ارقالاي الاتىن ۇزدىك جاس كادر بولىپ جەتىلۋگە بولادى؟ مۇنداعى شەشۋشى ءتۇيىن باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭ العا قويعان ايقىن تالاپتار بويىنشا ۇنەمى ۇيرەنۋ، ۇنەمى جاڭارۋ بارىسىندا نازاريالىق جەتىلىمدى كۇشەيتىپ، شىنايى ۇيرەنۋ، شىنايى سەنۋ بارىسىندا مۇرات - سەنىمدى بەكەمدەپ، ۇيرەنۋ، وي جۇگىرتۋ، امالياتتا ايگىلەۋ، ۇعىنۋ بارىسىندا اۋەلگى ماقساتتى، بورىشتى ەستە بەرىك ساقتاپ، دەن قويا سالىستىرىپ، ادالدىقپەن اتقارۋ بارىسىندا ءوزىن ۇزدىكسىز ىسىلدىرىپ، تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، پارتياعا ادال كوڭىلدى، حالىققا العىس سەزىمدى، ىسكە تالاپتىلىقتى، زاڭ - ءتارتىپ الدىنداعى يمەنۋدى ساقتاپ، سەنىمى بەرىك، ساياسيدا قاتاڭ، قابىلەتتە جوعارى، ستيلدە ىسىلعان بولۋ.

  پارتيانى يدەيالىق جاقتان قۇرۋ − پارتيامىزدىڭ ماڭىزدى اسىلى. ساياسيداعى تاباندىلىق، پارتيالىلىقتاعى تاباندىلىق نازارياداعى تاباندىلىقتان ايرىلا المايدى. كادرلار ءوسىپ - جەتىلۋ ءۇشىن، ءسوز جوق، ماركسيزم نازارياسىمەن قارۋلانۋدى كۇشەيتۋى كەرەك. پارتيامىز ءبىر ميلليارد 400 ميلليونعا جۋىق حالقى بار جۇڭگوداي ءىرى ەلدە بيلىك جۇرگىزىپ، توتەنشە كۇردەلى ەل ءىشى - سىرتى ورتاسىندا بيلىك جۇرگىزۋدىڭ اۋىر بورىشىن ارقالاپ وتىر، ەگەر نازاريالىق وي تولعامى جەتەرسىز بولسا، ءتۇرلى حاۋىپ - قاتەر مەن قيىنشىلىقتى جەڭە الۋى ءارى ۇزدىكسىز العا باسۋى مۇمكىن ەمەس. بۇل بىزدەن نازاريا ۇيرەنۋدى كۇشەيتىپ، ديالەكتيكالىق ماتەرياليزم مەن تاريحي ماتەرياليزمدى يگەرىپ جانە قولدانىپ، وعان ارقاۋ ەتىلگەن ماركستىك تۇرعىنى، كوزقاراستى، ءادىستى يگەرىپ، كوممۋنيستىك پارتيانىڭ بيلىك جۇرگىزۋ زاڭدىلىعىن، سوتسياليستىك قۇرىلىس زاڭدىلىعىن، ادامزات قوعامىنىڭ دامۋ زاڭدىلىعىن تەرەڭدەي تانۋدى تالاپ ەتەدى. قالىڭ كادرلار، اسىرەسە، جاس كادرلار نازاريا ۇيرەنۋگە زەيىن - زەردەسىن جۇمساۋعا پەيىل بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى باستى تاقىرىپ ەتىپ، اۋەلگى شىعارمانى وقۋعا، ءتۇپ نۇسقانى ۇيرەنۋگە، قاعيداسىن ۇعىنۋعا تاباندى بولىپ، تەرەڭ بويلاي ۇيرەنىپ، ناقتاپ ۇيرەنىپ، كوكەيگە توقىپ، ءوزىن، قىزمەت جاۋاپكەرشىلىگىن، قىزمەتىن بايلانىستىرا وتىرىپ، ۇيرەنۋدى، وي جۇگىرتۋدى، قولدانۋدى توعىستىرۋ، تانىمدى، سەنىمدى، ارەكەتتى بىرلىككە كەلتىرۋ كەرەك. وسىلاي ىستەگەندە عانا بەرىلە وقىپ، قۇنتتاپ ەستە ساقتاۋ، ۇنەمى ۇيرەنىپ، ۇنەمى جاڭارۋ بارىسىندا نازاريالىق جەتىلىمدى كۇشەيتىپ، نازاريالىق نەگىزدى بەكەمدەۋگە بولادى.

