تىڭ جورىققا بىرگە اتتانىپ، جاڭا بورىشتى بىرگە ارقالايىق

　　− مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ اشىلۋىنا نازار

　　تىلشىلەر جاۋ جىيۇن، رىن جياڭ

　　3 - ايداعى بەيجيڭگە دۇيىم جۇرت كوز تىگۋدە. 3 - ايدىڭ 3 - كۇنى مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناساتىن شينجياڭدا تۇراتىن مەملەكەتتىك ساياسي كەڭەستىڭ مۇشەلەرى بۇكىل شينجياڭداعى ءار ۇلت كادرلارىنىڭ، بۇقارانىڭ، ءار سالاداعى قايراتكەرلەردىڭ تىلەگى مەن ماڭىزدى تاپسىرماسىن ارقالاپ، حالىق سارايىنا نىق قاداممەن كىرىپ، مەملەكەتتىك ساياسي كەڭەستىڭ بۇكىل ەلىمىزدىڭ جەر - جەرىنەن كەلگەن 2000نان استام مۇشەلەرىمەن بىرگە، كوكتەمدە اشىلعان وسى ءبىر سالتاناتتى جينالىسقا قاتىناستى.

　　ءبىر جىلدان بەرى، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جۇرت ءۇنىن كوڭىل قويا تىڭداپ، جۇرت تىلەگىن توپتاپ، حالىق پاراساتىن شوعىرلاندىرىپ، ماسەلەنىڭ جاۋابىن اماليات بارىسىندا قاراستىردى؛ ۇسىنىس، كەڭەس بەرىپ، ورتاق تانىم ۇيىستىرىپ، شىندىققا جۇگىنىپ، ناقتى ءىس ىستەۋ ارقىلى مىندەتتەرىن ادا ەتىپ، كەڭەستىك دەموكراتيانىڭ جوعارى ءونىمدى جۇرگىزىلۋىن جەبەدى.

　　ءماجىلىس ساعات ءدال 15تە اشىلدى. مۇشەلەر مەملەكەتتىك ساياسي كەڭەس 13 - كەزەكتى كوميتەتى تۇراقتى كوميتەتىنىڭ قىزمەت بايانداماسىن جانە ۇسىنىس جوبا قىزمەتى جاعدايى جونىندەگى باياندامانى تىڭدادى. تۇجىرىمدى دا ناقتىلى بايانداما ساياسي كەڭەس قىزمەتىنىڭ كەسەك تابىستارىن تولىق ايگىلەپ، جاڭا ءبىر جىلداعى قىزمەتتىڭ تاماشا جوباسىن تۇلعالاپ، مۇشەلەردىڭ كۇشتى ۇندەستىگىن قوزعادى. قايتا - قايتا سوعىلعان قىزۋ شاپالاق ءۇنى مۇشەلەردىڭ وتكەن ءبىر جىلداعى قىزمەتتى تولىق تۇراقتاندىرعاندىعىن ءبىلدىردى، ونان دا ماڭىزدىسى، مۇشەلەردىڭ جاڭا باستامادا ەكونوميكالىق، قوعامدىق دامۋدى تىڭعىلىقتى ىلگەرىلەتۋدەگى وسكەلەڭ جاۋاپكەرشىلىك سەزىمدەرى مەن بورىشتىلىق سەزىمدەرى قامتىلعان.

　　مۇشە دىڭ حۇڭ بىلاي دەپ قارادى: باياندامانىڭ دەڭگەيى جوعارى، ورنى ءدال تۇراقتاندىرىلعان، باعىتى ايقىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسى باستان - اياق دايەكتىلەندىرىلگەن. ”جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايىنان كەيىن، دەموكراتيالىق پارتيا، توپتارداعى قايراتكەرلەر ساحنانىڭ ءتىپتى دە ۇلكەن، قىزمەت مىندەتىن اتقارۋ ورىستەرىنىڭ ءتىپتى دە كەڭ ەكەندىگىن تەرەڭ سەزىندى. ءبىز، ءسوز جوق، ونان ارى ىشكەرىلەي تەكسەرۋ − زەرتتەۋ جۇرگىزگەندە عانا، بەلسەنە اقىل قوسىپ، كەڭەس بەرە الامىز“.

　　”ناتيجە شىنايى دا ناقتى ىستەۋدەن كەلەدى. بىلتىر ساياسي كەڭەس قىزمەتى ءتىپتى دە ناقتى ىستەلدى، كەڭەسۋدى، ۇكىمەت ىستەرىن اقىلداسۋدى جاسامپازدىقپەن ورىستەتتى، كەڭەس تاقىرىبى تۇگەلدەي قوعام نازار اۋدارعان قولامتالى تۇيىندەر مەن قيىن تۇيىندەر بولدى“. مۇشە ياڭ جيە بىلاي دەدى: بايانداما ىقشامدى، تۇجىرىمدى، ءتۇيىن كورنەكتىلەندىرىلگەن، بيىلعى قىزمەت نىسانامدى ءتىپتى دە ايقىنداپ بەردى. مىندەت ايقىندالدى، وي - جەلى انىق بولدى، رەفورماعا، دامۋعا، ءسوز جوق، مۇنان دا كوپ، مۇنان دا جاقسى پىكىرلەر مەن ۇسىنىستار بەرەمىن.

　　مەملەكەتتىك ساياسي كەڭەس 13 - كەزەكتى كوميتەتىنىڭ 1 - ماجىلىسىندە ەستەلىككە الىنعان ۇسىنىس جوبا 4567 بولىپ، 165 مىندەتكە الۋشى ورىننىڭ ءبىر جاقتى ەتۋىنە تاپسىرىلدى، 2019 - جىلى 2 - ايدىڭ 20 - كۇنىنە دەيىن، %99.2تى ءبىر جاقتى ەتىلىپ، جاۋاپ قايتارىلدى. مۇشە باعداۋلەتتىڭ وسى ساندار جونىنەن العان اسەرى تەرەڭ: ”كوپتەگەن ۇسىنىس جوبا جوعارى ساپالى دامۋدى جەبەۋگە شوعىرلاندى نەمەسە حالىقتىڭ قۇت - ىرىسىن ارتتىرۋعا شوعىرلاندى، كەلەلى ىستەردى يگەرۋگە، كەلەلى ىستەردى اقىلداسۋعا ورتاق تانىم ۇيىستىرىپ، 13 - كەزەكتى مەملەكەتتىك ساياسي كەڭەس مىندەت اتقارعان باستاما جىلى جاقسى جاۋاپ قايتاردى“.

　　”ءبىز قىزمەتتى تىڭعىلىقتى، جۇيەلى ىستەسەك عانا، ارقالاعان جاۋاپكەرشىلىگىمىزدى ادا ەتە الامىز“، - دەدى مۇشە ۋ گاڭ. بىلتىر ول وڭتۇستىك شينجياڭعا 6 رەت بارىپ اۋىل - قىستاقتاردىڭ دامۋ جاعدايىن تەكسەرىپ، بۇقارانىڭ جۇرەك ءۇنىن دەن قويا تىڭدادى.

　　”ساياسي كەڭەس مۇشەسى رەتىندە، ءبىز بۇقارانىڭ ايتپاقشى بولعان ءسوزىن، ءۇمىت كۇتكەن ىستەرىن ەكى ماجىلىسكە الا كەلۋىمىز، سول سالاعا ۋاكىلدىك ەتەتىن بۇقارامەن تىعىز بايلانىس جاساپ، ولاردىڭ نازار اۋدارعان تۇيىندەرىنەن ۇكىمەت ىسىنە ارالاسۋ، ۇكىمەت ءىسىن كەڭەسۋ تاقىرىپتارىن تاۋىپ، كوپشىلىككە حالىق ساياسي كەڭەسىنىڭ بۇقاراعا توتەنشە جاقىن ەكەندىگىن قۇلشىنا سەزىندىرۋىمىز كەرەك“. مۇشە ءدىلنار ابىلا: ”ۇلى ءداۋىر جاسامپازدىق ىنتامىزدى قوزعادى، بيىل نەگىزگى ساتىلاردى ىشكەرىلەي ارالاپ، ءتىپتى دە جاقسى تۋىندىممەن جاڭا ءداۋىردى بەينەلەيمىن، جاڭا ءداۋىردى ەستەلىككە الامىن، جاڭا ءداۋىردى ايگىلەيمىن“، - دەدى.

   　جەلكەن جايىپ، ساپارعا اتتاناتىن كەز كەلدى، ەكپىندەي العا ىلگەرىلەيتىن تاعى ءبىر جىل باستالدى. مۇشەلەر كوكىرەك تولى سەنىممەن، جاڭا جورىققا بىرگە اتتانىپ، تىڭ بورىشتى بىرگە ارقالاپ، قىزمەت مىندەتىن اتقارۋ، جاۋاپكەرشىلىكتى ادا ەتۋ ءىس جۇزىندىك ارەكەتىمەن جاڭا جۇڭگو قۇرىلعاندىعىنىڭ 70 جىلدىعىن قارسى الادى!