  بيلىك جۇرگىزۋدىڭ جولى ءوزىن تاربيەلەۋدى نەگىز ەتۋدە. كادرلاردىڭ پارتيالىلىق جەتىلىمى، ءمورالدىق دەڭگەيى قايتكەندە ۇزبەي جوعارىلايدى؟ مۇنىڭ تەتىگى ءوزىن تاربيەلەۋدى، ءوزىن تەجەۋدى، ءوزىن وزگەرتۋدى كۇشەيتۋدە. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنا پارتيانىڭ ەل باسقارۋ جونىندەگى ماڭىزدى يدەياسى قامتىلىپ قانا قالماستان، جۇڭگو كوممۋنيستەرىنىڭ ساياسي قاسيەتى، قۇن تالپىنىسى، رۋحاني ۇجدانى، ستيلدىك قۇلقى تۋرالى تالاپ تا ارقاۋ بولعان. تەك ءارقاشان سالىستىرىپ، امالياتتا ايگىلەگەندە عانا ءوزىن ۇزبەي كەمەلدەندىرىپ، ءوزىن جوعارىلاتۋعا بولادى. ءوزىن تاربيەلەۋدىڭ نەگىزى جان دۇنيەنى شىڭداۋدا. جان دۇنيەنى شىڭداۋدا، الدىمەن، تۋى ايقىن تۇردە ساياسيدى دارىپتەۋ، ساياسي تاباندىلىقتى جەتىلدىرىپ، باستان - اياق پارتيامەن ءبىر نيەتتى ساقتاۋ كەرەك؛ ساياسي كورەگەندىككە جاتىلىپ، ساياسي سەزگىرلىك پەن ساياسي پارىقتاۋ قۋاتىن ۇزبەي ارتتىرۋ كەرەك؛ ساياسي قاعيدادان بۇلجىماي، سانالى تۇردە ساياسيدا اڭعارلى ادام، شىنايى ادام بولۋ كەرەك. ساپالىق جەتىلىمدى شىڭداپ، رۋحاني تالپىنىستان جازباي، ءمورالدىق قۇلىق جەتىلدىرىپ، كىرشىكسىز بولۋ، ءوزىن تارتىپپەن ۇستاۋ سىندى وسى ارقاۋدى باستان - اياق مىقتاپ شيراتىپ، دۇرىس قىزمەت ناتيجەسى كوزقاراسىن ورناتىپ، ناقتى ناتيجە شىعارۋ كەرەك.

  ”ءبىر جىلدىڭ قامى ءۇشىن داقىل ەگۋ، ون جىلدىڭ قامى ءۇشىن اعاش ەگۋ، ومىرلىك قام ءۇشىن ادام تاربيەلەۋ كەرەك“. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تەتىگى پارتيادا، تەتىگى ادامدا، سايىپ كەلگەندە، ۇرپاقتار بويى سەنىمدى ءىزباسار، باۋلۋدا، جەتىلدىرۋدە. باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، ءارجاقتىڭ، ءارسالانىڭ ۇزدىك باسشى دارىندىلارىن بيلىك جۇرگىزۋدىڭ تىرەكتى قوسىنىنا شوعىرلاندىرساق، ءسوز جوق، ”قوس 100 جىل“دىق كۇرەس نىساناسىن ىسكە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جەتكىلىكتى كادرلار قورىن جانە دارىندى كەپىلىن ازىرلەي الامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى